Një grip rrit për gjashtë herë më shumë gjasat tek njerëzit të vuajnë nga një atak në zemër apo ndonjë goditje në tru brenda tre ditësh pas një infeksioni.

Kështu thotë një studim i ri në Londër, ndërsa thekson se virusi rrit ndjeshëm rrezikun e një sulmi në zemër për një javë dhe goditje për një muaj pas infektimit.

Vuajtja nga një infeksion respirator, i cili gjithashtu mund të përfshijë pneumoni, shkakton inflamacion, i cili mund të çojë në mpiksjen e gjakut dhe ngjarjet e mëvonshme kardiovaskulare.

Hulumtuesit besojnë se gjetjet e tyre theksojnë rëndësinë e vaksinimit kundër gripit dhe pneumonisë, veçanërisht në mesin e njerëzve të prekshëm, të tillë si të moshuarit apo ata me probleme zemre të mëparshme. /A.Z/UBT News/

Vezët janë padyshim një nga ushqimet më të shëndetshme dhe më të shijshme që mund të përfshini në mëngjesin tuaj.

Konsumimi i tyre rit ndjesinë e ngopjes, ul marrjen e kalorive në vaktet pasuese dhe ndihmon në stabilizimin e nivelit të sheqerit dhe insulinës në gjak. Një studim ka zbuluar se personat që hanin vezë në mëngjes ndiheshin më të kënaqur dhe konsumonin më pak kalori gjatë ditës krahasuar me ata që konsumonin gjevrek.

E verdha e vezës është e pasur me luteinë dhe zeaxanthin, antioksidantë që luajnë rol në mbrojtjen e shëndetit të syve, duke reduktuar rrezikun për katarakt dhe degjenerim makular.

Vezët përbëjnë një nga burimet më të mira të kolinës, një lëndë ushqyese esenciale për funksionimin e trurit dhe shëndetin e mëlçisë.

Edhe pse kanë kolesterol, studimet tregojnë se vezët nuk rrisin në mënyrë domethënëse nivelin e kolesterolit te shumica e njerëzve.

Përkundrazi, përmirësojnë profilin e yndyrave në gjak, duke ndryshuar strukturën e kolesterolit LDL dhe duke rritur nivelin e kolesterolit “të mirë” HDL, një faktor që ul rrezikun e sëmundjeve të zemrës.

Tre vezë të mëdha ofrojnë 20 gram proteina, çka i bën zgjedhje të shkëlqyer për një mëngjes të ushqyeshëm. /A.Z/UBT News/

Xhinxheri është një nga erëzat më të njohura në botë, i përdorur si në gatimet e ëmbla ashtu edhe në ato të kripura.

Shpesh na sjell ndër mend aromat e festave, por në të vërtetë ai ka vlera të rëndësishme gjatë vitit.

Përveç shijes karakteristike, xhinxheri përmban përbërës natyralë që ndikojnë pozitivisht në shëndet.

Konsumimi i rregullt i saj lidhet me një sërë përfitimesh të mundshme, që variojnë nga tretja dhe imuniteti deri te inflamacioni dhe funksionet e trurit. Ngrënia e xhinxherit sjellë benefite të dukshme.

Çfarë ndodh në trup kur e konsumoni çdo ditë?

1. Mund të keni më pak të përziera

Xhinxheri është i njohur për aftësinë e tij për të lehtësuar të përzierat, sidomos te gratë shtatzëna, tek ata që vuajnë nga sëmundja e lëkundjes gjatë udhëtimit, apo kur stomaku është i irrituar. Ai vepron mbi receptorët e serotoninës në zorrë, gjë që e bën shumë efektiv.

2. Ndihmon kundër gazrave dhe fryrjes

Stimulon tretjen dhe nxit lëvizjen më të shpejtë të ushqimit në sistemin tretës. Si karminativ, qetëson stomakun dhe redukton gazrat e tepërt dhe fryrjen.

3. Ul inflamacionin

Përbërësi aktiv i xhinxherit, gingeroli, ka veti të forta anti-inflamatore dhe antioksiduese. Ai zvogëlon dhimbjet e kyçeve, inflamacionin kronik dhe dhimbjet e muskujve pas stërvitjes. Studime të ndryshme tregojnë se xhinxheri mund të ndihmojë personat që vuajnë nga artroza.

4. Mund të sëmuresh më rrallë

I pasur me antioksidantë që forcojnë sistemin imunitar. Nuk e parandalon plotësisht ftohjen, por mund të ulë ndjeshmërinë ndaj infeksioneve.

5. Mund të lehtësojë dhimbjet menstruale

Xhinxheri mund të zvogëlojë dhimbjet menstruale falë efektit të tij relaksues dhe anti-inflamator.

6. Përmirëson nivelin e kolesterolit

Sipas studimeve, konsumimi i rregullt i xhinxherit mund të ulë nivelin e LDL-së (“kolesteroli i keq”) dhe trigliceridet, duke kontribuar në një zemër më të shëndetshme.

7. Stabilizon sheqerin në gjak

Xhinxheri mund të ndihmojë në mbajtjen e një niveli të qëndrueshëm të sheqerit në gjak, duke përmirësuar energjinë dhe metabolizmin. Studimet tregojnë përfitime edhe tek personat me diabet.

8. Mbështet shëndetin e mëlçisë

Ai mund të ulë disa enzima të mëlçisë e përmirëson funksionimin e saj, ndoshta falë ndikimit të tij në uljen e rezistencës ndaj insulinës.

9. Mund të përmirësojë shëndetin e trurit

Falë vetive antioksiduese e anti-inflamatore, xhinxheri kontribuon në mbrojtjen e trurit në afat të gjatë.

Disa përbërës lidhen me uljen e rrezikut për sëmundje neurodegjenerative si Alzheimeri, Parkinsoni dhe skleroza multiple. /A.Z/UBT News/