Nxënësit e UBT International Smart Schools në Prishtinë janë vlerësuar me çmim të veçantë nga Fondacioni Jahjaga dhe UN Women, për pjesëmarrjen e tyre të jashtëzakonshme dhe përkushtimin gjatë fushatës 16 Ditët e Aktivizmit kundër Dhunës me Bazë Gjinore.

Ky vlerësim është një dëshmi e angazhimit të nxënësve në sensibilizimin dhe promovimin e barazisë gjinore, duke dhënë një kontribut të rëndësishëm për një shoqëri më të drejtë dhe më të barabartë.

Përmes diskutimeve kuptimplota dhe aktiviteteve ndërgjegjësuese, ata dëshmuan fuqinë e rinisë për të sjellë ndryshime pozitive.

Ky çmim është një motivim i mëtejshëm për të rinjtë që të vazhdojnë të jenë zë për ndryshim, duke ndërtuar një të ardhme më të sigurt dhe më të drejtë për të gjithë!

Në UBT, u organizua një diskutim i hapur mbi temën e rëndësishme “Proceset e Sigurisë së Kosovës dhe Zhvillimi i FSK-së”, me pjesëmarrjen e Gjeneralmajorit dhe Zëvendës Komandantit të Forcës së Sigurisë së Kosovës (ZVKOMFSK), Enver Cikaqi, i cili ndau eksperiencat dhe vizionin e tij për sfidat dhe zhvillimet e fundit në sektorin e sigurisë në Kosovë.

Aktiviteti ka ofruar një mundësi për studentët e Fakulteteve Shkenca Politike dhe Studime të Sigurisë dhe stafin akademik të UBT-së për të angazhuar një bisedë të drejtpërdrejtë mbi rëndësinë e forcimit të sigurisë në vend dhe rolin që Forca e Sigurisë së Kosovës luan në garantimin e stabilitetit dhe paqes në rajon.

Gjatë diskutimit, janë shqyrtuar zhvillimet më të fundit në fushën e sigurisë dhe janë trajtuar tema të rëndësishme lidhur me përgatitjen dhe avancimin e kapaciteteve të FSK-së. Pjesëmarrësit kanë pasur mundësinë të dëgjojnë nga afër përkushtimin e FSK-së për të kontribuar në stabilitetin e Kosovës, duke përfshirë sfidat dhe mundësitë për forcimin e mëtejshëm të saj.

Gjatë diskutimit, Rektori i UBT-së, Prof. Dr. Edmond Hajrizi, ka theksuar rëndësinë e këtij aktiviteti për studentët dhe komunitetin akademik të UBT-së.

“Në UBT, ne besojmë se arsimimi dhe njohuritë e thella mbi këto çështje janë të rëndësishme për të forcuar ndërgjegjësimin dhe për të kontribuar në një të ardhme më të sigurt dhe më stabile për vendin tonë”, tha Rektori Hajrizi.

Nga ana tjetër, Gjenerali Enver Cikaqi, Zëvendës Komandant i FSK-së, ka ndarë me pjesëmarrësit një mesazh të fuqishëm mbi rëndësinë e forcimit të kapaciteteve të Forcës së Sigurisë së Kosovës dhe rolin e saj në garantimin e paqes dhe stabilitetit në rajon.

“FSK-ja ka kaluar një transformim të jashtëzakonshëm në vitet e fundit dhe është një nga faktorët kyç në ruajtjen e sigurisë dhe stabilitetit në Kosovë. Siguria është një detyrë që kërkon angazhim të vazhdueshëm dhe bashkëpunim të ngushtë me partnerët ndërkombëtarë”, u shpreh Gjeneralmajor Cikaqi.

Ky aktivitet krijoi mundësi për bashkëbisedim dhe shkëmbim ideje për një temë që ka ndikim të drejtpërdrejtë në të ardhmen e sigurisë dhe stabilitetit në rajon. Pjesëmarrësit kanë shprehur interes të madh për këto çështje dhe kanë kontribuar me pyetje dhe ide mbi mënyrat për të avancuar më tej sigurinë kombëtare dhe rajonale.

UBT vazhdon të qëndrojë në krye të inovacioneve dhe avancimit të arsimit profesional në Kosovë. Me një angazhim të fortë për të përshtatur programet e studimit me kërkesat dinamike të tregut të punës dhe industrisë, UBT po i përgjigjet nevojave të një shoqërie gjithnjë e më shumë të orientuar drejt teknologjisë dhe mjekësisë. Një prej programeve më të kërkuar është Fakulteti Teknik i Radiologjisë, i cili i përgatit studentët për një fushë që ka një kërkesë të lartë për profesionistë të kualifikuar dhe është në zhvillim të shpejtë.

Fokus në teknologji dhe praktikë

Programi është projektuar për të ofruar një edukim të thellë dhe gjithëpërfshirës, i cili integron njohuritë teorike me praktikat e avancuara të fushës. Kjo përgatitje është e domosdoshme për të përballuar sfidat që dalin nga zhvillimet e shpejta teknologjike dhe kërkesat e tregut të punës. Programi i studimeve përfshin përdorimin e teknologjive moderne të imazherisë mjekësore, duke u fokusuar në metodat dhe pajisjet e fundit, si rezonanca magnetike (MRI), tomografia kompjuterizuar (CT), dhe mamografia.

Fakulteti ofron gjithashtu mundësi për zhvillimin e aftësive praktike dhe teknologjike përmes metodave të simuluara dhe përdorimit të realitetit virtual (VR), duke u mundësuar studentëve të përgatiten për mjedise të ndryshme profesionale, si ato klinike dhe spitalore.

Praktika intensive dhe angazhimi në spitalet e specializuara

Një nga elementët më të rëndësishëm të këtij programi është praktika intensive që zhvillohet në bashkëpunim me spitale dhe klinika të njohura, si Qendra Klinike Universitare e Kosovës (QKUK), dhe poliklinikën moderne të UBT-së. Ky angazhim praktik është esencial për të siguruar që studentët të zhvillojnë aftësi të larta për të përdorur pajisje të specializuara dhe për të operuar në kushte të ndryshme, duke ofruar asistencë në diagnostikimin dhe trajtimin e pacientëve. Praktikat janë një mundësi e shkëlqyer për studentët të merren me situata klinike reale dhe të zhvillojnë aftësitë e nevojshme për të përballuar emergjenca dhe për të ofruar trajtim të saktë dhe të shpejtë.

Përgatitja për tregun e punës dhe shkathtësitë e nevojshme

Objektivi kryesor i këtij programi është të pajisë studentët me njohuri dhe aftësi të thella, jo vetëm në përdorimin e teknologjive të fundit, por edhe në interpretimin dhe analizimin e imazheve mjekësore për të mundësuar diagnostikim dhe trajtim të saktë. Përveç njohurive teknike, programi është i fokusuar gjithashtu në zhvillimin e aftësive të komunikimit, menaxhimit të informacionit mjekësor dhe ndjekjes së standardeve etike. Studentët do të mësojnë si të trajtojnë pacientët me ndjeshmëri, të sigurojnë respektimin e privatësisë së tyre dhe të veprojnë sipas rregullave profesionale që mbizotërojnë në industrinë e radiologjisë.

Infrastrukturë dhe teknologji të avancuar

UBT ka investuar ndjeshëm në infrastrukturë dhe pajisje për të siguruar një mësimdhënie cilësore. Fakulteti është i pajisur me laboratorë të specializuar, teknologji të avancuar për simulime dhe mjete kërkimore, si dhe me infrastrukturë moderne për studime shkencore. Po ashtu, biblioteka e fakultetit ofron literaturë shkencore të përditësuar, duke mundësuar që studentët të kenë akses në tekstet e fundit të fushës së radiologjisë. Angazhimi për sigurinë e një ambienti të përshtatshëm për studime është kyç për përgatitjen e studentëve dhe për avancimin e profesionistëve të ardhshëm.

Mundësitë e bashkëpunimit ndërkombëtar dhe perspektivat e punësimit

Fakulteti Teknik i Radiologjisë ofron mundësi bashkëpunimi ndërkombëtar dhe mundësi praktike jashtë vendit, përmes marrëveshjeve me universitete dhe spitale të njohura ndërkombëtare. Kjo i ofron studentëve mundësi për të zhvilluar praktika ndërkombëtare dhe për të zgjeruar horizontet e tyre profesionale në një nivel global. Studentët kanë mundësinë të krijojnë lidhje profesionale me institucione të ndryshme, që mund të çojnë në mundësi punësimi brenda dhe jashtë vendit, gjithashtu.

Dekani i Fakultetit Teknik të Radiologjisë, Prof. Ass. Dr. Fitim Alidema, thekson rëndësinë e këtij programi dhe angazhimin e fakultetit për të ofruar arsim të nivelit të lartë. “Në UBT, jemi të përkushtuar të ofrojmë një arsim të nivelit më të lartë dhe të sigurojmë që studentët tanë të jenë të përgatitur për sfidat e mjekësisë moderne dhe të kenë një ndikim të drejtpërdrejtë në përmirësimin e shëndetit të pacientëve. Misioni ynë është të zhvillojmë profesionistë të kualifikuar, që janë të aftë të kontribuojnë në avancimin e fushës së radiologjisë”, tha ai.

Fakulteti Teknik i Radiologjisë në UBT është një mundësi ideale për ata që dëshirojnë të zhvillojnë një karrierë të suksesshme në një fushë kyçe për mjekësinë moderne. Fakulteti ofron mundësi të shkëlqyer për ata që duan të bëhen profesionistë të kualifikuar në radiologji, duke kontribuar në përmirësimin e shërbimeve shëndetësore dhe avancimin e mjekësisë./UBTNews/D.E.

Në kuadër të Italian Design Day, në UBT u organizua një konferencë e veçantë e dedikuar për studentët të Arkitekturës dhe Dizajnit, si dhe profesionistëve të fushës, ku u trajtua tema “Pabarazitë. Dizajni për një jetë më të mirë”. Kjo ngjarje shënoi një moment të rëndësishëm për të reflektuar mbi rolin e dizajnit si një instrument për të adresuar pabarazitë dhe për të krijuar një mjedis më gjithëpërfshirës dhe të drejtë për të gjithë.

Konferenca u mbajt në Parkun Shkencor, Inovativ dhe Teknologjik të UBT-së në Lipjan, duke bashkuar studentë, akademikë dhe profesionistë të arkitekturës dhe dizajnit me ekspertë të njohur ndërkombëtarë. Ligjëruesi kryesor i ngjarjes ishte arkitekti dhe dizajneri Alessandro Mason, themelues i Studio GISTO, i cili ndau me të pranishmit përvojat dhe qasjet e tyre inovative në dizajn.

Duke u bazuar në hulumtimet dhe praktikat profesionale, ai trajtoi mënyrat se si dizajni mund të shërbejë për të zbutur pabarazitë shoqërore dhe për të ndërtuar hapësira që promovojnë gjithëpërfshirjen, mirëqenien dhe një cilësi më të mirë të jetës për të gjithë. Diskutimet u fokusuan gjithashtu në ndikimin e dizajnit në planifikimin urban, arkitekturën sociale dhe krijimin e qyteteve të qëndrueshme, duke nxitur të pranishmit të mendojnë për një të ardhme ku estetika dhe funksionaliteti ecin krah për krah me barazinë dhe drejtësinë sociale.

Në këtë ngjarje morën pjesë edhe Rektori i UBT-së, Prof. Dr. Edmond Hajrizi, Ambasadori i Italisë në Kosovë, Antonello De Riu, dhe Ark. Gëzim Kastrati nga Komuna e Prishtinës, të cilët theksuan rëndësinë e kësaj teme dhe rolin e arkitekturës e dizajnit në krijimin e një bote më të barabartë.

Rektori i UBT-së, Prof. Dr. Edmond Hajrizi, e cilësoi këtë ngjarje si një mundësi të jashtëzakonshme për studentët që të mësojnë nga ekspertët dhe të frymëzohen për të sjellë ndryshime konkrete në arkitekturë dhe dizajn për një shoqëri më të barabartë.

“Dizajni nuk është thjesht një art apo profesion, por një përgjegjësi ndaj shoqërisë. Ai ka fuqinë të shërojë pabarazitë, të ndërtojë ura bashkëpunimi dhe të krijojë hapësira që pasqyrojnë vlerat e drejtësisë dhe gjithëpërfshirjes. Studentët tanë sot nuk po mësojnë vetëm si të krijojnë forma, por si të formësojnë një të ardhme më të mirë për të gjithë. Pikërisht për këtë arsye, në UBT kemi krijuar dhe zhvilluar departamente të specializuara në fusha si Arkitektura, Dizajni, Inxhinieria dhe Teknologjia, të cilat po tërheqin gjithnjë e më shumë të rinj që dëshirojnë të ndërtojnë të ardhmen me kreativitet dhe inovacion”, tha Rektori Hajrizi.

Ambasadori italian në Kosovë, Antonello De Riu në fjalën e tij inspiruese, citoi arkitektin e njohur Renzo Piano, duke thënë:

“Bukuria është po aq jetike sa buka, dhe si buka, duhet të jetë e qasshme për të gjithë”.

Ai shtoi se dizajni nuk është thjesht një art apo profesion, por një mjet për ndryshim shoqëror, i aftë të ripërcaktojë mënyrën se si njerëzit jetojnë, bashkëveprojnë dhe përjetojnë hapësirat rreth tyre.

“Dizajni nuk është një privilegj, por një e drejtë – e drejta për një jetë të dinjitetshme, për një shoqëri të drejtë dhe për një planet të qëndrueshëm. E ardhmja është në duart tuaja, në skicat dhe projektet që do të krijoni. Ndërtoni qytete që bashkojnë, shtëpi që mbrojnë dhe hapësira që fuqizojnë. Kur dizajni është i rrënjosur në humanizëm, ai nuk është thjesht një mjet për ta zbukuruar jetën, por për ta transformuar atë në thelb”, u shpreh Ambasadori De Riu.

Ark. Gëzim Kastrati, përfaqësues i Komunës së Prishtinës, foli për rëndësinë e urbanizmit të qëndrueshëm dhe nevojën për dizajn që i përgjigjet kërkesave të të gjithë qytetarëve, pa përjashtime. Ai vlerësoi rolin e UBT-së si një qendër e rëndësishme e inovacionit dhe edukimit në fushën e arkitekturës dhe dizajnit.

Ngjarja përfundoi me një sesion diskutimi interaktiv, ku studentët patën mundësinë të ndajnë idetë dhe pikëpamjet e tyre mbi temën e pabarazive në dizajn. Ata u inkurajuan të shohin arkitekturën jo vetëm si një profesion, por si një mjet për të ndërtuar një të ardhme më të drejtë dhe të qëndrueshme.

Italian Design Day në UBT ishte një dëshmi e fuqisë së dizajnit për të ndikuar pozitivisht në shoqëri dhe për të krijuar hapësira që pasqyrojnë vlera të barazisë, gjithëpërfshirjes dhe drejtësisë sociale. Kjo ngjarje forcoi edhe më shumë bashkëpunimin akademik dhe profesional mes Kosovës dhe Italisë, duke hapur rrugën për ide të reja dhe projekte që synojnë të ndërtojnë një botë më të mirë për të gjithë.