Kronikë e zezë

Zvicër: Kosovari i varur nga droga, dërgohet në spital para se të dëbohet

Published

4 years ago

on

Një kosovar i dënuar disa herë do të dëbohet nga Zvicra për pesë vjet. Por, para kësaj, në vend që të shkojë në burg, 34-vjeçari i varur nga droga do të trajtohet fillimisht si pacient, në spital.

Personi në fjalë kishte kryer disa vjedhje në Trimbach, duke qenë i droguar, është dënuar me 18.5 muaj burgim, shkruan oltnertagblat.

Përveç kësaj, ai duhet të paguajë një gjobë prej 2,500 franga dhe të largohet nga Zvicra për pesë vjet, si dhe të mbulojë shpenzimet procedurale prej 27,050 frangash.

Ekzekutimi i dënimit me burg shtyhet për shkak të varësisë nga droga të të akuzuarit, transmeton albinfo.ch.

Në vend të kësaj ai do t`i nënshtrohet trajtimit spitalor në tri vitet e ardhshme.

34-vjeçari që ka pranuar veprën, duhej të përgjigjej për veprimet e tij para Gjykatës së Qarkut Olten-Gösgen javën e kaluar.

Aktgjykimi i tij tani përfshin dënime për vjedhje të shumta, shkelje të shumta të qetësisë publike dhe të Ligjit për Narkotikët si dhe për dëmtim të pronës.

Gjykata nuk i është bindur kërkesës së prokurorisë për ta dënuar atë edhe për një vjedhje të kryer me grabitje. Prokurori publik kishte kërkuar dënim me burg prej 30 muajsh, masë shtrimi në spital, 1.500 franga gjobë dhe një dëbim pesëvjeçar nga vendi.

Ndërkohë që shmangia e dënimit me burg në favor të qëndrimit në spital pritet ta ndihmojë të akuzuarin në luftën kundër varësisë (alkool, ilaçe, heroinë, kokainë), dëbimi nga vendi e godet atë më rëndë. Ai kishte ardhur në Zvicër si fëmijë shtatë vjeçar, ka ndjekur këtu shkollën dhe ka mbaruar kualifikimin për kuzhinier.

Qendra e jetës së tij është padyshim Zvicra. Megjithatë, kjo nuk e ndihmon atë kundër dëbimit në vendlindjen e tij, në Kosovë.

Në këtë pikë, më shumë se koha e gjatë e qëndrimit në Zvicër, sipas gjykatës kanë peshuar periudhat e shumta të papunësisë dhe rreth 30 dënime për vepra penale.

Sipas gjykatës, ai nuk paraqet një rast të ashtuquajtur “të rëndë”.

Kjo, për faktin se 34 vjeçari e flet shqipen dhe ka marrë pjesë në trajtimet e rehabilitimit në Kosovë në të kaluarën, transmeton albinfo.ch. Përveç kësaj, prindërit e tij jetojnë pjesërisht në Kosovë, ku mund ta vizitojnë gjithashtu edhe vëllezërit dhe motrat e tij.

Related Topics:
Continue Reading

Lajmet

Shtatë raste të dhunës në familje brenda 24 orëve

Published

2 days ago

on

November 11, 2025

By

Vetëm në 24 orëshin e fundit, janë raportuar shtatë raste të dhunës në familje si dhe një lëndim i lehtë trupor, ka njoftuar Policia e Kosovës. Në raport bëhet e ditur se rastet kanë ndodhur në Obiliq, Fushë Kosovë, Lipjan, Prishtinë, Ferizaj dhe Gjakovë.

Lëndim i lehtë trupor

Mitrovicë Veri 10.11.2025 – 02:00. Është raportuar se viktima femër kosovare është sulmuar fizikisht nga bashkëshorti i saj. Viktima ka pësuar lëndime të lehta trupore dhe ka pranuar tretman mjekësor. I dyshuari është arrestuar dhe me vendim të prokurorit është dërguar në mbajtje.

Dhunë në familje

·         Obiliq 10.11.2025 – 04:30. Ka ndodhur rasti ‘dhunë në familje’, ku të përfshirë kanë qenë bashkëshortët,  lëndime ka pësuar bashkëshorti dhe të njëjtit i është ofruar tretman mjekësor. Palët janë intervistuar dhe në konsultim me prokurorin janë liruar në procedurë të rregullt.

Fushë Kosovë 10.11.2025 – 10:00. Është arrestuar i dyshuari mashkull kosovar, nën dyshimin se ka sulmuar fizikisht tre anëtarë të familjes. Me urdhër të prokurorit i dyshuari është liruar në procedurë të rregullt.

Lipjan 10.11.2025 – 11:00. Është raportuar se viktima femër kosovare ka pësuar dhunë nga i dyshuari mashkull kosovar, me të cilin bashkëjeton. Viktima është strehuar në strehimore, ndërsa i dyshuari është liruar në procedurë të rregullt.

Prishtinë  09.11.2025 – 15:00 – 18:00. Me 10.11.2025 viktima e mitur femër kosovare, ka raportuar se një ditë më parë babai i saj, i dyshuari mashkull kosovar kishte ushtruar dhunë fizike. Si pasojë e dhunës viktima ka pranuar tretman mjekësor. Lidhur me rastin është intervistuar i dyshuari i cili më pas me urdhër të prokurorit është liruar në procedurë të rregullt.

Prishtinë  10.11.2025-13:00. Janë shoqëruar dy meshkuj (vëllezër) njëri si i dyshuar dhe tjetri viktimë, në stacion policor për intervistim, pasi të njëjtit për shkak të një mosmarrëveshje janë rrahur në mes vete. Rasti duke u hetuar.

Ferizaj 10.11.2025 – 15:00. Është arrestuar i dyshuari mashkull kosovar, për shkak se në gjendje të dehur në shtëpi kishte ushtruar dhunë fizike ndaj bashkëshortes së tij, viktimës femër kosovare. Si pasojë e dhunës viktima ka pranuar tretman mjekësor. I dyshuari pas intervistimit me vendim të prokurorit është dërguar në mbajtje.

Gjakovë  10.11.2025 – 14:30. Është arrestuar i dyshuari mashkull kosovar, nën dyshimin se i njëjti në gjendje të dehur ka sulmuar fizikisht viktimën-bashkëshorten e tij. Viktima ka refuzuar tretmanin mjekësor, ndërsa me vullnetin e saj është kthyer tek familja e vet. Me vendim të prokurorit, i dyshuari është dërguar në mbajtje./S.K/PK/

Continue Reading

Lajmet

Një i lënduar nga aksidenti i rëndë në rrugën Ferizaj-Prishtinë

Published

2 days ago

on

November 11, 2025

By

Polica e Kosovës ka njoftuar se një person është lënduar nga një aksident i rëndë që ndodhi mëngjesin e sotëm në rrugën magjistrale Ferizaj-Prishtinë.

Lajmin e ka konfirmuar zëdhënësja e Policisë për rajonin e Prishtinës, Flora Ahmeti.

Siç tha Ahmeti, aksidenti ka ndodhur mes dy automjeteve, duke bërë që përveq dëmeve materiale edhe mbajtëset anësore të rrugës të lëvizin nga vendi.

Me rastin po merret njësiti i trafikut rajonal./S.K/PK/

Continue Reading

Lajmet

4 policë para suspendimit, ​keqtrajtuan dy qytetarë brenda ndërtesës së policisë

Published

2 days ago

on

November 11, 2025

By

Departamenti i Hetimeve i ka rekomanduar Policisë së Kosovës suspendimin për katër zyrtarë policorë në detyrë në Stacionin Policor të Podujevës, për tejkalim të autorizimeve gjatë përdorimit të forcës.

Bazuar në veprimet fillestare hetimore dyshohet se zyrtarët policorë gjatë ushtrimit të detyrës zyrtare brenda zyrave të stacionit policor kanë keqtrajtuar dy qytetarë, njëri prej tyre i mitur, që ndodheshin në ndalim.

Hetimet ndaj katër zyrtarëve policorë janë duke u zhvilluar në koordinim me Prokurorinë Themelore në Prishtinë në procedurë të rregullt me dyshimin për se kanë kryer veprën penale keqtrajtim gjatë ushtrimit të detyrës zyrtare ose autorizimeve publike.

IPK nuk ka dhënë më shumë detaje në lidhje me rastin e keqtrajtimit të dy qytetarëve brenda ambienteve të policisë dhe as kohën kur ka ndodhur rasti, por ka thënë se hetuesit në konsultim të vazhdueshëm me prokurorinë pritet të ndërmarrin veprime të tjera hetimore për të sqaruar rrethanat./S.K/KP/PK/

Continue Reading

Lajmet

Për 10 muaj, Prokuroria e Pejës ngriti 1840 aktakuza

Published

2 days ago

on

November 10, 2025

By

Nga janari e deri në tetorin e këtij viti, Prokuroria Themelore e Pejës ka njoftuar se ka ngritur 1 mijë e 840 aktakuza. Sipas komunikatës për media nga kjo Prokurori, rezulton se ka më shumë aktakuza se sa në përudhen e njëjtë kohore të vitit të kaluar, pra 12.67 për qind më shumë se vitin e kaluar.

“Prokuroria Themelore në Pejë, njofton opinionin publik se gjatë periudhës kohore janar- tetor të këtij vitit ka ngritur 1840 aktakuza, ose 12.67 % me shumë krahas vitit të kaluar me të njëjtët periudhë që ishin ngritur 1633 aktakuza. Kjo prokurori gjer në muajin tetor të këtij vitit ka pranuar gjithsej 2612 lëndë, ose 14.2% me shumë në periudhën kohore janar – tetor të vitit 2024, që ishin pranuar 2.288 lëndë. Nga lëndë në punë që ka pasus kjo prokurori brenda 10 muajve të vitit 2025, janë përfunduar gjithsej nga prokuroret e shtetit 2.733 lëndë, ose 16.65% me shumë se 10 muajt e vitit 2024 që ishin përfunduar 2.343 lëndë”, thuhet në komunikatën për media të kësaj Prokurorie.

Më tej nënvizohet se Prokuroria Themelore në Pejë mbetet e përkushtuar për ngritjen e efikasitetit dhe efektivitetit të trajtimit të lëndëve penale, gjithmonë në suaza të profesionalizmit dhe objektiviteti./S.K/EO/

Continue Reading

Të kërkuara