Lajmet

Zv.presidentja e Argjentinës i shpëton tentativës për vrasje pasi të dyshuarit iu bllokohet arma

Zonja Fernández de Kirchner ka disa akuza për korrupsion dhe mashtrim të shtetit.

Published

4 years ago

on

Zëvendëspresidentja e Argjentinës e ka shmangur për pak atentatin pasi arma e një personi të armatosur u bllokua teksa ai e drejtoi atë nga ajo.

Cristina Fernández de Kirchner ishte duke përshëndetur mbështetësit jashtë shtëpisë së saj kur një burrë doli nga turma dhe i drejtoi një pistoletë në fytyrë.

Presidenti Alberto Fernández tha se arma ishte e mbushur me pesë plumba, por befasisht nuk shkrepi në atë moment kur u drejtua.

Zonja Fernández de Kirchner është përfshirë në një gjyq korrupsioni dhe po kthehej nga gjykata. Ajo i mohon akuzat.

Policia tha se personi i armatosur, të cilin mediat lokale e identifikuan si një brazilian 35-vjeçar, është arrestuar. Tani ata po përpiqen të zbulojnë motivin e sulmit.

Duke iu drejtuar kombit të enjten mbrëma, Presidenti Fernández tha: “Cristina mbetet gjallë sepse, për një arsye ende të pa konfirmuar teknikisht, arma, e cila përmbante pesë plumba, nuk shkrepi”.

Ai vazhdoi të dënojë sulmuesin dhe tha se përpjekja për vrasjen e zonjës Fernández de Kirchner ishte një nga incidentet “më serioze” që kur vendi u kthye në demokraci në 1983.

“Ne mund të mos pajtohemi, mund të kemi mosmarrëveshje të thella, por gjuha e urrejtjes nuk mund të ndodhë sepse ajo ushqen dhunë dhe nuk ka asnjë shans që dhuna të bashkëjetojë me demokracinë”, shtoi ai.

Ai gjithashtu shpalli një festë kombëtare të premten për t’u dhënë kohë argjentinasve që të “shprehen në mbrojtje të jetës, demokracisë dhe në solidaritet me zv.presidenten tonë”.

Zonja Fernández de Kirchner akuzohet për mashtrimin e shtetit dhe për dhënien me mashtrim të kontratave të punëve publike në bastionin e saj në Patagoni, ndërsa ishte presidente midis 2007 dhe 2015./UBTNews/

Related Topics:
Continue Reading

Lajmet

Kuriozitetet e ditës

Published

11 seconds ago

on

September 9, 2026

By

Lexoni pesë kuriozitete. Mund të mos i keni ditur:

 

1.Emri “sanduiç” vjen nga një aristokrat anglez i shekullit të 18-të, i njohur si Earl of Sandwich.

 

2.Rreth 92 për qind e parave që ekzistojnë në botë janë në formë digjitale dhe jo si para fizike.

 

3.Franca është vendi më i vizituar në botë, me rreth 90 milionë turistë në vit.

 

4.Rusia është shteti me sipërfaqen më të madhe pyjore në botë, me qindra miliona hektarë pyje.

 

5.Ulërima e një tigri mund të dëgjohet deri në rreth 3 kilometra largësi.

Continue Reading

Lajmet

Sekuestrohen dy jelekë antiplumb dhe pajisje elektronike, i dyshuari në kërkim

Published

6 minutes ago

on

September 9, 2026

By

Pas hetimeve lidhur me një rast të “Shkaktimit të rrezikut të përgjithshëm”, Policia e Kosovës ka kontrolluar vendbanimin e një të dyshuari mashkull kosovar në magjistralen Prishtinë-Ferizaj.

Gjatë kontrollit, policia ka gjetur dhe sekuestruar dy jelekë antiplumb, një DVR, një USB, nëntë telefona, një laptop, një tabletë dhe pasaportën e të dyshuarit.

I dyshuari aktualisht ndodhet në kërkim policor, ndërsa rasti është duke u hetuar nga ekipet relevante policore./A.K/

Continue Reading

Lajmet

Gjashtë shtetas të huaj dyshohen për falsifikim dokumentesh në Aeroportin e Prishtinës

Published

8 minutes ago

on

September 9, 2026

By

Policia e Kosovës ka njoftuar për një rast të dyshuar të falsifikimit të dokumenteve në Aeroportin Ndërkombëtar të Prishtinës “Adem Jashari”.

Rasti është raportuar më 8 shtator, rreth orës 17:45, kur gjashtë shtetas të huaj, gjatë arritjes, kanë prezantuar dokumente të cilat dyshohet se janë të falsifikuara.

Me vendim të prokurorit, pasaportat e dyshuara janë konfiskuar, ndërsa të gjashtë personat janë dërguar në Qendrën e Azilit./A.K/

Continue Reading

Lajmet

Pesë raste të dhunës në familje raportohen në Prishtinë dhe Mitrovicë

Published

10 minutes ago

on

September 9, 2026

By

Policia e Kosovës ka raportuar për pesë raste të dhunës në familje në Prishtinë dhe Mitrovicë gjatë datës 8 shtator.

Në Prishtinë, një grua ka raportuar se është dhunuar nga një burrë, i cili aktualisht ndodhet në kërkim policor. Në një rast tjetër, një i dyshuar është arrestuar nën dyshimin për dhunë ndaj disa viktimave dhe, me vendim të prokurorit, është dërguar në mbajtje.

Po ashtu, në Prishtinë është arrestuar edhe një burrë, i dyshuar se ka ushtruar dhunë ndaj një burri tjetër. Pas intervistimit, ai është dërguar në mbajtje.

Në Mitrovicë të Jugut, një burrë është arrestuar nën dyshimin se ka sulmuar një grua. Nuk raportohet për të lënduar dhe, pas intervistimit, palët janë liruar. Rasti vazhdon në procedurë të rregullt.

Ndërkaq, në një rast tjetër në Mitrovicë të Jugut, një grua dyshohet se pas një mosmarrëveshjeje ka dëmtuar një televizor dhe ka sulmuar një grua tjetër. Edhe në këtë rast nuk raportohet për të lënduar, ndërsa procedura vazhdon në mënyrë të rregullt./A.K/

Continue Reading

Të kërkuara