Aktualitet

​100 shkolla në Shqipëri pajisen me laboratorë Smart për zhvillimin e kurrikulës së TIK që në klasë të parë

Kryeministri tha se një vëmendje e veccantë do t’i kushtohet edhe aftësimit të të rinjve me programet e kodimit.

Published

3 years ago

on

Viti i ri shkollor startoi sot për të gjitha institucionet arsimore parauniversitare në Shqipëri.

Në këtë ditë të veçantë për të gjithë nxënësit, të cilët nisin sfida të reja në rrugëtimin e dijes, kryeministri Edi Rama vizitoi shkollën 9 – vjeçare “Jeronim De Rada”, në Tiranë, ku për herë të parë, kurrikula e Teknologjisë së Informacionit dhe Komunikimit (TIK) do të zhvillohet që në klasë të parë.

Sipas një njoftimi të Qeverisë së Shqipërisë, këtij qëllimi i shërben laboratori i ri digjital Smart i kësaj shkolle, që u inaugurua sot dhe që do të jetë pjesë e kabineteve mësimore në të paktën 100 shkolla të arsimit bazë publik të vendit.

Kryeministri Rama, së bashku me ministren e Arsimit dhe Sportit, Evis Kushi dhe ministren e Shtetit për Rinjtë dhe Fëmijët, Bora Muzhaqi vizitoi Laboratorin e Ri Smart, që është pritur me interes nga nxënësit dhe stafi pedagogjik. Më pas, për të pranishmit drejtoresha e Inovacionit pranë Agjensisë Kombëtare e Shoqërisë së Informacionit prezantoi kurrikulën e re të programit TIK, ku qasja e nxënësve kundrejt aftësive të kodimit do të realizohet ndërmjet një platforme Code Monkey dedikuar programimit të bazuar në bllok, e cila i mundëson atyre interaktivitet digjital, argëtim dhe nxënie produktive.

Kryeministri tha se një vëmendje e veccantë do t’i kushtohet edhe aftësimit të të rinjve me programet e kodimit, për ti përgatitur ata për një treg të ri pune.

“Janë 100 laboratorët e parë që ne i instalojmë në bashkëpunim me AADF. Ndërkohë kemi programin me Bankën Botërore dhe ndërkohë kemi edhe një plan që të mbështesim edhe ne nga pikëpamja buxhetore, duke bërë që i gjithë ky sistem të përhapet në të gjitha shkollat e vendit në një kohë të arsyeshme. Ajo që është themelore është që t’u japim mundësi më të rriturve që të hyjnë në një fazë të thelluar të kodimit dhe përmes asaj diturie të bëhen të aftë për një treg tjetër. Ne do t’i shtrijmë më tutje të gjitha programet e kodimit në bashkëpunim me sipërmarrjet në mënyrë që të krijojmë një shtresë komplet të re që ka filluar të formësohet, por ne do ta nxisim që brenda periudhe të kemi një numër të konsideruar të rinjsh, të cilët janë të punësuar në një treg komplet tjetër që është tregu i punës online“,- u shpreh kryeministri.

Programi i TIK-ut për klasën e parë është konceptuar mbi bazën e krijimit të njohurive dhe aftësive digjitale të nxënësve që në moshë të hershme, duke respektuar kuadrin moshor dhe nivelin fillestar të njohurive që këta nxënës zotërojnë.

Ky program, – i hartuar në bashkëpunim me ekspertë ndërkombëtarë britanikë të AADF, specialistë të Agjencisë së Sigurimit të Cilësisë së Arsimit Parauniversitar (ASCAP), specialistë të Agjencisë Kombëtare të Shoqërisë së Informacionit (AKSHI), përfaqësues të kabinetit të Ministrisë së Shtetit për Fëmijët dhe Rininë, – zhvillon fushën dhe kompetencat kryesore përmes 4 tematikave kryesore: Bota e kompjuterit, Hyrje në multimedia, Të menduarit kompjuterik dhe kodimi, Siguria e të punuarit në kompjuter.

Related Topics:
Continue Reading

Aktualitet

Vendndodhja e bosit “El Mencho” u zbulua pasi u vizitua nga një vajzë

Published

42 minutes ago

on

February 24, 2026

By

Një vizitë nga një “partnere romantike” çoi në zbulimin e vendndodhjes dhe më pas në vdekjen e njërit prej bosëve më të rrezikshëm të drogës në Meksikë, të njohur si “El Mencho”. Lajmi u bë i ditur nga ministri i Mbrojtjes së Meksikës.

Gjenerali Ricardo Trevilla Trejo deklaroi se informacioni i marrë nga një person i besuar i partneres së bosit të krimit u dha autoriteteve mundësinë të organizonin me shpejtësi një operacion në vendstrehimin e tij në Tapalpa, në shtetin e Jalisco-s.

“El Mencho”, emri i vërtetë i të cilit ishte Nemesio Ruben Oseguera Cervantes, ishte kreu i Karteli i Gjeneratës së Re të Jalisco-s (CJNG), një nga organizatat kriminale më të fuqishme në Meksikë. Ai u plagos gjatë operacionit të zhvilluar të dielën dhe ndërroi jetë në helikopter, ndërsa po transportohej drejt Mexico City.

Shtetet e Bashkuara kishin ofruar një shpërblim deri në 15 milionë dollarë për informacione që do të çonin në arrestimin e tij. CJNG njihet për trafikimin e sasive të mëdha të fentanilit, metamfetaminës dhe kokainës drejt SHBA-ve. Në shkurt 2025, organizata u shpall “organizatë terroriste e huaj” nga administrata e Donald Trump.

Gjatë bastisjes, persona të armatosur të kartelit hapën zjarr ndaj forcave të sigurisë. Përplasjet u zhvendosën në një kompleks kabinash në një zonë të pyllëzuar, ku “El Mencho” u plagos së bashku me dy truprojat e tij. Të tre u transportuan me helikopter, por sipas gjeneralit Trevilla, ai vdiq gjatë rrugës.

Autoritetet thanë se pranë tyre u gjetën disa raketahedhës, por nuk arritën t’i përdornin. Tetë anëtarë të kartelit u vranë gjatë operacionit, ndërsa u sekuestruan granata, municione dhe automjete të blinduara.

Operacioni u pasua nga një valë dhune në disa pjesë të Meksikës. Anëtarë të kartelit bllokuan rrugë, dogjën automjete dhe kryen sulme hakmarrëse. Sipas zyrtarëve të sigurisë, të paktën 73 persona humbën jetën si pasojë e përplasjes dhe dhunës që pasoi, përfshirë forca sigurie, anëtarë të dyshuar të kartelit dhe civilë.

Ministri i Sigurisë, Omar Garcia Harfuch, bëri të ditur se 25 anëtarë të Gardës Kombëtare u vranë në gjashtë sulme të ndara, si edhe një agjent i prokurorisë, një roje sigurie dhe një grua. Ai theksoi se pas vdekjes së bosit të kartelit u regjistruan 27 sulme kundër autoriteteve në Jalisco. Sipas tij, 30 anëtarë të kartelit u vranë, si edhe një kalimtar i rastit, ndërsa katër të tjerë u vranë në shtetin fqinj Michoacan. Të paktën 70 persona janë arrestuar në shtatë shtete.

Autoritetet thanë se po monitorojnë nga afër çdo përpjekje për riorganizim të kartelit, që mund të çojë në dhunë të re.

Presidentja e Meksikës, Claudia Sheinbaum, vlerësoi forcat e armatosura dhe deklaroi se vendi është tashmë “i qetë”, duke shtuar se mbi 250 bllokada rrugore të ngritura në 20 shtete janë hequr.

Shtëpia e Bardhë konfirmoi se SHBA-të kanë ofruar mbështetje informative për operacionin dhe përgëzoi ushtrinë meksikane për neutralizimin e një prej kriminelëve më të kërkuar në të dy vendet. Ndërkohë, Ministria e Jashtme e Mbretërisë së Bashkuar u bëri thirrje shtetasve britanikë në Meksikë të shmangin lëvizjet e panevojshme dhe të ndjekin udhëzimet e autoriteteve lokale. /Euronews/

 

Continue Reading

Lajmet

Osmani priti komandantin e larguar dhe komandantin e ri të KFOR-it amerikan në Kosovë

Published

1 hour ago

on

February 24, 2026

By

Presidentja e Kosovë, Vjosa Osmani, priti dje në takim lamtumirës kolonelin Jonathan Lloyd nga Garda Kombëtare e Louisiana, komandantin në largim të Komandës Rajonale Lindje të KFOR, si dhe pasuesin e tij, kolonelin Sam Sargeant.

Gjatë takimit, Presidentja Osmani e falënderoi kolonelin Lloyd për shërbimin dhe përkushtimin gjatë mandatit të tij në Kosovë, duke vlerësuar kontributin e tij në forcimin e sigurisë dhe stabilitetit në vend dhe rajon. Në shenjë mirënjohjeje, ajo i dorëzoi një mirënjohje për angazhimin e çmuar.

Më tej, Presidentja Osmani i uroi mirëseardhje kolonelit Sargeant, duke e siguruar për mbështetjen e plotë të institucioneve të Kosovës në përmbushjen e mandatit të tij dhe misionit të KFOR-it të udhëhequr nga NATO.

Presidentja theksoi rëndësinë e vazhdimit të pranisë së Ushtrisë së Shtetet e Bashkuara në Kosovë si pjesë e misionit të KFOR-it, duke nënvizuar se kjo mbështetje është jetike për paqen, sigurinë dhe stabilitetin në vend dhe rajon. Ajo shtoi se Kosova do të mbetet gjithmonë mirënjohëse ndaj SHBA-së për mbështetjen e palëkundur në të gjitha etapat.

Continue Reading

Aktualitet

Trump paralajmëron valë tarifash të reja pas vendimit të Gjykatës Supreme

Published

2 hours ago

on

February 24, 2026

By

Presidenti i SHBA-së, Donald Trump, paralajmëroi të hënën vendet që të mos tërhiqen nga marrëveshjet tregtare të negociuara së fundmi me Shtetet e Bashkuara, pasi Gjykata Supreme e SHBA-së rrëzoi tarifat e tij emergjente. Ai tha se nëse ndonjë shtet “luan lojëra” me vendimin e gjykatës, do të përballet me tarifa shumë më të larta sipas ligjeve të tjera tregtare.

Në një seri postimesh në rrjetet sociale, Trump theksoi se mund të vendosë edhe tarifa licence për partnerët tregtarë, ndërsa pasiguria për hapat e ardhshëm të tij në fushën e tarifave ka tronditur ekonominë globale dhe ka çuar në rënie të tregjeve të aksioneve. Në një postim në Truth Social, ai shkroi se çdo vend që përfiton nga vendimi “qesharak” i Gjykatës Supreme dhe që sipas tij ka “shfrytëzuar” SHBA-në për vite apo dekada, do të përballet me tarifa edhe më të larta se ato të dakorduara së fundmi, duke shtuar paralajmërimin “Buyer Beware”.

Trump deklaroi se megjithëse gjykata i shpalli të pavlefshme tarifat e vendosura sipas Aktit për Fuqitë Ekonomike Ndërkombëtare në Rast Emergjence (IEEPA), vendimi njëkohësisht konfirmon se ai mund të përdorë tarifa në baza të tjera ligjore “në mënyrë shumë më të fuqishme dhe më të ashpër, me siguri ligjore”.

Ai sugjeroi gjithashtu mundësinë e vendosjes së tarifave të reja të licencimit për partnerët tregtarë, por pa dhënë detaje. Zyra e Përfaqësuesit Tregtar të SHBA-së nuk komentoi menjëherë mbi planet e tij.

Në Brussels, European Parliament vendosi të shtyjë votimin për marrëveshjen tregtare mes European Union dhe SHBA-së, pasi Trump vendosi një tarifë të re të përkohshme prej 15% për importet nga të gjitha vendet. Sipas marrëveshjes, mallrat e BE-së do të përballeshin me një tarifë 15% në SHBA, me përjashtime për qindra produkte ushqimore, pjesë avionësh, minerale kritike, përbërës farmaceutikë dhe mallra të tjera, ndërsa BE do të hiqte tarifat për shumë importe amerikane, përfshirë mallrat industriale.

Fillimisht, Trump e kishte shpallur tarifën e përkohshme në 10% sipas Seksionit 122 të Aktit të Tregtisë të vitit 1974, por më pas e rriti në 15%, që është maksimumi i lejuar nga ligji. Tarifa e re pritet të hyjë në fuqi në mesnatë sipas kohës lindore të SHBA-së, ndërsa në të njëjtën kohë autoritetet doganore amerikane do të ndalojnë mbledhjen e tarifave tashmë të shpallura të paligjshme sipas IEEPA-s.

Tregjet financiare reaguan negativisht ndaj pasigurisë së re. Në Wall Street, indekset kryesore përfunduan në rënie: Dow Jones Industrial Average ra me 1.65%, S&P 500 me 1.02%, ndërsa Nasdaq Composite me 1.01%.

Dollari u dobësua kundrejt euros dhe jenit. E ardhmja e marrëveshjeve tregtare të administratës Trump mbetet e paqartë, me China që i kërkoi Uashingtonit të heqë masat tarifore, BE-në që pezulloi miratimin e marrëveshjes dhe India që shtyu bisedimet e planifikuara. Përfaqësuesi Tregtar i SHBA-së, Jamieson Greer, tha se administrata pret të hapë hetime të reja sipas Seksionit 301 për praktika të padrejta tregtare ndaj disa vendeve, hap që mund të çojë në kërcënimin me tarifa të reja.

Një grup prej 22 senatorësh demokratë prezantuan një projektligj për të detyruar administratën Trump të rimbursojë brenda 180 ditëve të gjitha tarifat e shpallura tashmë të paligjshme sipas IEEPA-s, por miratimi i tij mbetet i pasigurt.

Trump kritikoi sërish gjyqtarët që vendosën kundër tij, përfshirë dy të emëruar prej tij gjatë mandatit të parë, ndërsa vendimi i gjykatës, i shkruar nga kryetari konservator John Roberts, riafirmoi kompetencën e saj për të kufizuar pushtetin presidencial. Presidenti shprehu gjithashtu shqetësim se gjykata mund të vendosë kundër administratës së tij edhe në një çështje tjetër të ardhshme që lidhet me kufizimin e së drejtës për shtetësi sipas lindjes. /Reuters/

Continue Reading

Kronikë e zezë

Dyshim për dhunim në Ferizaj

Published

2 hours ago

on

February 24, 2026

By

Një rast i dyshuar për dhunim është raportuar në polici nga një e mitur, e cila ka deklaruar se gjatë vitit 2025 kishte pasur marrëdhënie seksuale me një person, me të cilin ishte në lidhje dashurie në atë periudhë.

Sipas njoftimit, ngjarja dyshohet të ketë ndodhur më 7 shtator 2025, ndërsa rasti është raportuar në polici më 23 shkurt 2026.

Pas pranimit të informacionit, autoritetet kanë njoftuar prokurorin kompetent dhe kanë nisur procedurat hetimore për të sqaruar rrethanat e plota të rastit, sipas Raporti 24 orësh.

Continue Reading

Të kërkuara