Lajmet

Zhvillimet e fundit rreth luftës në Ukrainë

Marrëveshja e grurit të Ukrainës mund të zgjatet.

Published

on

Nëse vetëm sa po na bashkoheni, këtu janë zhvillimet kryesore – më të fundit – të lajmeve nga lufta e Rusisë në Ukrainë.

*Beteja për Kherson po afrohet
Trupat ukrainase po i’u bëjnë ballë sulmeve të përsëritura të forcave ruse në dy qytete lindore, Avdiivka dhe Bakhmut, ndërsa ato në frontin jugor janë gati të luftojnë për Khersonin.

Përgjimet e radios treguan se rekrutët e sapomobilizuar ishin dërguar në front. Rusia ka evakuuar civilët në bregun perëndimor, por thotë se nuk ka plane të tërheqë trupat e saj.

*Zelenskyy falënderon punëtorët e energjisë elektrike
Presidenti ukrainas Zelensky ka falënderuar publikisht punëtorët e energjisë elektrike të vendit për ruajtjen e furnizimit me energji elektrike ndërsa Rusia vazhdon të synojë infrastrukturën energjetike përpara dimrit.

“Falënderoj të gjithë punëtorët në sektorin e energjisë: shpëtimtarët tanë, ekipet e riparimit, zyrtarët e qeverisë lokale dhe kompanitë private që punojnë me zell për të ruajtur sistemin tonë energjetik pavarësisht të gjitha kërcënimeve”, tha Zelensky në fjalimin e tij.

Autoritetet ukrainase kanë urdhëruar ndërprerje të energjisë elektrike në shumë pjesë të vendit, ndërsa u kanë kërkuar familjeve të kufizojnë konsumin, pasi infrastruktura e energjisë elektrike është në shënjestër të dronëve sulmues rusë.

*Marrëveshja e grurit të Ukrainës mund të zgjatet
Një zyrtar i lartë i OKB-së ka thënë se marrëveshja për kthimin e grurit ukrainas dhe plehrave ruse në tregjet botërore ka të ngjarë të zgjatet përtej mesit të nëntorit.

Megjithatë, ambasadori i Rusisë në OKB ka thënë se Moska duhet së pari të shohë lëvizje në eksportet e saj.

Marrëveshja, e ndërmjetësuar nga OKB-ja dhe Turqia në korrik, ka parë më shumë se 8.5 milionë tonë metrikë të produkteve ushqimore të transportuara nga tre porte të Detit të Zi në Ukrainë, por ajo përfundon në nëntor, duke kërkuar diskutime për një rinovim.

*Satelitët komercialë mund të shënjestrohen nga forcat ruse në sulme hakmarrëse
Satelitët nga Shtetet e Bashkuara dhe aleatët e saj mund të bëhen objektiva legjitime për Rusinë, nëse përfshihen në luftën në Ukrainë, kjo sipas Konstantin Vorontsov, zv.drejtor i departamentit të ministrisë së jashtme për mospërhapjen dhe kontrollin e armëve./UBTNews/

Lajmet

Rriteni vetëbesimin përmes këtyre teknikave

Published

on

Disa prej përvojave trauamtike të fëmijërisë, siç janë neglizhenca, abuzimi fizik e emocional, apo edhe ndarja nga prindërit mund të rezultojë në vetëbesim të ulët

Te personat e rritur, vetëbesimi mund të ulet si pasojë e ndonjë sëmundje, humbja e punës, divorci, etj. Mungesa e saj i bën njerëzit ta shohin botën në mënyrë më ndryshe.

Për këta persona, bota bëhet vend më “armiqësor” dhe ata e shohin veten si viktima. Kështu, ata dështojnë ta shprehin vetveten dhe nuk i shfrytëzojnë mundësitë të cilat iu ofrohen në jetë.

Nëse jeni në mesin e këtyre personave që kanë vetëbesim të ulët, atëherë më poshtë ju sjellim disa mënyra si mund ta rritni vetëbesimin.

Largohuni nga negativiteti

Duhet t’ia rikujtoni vetes pavarësisht çfarë probleme keni, keni shumë dhurata. Jeni unik e nuk ka ndonjë njeri tjetër në botë si ju. Duhet ta konsideroni veten të vlefshëm, pastaj t’i identifikoni të gjitha mendimet negative dhe t’i sfidoni ato.

Kushtoni vëmendje pamjes tuaj

Kur është fjala për vetëbesimin, pamja luan rol të rëndësishëm. Mënyra si qëndroni, buzëqeshja, kontakti me sy e mënyra si flisni janë elemente që ndihmojnë të paraqiteni si person me vetëbesim. Një kontakt i qëndrueshëm me sy, ngrehja e shpatullave, buzëqeshja e veshja e mirë janë bonus për pamjen.

Qëndroni të përgatitur

Ndonjëherë vetëbesimi mund të ulet kur përjetoni ngjarje të papritura, siç mund të jetë humbja e punës. Ju duhet të përgatiteni për gjërat e pacaktuara dhe të mësoni çdo gjë në fushën tuaj. Kur jeni gjithmonë të përgatitur dhe keni sasi adekuate të njohurive, atëherë niveli juaj i vetëbesimit rritet.

Asnjëherë mos u dorëzoni

Dështimet janë pjesë e jetës – krejt çfarë duhet të bëni është të mos hiqni dorë. Rikujtojani vetes se ka zgjidhje për çdo problem.

Continue Reading

Lajmet

Përmes muralit “7 të rënët” kërkohet të jetë prioritet shëndeti dhe siguria në punë

Published

on

By

Në Ditën Ndërkombëtare të Sigurisë dhe Shëndetit në Punë në Prishtinë afër hapësirave të stacionit të trenit është shpalosur murali “7 të rënët”. Ky mural është përpjekje për të nderuar shtatë punëtorët e rënë në vendin e punës vitin e kaluar, dhe për të ngritur vetëdijen për rëndësinë  e kushteve të sigurta dhe të shëndetshme në punë.

Murali është realizuar në kuadër të projektit “përtej punësimit” nga Qendra për Politika dhe Avokim (QPA) dhe mbështetur nga Ambasada e Suedisë në Kosovë dhe Frederich Elbert Stiftung.

Ambasadori i Suedisë në Kosovë, Jonas Westerlund tha se ky mural është rikujtim për institucionet, punëdhënësit dhe punëtorët se shëndeti në punë është prioritet. Ai tha se edhe shteti suedez ka dhënë kontributin e tij për sigurinë në punë në Kosovë.

Drejtori i Qendrës për Politika dhe Avokim (QPA), Milaim Morina tha se referuar shifrave të këtij fillim viti gjendja është shqetësuese.

Sipas tij vetëm në tre muajt e parë të vitit 2025 në vendin e punës kanë vdekur 3 punëtorë, ndërsa janë lënduar afër 90.

Menaxheri i programit në Frederich Elbert Stiftung, Egzon Osmani theksoi se ky mural është thirrje për reagim dhe ofrim të sigurisë në vendin e punës.

Dita Botërore për Sigurinë dhe Shëndetin në Punë mbahet çdo vit më 28 prill.

Kjo ditë u iniciua për të promovuar dhe diskutuar rëndësinë e të pasurit një mjedis pune të sigurt dhe të shëndetshëm. Të dhënat tregojnë se vdekjet që kanë ndodhur si pasojë e aksidenteve në punë janë 19% globalisht.

Continue Reading

Lajmet

Kosova lëshon urdhërarrest ndaj Milan Radoçiqit dhe 19 tjerëve për krime lufte

Published

on

By

Gjykata Themelore në Prishtinë ka lëshuar urdhërarrest ndaj Millan Radoiçiqit dhe 19 serbëve të tjerë për veprën penale “Krime lufte kundër popullatës civile”.

Ata dyshohen se kanë vrarë rreth 106 civilë shqiptarë në Gjakovë, raporton “Betimi për Drejtësi“.

Këtë e ka konfirmuar për “Betimi për Drejtësi” prokurori special, Ilir Morina.

Ndryshe, Milan Radoiçiq akuzohet edhe për sulmin terrorist në Banjskë të Zveçanit, sulm për të cilin edhe e ka pranuar përgjegjësinë. Për këtë rast, Gjykata ka lëshuar letërreshtime ndërkombëtar për sigurimin e prezencës së Radoiçiqit dhe të pandehurve tjerë në procedurë.

Prokuroria Speciale e Republikës së Kosovës (PSRK) më 11 shtator 2024 ka ngritur aktakuzë kundër Milan Radoiçiqit dhe 44 të tjerëve për sulmin terrorist të 24 shtatorit 2023 në Banjskë të Zveçanit. Të akuzuarit ngarkohen se përmes përdorimit të dhunës me armatim të rëndë, tentuan ta shkëpusin pjesën veriore të territorit të Republikës së Kosovës e t’ia bashkojnë Republikës së Serbisë, me ç’rast si rezultat i dhunës së përdorur ka mbetur i vdekur zyrtari policor Afrim Bunjaku e u rrezikua jeta e zyrtarëve tjerë policorë dhe popullatës civile.

Aktakuza e Prokurorisë Speciale ngarkon 44 persona fizikë dhe një person juridik “RAD D.O.O”. Listës së të akuzuarve i prin Milan Radoiçiq. /BetimipërDrejtësi

 

Continue Reading

Lajmet

Punimet në sheshin “Xhorxh Bush”, reagon Policia

Published

on

By

Drejtoria Rajonale e Policisë së Kosovës në Prishtinë bëri të ditur se prezenca e zyrtarëve policorë në sheshin  “Xhorxh Bush” sot ishte në asistim të Drejtorisë së Inspektoratit të Komunës së Prishtinës, për aktivitete të planifikuara në kuadër të punës sekondare, aktivitete këto që nuk ndërlidhen me asistimin e kryerjes se punimeve në atë zonë.

Zyrtarët policorë veprojnë në bazë të parimeve të ligjshmërisë, proporcionalitetit dhe neutralitetit, duke respektuar në çdo rast ndarjen e pushteteve dhe kompetencat e institucioneve të tjera.

 Çdo pretendim që sugjeron tejkalim të kompetencave nga Policia e Kosovës është i pabazuar dhe bie ndesh me misionin tonë për të vepruar në mënyrë të paanshme dhe në përputhje me ligjin.​

Policia e Kosovës mbetet e përkushtuar për të ofruar mbështetje institucionale në përputhje me ligjin dhe për të garantuar sigurinë publike, duke respektuar gjithmonë kufijtë e kompetencave të saj”, thuhet në reagimin e Policisë.

Continue Reading

Të kërkuara