Lajmet

Zhvillimet e fundit rreth luftës në Ukrainë

Pushtimi i Ukrainës nga Kremlini ka përkeqësuar krizën globale të ushqimit.

Published

on

Ndërsa Kremlini rrit sulmin e tij ushtarak ndaj Ukrainës, sulmet e fundit të Moskës në objektet energjetike i shtynë autoritetet të vendosin ndërprerje mbarëkombëtare duke filluar nga e enjtja.

Këtu janë zhvillimet më të fundit në luftën e Rusisë në Ukrainë:

Ndërprerjet përfshin Ukrainën: Zyrtarët ukrainas të energjisë thanë se nuk kishin zgjidhje tjetër veçse të prezantonin ndërprerjet emergjente dhe të planifikuara të enjten, kjo pas sulmeve shkatërruese të raketave ruse.

Përshkallëzimi i luftimeve në Kherson:
Forcat ruse penguan një tentativë përparimi nga pala ukrainase në Kherson, tha të enjten ministria e mbrojtjes. (CNN nuk mund të verifikojë në mënyrë të pavarur pretendimet). Ndërkohë, përpjekjet e autoriteteve të instaluara nga Rusia për të “zhvendosur” deri në 60,000 civilë në rajonin jugor janë në vazhdim, pavarësisht se organet humanitare kanë paralajmëruar më parë se një strategji e tillë mund të përbëjë shkelje të të drejtave të njeriut.

Shkatërrim në lindje: Forcat ruse në qytetin e Bakhmut kanë bërë përparime të vogla dhe të qëndrueshme, kryesisht falë grupit Wagner, i cili konsiderohet nga analistët si një kompani private ushtarake e miratuar nga Kremlini. Një mjek ukrainas i tha CNN se “çmimi” për rezistencën e Kievit në rajonin lindor të Donetskut “do të jetë i madh”.

“Prova të bollshme” mbi marrëdhëniet Rusi-Iran: Departamenti i Shtetit i SHBA-së tha se ka “prova të bollshme” se Moska po përdor dronët iranianë për të goditur Ukrainën, një pretendim që Teherani e ka mohuar vazhdimisht. Anëtarët e Bashkimit Evropian kanë rënë dakord për sanksione të reja kundër Iranit.

Kriza globale e ushqimit:
Ministria e Jashtme e Rusisë ka thënë se është “gati” të eksportojë ushqime dhe produkte plehërimi për të parandaluar një krizë globale të sigurisë ushqimore, por fajësoi SHBA-në që po e bën “shumë të vështirë” për Moskën që ta realizojë këtë. Pushtimi i Ukrainës nga Kremlini ka përkeqësuar krizën globale të ushqimit./UBTNews/

Aktualitet

59 të vdekur në trafik për shtatë muaj në rrugët e Kosovës

Published

on

59 persona kanë vdekur në aksidentet e trafikut në rrugët e Kosovës në periudhën janar-korrik të këtij viti.

Në një apel për pjesëmarrësit në trafik, Policia ka kërkuar nga drejtuesit e automjeteve që të jenë vixhilentë në komunikacion dhe të shmangin aksidentet të cilat shpesh po rezultojnë me fatalitet.

Në këto shifra nuk janë llogaritur edhe aksidentet e muajit gusht.

“Policia e Kosovës, për të gjithë ata pjesëmarrës në trafik, e në veçanti për drejtuesit e automjeteve, të cilët bëjnë shkelje të ligjeve e rregullave të trafikut po ndërmerr dhe do të ndërmerr masa ndëshkuese sipas ligjeve në fuqi, me te vetmin qellim parandalimin e aksidenteve të tilla tragjike”, thuhet në apelin e Policisë.

 

Continue Reading

Aktualitet

KDI: Po shkelet Kushtetuta, konstituimi i Kuvendit rrezikon të hyjë në fazë të re të bllokadës

Published

on

Hulumtuesi i lartë në KDI, Vullnet Bugaqku, tha se procesi i konstituimit të Kuvendit nuk ka përfunduar për shkak të mosvotimit të kandidaturës së propozuar nga Lista Serbe për pozitën e nënkryetarit dhe se në këtë proces janë bërë shkelje procedurale dhe kushtetuese.

Ai paralajmëroi se situata mund të prodhojë bllokadë të re politike dhe të çojë çështjen deri në Gjykatën Kushtetuese.

Ai tha se shkelja e parë ka të bëjë me mosrespektimin e nenit 67, paragrafi 4 i Kushtetutës, sipas të cilit fillimisht e drejta e propozimit duhet t’i jepet partisë që përfaqëson komunitetin serb.

“Konstituimi i Kuvendit ende nuk ka përfunduar për faktin që ka mbetur peng votimi për çështjen e nënkryetarit të propozuar nga subjekti politik që përfaqëson komunitetin serb, Lista Serbe. Edhe pse katër herë radhazi ai u propozua nga partia Lista Serbe, megjithatë deputetët e Kuvendit të Kosovës hezituan që ta votonin dhe hezituan ta zgjedhin një nënkryetar të propozuar nga ky subjekt politik. Personalisht vazhdoj të kem bindjen që janë kryer disa shkelje procedurale e kushtetuese ditën e djeshme me rastin e procedurës së propozimit dhe votimit të kandidatëve për anëtarë të kryesisë nga radhët e komuniteteve jo shumicë. Shkelja e parë, mendoj që kryetari i Kuvendit do të duhej që sipas radhitjes, siç përcaktohet në paragrafin 4 të nenit 67 të Kushtetutës, fillimisht t’i jepet e drejta e propozimit të partisë që përfaqëson së pari komunitetin serb në Kuvendin e Kosovës dhe më pas kandidatura e dytë të vijë nga partitë e komuniteteve të tjera që janë jo shumicë”, tha ai.

Bugaqku shtoi se procedura e votimit është devijuar nga praktika dhe është zëvendësuar me short, duke krijuar hapësirë për manipulim.

Ai tha se domosdo do të duhej që të lejohej që procedura për propozimin e nënkryetarit nga Lista Serbe të aplikohej dhe rrjedhimisht t’i nënshtrohej procedurës së votimit.

 

Continue Reading

Aktualitet

Presidentja Osmani kujton heroin Ismet Rrahmani

Published

on

Në 27 vjetorin e rënies, presidentja e Kosovës Vjosa Osmani, ka kujtuar heroin Ismet Rrahmanin.

Në njoftimin e Presidencës në Facebook, thuhet se ai ishte një veprimtar arsimi i devotshëm dhe më pas veprimtar i shquar në luftën për çlirim.

“Idealet që e drejtuan heroin Ismet Rrahmani nuk shuhen, ngase çdo veprim i tij është kujtesë se liria dhe arsimi janë vlera të shenjta që duhet ruajtur.

Duke kujtuar jetën dhe veprën e tij, ruajmë trashëgiminë dhe frymëzojmë brezat e ardhshëm.

Qoftë i përjetshëm kujtimi për heroin Ismet Rrahmani”, shkruhet në postim.

Continue Reading

Aktualitet

Liburn Aliu jep dorëheqje shkaku i Dimal Bashës

Published

on

Ministri në detyrë i Mjedisit, Planifikimit Hapësinor dhe Infrastrukturës, Liburn Aliu, ka dorëzuar dorëheqjen e tij tek kryeministri në detyrë, Albin Kurti.

Aliu me anë të një shkrimi në Facebook ka deklaruar se dorëheqja e tij vjen pas zgjedhjes së Dimal Bashës kryetar të Kuvendit.

“Dua t’ju njoftoj që sapo e dorezova te Kryeministri i Republikës së Kosovës, z. Albin Kurti, letrën e dorëheqjes sime nga detyra e Ministrit në Ministrinë e Mjedisit, Planifikimit Hapësinor dhe Infrastrukturës.

Dorëheqja ime vjen pas zgjedhjes së djeshme të kryetarit te Kuvendit të Republikës së Kosovës. Dje, pas votimit te kryetarit të Kuvendit, e kam njoftuar Kryeministrin Kurti për vendimin tim.

“Konsideroj që zgjedhja e djeshme e Kryetarit të Kuvendit, institucionit më të lartë, ku vendosen ligjet dhe jep llogari qeveria, nuk është në frymën e në lartësitë e atij ideali për Republikën që ka qenë dhe mbetet arsye angazhimi për mua”, ka shkruar Aliu.

Aliu është parë më i tërhequr në paraqitje publike përgjatë fushatës zgjedhore. Ai s’ka qenë as në listën e kandidatëve për deputetë.

Continue Reading

Të kërkuara