Lajmet

Zhvillimet më të fundit në Ukrainë

Fomin raporton se bisedimet e paqes në Stamboll sollën përparim.

Published

4 years ago

on

Këtu gjeni zhvillimet më të fundit në luftën në Ukrainë:

Rusia do të ‘zvogëlojë’ sulmet në Kiev
Rusia do të ndalojë përpjekjet e dështuara për të rrethuar Kievin, duke njoftuar se do të reduktojë “radikalisht” aktivitetin ushtarak rreth kryeqytetit ukrainas.

Moska thotë se sulmet në qytetin verior të Chernihiv gjithashtu do të lehtësohen, pas përparimit “domethënës” në bisedimet e paqes të mbajtura në Stamboll.

Zelensky: Forcat ukrainase do të vazhdojnë mbrojtjen
Presidenti Volodymyr Zelensky mirëpret me kujdes sinjalet “pozitive” nga Moska, duke thënë se forcat ukrainase “nuk do t’i ulin” përpjekjet mbrojtëse.

Pentagoni paralajmëron se Rusia po “ripozicionon” trupat që nuk tërhiqen. “Rusia ka dështuar në objektivin e saj për të kapur Kievin” thotë një zëdhënës, por “kjo nuk do të thotë se kërcënimi ndaj Kievit ka mbaruar”.

Bisedimet e Stambollit
Zëvendësministri rus i mbrojtjes, Alexander Fomin raportoi se bisedimet e paqes në Stamboll sollën përparim në çështjen e “neutralitetit dhe statusit jo-bërthamor” të Ukrainës, dy nga kërkesat kryesore të Rusisë.

Ukraina thotë se do të heqë dorë nga “çdo aleancë ushtarako-politike”, por do të bëjë thirrje për garantues ndërkombëtarë për të mbrojtur sigurinë e saj. Negociatori i Kievit, David Arakhamia thotë se është bërë mjaft përparim për të justifikuar një takim të presidentëve rus dhe ukrainas.

12 persona humbin jetën në Mykolaiv
Dymbëdhjetë persona humbën jetën dhe 34 u plagosën kur një sulm me raketa ruse godet një ndërtesë të qeverisë rajonale në Mykolaiv.

Putin bllokon evakuimin e Mariupolit
Presidenti rus Vladimir Putin thotë se “nacionalistët” në qytetin e Mariupolit duhet të dorëzohen përpara se të zgjidhet “situata e vështirë humanitare”, duke penguar në mënyrë efektive një mision të propozuar ndihmash ndërkombëtare. Zyrtarët ushtarakë të Mariupol thonë se “më shumë se 70” staf dhe pacientë janë marrë me forcë nga një maternitet në qytet.

Vendet e BE-së dëbojnë diplomatët
Vendet e BE-së, Belgjika, Holanda, Irlanda dhe Republika Çeke dëbojnë dhjetëra diplomatë rusë të dyshuar për spiunazh.

Paralajmërim për ushqimin
Shefi i Programit Botëror të Ushqimit, David Beasley thotë se konflikti ka shkaktuar mungesa ushqimore dhe rritje të çmimeve “përtej çdo gjëje që kemi parë që nga Lufta e Dytë Botërore”.

Lavrov në Kinë
Ministri i Jashtëm rus Sergei Lavrov ka shkuar në Kinë në vizitën e tij të parë me aleatin kryesor që kur Moska filloi pushtimin e saj në Ukrainë muajin e kaluar./UBTNews/

Related Topics:
Continue Reading

Lajmet

Hapet Festivali i 14-të Kombëtar i Filmit Shqiptar

Published

5 minutes ago

on

September 4, 2026

By

Pas 14 vitesh mungesë, në Tiranë është rikthyer Festivali Kombëtar i Filmit Shqiptar, në edicionin e tij të 14-të.

Festivali u hap me një mbrëmje gala në Akademinë e Arteve të Bukura, ku u mblodhën artistë, aktorë dhe kineastë shqiptarë.

Përgjatë 10 ditëve, publiku do të ketë mundësi të shohë mbi 100 filma të realizuar nga viti 2013 deri më sot, duke sjellë një pasqyrë të zhvillimit të kinemasë shqiptare ndër vite.

Festivali synon gjithashtu të krijojë hapësirë për bashkëpunim mes kineastëve të brezave të ndryshëm dhe të promovojë prodhimet e reja shqiptare./A.K/

Continue Reading

Lajmet

Mitrovicë: Arrestohet i dyshuari për organizim të skemave piramidale dhe bixhozit të paligjshëm

Published

6 minutes ago

on

September 4, 2026

By

Policia e Kosovës ka arrestuar një person në Mitrovicë, i dyshuar për përfshirje në organizimin e skemave piramidale dhe bixhozit të paligjshëm, pas një pune intensive hetimore lidhur me rastin.

Gjatë operacionit, hetuesit policorë kanë kontrolluar dy lokacione në pronësi të të dyshuarit, ku kanë gjetur dhe konfiskuar prova të shumta materiale. Mes sendeve të sekuestruara janë mbi 41 mijë euro, 20 franga zvicerane, një veturë, një laptop, dy telefona, USB, 10 vula të ndryshme, si dhe 49 kartela gërvishtëse e dëshmi të tjera relevante.

Pas intervistimit nga organet e rendit, me vendim të prokurorit të shtetit, i dyshuari është dërguar në mbajtje për 48 orë, ndërsa hetimet për zbardhjen e plotë të rastit po vazhdojnë. /E.A/

Continue Reading

Lajmet

George Clooney nderohet me “Luanin e Artë” në Venecia

Published

6 minutes ago

on

September 4, 2026

By

Aktori dhe regjisori amerikan George Clooney është nderuar me çmimin prestigjioz “Luani i Artë për Arritje Gjatë Jetës” në Festivalin e Filmit në Venecia, për kontributin e tij shumëvjeçar në kinematografinë botërore.

Gjatë ceremonisë, Clooney e priti çmimin me modesti, duke theksuar se suksesi i tij është rezultat i shumë rrethanave të favorshme dhe bashkëpunimit me njerëz të tjerë.

Në fjalën e tij, ai përcolli edhe një mesazh për fuqinë e artit dhe ngjashmëritë mes njerëzve, pavarësisht gjuhës apo kulturës.

“Askush nuk qesh, askush nuk qan në gjuhë të ndryshme. Ne ëndërrojmë në të njëjtën mënyrë”, deklaroi Clooney para publikut të festivalit.

Me këtë vlerësim, aktori i bashkohet listës së emrave të mëdhenj të kinemasë që janë nderuar me “Luanin e Artë”, duke kurorëzuar një karrierë të gjatë si aktor, regjisor dhe producent./A.K/

Continue Reading

Lajmet

Arrestohet i mituri që goditi dy këmbësorë dhe u largua nga vendi i ngjarjes në Lipjan

Published

26 minutes ago

on

September 4, 2026

By

Policia e Kosovës ka arrestuar një të mitur i cili dyshohet se ka shkaktuar një aksident të rëndë trafiku në fshatin Banullë të Lipjanit dhe më pas është larguar nga vendi i ngjarjes.

Ngjarja ka ndodhur më 1 shtator, rreth orës 21:51, kur vetura e drejtuar nga i dyshuari ka goditur dy këmbësorë, duke u shkaktuar atyre lëndime të rënda trupore.

Pas punës hetimore, njësia e hetimeve ka arritur që më 3 shtator të identifikojë dhe të arrestojë të dyshuarin. Me vendim të prokurorit të shtetit, i mituri është dërguar në mbajtje për 24 orë. /E.A/

Continue Reading

Të kërkuara