Autoritetet në Francë po luftojnë për të vënë nën kontroll një zjarr të madh pyjor pranë Bordosë, ndërsa parashikimet për një valë tjetër të nxehti po kërcënojnë ta përkeqësojnë krizën. Kryeministri i Spanjës, Pedro Sánchez, ka paralajmëruar se Spanja dhe Gadishulli Iberik po i vuajnë pasojat e krizës klimatike, raporton The Guardian.

Era e fortë të shtunën në mbrëmje ka penguar përpjekjet për shuarjen e zjarrit në rajonin Gironde, në jugperëndim të Francës. Zjarri ka përfshirë një sipërfaqe katër herë më të madhe se Parisi dhe ka detyruar afro 220,000 njerëz të evakuohen.

Në Spanjë, zjarret në perëndim të Madridit po viheshin gradualisht nën kontroll, por Sanchez të dielën ka thënëë se vendi po kalonte “orë të vështira”.

Parashikuesit e motit kanë thënë se një valë tjetër e të nxehtit mund të godasë Francën duke filluar nga e marta, me temperatura që në disa zona mund të arrijnë deri në 40°C.

Zjarret pyjore kanë detyruar rreth 375,000 njerëz të largohen nga shtëpitë e tyre në Francë dhe Spanjë. Në Francë, gati 260,000 persona janë detyruar të evakuohen, ndërsa në Spanjën fqinje 116,000 njerëz janë evakuuar vetëm gjatë javës që shkoi. /A.K/

Reshjet e dendura të shiut që përfshinë pasditen e së hënës në qytetin e Prizrenit kanë shkaktuar vërshime në disa zona, ndërsa ura pranë Parkut të Qytetit është mbuluar nga uji, duke vështirësuar qarkullimin.

Si pasojë e intensitetit të reshjeve, niveli i ujit është rritur ndjeshëm, duke përfshirë urën dhe zonën përreth, ndërsa qytetarët janë këshilluar të shmangin kalimin nëpër këtë pjesë derisa situata të normalizohet.

Pamjet e siguruara nga vendi i ngjarjes tregojnë se uji ka dalë mbi sipërfaqen e urës, duke krijuar vështirësi për këmbësorët dhe pjesëmarrësit e tjerë në komunikacion. Autoritetet pritet të vlerësojnë situatën dhe të ndërmarrin masat e nevojshme për garantimin e sigurisë së qytetarëve dhe rikthimin e qarkullimit normal në këtë zonë.

Institucionet u bëjnë thirrje qytetarëve të tregojnë kujdes gjatë lëvizjes, të shmangin zonat e vërshuara dhe të ndjekin njoftimet zyrtare deri në përmirësimin e kushteve atmosferike./A.K/

Reshjet e shiut të rëna mëngjesin e së hënës kanë shkaktuar vërshime në disa zona të vendit.

Në Komunën e Rahovecit janë raportuar rrugë dhe parkingje të përmbytura, ndërsa pamje nga situata janë publikuar edhe nga mediat lokale.

Vështirësi nga reshjet e dendura janë shkaktuar edhe në rrugën Ferizaj–Shkup, ku sipas pamjeve të publikuara në rrjete sociale, disa kamionë dhe automjete kanë mbetur të bllokuara për shkak të ujit në rrugë gjatë natës.

Deri më tani nuk ka raportime zyrtare për persona të lënduar apo dëme të mëdha materiale./A.K/

Këngëtarja amerikane Katy Perry ka reaguar ashpër ndaj Shtëpisë së Bardhë, pasi kënga e saj e njohur “Firework” është përdorur pa lejen e saj në një video të publikuar në TikTok.

Perry, përmes një postimi në platformën X, tha se ishte “thellësisht e tronditur dhe e zemëruar” nga përdorimi i këngës, duke theksuar se nuk kishte dhënë miratim dhe se nuk ishte kontaktuar për këtë çështje.

Ajo kujtoi se “Firework”, e publikuar në vitin 2010, është krijuar si një mesazh shprese, force dhe vetëvlerësimi për njerëzit që përballen me vështirësi.

Sipas këngëtares, përdorimi i kësaj kënge si sfond për pamje të operacioneve ushtarake është në kundërshtim me mesazhin që ajo synonte të përcillte.

“Muzika ime është krijuar për të bashkuar njerëzit, jo për të festuar luftën”, ka shkruar Perry.

Sipas TMZ, videoja e publikuar nga llogaria e Shtëpisë së Bardhë në TikTok përmbante pamje nga operacione ushtarake amerikane, përfshirë shpërthime dhe një sulm ndaj një objekti të paidentifikuar./A.K/