Lajmet

Zgjedhjet e reja mund t’i vënë në ekuilibër numrash pozitë e opozitë

Pozitë e opozitë në vendin tonë nuk e përjashtojnë mundësinë e zgjedhjeve të parakohshme.

Published

2 years ago

on

Sipas kalendarit zgjedhor, viti në të cilin qytetarët e Kosovës mund t’i drejtohen kutive të votimit është 2025-ta. Megjithatë pozitë e opozitë në vendin tonë nuk e përjashtojnë mundësinë e zgjedhjeve të parakohshme.

Madje kandidaturat për Kryeministrin e ardhshëm të shtetit kanë nisur qysh tani. Partia Demokratike e Kosovës, ka nominuar për Kryeministër Bedri Hamzën, që aktualisht mban pozitën e Kryetarit të Mitrovicës Jugore.

Njohësi i çështjeve politike, Sylë Ukshini, në një prononcim për UBTNews thotë se PDK me këtë veprim po tenton të fitoj elektorat.

“Duke nxjerrë Bedri Hamzën që ka pasur një sukses në Mitrovicë, në kuptimin që ka fituar garën ka bërë një betejë të madhe, unë mendoj që Partia Demokratike sigurisht e ka menduar një kandidat që mund t’i sjellë më shumë vota, tash është shumë herët për të menduar cili do jetë impakti real”, deklaroi ai.

Po ashtu Ukshini thotë se kjo mund të krijojë hapësirë që fushata e ardhshme të ketë në fokus çështje ekonomike.

“Unë mendoj se kanë provuar që të krijojnë një kohezion më të brendshëm partiak por edhe të ketë një risi në kuadrin e shtyetjeve të reja që me marrë sa më shumë vota për këtë, dhe një element tjetër që nuk e di a është përmend duke zgjedhur një ekonomist që konsiderohet që ka qenë një ministër i sukseshëm tregohet që fushata e ardhshme të ketë shumë elemente jo politike po do të ketë edhe elemete zhvillimore dhe ekonomike”, deklaroi ai tutje.

Duke folur për zgjedhje ai thotë se ato pritet ta krijojnë një ekulibër ndërmjet pozitës dhe opozitës.

“Ne duhet të jemi realist LVV ka pasur 51 përqind të votave dhe është pak jo realiste të flitet se një parti nga 50 përqind, mund të rrëshqas gjysmë për gjysmë… Unë mendoj se duke qenë tri adresa, Kurtit do t’ia bëjë më të lehtë në zgjedhjet e ardhshme, po të ishin bashkuar të gjitha partitë politike dhe pastaj pas zgjedhjeve secila dmth të ofrojë pjesë të veta ose pjesë të programit, sepse në fund të fundit kështu funksionojnë partitë politike gjithëkund në botë”, tha ai.

Më 14 shkurt të vitit 2021 janë mbajtur zgjedhjet e fundit paralamentare, fituese e të cilave doli Lëvizja Vetevendosje. Që nga pas lufta në vendin tonë shumicën e herave ka pasur zgjedhje të parakohshme, teksa vetëm tri herë ato janë mbajtur në mënyrë të rregullt./UBTNews/

Realizoi: Dea Berisha

Related Topics:
Continue Reading

Vendi

PDK dhe AAK bllokojnë hyrjen e Qeverisë: Kërkohet vazhdimi i seancës konstituive

Published

42 minutes ago

on

August 20, 2026

By

Deputetët e Partisë Demokratike të Kosovës, të mbështetur nga kolegët e Aleancës për Ardhmërinë e Kosovës si dhe asamblistë nga Komuna e Vushtrrisë, kanë vazhduar edhe të enjten aksionin protestues duke bllokuar hyrjen e ndërtesës së Qeverisë.

Përmes kësaj proteste, subjektet opozitare po kërkojnë zhbllokimin e menjëhershëm të procesit të konstituimit të Kuvendit.

PDK-ja ka akuzuar Lëvizjen Vetëvendosje dhe kryeministrin në detyrë, Albin Kurti, për bllokim institucional, ndërsa i ka bërë thirrje të përsëritur kryesuesit të seancës, Avni Dehari, që të thërrasë vazhdimin e punimeve.

Ndërkohë, edhe AAK ka kundërshtuar zvarritjen e këtij procesi, duke kërkuar rikthimin e vendit në funksionalitet të plotë institucional. /Ekonomia online/

Continue Reading

Vendi

Bypass apo stent? Kur kirurgjia e zemrës bëhet zgjedhja më e përshtatshme për pacientin

Published

16 hours ago

on

August 19, 2026

By

Shëndeti i zemrës nuk përcaktohet vetëm nga një diagnozë, por nga kompleksiteti i dëmtimeve, gjendja e përgjithshme e pacientit dhe mënyra më e sigurt për të rikthyer qarkullimin e duhur të gjakut në muskulin e zemrës. Për këtë arsye, jo çdo problem i arterieve koronare mund të zgjidhet me vendosjen e një stenti apo vetëm përmes trajtimit medikamentoz.

Në rastet kur bllokimet janë të shumta, të përhapura ose anatomikisht komplekse, kirurgjia e bypass-it mund të jetë një alternativë e rëndësishme terapeutike, e cila vendoset pas vlerësimit të plotë të pacientit nga ekipi specialistik.

Pikërisht për këtë çështje, Dr. Sulejman Kusi, specialist i kardiologjisë/kardiokirurgjisë në United Hospital, shpjegon se vendimi ndërmjet stentit dhe bypass-it duhet të bazohet në karakteristikat konkrete të sëmundjes koronare dhe në gjendjen e përgjithshme shëndetësore të pacientit. Zgjedhja e trajtimit nuk është një vendim që merret në mënyrë të njëjtë për të gjithë, por kërkon ekzaminime, vlerësim të enëve koronare dhe gjykim të specializuar mjekësor.

Rikuperimi pas bypass-it kërkon kujdes dhe disiplinë

Pas një operacioni bypass, rikthimi në aktivitetet e përditshme është një proces gradual. Kujdesi për plagën operative, aktiviteti fizik i kontrolluar dhe ushqyerja e shëndetshme janë pjesë të rëndësishme të periudhës së rikuperimit.

Pacientët këshillohen që plagën operative ta mbajnë të pastër dhe të thatë, të ecin çdo ditë sipas udhëzimeve të mjekut dhe të kryejnë ushtrimet e frymëmarrjes pa e sforcuar organizmin. Po ashtu, një regjim ushqimor i balancuar, me më shumë fruta, perime dhe peshk dhe me kufizim të kripës së tepërt, mund të jetë pjesë e rëndësishme e kujdesit afatgjatë për shëndetin kardiovaskular.

Rikuperimi kërkon durim, terapi dhe monitorim

Periudha pas operacionit të zemrës nuk duhet parë si një kthim i menjëhershëm në ritmin e mëparshëm të jetës. Ajo kërkon disiplinë, durim dhe ndjekje të vazhdueshme mjekësore. Ecja e përditshme, ushtrimet e frymëmarrjes, marrja e rregullt e terapisë së përshkruar dhe pushimi i mjaftueshëm janë ndër elementet që mund ta mbështesin rikuperimin.

Në javët e para mund të shfaqen lodhje, shqetësime të menaxhueshme në kraharor, çrregullime të gjumit apo ulje e oreksit. Megjithatë, çdo simptomë e re, e fortë ose që përkeqësohet duhet t’i komunikohet ekipit mjekësor dhe nuk duhet të trajtohet vetëm me vetëkujdes.

Mosha e shtyrë nuk është kriteri i vetëm për kirurgjinë

Një prej pyetjeve të rëndësishme për pacientët dhe familjarët është nëse operacioni në zemër është i sigurt te personat në moshë të shtyrë. Sipas Dr. Sulejman Kusit, mosha në vetvete nuk e përcakton sigurinë e ndërhyrjes. Vlerësimi duhet të marrë parasysh gjendjen e përgjithshme shëndetësore, funksionimin e organeve, sëmundjet shoqëruese, gjendjen e zemrës dhe kompleksitetin e problemit koronar.

Për këtë arsye, vendimi për ndërhyrje kirurgjikale duhet të merret individualisht, pas një vlerësimi të plotë specialistik dhe pas peshimit të përfitimeve dhe rreziqeve për secilin pacient.

Në fund, mesazhi kryesor është i qartë: kujdesi për zemrën nuk përfundon me ndërhyrjen kirurgjikale. Bypass-i apo stenti mund të jenë pjesë e trajtimit, por kontrolli i faktorëve të rrezikut, terapia e përshkruar, aktiviteti fizik i përshtatur dhe ndjekja mjekësore mbeten thelbësore për shëndetin afatgjatë.

Për informacione dhe konsultime në United Hospital:
📞 038 60 70 70 / 046 60 70 70

Vendimi ndërmjet trajtimit medikamentoz, stentit dhe bypass-it duhet të merret vetëm nga mjeku/ekipi specialistik pas vlerësimit individual të pacientit./rajonipress/

Continue Reading

Aktualitet

Në Zubin Potok identifikohen mbetje kockore të së paku 23 personave

Published

16 hours ago

on

August 19, 2026

By

Prokuroria Speciale dhe Instituti i Mjekësisë Ligjore thanë se në Zubin Potok, në lokacionet ku dyshohet se ka varre masive, bazuar në vlerësimet preliminare janë identifikuar mbetje kockore që dyshohet se u përkasin të paktën 23 individëve.

“Identifikimi i plotë do të bëhet pas përfundimit të ekzaminimeve mjeko-ligjore dhe procedurave përkatëse”, u tha në njoftim.

Kryeministri në detyrë i Kosovës, Albin Kurti, më herët kishte deklaruar se mbetjet mortore të gjetura në Kalludër të Vogël, mund t’u përkasin grupit të 23 shqiptarëve që ishin zhdukur në atë pjesë të Kosovës në vitin 1999.

Ky grup, i njohur si “grupi i intelektualëve të Mitrovicës” është i zhdukur që nga 19 prilli i vitit 1999. Në mesin e tyre kishte mjekë, profesorë, avokatë dhe profile të tjera.

Gërmimet në Zubin Potok nisën më 28 korrik dhe gërmimet janë kryer në Kalludër të Vogël, Jakubë dhe në një lokacion tjetër në këtë komunë, në veri të Kosovës.

Gërmimet nisën pas një hetimi dyvjeçar lidhur me dyshimet për krime lufte.

Më 15 gusht, autoritetet kishin njoftuar se në Kalludër ishin gjetur mbetje eshtërore të të paktën tre personave.

“Aktualisht, lidhur me këtë rast janë duke u hetuar tre persona J.R., M.J dhe M.B. nën dyshimin për kryerjen e veprës penale ‘Krime lufte kundër popullsisë civile’, të cilët ndodhen në masën e paraburgimit”, tha Prokuroria Speciale e Kosovës.

Njëri nga të arrestuarit, sipas autoriteteve, dyshohet se në kohën e luftës kishte qenë pjesë aktive e Armatës Jugosllave.

Sipas Institutit të Krimeve të Kryera Gjatë Luftës në Kosovë, 1.577 persona vazhdojnë të jenë të zhdukur nga lufta e viteve 1998-1999, ndërsa janë dokumentuar gjithsej 12.230 viktima të luftës.

Kosova ka kërkuar vazhdimisht nga Serbia bashkëpunim për zbardhjen e fatit të personave të zhdukur dhe qasje në arkivat ushtarake që sipas autoriteteve mund të ndihmojnë në identifikimin e lokacioneve të varreve të mundshme.
/REL/

Continue Reading

Lajmet

PDK i kërkon përseri Avni Deharit vazhdimin e seancës konstituive më 20 gusht

Published

17 hours ago

on

August 19, 2026

By

Deputetët e Partisë Demokratike të Kosovës (PDK) i kanë dërguar kërkesë zyrtare kryesuesit të seancës konstituive, Avni Dehari, për të thirrur vazhdimin e seancës ditën e enjte, më 20 gusht.

Përmes një letre, PDK-ja ka theksuar se caktimi i seancës është një obligim kushtetues dhe procedural i kryesuesit, duke paralajmëruar se vonesat e mëtejshme thellojnë shkeljet ligjore.

“Moskonstituimi i Kuvendit brenda afatit të përcaktuar tashmë ka krijuar një situatë të rëndë të shkeljes së Kushtetutës dhe të mosrespektimit të aktgjykimeve të Gjykatës Kushtetuese. Mosrespektimi i afateve dhe procedurave të përcaktuara me Rregulloren e Kuvendit vetëm sa e thellon më tej këtë situatë”, ,thuhet në kërkesen e PDK-së.

Kjo kërkesë vjen në kuadër të aksioneve të vazhdueshme të PDK-së, deputetët e së cilës po protestojnë çdo mëngjes para Qeverisë dhe po mblidhen çdo dy ditë në sallën e Kuvendit.

Në anën tjetër, që nga vazhdimi i fundit më 8 gusht, kryesuesi Avni Dehari nuk ka thirrur seancë të re, duke mbështetur qëndrimin e kryetarit të Lëvizjes Vetëvendosje, Albin Kurti, se pa një marrëveshje politike seancat mbeten “shterpe”. Kurti ka kërkuar më shumë kohë për negociata, me arsyetimin se pa një dakordim për postin e presidentit, vendi do të shkojë pashmangshëm në zgjedhje të reja.

Përderisa PDK-ja dhe AAK-ja kanë refuzuar takimet me Kurtin, ky i fundit ka zhvilluar negociata me Lidhjen Demokratike të Kosovës (LDK), përfshirë një takim me liderin e saj, Lumir Abdixhiku, për të diskutuar rreth çështjes së presidentit. Ndërkohë, afati kushtetues 30-ditor për konstituimin e Kuvendit pas certifikimit të rezultateve tashmë ka kaluar. /E.A/

Continue Reading

Të kërkuara