Aktualitet

Zyra e BE-së dhe Qeveria ndanë 45 bursa për studimet master në shtete të BE-së

Dobra u shpreh se ky është një ndër projektet më të rendësishme për Administratën Publike.

Published

on

Zyra e BE-së dhe Qeveria e Kosovës ndanë sot 45 bursa për studimet master në shtete të BE-së, për të sapodiplomuarit dhe nënpunës civilë.

Ambasadori i BE-së në Kosovë, Tomas Szunyog deklaroi se me padurim presin studentët e përzgjedhur të kthehen në Kosovë për të vazhduar punën me atë që kanë studiuar, derisa tha se edhe në këtë drejtim fuqizimi i femrave do të vazhdojë edhe në të ardhmen.

“Përzgjedhja është shumë konkuruese me provime dhe intervista. Presim me padurim kthimin tuaj në Kosovë. Administrata publike ka nevojë për ju. Shpresoj që të gjeni një vend punë me atë që keni studiuar. Mbi 400 studentë kanë përfunduar këtë program dhe rreth tri janë femra në këtë program. Fuqizimi i femrave do të vazhdojë edhe në të ardhmen”, tha Szunyog.

Zv.kryeministri i punëve të brendshme, Bardhyl Dobra u shpreh se ky është një ndër projektet më të rendësishme për Administratën Publike. Derisa shtoi se pas kthimit ata so të sistemohen në institucione te ndryshme lidhur me atë që kanë studiuar.

“Kënaqësia është e veçantë, sepse përpara kam të rinjë të përzgjidhur në mënyrë meritore. Kemi të bëjmë me një projekt që ka të bëjë 100% me të rinjtë. Ky është njëri nga projektet më të rëndësishme për Administratën Publike. Është i rëndësishëm, sepse ai prek nivelin personal dhe shoqëror. Një administratë publike promovon transparencë dhe llogaridhënie. Duke filluar nga viti 2004 nga ky program kanë qenë 360 studentë së paku. Bursistët i pret një përvojë e veçantë. Në kuadër të projektit bursistët do të kenë mundësi që të familjarizohen me administratën publike para se të shkojnë. Pas kthimit ata do të sistemohen në institucione të ndryshme të vendin bazë të asaj që ata kanë studiuar”, tha Dobra.

Ekspert i programit YCS, profesor Nikolas Panagiotou tha se është një projekt i rëndësishëm. Sipas tij, në këtë drejtim Evropa tregon angazhimin e saj që ka për Kosovën që të punojë për Adiminstratë Publike.

“Nga fillimi që kemi pasur këtë projekt, kemi pas mundësi të ndërtojmë raporte afatgjate. Ky projekt është diçka unike, sepse përfshin sfidë që ka pasur nevojë që të trajtohet. Personat që janë përzgjedhur mendoj se përfaqësojnë më të mirët nga talente që ekzistojnë në Kosovë. Jam i sigurt që të përfshijmë akoma më shumë njerëz në këtë projekt. Është një projekt shumë i rëndësishëm, sepse kështu Evropa tregon angazhimin e saj që ka për Kosovën që të punojë për Administratë Publike. Kjo që kemi arritur brenda kësaj periudhe të shkurtër ka qenë me shumë se një detyrë e vështirë”, tha Panagiotou.

Vesa Bujupaj, njëra nga studentet e përzgjedhura për këtë bursë u shpreh e lumtur me mundësinë e ofruar.

“Ky program bursash na ka ofruar një mundësi të rrallë. Programi ka dëshmuar që është një vendosshmëri e BE për të ardhem e Kosovës. Na ka dhënë mundësi që të bëjmë ndryshime në Kosovë. Sot jemi të rrethuar më shumë të rinjë me mendje briliante. Kam kënaqësi që do të jem me studentët tonë”, tha ajo.

Lajmet

Ambasadorja e Kosovës në Panama, Heroina Telaku takohet me ekipin First Kosovo në ceremoninë e hapjes së First Global Challenge 2025

Published

on

Ekipi përfaqësues i Kosovës në First Global Challenge 2025, është takuar me Ambasadoren e Republikës së Kosovës në Panama, Heroina Telaku, dhe Sekretaren e Parë të Ambasadës, Gjylymsere Ahmetgjekaj, gjatë ceremonisë hapëse të kësaj gare prestigjioze ndërkombëtare të robotikës.

Takimi u zhvillua në një atmosferë miqësore dhe frymëzuese, ku u diskutua mbi punën, përkushtimin dhe arritjet e ekipit të Kosovës.

Ambasadorja Telaku shprehu mbështetjen për të rinjtë kosovarë, të cilët po e përfaqësojnë me dinjitet dhe krenari vendin në një skenë globale të dijes dhe inovacionit.

Continue Reading

Lajmet

Flamuri i Kosovës valon në mesin e mbi 190 shteteve në ceremoninë e hapjes së First Global Challenge 2025 në Panama

Published

on

Në një atmosferë madhështore, mes flamujve të mbi 190 shteteve dhe duartrokitjeve të mijëra pjesëmarrësve nga e gjithë bota, flamuri i Kosovës u valëvit me krenari në ceremoninë e hapjes së First Global Challenge 2025 në Panama. Ky është momenti kur rinia e Kosovës, përmes ekipit First Kosovo, hyn në arenën botërore të inovacionit, teknologjisë dhe kreativitetit.

Në këtë ngjarje madhështore, ekipi përfaqësues i Kosovës – First Kosovo, i përbërë nga të rinj të talentuar që janë përgatitur me muaj në laboratorët e UBT-së, do të garojë për të treguar kreativitetin, dijen dhe shpirtin inovativ të rinisë kosovare. Ata do të përfaqësojnë Kosovën në një nga garat më të rëndësishme botërore në fushën e robotikës dhe teknologjisë.

Tema e sivjetshme e garës, “Biodiversiteti dhe ndryshimet klimatike”, synon të nxisë të rinjtë të krijojnë zgjidhje teknologjike që ndihmojnë në mbrojtjen e mjedisit dhe ruajtjen e jetës në planetin tonë.

UBT, si partneri institucional që ka mbështetur këtë iniciativë që nga fillimi, është vlerësuar më herët me medalje të artë ndërkombëtare për kontributin e jashtëzakonshëm në promovimin e edukimit STEM dhe pjesëmarrjen e suksesshme të ekipeve kosovare në garat globale të robotikës.

Në këtë garë të dijes dhe inovacionit, të rinjtë e Kosovës po e bëjnë vendin tonë të njihet si një forcë e re kreative në hartën teknologjike botërore.

Continue Reading

Lajmet

Ish-deputetët austriakë vizitojnë UBT-në

Published

on

Një grup i ish-deputetëve të Parlamentit Federal të Austrisë, bashkë me politikanë dhe ekspertë të angazhuar në fushën e arsimit dhe çështjeve sociale, vizituan Parkun Shkencor, Inovativ dhe Teknologjik të UBT-së.

Rektori i UBT-së, Prof. Dr. Edmond Hajrizi, e mirëpriti delegacionin dhe theksoi rëndësinë e vazhdimit të bashkëpunimit me universitetet austriake, duke u angazhuar për të forcuar edhe më tej lidhjet akademike dhe shkencore. Ai gjithashtu falënderoi për ndihmën dhe mbështetjen që Austria ka ofruar për zhvillimin e arsimit dhe kërkimit në Kosovë.

Delegacioni austriak ishte i udhëhequr nga prof. Josef Höchtl dhe përfshinte personalitete të rëndësishme si dr. Ernst Wurz, Stefanie Zobl, dhe Franz Fuchs, ndërsa takimi u zhvillua në praninë e drejtuesve të UBT-së, si dhe të stafit akademik dhe administrativ të universitetit.

Delegacioni u informua për sukseset dhe arritjet e UBT-së, si institucioni më inovativ në Kosovë, që ka një pozicion të fortë si lider në fushën e arsimit dhe kërkimit shkencor, si dhe për angazhimin e tij në zhvillimin e teknologjisë dhe bizneseve inovative.

Continue Reading

Lajmet

Eksperti ndërkombëtar i harduerit open source, Jo Hinchliffe, mbajti ligjëratë në UBT

Published

on

Në Parkun Shkencor, Inovativ dhe Teknologjik të UBT-së, u zhvillua një ligjëratë e veçantë tematike nga eksperti ndërkombëtar në fushën e harduerit open source, Jo Hinchliffe, në kuadër të aktiviteteve para konferencës Software Freedom Kosova (SFK).

Ligjërata u organizua në bashkëpunim me FLOSSK dhe tërhoqi studentë, profesionistë dhe entuziastë të teknologjisë nga fusha e inxhinierisë dhe harduerit inovativ.

Jo Hinchliffe, i njohur për projektet e tij kreative dhe pasionin që përcjell tek audienca, ka kontribuar rregullisht në Raspberry Pi Magazine, ndërsa gjatë karrierës së tij ka punuar në projekte të ndryshme të harduerit, përfshirë ndërtimin e raketave dhe zhvillimin e sistemeve inovative harduerike.

Në kuadër të ligjëratës me temën “Certifikimi i një projekti harduerik open source”, Jo Hinchliffe demonstronte dizajnimin e një komponenti në KiCad dhe shpjegonte procesin e aplikimit për certifikim të një projekti open source. Studentët u njohën me standardet ndërkombëtare të dizajnimit dhe certifikimit të projekteve harduerike open source, duke marrë këshilla praktike për zhvillimin e projekteve të tyre inovative.

Ky aktivitet ishte veçanërisht i përshtatshëm për studentët e Fakultetit të Inxhinierisë Mekatronike dhe fushave të ngjashme, të cilët shprehën interes të madh për zhvillimin e sistemeve harduerike dhe teknologjive moderne. Pjesëmarrësit vlerësuan mundësinë e jashtëzakonshme për të mësuar direkt nga një ekspert ndërkombëtar dhe për të marrë njohuri të vlefshme mbi praktikat më të mira në fushën e harduerit open source.

Continue Reading

Të kërkuara