Sonte Kosova do të përballet me Azerbajxhanin, në një sfidë shumë të rëndësishme për Dardanët. Stërvitjet filluan të dielën mbrëma për të vazhduar nga dita e hënë me dy herë në ditë.

Përzgjedhësi i Kosovës në basketboll, Jean-Denys Choulet pas stërvitjes së të mërkurës mbrëma ka zgjedhur 12shen për ndeshjen me Azerbajxhanin. Nga 14 lojtarë sa ishin të grumbulluar Jon Ismajli dhe Meriton Ismaili nuk do të jenë përballë Azerbajxhanit.

Sfida Kosovë-Azerbajxhan zhvillohet sonte nga ora 19:30 në Pallatin e Rinisë dhe Sportit në Prishtinë.

12shja e Kosovës:

1. Divine Myles (Twarde Pierniki Toruń)

3. Valon Bunjaku (Bashkimi)

4. Musab Mala (Bora)

5. Dardan Kapiti (Trepça)

5. Gëzim Morina (Golden Eagle Ylli)

7. Mikaile Tmusiq (Trepça)

10. Arian Qallaku (Golden Eagle Ylli)

11. Dardan Berisha (Peja)

12. Drilon Hajrizi (Trepça)

14. Rron Ukaj (Peja)

23. Muhamedali Janjeva (Sigal Prishtina)

24. Lis Shoshi (Golden Eagle Ylli)

Kupa e Shqipërisë rikthehet javën e ardhshme me ndeshjet e kthimit të çerekfinaleve, që do të luhen të martën dhe të mërkurën. Këto sfida do të përcaktojnë katër skuadrat që do të kalojnë në gjysmëfinale.

Të martën do të zhvillohen dy takimet e para: Partizani – Laçi dhe Vllaznia – AF Elbasani. Në përballjet e para, të dyja çiftet u ndanë në barazim 0-0, duke e lënë gjithçka të hapur për kualifikim. Partizani pret Laçin në “Arenën e Demave”, ndërsa Vllaznia përballet me AF Elbasanin në “Loro Boriçi”, me të dyja sfidat që do të luhen në orën 17:00.

Të mërkurën janë programuar edhe dy përballjet e tjera. Egnatia – Bylis do të zhvillohet në “Arena Egnatia” në orën 13:30, me rrogozhinasit që janë më pranë kualifikimit në gjysmëfinale falë fitores 1-3 në takimin e parë. Ndërkohë, Skënderbeu – Dinamo City do të luhet në Korçë në orën 16:30, me ekipin korçar që ka avantazhin e fitores 2-0 nga sfida e parë.

Ndeshjet e raundit të dytë të fazës çerekfinale të Kupës së Shqipërisë:

Partizani – Laçi, 25 shkurt, ora 17:00

Vllaznia – AF Elbasani, 25 shkurt, ora 17:00

Egnatia – Bylis, 26 shkurt, ora 13:30

Skënderbeu – Dinamo City, 26 shkurt, ora 16:30

Trajneri i Real Madridit, Carlo Ancelotti lavdëroi sulmuesin e tij Kylian Mbappe, pasi ai shënoi hat-trick në fitoren 3-1 ndaj Manchester City të mërkurën, që i çoi ata në mesin e 16 skuadrave më të mira.

Ancelotti tha se Mbappe ka potencialin për të arritur të njëjtin nivel me Cristiano Ronaldon, i cili është golashënuesi më i mirë i të gjitha kohërave të Realit me 451 gola në 438 ndeshje për 15 herë fituesit e Ligës së Kampionëve.

“Ai ka cilësinë për të arritur shifrat e tij, por duhet të punojë, sepse Cristiano e vendosi shiritin shumë lart, por ai është aq i emocionuar për të luajtur këtu, ai mund të arrijë nivelin e Cristiano-s, ” tha Ancelotti në një konferencë për shtyp.

“Të gjithë prisnin këtë hat-trick nga ai dhe më në fund erdhi. Por Mbappe nuk është i vetmi, ne kemi shumë lojtarë që bëjnë diferencën. Dhe ata bëjnë një ndryshim me punën e tyre kolektive mbi cilësinë e tyre individuale, e cila është e jashtëzakonshme“, shtoi italiani.

Spanjollët do të përballen me Bayer Leverkusen ose rivalët e qytetit Atletico Madrid, në varësi të shortit të sotëm, pasi ata kërkojnë titullin 16-të në këtë garë.

Kosova do ta zhvillojë sot njërën nga ndeshjet më të rëndësishme në parakualifikimet për FIBA Kupën e Botës 2027 në basketboll.

“Dardanët” sonte në Prishtinë me fillim nga ora 19:30 do të përballen me Azerbajxhanin, ndeshje e cila zhvillohet në Pallatin e Rinisë.

Derisa më 23 shkurt Kosova përballet me Zvicrën në rrugën drejt kualifikimit në fazën e ardhshme.

Biletat për ndeshjen e stome do të vazhdojnë të shiten në Prishtinë dhe Mitrovicë, derisa çmimi i tyre është 4 euro.