Një aksident komunikacioni ka ndodhur sot në fshatin Koshare të Ferizajt, ku si pasojë ka mbetur i vdekur një person i moshës 60-vjeçare.

Sipas njoftimit zyrtar nga Policia e Kosovës, në aksident janë përfshirë dy vetura me targa vendore, ndërsa rasti ka ndodhur rreth orës 12:15. Për shkak të lëndimeve të rënda, viktima ka ndërruar jetë në vendin e ngjarjes.

Zëdhënësi i Policisë për rajonin e Ferizajt, Kanun Veseli, ka konfirmuar detajet e kësaj ngjarjeje tragjike.

“Sot rreth orës 12:15 kemi pranuar informatën se në fshatin Koshare të Ferizajt ka ndodhur një aksident trafiku ku janë përfshirë dy vetura me targa vendore. Si pasojë e këtij aksidenti ka humbur jetën një person, mashkull, i moshës 60 vjeç, vdekja e të cilit është konfirmuar në vendin e ngjarjes nga ekipi mjekësor”, ka thënë Veseli.

Njësitet policore të trafikut kanë dalë menjëherë në vendngjarje dhe po hetojnë shkaqet që çuan deri te ky aksident fatal.

Inteligjenca artificiale dhe transformimi digjital po ndryshojnë me shpejtësi mënyrën se si funksionon arsimi, tregu i punës dhe vetë universitetet, ndërsa profesionet dhe aftësitë që kërkohen në të ardhmen po evoluojnë vazhdimisht. Në këtë realitet të ri teknologjik, institucionet akademike po përballen me nevojën e pashmangshme për të krijuar modele më fleksibile dhe më inovative.

Në kuadër të “Përballje Podcast” në Telegrafi, themeluesi dhe rektori i UBT-së, Prof. Dr. Edmond Hajrizi, ka bërë të ditur se UBT tashmë është duke zhvilluar modele të reja të arsimit digjital, të mbështetura tërësisht në inteligjencën artificiale, teknologjitë virtuale dhe konceptet e së ardhmes. Sipas tij, universitetet nuk mund të funksionojnë më vetëm në formatin tradicional, pasi tregu global i punës po kërkon kompetenca të reja në fusha si AI, fintech, blockchain, cybersecurity, smart cities dhe transformim digjital.

“Ne duhet t’i përgatisim studentët për kompetencat e së ardhmes dhe për profesionet që po krijohen nga zhvillimet e reja teknologjike. Kemi punuar shumë në krijimin e gjithë platformës së integruar me inteligjencë artificiale, ku studenti mund ta ketë një profesor të bazuar në AI, i cili është në dispozicion 24 orë në ditë, shtatë ditë në javë”, deklaroi rektori Hajrizi.

Ky model avangardë u mundëson studentëve të marrin mbështetje të personalizuar, shpjegime dhe komunikim interaktiv në çdo kohë, duke rritur ndjeshëm produktivitetin dhe cilësinë e mësimit. Gjatë kësaj interviste, rektori Hajrizi shpalosi edhe konceptin e “Virtual Campus”, që përfaqëson një nga drejtimet kryesore të zhvillimit të UBT-së për vitet e ardhshme.

“Ne po ndërtojmë një institucion virtual me ‘AI-based solutions’, ku studenti hyn në klasë dhe e përjeton sikur është në amfiteatër fizik, por në format virtual. Një student nga Afrika, Amerika apo Azia mund ta përjetojë të gjithë infrastrukturën dhe interaktivitetin e universitetit pa qenë fizikisht këtu”, u shpreh ai.

Për më tepër, UBT po vazhdon të investojë fuqishëm në laboratorë modernë dhe programe të reja akademike të lidhura me teknologjinë. Hajrizi përmendi edhe zhvillimet në fusha si fintech, smart agriculture, e-health, digjitalizimi i shërbimeve dhe qytetet e mençura, duke shtuar se institucioni po funksionon si një “Future Lab” – një laborator i së ardhmes ku testohen dhe zhvillohen prototipe e zgjidhje inovative me impakt global.

Në përmbyllje, rektori Hajrizi nënvizoi se Kosova ka një potencial të jashtëzakonshëm për inovacion për shkak të moshës së re të popullsisë. Megjithatë, ai potencoi se mbetet thelbësor bashkëpunimi i ngushtë mes universiteteve, sektorit privat dhe shtetit për të jetësuar një digjitalizim më të shpejtë dhe më efikas të arsimit në vend. /Telegrafi/

Edhe pak vende të lira në drejtimet më të kërkuara për edukimin dhe arsimin e gjeneratave smart në UBT International Smart Schools, tashmë edhe me akreditimin prestigjioz Cambridge International Education.

Numri rekord i regjistrimeve të hershme këtë vit konfirmon besimin e madh të nxënësve dhe prindërve në modelin inovativ të edukimit që ofron UBT International Smart Schools, duke e shndërruar atë në një nga institucionet më të kërkuara të arsimit në Kosovë.

Me laboratorë modernë, integrim të inteligjencës artificiale në mësim, teknologji të avancuar dhe metodologji bashkëkohore të bazuara në praktikat më të mira ndërkombëtare, nxënësit përgatiten për profesionet dhe sfidat e së ardhmes që nga bankat shkollore.

Për shkak të interesimit jashtëzakonisht të lartë, vetëm edhe pak vende të lira kanë mbetur në këto drejtime:

• Shkolla Fillore
• Gjimnazi TIK
• Gjimnazi TIK në Prizren
• Gjimnazi Natyror
• Gjimnazi Gjuhësor
• Asistent Dentar
• Bashkëpunëtor Profesional i Infermierisë
• Teknik i Farmacisë
• Teknik i Laboratorit Mjekësor
• Teknik i Optikës – Opticient

Nga teknologjia dhe inteligjenca artificiale, deri te shkencat natyrore, gjuhët moderne dhe profesionet shëndetësore, çdo drejtim në UBT International Smart Schools është ndërtuar për të krijuar liderët dhe profesionistët e gjeneratës së ardhshme.

Apliko tani dhe bëhu pjesë e shkollës që sjell edukim të standardeve globale, inovacion dhe të ardhmen në një vend!

Në rubrikën Ditari, kemi përzgjedhur disa nga lajmet më të rëndësishme të kësaj dite, në periudhën 1993-1998.

18 maj 1993

Dymbëdhjetëshja Evropiane kërkon kthimin e gjendjes së para 1989-it në Kosovë

“Bi-Bi-Si”, seksioni në gjuhën shqipe, pas takimit të kryeministrit Bukoshi me z. Van Den Bruk, bisedoi me zëdhënësin e V.D.Brukut, z. Vekter. Radio “Bi-Bi-Si-së”, ai midis tjerash i deklaroi: “Zoti Bukoshi, kërkoi këtë takim dhe Z. Bruk, ishte i lumtur për këtë takim. Van Den Bruku, është i ngarkuar me marrdhëniet politike, duke përfshirë edhe mardhëniet me ish-Jugosllavinë. Në pyetjen se cila është pozita politike e Bashkësisë Evropiane ndaj Kosovës, z. Vekter tha: Ju e dini prej kohësh se Dymbëdhjetëshja Evropiane ka deklaruar se ne duam restaurimin e statuskuos, që do të thotë, restaurimin e gjendjes së para vitit 1989.

Sa u përket mekanizmave që duhen përdorur për vendosjen e një gjendjeje të këtillë, z. Vektor tha se këtë ende duhet studiuar, por kryesorja është se duhet të sigurohet që gjendja të mos keqësohet edhe më tutje, nga aspekti i të drejtave të njeriut. Andaj ne do të përdorim masa të mjaftueshme presioni ndaj Serbisë, që të sigurohet që të drejtat e njeriut të përfillen. Kemi shpresë se mund të evitohet zgjerimi luftës së Bosnjës.E dimë se çështja e Kosovës, kërkon një shpejtësi trajtimi dhe Dymbëdhjetëshja Evropiane, sa herë që flet rreth ish-Jugosllavisë, deklarohet edhe rreth Kosovës, për shkak të gjendjes së vështirë që mbretëron atje, tha veç tjerash zëdhënësi i Van Den Brukut, z. Veler, Radio “Bi-Bi-Si-së”, seksioni në gjuhën shqipe.

 18 maj 1994

Represioni në Kosovë

Vushtrri: – Dje, rreth orës 12, policia serbe bastisi familjen e Tahir Tahirit, kryetar i Aktivit të LDK-së në fshatin Stanoc i Poshtëm. Pasi që i përmenduri nuk gjendej në shtëpi, iu la ftesa që të paraqitet në polici të nesërmen.

Sot në mëngjes, me pretekst të kërkimit të armëve, u bastis shtëpia e Hajzer Bejkut në fshatin Dërvar. Njoftohet se nuk u gjet kurrëfarë arme, ndërsa Hajzeri u mor në polici dhe u mbajt rreth dy orë. Ai u lirua, por iu urdhërua që të lajmërohet në polici më 20 maj.

Dje në fshatin Ceceli policia kërkoi armë në shtëpinë e Murat Perçukut (62). Atij iu la thirrja për t’u paraqitur në polici. Njoftohet se ai ishte paraqitur sot në stacionin e policisë, por pas kërcënimeve se ose do ta dorëzojë një pushkë automatike ose do t’ia marrin shpirtin, ai është liruar por policia e ka urdhëruar që të paraqitet sërish në polici.

Fushë–Kosovë: – Pardje rreth orës 13 policia, nën pretekst të kërkimit të armëve, bastisi shtëpinë e Basri Peçanit në Fushë-Kosovë. Policia mori me vete Basriun dhe djalin e tij Hysniun, të cilët në stacionin e policisë në Fushë-Kosovë u mbajtën rreth 4 orë dhe u rrahën rëndë.

Deçan: Dje rreth orës 16, me pretekst të kërkimit të armëve, u bastisën në Voksh familjet e Maxhun, Shaban dhe Selman Hadërgjonajt. Policia shkaktoi panikë në ato familje dhe mori me vete të birin e Maxhunit, Mehmetin, të cilin e rrahu në stacionin e policisë. Ai i dërmuar nga rrahjet u lirua në orën 02, kur policia e hodhi në rrugë. Në shtëpinë e Selmanit, babait të dëshmorit Sali Hadërgjonajt, policia shkeu fotografinë e të vrarit, ndërsa nënës iu kërcënuan se njësoj si Salihun do t’ia vrasin edhe djalin tjetër. Kurse Mehmetit e Shabanit me të birin Ramën dhe Binak Xh.Mazrekajt iu kanë lënë thirrjet për t’u paraqitur në stacionin e policisë.

Para dy ditësh në Voksh, me pretekst të kërkimit të armëve, u bastisën edhe familjet e Dylë dhe Xhafer Mazrekajt.

Në fshatin Sllup u bastis shtëpia e Adem Tahirit.

Në këtë fshat policia mori në rrugë dhe rrahu aty e pastaj e dërgoi në stacionin e policisë në Deçan Demë Lokajn, kryetar i Aktivit të LDK-së. Zoti Lokaj është keqtrajtuar gjatë disa orëve. Mitrovicë: – Në stacionin e policisë në Stantërg, sot me pretekst të kërkimit të armëve u dërguan Rrahim dhe Rasim Haxha nga fshati Maxherë.

18 maj 1995

Dhuna e përditshme në Kosovë

Ferizaj: – Më 11 maj, policia serbe nën pretekst të kërkimit të armëve i mori në stacionin e policisë Emin Musliun (72), Abdullah Jahirin dhe Beqir e Gani Qerimin nga fshati Slivovë i Ferizajt. Ata pasi u morën në pyetje u urdhëruan që të paraqiten në polici edhe më 13 maj.

Më 8 maj, rreth orës 12:00, tre policë serbë ishin në shtëpinë e Bahri Shemsedinit, mësues në shkollën fillore “Gjon Serreçi” në Ferizaj.

Ai u mor në pyetje rreth çështjes së sportit.

Hamëz Muhadini, anëtar i Kryesisë së Nëndegës së XIX të LDK-së në Ferizaj është urdhëruar para do kohësh që të paraqitet çdo ditë në stacionin e policisë në Ferizaj.

Ai po merret në pyetje me pretekst të dorëzimit të armëve.

Më 15 maj, policia nën pretekst të armës, thirri që të paraqitet në polici Ismail Osmanin nga fshati Gackë.

Në të njëjtin fshat, me të njëjtin pretekst policia thirri që të paraqiten në polici edhe Rizah e Sabri Hasanin dhe Mejdi Musliun (65).

Më 16 maj, dy policë ndërhynë në lokalet e shkollës fillore “Naim Frashëri” në fshatin Zaskok të Ferizajt dhe morën Fatmir Sejdiun, arsimtar i kësaj shkolle. Shkaku i marrjes së tij në polici, nuk dihet.

Vushtrri: – Më 16 maj, policia serbe mori në pyetje Halil Mulakun, kryetar i Shoqatës për kthimin e Shqiptarëve të Shpërngulur. Ai u pyet edhe rreth Këshillit komunal për Financim etj.

Obiliq:– Më 15 maj rreth orës 10:00, policia serbe nën pretekst të kërkimit të armëve mori në pyetje Avdi e Ibrahim Thaçin, Azem Hotin, Hasan Bublicën e Ismet Krasniqin nga fshati Sibovc i Obiliqit. Ata u urdhëruan që të paraqiten në polici sërish më 16 maj.

Dje rreth orës 12:00, policia serbe thirri që të paraqiten në stacionin e policisë në Obiliq edhe vëllezërit Sali, Hasan e Raif Krasniqi si dhe Feriz, Ramadan dhe Ismet Thaçin nga i njëjti fshat. Ata u urdhëruan që të paraqitet sërish sot në orën 8:00 në stacionin e policisë në Obiliq.

Policia i urdhëroi që të paraqiten për sot në polici Ibrahim Thaçin e Azem Hotin.

Më 15 e 16 maj nën pretekst të kërkimit të armëve u thirr që të paraqitet në polici Ramiz Thaçi nga fshati Plemetin i Obiliqit. Ai u urdhërua që të paraqitet sërish sot në polici.

Policia serbe armë kërkoi edhe nga kalimtarët e rastit siç ndodhi me Ramiz e Haxhi Krasniqin nga Sibovci i Obiliqit.

19 maj 1997

 Nisi në Prishtinë procesi kundër 18 shqiptarëve

Prishtinë, 19 maj (QIK)

Në gjykatën e instaluar serbe të qarkut në Prishtinë, sot filloi gjykimi kundër 18 shqiptarëve të akuzuar si anëtarë të Lëvizjes Kombëtare për Çlirimin e Kosovës.

Vlerësohet se fushata e arrestimeve në janar të këtij viti dhe procesi që filloi sot paraqesin përpjekjen e regjimit serb për të mbajtur situatën e tensionuar në Kosovë dhe përpjekjet e Beogradit për të inkriminuar vullnetin politik të popullit të Kosovës për pavarësi.

Të akuzuar në procesin e montuar që filloi sot janë: Avni Klinaku, Mujë Prekupi, Liburn Aliu, Dylber Beka, Gani Baliu, Nebi Tahiri, Shaban Beka, Hajzer Bejtullahu, Enver Dugolli, Emin Sallahu, Shukrie Rexha, Naser Tahiri, Dulah Sallahu, Ragip Berisha, Burhan Hasani dhe Majlinda Sinani, ndërsa dy të akuzuar të tjerë, Fatmir Humolli e Agim Kuleta do të gjykohen në mungesë.

Prokuror në këtë “rast penal” është Jovica Jovanoviq, ndërsa të akuzuarit do të dalin para trupit gjykues të të pestëve, që do ta kryesojë gjykatësi Dragolub Zdravkoviq, i njohur si gjykatës që udhëhoqi procesin kundër të akuzuarve të fajësuar se formuan Ministrinë e Mbrojtjes të Republikës së Kosovës, procesin gjyqësor kundër ish-policëve shqiptarë në Pejë, si gjykatës i deleguar dhe në Prishtinë kundër 72-ish policëve shqiptarë.

Gjashtë të akuzuarit e parë, Avni Klinaku, Mujë Prekupi, Liburn Aliu, Agim Kuleta, Dylber Beka e Fatmir Humolli, pos që akuzohen për veprat penale “bashkim për vepimtari amiqësore”, “cënimi i tërësisë territoriale”, të sanksionuara sipas neneve 136 e 116 të ligjit penal të “federatës” serbo-malazeze, ngarkohen edhe për “terrorizëm” sipas nenit 125 të po këtij ligji.

Ndërkaq, të akuzuarit tjerë, kush për paragafin e parë e kush me të dytin, akuzohen se kanë shkelur nenin 136 e 116.

Të pandehurit janë paraburgosur që nga 26 janari i këtij viti dhe kanë kaluar nëpër ferrin serb duke u marrë në pyetje herë nga gjykatësja hetuse Danica Marinkoviq e herë nga inspektorët e të ashtuquajturit sigurim shtetëror serb.

Kundër të akuzuarve u përdor tortura më mizore si në kohën e inkuzicionit.

Sipas aktakuzës, të pandehurit ngarkohen se nga dhjetori i vitit 1992 e deri në ditën e paraburgosjes kanë formuar “bandën” për të rrezikuar “integritetin territorial të RFJ-së” dhe të shkëputjes së Kosovës e vendeve të tjera me shqiptarë për të formuar “shtetin e veçantë” dhe për t’ia bashkangjitur Shqipërisë.

Veprimtaria e këtyre të pandehurve, thuhet në aktakuzë, është një vazhdimësi e procesit të 19 të pandehurve, të fajësuar në po këtë gjyq gjatë vitit 1994. Veç tjerash, ata akuzohen se kanë botuar dhe shpërndarë revistën “Çlirimi”, se kanë siguruar armatim, revole, pushkë automatike, pushkëmitraloz, një sasi të konsiderueshme të municionit, bomba dore etj. Ngarkohen se kanë hartuar skica të ndryshme, “incizimet” e shtëpive të shëndetit (në Prishtinë e Vushtrri), planet ndërtimore të ndërtesave, të armatës serbe dhe të stacioneve policore në Prishtinë. Në kontekst të kësaj, akuzohen edhe për “akte terroriste”, planifikimin për të “likuiduar pjesëtarët e MPB të Serbisë” etj.

18 maj 1998

Forcat serbe sulmojnë Çitakun e Padalishtën

Që nga ora 9 e ditës së sotme forcat serbe kanë nisur një sulm kundër fshatrave Çitak e Padalishtë të Skënderajt.

Burime të LDK-së në Llaushë njoftuan se gjendja në këto fshatra është mjaft e rëndë dhe se forcat serbe po shtijnë nga armët në njerëzit e pafajshëm e të paarmatosur.

Deri tash dihet se është plagosur Hysen Çitaku, rreth 60 vjeç dhe atij i është ofruar ndihma mjekësore.

Druhet se mund të ketë edhe të plagosur të tjerë.

Njoftohet se forcat serbe kanë shtirë gjatë natës edhe në drejtim të fshatit Llaushë.