Lajmet

“Zhvillimet në Ballkan”, Erdogan pas vizitës në Shqipëri shkon në Serbi për takim me Vuçiqin

Published

on

Presidenti turk Recep Tayyip Erdoğan sot do të shkojë në Shqipëri për një vizitë zyrtare. Sipas mediave turke ai pritet të mbërrijë në Tiranë në orën 11:00 të paradites ndërsa agjenda parashikon një pritje të tij dhe delegacionit turk nga kryeministri shqiptar, Edi Rama.

Dy udhëheqësit më pas pritet të shkojnë në hapjen e  xhamisë së re të Namasgjasë, e cila është financuar nga Turqia.

Pas vizitës në Tiranë, presidenti turk do të shkojë në Beograd.

Për këto vizita në dy shtetet e rajonit, Presidenca turke tha se Erdogan do të flasë për marrëdhëniet dypalëshe dhe se do të flitet për “përmirësim të mëtejshëm të bashkëpunimit”.

“Presidenti Recep Tayyip Erdoğan do të zhvillojë vizita zyrtare në Shqipëri dhe Serbi në datat 10-11 tetor 2024. Gjatë bisedimeve që do të zhvillohen në kuadër të vizitave, do të shqyrtohen të gjitha aspektet e marrëdhënieve dypalëshe me vendet e lartpërmendura dhe do të trajtohet puna që do të kryhen për përmirësimin e mëtejshëm të bashkëpunimit aktual në fusha të ndryshme”.

Po ashtu, Presidenca thotë se Erdogan “do të bashkëkryesojë takimet e këshillit të bashkëpunimit të nivelit të lartë me homologët e tij në të dy vendet, do të përurojë xhaminë më të madhe në Ballkan, Xhaminë Namazgjah në Tirancë, e cila financohet nga Turqia, me pjesëmarrjen e kryeministrit të Shqipërisë Edi Rama, dhe marrin pjesë së bashku me presidentin e Serbisë Aleksandar Vuçiq në forumin e biznesit që do të mbahet në Beograd”.

Me rastin e vizitave janë planifikuar të nënshkruhen marrëveshje të ndryshme që synojnë forcimin e bazës kontraktuale të marrëdhënieve dypalëshe, thuhet më tej në njoftim.

Gjithashtu, në bisedime pritet të shkëmbehen pikëpamjet për çështjet aktuale globale dhe rajonale, veçanërisht për Gazën, territoret e pushtuara palestineze dhe sulmet izraelite në Liban, si dhe për zhvillimet në Ballkan”, tha presidenca turke.

Lajmet

KQZ hap periudhën për ndërrimin e Qendrës së Votimit për zgjedhjet lokale

Published

on

By

Komisioni Qendror i Zgjedhjeve (KQZ) ka njoftuar se më 28 qershor ka nisur periudha për ndërrimin e Qendrës së Votimit brenda komunës për Zgjedhjet Lokale, e cila do të zgjasë deri më 29 gusht 2025.

Gjatë kësaj periudhe 63-ditore, të gjithë qytetarët me të drejtë vote kanë mundësi të kontrollojnë qendrën e tyre aktuale të votimit dhe, nëse dëshirojnë, të kërkojnë ndërrimin e saj, duke zgjedhur një lokacion më të afërt me vendbanimin e tyre brenda të njëjtës komunë.

Ndërrimi i Qendrës së Votimit mund të bëhet në dy mënyra:

  • përmes platformës elektronike të KQZ-së në https://qv.kqz-ks.org

  • ose duke paraqitur kërkesën në Komisionin Komunal të Zgjedhjeve të komunës ku është i regjistruar votuesi.

Continue Reading

Lajmet

Serbët festojnë Vidovdanin mes masave të shtuara të Policisë së Kosovës

Published

on

By

Grupe serbësh janë drejtuar për në Graçanicë për të nisur festimet e atij që njihet si Vidovdan.  Festimet nisën në mëngjes në Manastirin e Graçanicës dhe po vazhdojnë në Gazimestan, ku janë paralajmëruar edhe ardhje të tjera gjatë ditës.

Për të siguruar mbarëvajtjen e aktivitetit, Policia e Kosovës ka ndërmarrë masa të rrepta sigurie. Në hyrje të Gazimestanit, po zhvillohen kontrolle për të gjithë të pranishmit, ndërkohë që njësi të shumta policore janë të vendosura në terren, bashkë me forcat e KFOR-it.

Policia ka njoftuar se masat planifikuese dhe operative janë ndërmarrë për ruajtjen e rendit publik, menaxhimin e trafikut dhe sigurinë kufitare. PK ka apeluar për një manifestim të qetë, duke kërkuar nga qytetarët të shmangin provokimet dhe të respektojnë ligjet dhe udhëzimet e organeve të sigurisë.

Në fillim të këtij muaji, Gjykata Themelore në Prishtinë anuloi vendimin e mëparshëm të komunës së Graçanicës që lejonte shfaqjen e flamurit serb për këtë rast, duke vlerësuar se një veprim i tillë ishte në kundërshtim me legjislacionin në fuqi, pasi Vidovdani nuk është festë zyrtare në Kosovë.

Vidovdani lidhet me Betejën e Kosovës të vitit 1389, ku princi serb Lazar humbi jetën. Në diskursin historik serb, kjo betejë përshkruhet si një humbje ushtarake por një fitore shpirtërore.

Gazimestani është gjithashtu një vend me ngarkesë historike dhe politike, pasi aty presidenti i atëhershëm i Serbisë, Slobodan Millosheviq, mbajti një fjalim të njohur në vitin 1989, i cili shpesh shihet si paralajmërim i konflikteve që pasuan në Ballkan.

Continue Reading

Lajmet

​PDK me kërkesë të qartë, zhbllokimi i Kuvendit sipas Kushtetueses

Published

on

By

Deputeti i Partisë Demokratike të Kosovës, Përparim Gruda tha se në takimin e sotëm të partive politike me kryeministrin në detyrë, Albin Kurti do të diskutohet dalja nga situata e krijuar në Kuvendin e Kosovës.

Gruda tha se kryetari i PDK-së, Memli Krasniqi do të shpreh qëndrimet e kësaj partie se si të zhbllokohet Kuvendi i Kosovës, bazuar në aktgjykimin e Gjykatës Kushtetuese.

Ndërkaq, se a do të arrihet ndonjë marrëveshje apo çështje të tjera siç tha Gruda, do të përgjigjet vetë Krasniqi.

Këtë deklarim Gruda e bëri pas pyetjeve të gazetarëve në konferencën e thirrur nga PDK.

Continue Reading

Lajmet

Trump flet sërish për Kosovën e Serbinë: Ishin gati për luftë të madhe, unë e ndala

Published

on

By

Presidenti Amerikan Donald Trump për të tretën herë në vetëm një javë është rikthyer të flasë për çështjen e raporteve të tensionuara midis Kosovës dhe Serbisë, teksa bën pasqyrën e konflikteve globale që ai pretendon se ka zgjidhur.

Gjatë një konference për shtyp në Shtëpinë e Bardhë, Trump sërish tha se Serbia dhe Kosova ishin gati të përplaseshin ushtarakisht, madje sipas tij në një luftë të madhe.

“Serbia dhe Kosova ishin gati të përplaseshin. Po shkonin drejt një lufte të madhe”, tha Trump.

Më tej ai zbuloi formulën e tij të suksesit, me të cilën e ndali shpërthimin e një lufte mes dy shteteve në Ballkan, shkruan A2 CNN.

Trump vazhdimisht gjatë javës së fundit, nga momenti kur vendosi armëpushimin midis Izraelit e deri tek samiti i NATO-s në Hagë, i është referuar marrëveshjes Kosovë-Serbi, të arritur në Uashington më 2020 si histori suksesi e ndërmjetësimit të tij.

“Ne e ndalëm Serbinë, e cila ishte gati të fillonte një përplasje”, deklaroi dy ditë më parë Trump.

Ai i referohet marrëveshjes së nënshkruar nga Presidenti i Serbisë, Aleksandër Vuçiq dhe kryeministri i Kosovës, Avdullah Hoti në Zyrën Ovale, më 04.09.2020 të ndërmjetësuar nga Donald Trump.

Continue Reading

Të kërkuara