Aktualitet

Zyrtari më i lartë i transportit në Komisionin Evropian jep dorëheqje pasi kishte pranuar udhëtime falas për në Katar

Udhëtimet ishin bërë ndërsa ekipi i tij po negocionte një marrëveshje të madhe të aviacionit.

Publikuar

Shefi i departamentit të transportit të Komisionit Evropian ka dhënë dorëheqjen nga posti i tij për fluturimet falas nga Katari, sipas një zëdhënësi.

Udhëtimet ishin bërë ndërsa ekipi i tij po negocionte një marrëveshje të madhe të aviacionit me shtetin e Gjirit.

Sipas tri burimeve të gazetës Politico, Henrik Hololei do të largohet nga pozicioni i tij si drejtor i përgjithshëm i departamentit të transportit dhe do të bëhet këshilltar politik në departamentin e Komisionit përgjegjës për bashkëpunimet e çështjeve ndërkombëtare.

Ekzekutivi i BE-së tha më parë se udhëtimet e Henrik Hololeit ishin brenda rregullave dhe se të gjitha konfliktet e mundshme të interesit ishin “shqyrtuar me kujdes dhe përjashtuar” në atë kohë./UBTNews/

Vazhdo të lexosh

Aktualitet

Sulme të reja në Kiev

Nuk ka raportime për viktima.

Publikuar

nga

Raketat ruse kanë goditur kryeqytetin e Ukrainës, Kiev, pas dy netësh sulmesh të rënda me dron.

Rusia ka nisur 16 sulme ajrore në kryeqytetin ukrainas këtë muaj. E fundit, megjithatë, ishte e pazakontë sepse ndodhi gjatë ditës – dhe shënjestra ishte qendra e qytetit.

Të gjitha sulmet e tjera ajrore në kryeqytet deri më tani në maj kanë ndodhur natën dhe duket se janë drejtuar në infrastrukturën kritike kombëtare dhe mbrojtjen ajrore në periferi.

Zëdhënësi i Forcave Ajrore, Yuri Ihnat tha se raketat balistike Iskander u përdorën në sulmin e fundit dhe se ishte e mundur që edhe raketat S-300 dhe S-400 të ishin lëshuar.

Sirenat e sulmit ajror thuhet se kanë rënë në disa rajone të tjera të Ukrainës.

Komandantët ushtarakë lokalë në Kiev akuzuan Rusinë për ndryshimin e taktikave të saj dhe synimin e qëllimshëm të popullatës civile. Me siguri duket se Moska dëshiron të rrisë presionin e saj mbi Ukrainën edhe më tej përpara çdo kundërofensive./UBTNews/

Vazhdo të lexosh

Aktualitet

Dëgjohen shpërthime në Kiev

Këtë e ka konfirmuar kryebashkiaku i rajonit, Vitali Klitschko.

Publikuar

nga

Sipas raportimeve, shpërthime janë dëgjuar në kryeqytetin e Ukrainës, Kiev.

Kryebashkiaku i rajonit Vitali Klitschko tha se kishte shpërthime në qendër të kryeqytetit dhe u kërkoi banorëve të qëndrojnë në strehimore.

Më herët sot, Kievi u vu nën sulm intensiv për të dytën ditë radhazi, por nuk raportoi për dëme të konsiderueshme dhe zyrtarët thanë se shumica e dronëve dhe raketave të gjuajtura në kryeqytet gjatë natës janë rrëzuar.

Sulmet ishin pjesë e një vale të re të sulmeve ajrore gjithnjë e më të shpeshta dhe intensive të nisura nga Moska këtë muaj ndërsa Kievi përgatitet të nisë një kundërofensivë në përpjekje për të rimarrë territorin e pushtuar nga forcat ruse.

Aktualisht ka sirena të sulmit ajror që dëgjohen në zona të gjera të vendit./UBTNews/

Vazhdo të lexosh

Aktualitet

Liderët botërorë urojnë Erdoganin për fitoren në zgjedhje

Sipas Putinit, firotja ishte “rezultat logjik i punës së përkushtuar” të Erdoganit.

Publikuar

nga

Presidenti amerikan Biden tha se shpresonte të punonte me Erdoganin për “sfidat e përbashkëta globale”.

“Mezi pres të vazhdoj të punoj së bashku si aleatë të NATO-s për çështjet dypalëshe dhe sfidat e përbashkëta globale”, shkroi Biden, duke mos përmendur tensionet e fundit mes dy palëve.

Presidenti rus Putin, i cili ka bashkëpunuar ngushtë me Erdoganin për çështje kyçe ndërkombëtare pavarësisht disa mosmarrëveshjeve, i tha udhëheqësit të Turqisë se fitorja e tij ishte “rezultat logjik i punës suaj të përkushtuar”.

“Fitorja juaj në këto zgjedhje është rezultati logjik i punës suaj të përkushtuar si kreu i Republikës Turke, një dëshmi e qartë e mbështetjes së popullit turk për përpjekjet tuaja për të forcuar sovranitetin e shtetit dhe për të ndjekur një politikë të jashtme të pavarur”, tha Putin.

Ursula von der Leyen, presidente e Komisionit të Bashkimit Evropian tha se blloku dëshiron të forcojë lidhjet me vendin.

“Unë e përgëzoj (Erdoganin) për fitoren e zgjedhjeve. Mezi pres të vazhdoj të ndërtoj marrëdhëniet BE-Turqi”, shkroi ajo.

“Është e një rëndësie strategjike për BE-në dhe Turqinë që të punojnë për avancimin e kësaj marrëdhënieje, për të mirën e popullit tonë”.

Urime ka dërguar edhe Jens Stoltenberg, sekretari i përgjithshëm i aleancës ushtarake të NATO-s, anëtare e së cilës është edhe Turqia.

“Urime President (Erdogan) për rizgjedhjen tuaj. Mezi pres të vazhdojmë punën tonë së bashku dhe të përgatitemi për Samitin e NATO-s në korrik”, shkroi ai në Twitter.

Ndërsa udhëheqësi francez Emmanuel Macron tha se të dy kombet kishin “sfida të mëdha” për të punuar së bashku. Ai tha se këto sfida përfshinin “kthimin e paqes në Evropë”./UBTNews/

Vazhdo të lexosh

Aktualitet

​Dita Ndërkombëtare e Paqeruajtësve të OKB-së

Kjo ditë ka për qëllim të nderojë paqeruajtësit që kanë humbur jetën për kauzën e paqes.

Publikuar

nga

Asambleja e Përgjithshme e Kombeve të Bashkuara ka caktuar 29 majin si Ditën Ndërkombëtare të Paqeruajtësve të OKB-së.

Kjo ditë ka për qëllim të nderojë paqeruajtësit që kanë humbur jetën për kauzën e paqes, si dhe nderimin e gjithë burrave dhe grave që vazhdojnë shërbimin në operacionet e OKB-së, për profesionalizimin e lartë, përkushtimin dhe kurajën.

Që nga themelimi i misionit paqeruajtës në vitin 1948, rreth 3 mijë e 200 ushtarë, policë dhe staf civil, kanë humbur jetën në shërbim të paqes, si pasojë e aksidenteve, dhunës, apo sëmundjeve.

Paqeruajtësit e përdorin këtë ditë për të forcuar lidhjet me popullsinë lokale të cilës i shërbejnë. 

Vazhdo të lexosh

Të kërkuara