Lajmet

Zotohet Hoxhaj: Në 100 ditëshin e parë do të nisim legalizimin e pronave

Published

6 years ago

on

Kryetari i Partisë Demokratike të Kosovës, njëherësh kandidati për kryeministër Enver Hoxhaj, i shoqëruar nga Sekretari i Përgjithshëm i PDK-së, Uran Ismaili dhe kandidati për deputet, Abelard Tahiri kanë takuar sot banorët e lagjes Kodra e Trimave në Prishtinë, të cilëve u ka premtuar se në 100 ditëshin e punës së tij si kryeministër i vendit do të nisë legalizimin e pronave të tyre.

Hoxhaj ka thënë se vetëm Partia Demokratike e Kosovës e ka guximin dhe vullnetin që të adresojë problemet e qytetarëve, ndër to edhe problemin e legalizimit të pronave.

“Dua të ju garantoj që projekti i legalizimit të pronave, të shtëpive, të investimeve të ndryshme, një projekt i cili ka mbetur i pazgjidhur, i pa adresuar në Kosovë në këto 20 vitet e fundit do të jetë prioritet i parë i qeverisë që do ta drejtoj unë. Do të jetë prej vendimeve të para që do t’i marrim në 100 ditëshin e parë, meqë fjala është për 400 mijë shtëpi dhe prona të tjera të cilat janë të parregulluara dhe meqë fjala është për 10 miliardë euro buxhet të cilat do të përdoren në shërbim të zhvillimit, në shërbim të rritjes ekonomike dhe në shërbim të një qartësie për qytetarët e Kosovës të cilën nuk e kanë pasur deri më tash. Mendoj që është prej vendimeve më të mëdha që merr Kosova prej qershorit të 99 deri në janar të 2021. Këtë projekt jam i nderuar shumë që e bëjmë publik për herë të parë në Kodër të Trimave”, ka thënë ai.

Ndërsa, Abelard Tahiri ka thënë se gjatë mandatit të tij si ministër i drejtësisë kishte filluar projektin për legalizimin e pronave, por që kishte mbetur në gjysmë pas dorëheqjes së ish-kryeministrit Ramush Haradinaj. Ai ka thënë se gjatë mandatit të qeverisjes së PDK-së,çështja e legalizimit të pronave, me të cilin përballen edhe banorët e Kodrës së Trimave, do të jetë prioritet.

“Sot nga Kodra e Trimave po çojmë mesazh për të gjithë Republikën e Kosovës që në dy vitet e ardhshme të qeverisjes së kryeministrit Hoxhaj do të jetë prioritet dhe do të jetë angazhim ynë i madh që të përfundojë legalizimi i pronave në të gjithë Republikën e Kosovës. Pra, është një shumë rreth 10 miliardë euro që konsiderohet që është e bllokuar sa kushtojnë këto prona në mbarë Republikën e Kosovës dhe legalizimi mundëson një zhbllokim të tillë dhe këto prona do të përdoren për zhvillimin ekonomik të ekonomive familjare të vogla, të mesme, të mëdha”, ka thënë ai.

Kurse, sekretari i përgjithshëm i PDK-së, Uran Ismaili, ka theksuar se qeveritë e kaluara kanë bllokuar zhvillimin e Kodrës së Trimave për mungesë të legalizimit të pronave.

“Një kërkesë që ka mundur ta bëjë ndryshimin në jetën e secilit qytetar në Kodrën e Trimave, por qeverisja komunale ka qenë e shurdhër dhe fare nuk është interesuar për jetën e qytetarëve në Kodrën e Trimave. Fatmirësisht kemi një kryeministër i cili me platformën e rimëkëmbjes u bënë zgjidhje problemeve të qytetarëve, nuk bënë zgjidhje politike vetëm për të qenë, por jep program, ka ekip dhe ka vullnet për të bërë zgjidhjen për të gjitha problemet të cilat i kanë qytetarët e që për Kodrën e Trimave problemi i legalizimit mbetet një problem kyç që nuk lejon zhvillimin e kapitalit në këtë vend, nuk ka lejuar ndërtimin në këtë vend, nuk ka lejuar mirëqenien e qytetarëve që të rritet gjithandej nëpër Prishtinë janë rrit banesat e në Kodrën e Trimave është bllokuar zhvillimi pikërisht se nuk ka pasur vullnet politik”, tha ai.

Islam Islami, banor i lagjes Kodra e Trimave, duke treguar se qytetarët e kësaj lagjeje e kanë kërkesë të kamotshme zgjidhjen e çështjes së legalizimit ka thënë se vetëm PDK ka plan konkret për këtë problem.

“Unë e kam parë që vetëm Partia Demokratike e Kosovës e ka në planin e vet këtë pjesë për punën e legalizimit. Ne si qytetarë kemi shumë kërkesa, mirëpo prioritet gjithmonë e kemi pasur punësimin, po nëse bëhet kjo çka po na premtojnë atëherë nuk ka me pas nevojë për t’u punësuar x personi se ndoshta e hap një biznes dhe i krijohet perspektiva për të punuar në vendin e vet pa shkuar dhe për të kërkuar një vend pune. Ishalla këto fjalë bëhen realitet”, ka thënë ai.

Related Topics:
Continue Reading

Lajmet

PDK dërgon në Kushtetuese konstituimin e Kuvendit, kërkon masë të menjëhershme të përkohshme

Published

27 minutes ago

on

September 14, 2026

By

Partia Demokratike e Kosovës ka dorëzuar këtë të hënë në Gjykatën Kushtetuese kërkesën për vlerësimin e kushtetutshmërisë së procedurave dhe vendimeve që lidhen me konstituimin e Legjislaturës XI të Kuvendit të Kosovës. Kërkesa është dorëzuar fizikisht nga Kryetari i Grupit Parlamentar të PDK-së, Arian Tahiri, deputeti Përparim Gruda dhe avokati Faton Fetahu.

Përmes këtij hapi, opozita konteston zyrtarisht tri vendime të ditëve të fundit: vendimin e 9 shtatorit për zgjedhjen e Kryetarit të Kuvendit, vendimin procedural të 11 shtatorit lidhur me mënyrën e votimit të nënkryetarëve, si dhe konstatimin e 13 shtatorit që shpallte të konstituar Legjislaturën XI. PDK kërkon nga Gjykata që t’i vlerësojë këto procese dhe të përcaktojë qartë pasojat juridike të shkeljeve që pretendohet se janë bërë.

Gjatë dorëzimit të lëndës, përfaqësuesit e PDK-së deklaruan se ky veprim është i domosdoshëm për të mbrojtur renditjen kushtetuese nga kalkulimet politike. Arian Tahiri theksoi se institucioni më i lartë i interpretimit të Kushtetutës duhet ta thotë fjalën e vet përfundimtare, ndërsa deputeti Përparim Gruda shtoi se rregullat në Kosovë duhet t’i përcaktojë Kushtetuta dhe jo vullneti i një partie politike.

Krahas kërkesës kryesore, avokati Faton Fetahu bëri me dije se i kanë kërkuar Gjykatës Kushtetuese të vendosë menjëherë një masë të përkohshme. Kjo masë synon pezullimin e pasojave të mëtejshme juridike dhe parandalimin e krijimit të fakteve të reja institucionale derisa të merret një vendim përfundimtar. Ndërkohë, Partia Demokratike e Kosovës ka paralajmëruar se ditën e nesërme do të dërgojë në Kushtetuese edhe një lëndë tjetër të veçantë, e cila ka të bëjë me procesin e formimit të Qeverisë. /E.A/

 

Continue Reading

Lajmet

Kuriozitetet e ditës

Published

39 minutes ago

on

September 14, 2026

By

Lexoni pesë kuriozitete. Mund të mos i keni ditur:

 

  1. Në vitin 1962, një burrë bleu një pikturë për 4 dollarë në treg dhe më vonë u zbulua se ishte një kopje origjinale e Deklaratës së Pavarësisë së SHBA-së me vlerë miliona.
  2. Ka një hotel në Suedi që ndërtohet çdo vit krejtësisht nga akulli dhe shkrihet përsëri në pranverë.
  3. Shkencëtarët kanë zbuluar se lopët kanë “shoqe të ngushta” dhe stresohen kur ndahen prej tyre.
  4. Në Korenë e Jugut ekziston një ditë e quajtur “Black Day”, ku beqarët mblidhen dhe hanë petë me salcë të zezë.
  5. Një burrë në Japoni u bë i famshëm duke mos bërë asgjë — njerëzit e paguajnë vetëm që t’i shoqërojë në heshtje.

Continue Reading

Lajmet

“Die Fledermaus” rikthehet në skenën e TKOBAP-së më 25, 26 dhe 27 shtator

Published

1 hour ago

on

September 14, 2026

By

Teatri Kombëtar i Operas, Baletit dhe Ansamblit Popullor do të sjellë në skenë operetën e njohur “Die Fledermaus” të kompozitorit Johann Strauss II, më 25, 26 dhe 27 shtator.

E cilësuar si një nga veprat më të dashura të repertorit të operetës, “Die Fledermaus” sjell një histori plot keqkuptime, identitete të rreme, flirt, sekrete dhe situata komike.

Ngjarjet zhvillohen rreth një feste me maska, ku një hakmarrje shndërrohet në një seri episodesh të papritura, të shoqëruara nga ritmet karakteristike të valsit vjenez.

Me humor, elegancë dhe atmosferë festive, shfaqja premton muzikë dhe argëtim, ndërsa maskat bien njëra pas tjetrës dhe sekretet dalin në dritë.

Biletat mund të blihen pranë biletarisë së TKOBAP-së, nga e hëna deri të dielën, në oraret 10:00–14:00 dhe 16:00–20:00. Në ditët e shfaqjeve, biletaria do të jetë e hapur nga ora 10:00 deri në 14:00 dhe nga 16:00 deri në 19:30.

“Die Fledermaus” fton publikun të përjetojë një festë ku asgjë nuk është ashtu siç duket dhe ku, deri në fund, askujt nuk mund t’i besohet plotësisht./A.K/

Continue Reading

Lajmet

Justin Bieber feston tetëvjetorin e martesës me Hailey-n: “Tetë vjet deri në pafundësi”

Published

1 hour ago

on

September 14, 2026

By

Justin Bieber ka shënuar tetëvjetorin e martesës me bashkëshorten e tij, Hailey Bieber, duke ndarë një seri fotografish romantike në Instagram.

Këngëtari 32-vjeçar publikoi momente të ndryshme me Hailey-n, duke përfshirë pamje teksa luajnë bilardo, përqafohen dhe puthen.

“Tetë vjet deri në pafundësi. Fillime të reja. Të dua, zemër. Gëzuar përvjetorin”, shkroi Bieber në përshkrimin e postimit, të cilin e ndau me ndjekësit e tij në Instagram.

Edhe Hailey reagoi me humor ndaj postimit të bashkëshortit. “Tetë vjet që luajta në bilardo, për fat të keq”, shkroi ajo në koment, duke shoqëruar fjalët me emoji puthjesh. Më pas, ajo e shpërndau postimin e Justin-it edhe në story.

Çifti u martua në shtator të vitit 2018, vetëm disa muaj pasi u fejuan. Justin i kishte propozuar Hailey-t gjatë një udhëtimi në Bahamas.

Dyshja njiheshin prej vitesh përpara se lidhja e tyre të bëhej romantike. Mediat nisën t’i lidhin për herë të parë në vitin 2014, ndërsa marrëdhënia e tyre kaloi në disa faza para se të riktheheshin bashkë në vitin 2018.

Në maj të vitit 2024, Justin dhe Hailey njoftuan se ishin në pritje të fëmijës së tyre të parë. Lajmin e bënë publik përmes fotografive dhe një videoje nga rinovimi i premtimeve të tyre në Hawaii, ku Hailey shfaqej shtatzënë./A.K/

Continue Reading

Të kërkuara