

Lajmet
Zëvendëskryeministrja Rexhepi kundër asociacionit: Të gjendet një zgjidhje tjetër
Kjo pasi sipas saj, do të nënkuptonte ‘një republikë serbe të dytë në Kosovë’.
Published
3 years agoon
By
UBT newsZëvendëskryeministrja për Çështjen e Pakicave dhe të Drejtave të Njeriut, Emilija Rexhepi vlerëson se duhet të gjendet një zgjidhje tjetër për asociacionin e komunave serbe, pasi do të nënkuptonte ‘një republikë serbe të dytë në Kosovë’.
Rexhepi thekson se themelimi i një asociacioni një-etnik serb mbetet i gabuar pasi që siç thotë ajo, në Kosovë të gjitha komunitetet janë të barabarta.
“Konsideroj se formimi i komunave etnike është gabim, nuk jep një pasqyrë të vërtetë multikulturore këtu në Kosovë, nuk i jep të drejtë komuniteteve të tjera të jetojnë lirshëm, të funksionojnë lirshëm dhe konsideroj që krijimi i komunave të tilla me një komunitet shumicë ose edhe vetë emri ‘asociacioni i komunave serbe’, është krijimi i një ‘republike serbe të dytë në Kosovë’. Ne të gjithë jemi dëshmitarë se çfarë është gjendja në Bosnje dhe Hercegovinë dhe se çfarë krejt mundet, përgjatë këtyre viteve, të bëjë ‘Republika serbe’ në funksionimin normal te të gjithë qytetarëve, të gjitha kombeve, të gjitha bashkësive në Federatën e Bosnjës dhe Hercegovinës dhe nëse një gjë të tillë do të kishim në Kosovë, ku ne krijojmë një shoqëri e cila është e barabartë për të gjithë, e drejtë për të gjithë, ku do të kishim dërguar një fotografi të Ballkanit, Evropës dhe botës që në këtë shtet jetojnë të gjitha kombet, të barabartë, të përfshirë në të gjitha sferat e shoqërisë kosovare dhe të krijohet një komunë e tillë për mua është gabim. Duhet që të gjendet një model sa më i mirë i mundshëm që të gjithë të jenë të kënaqur në atë model”, thotë Rexhepi.
E pyetur për dokumentin franko-gjerman, ajo thotë se nuk ka njohuri për një të tillë.
Rexhepi thekson se si ekzekutiv nuk kanë diskutuar për këtë çështje, derisa shtoi se një draft i tillë nuk mund të kalojë aq lehtë.
“Me kryeministrin Albin Kurtin, ne kemi kontakte të përditshme lidhur me çfarëdo gjëje e që është me interes kombëtar. Ne nuk e kemi pa këtë dokument, unë personalisht nuk e kam pa këtë dokument, ashtu që nuk mund të them asgjë lidhur me të, aq sa ju dini nga mediat aq edhe unë, si nënkryetare e qeverisë, di. Në atë moment kur dokumenti do të bëhet gati, ne do të bisedojmë, do të shikojmë se çfarë qëndrimi do të marrim si qeveri… Kryeministri jonë është shumë transparent, ne bisedojmë për të gjitha temat kyçe të shtetit tonë dhe nuk besoj se një dokument i tillë, i rëndësishëm mundet aq lehtë të kalojë”, thotë Rexhepi.
Ndryshe, javën e kaluar në një konferencë për media, presidentja Vjosa Osmani tha se nisma franko-gjermane, ka për qëllim intensifikimin e dialogut dhe kjo sipas saj nënkupton që çështjet që deri më tani janë diskutuar veç e veç, të bëhen bashkë në mënyrë që të mos zvarriten për shumë kohë.
Lajmet
Aksident me fatalitet në Gjakovë, humb jetën një person
Published
1 hour agoon
April 28, 2025By
UBTNews
Policia e Kosovës ka njoftuar se të dielën në fshatin Vogovë të Gjakovës ka ndodhur një aksident trafiku me pasojë vdekjen e një personi.
Sipas njoftimit, një shtetas i Shqipërisë, duke drejtuar automjetin, dyshohet se nga pakujdesia ka humbur kontrollin dhe ka shkaktuar vetaksident. Si pasojë, drejtuesi i automjetit ka humbur jetën në vend, ndërsa vdekja e tij është konstatuar nga ekipi mjekësor.
Në aksident janë lënduar edhe tre pasagjerë, shtetas të Shqipërisë, të cilët po trajtohen në spitalin e Gjakovës.
Me vendim të prokurorit, trupi i pajetë është dërguar në Institutin e Mjekësisë Ligjore për obduksion, ndërsa rasti është duke u hetuar.

Kardinalët e Kishës Katolike që kanë mbërritur tashmë në Romë ku do të takohen sot për të diskutuar zgjedhjen e papës së ri.
Ky është Kongregacioni i pestë i Përgjithshëm që nga vdekja e papa Françeskut, e cila ndodhi të hënën e Pashkëve. Ende nuk është e qartë se sa kardinalë do të marrin pjesë në takim, i njohur edhe si parakonklavë.
Për ditë të tëra ka pasur spekulime të gjalla rreth kandidatëve dhe favoritëve të mundshëm.
Kardinalët janë takuar tashmë në ditët para funeralit dhe varrimit të Françeskut, i cili u krye të shtunën.
Për momentin, nuk është caktuar ende një datë për fillimin e konklavit, i cili do të zhvillohet me dyer të mbyllura në Kapelën Sistine.
Për t’u bërë papë, një kardinal duhet të marrë dy të tretat e votave të konklavës. Një votim mbahet ditën e parë, i ndjekur nga katër fletëvotime në secilën ditë pasuese. Pasi zgjidhet papa i ri, tym i bardhë ngrihet nga një oxhak i instaluar në çatinë e Kapelës Sistine.
Lajmet
Ndërron jetë Naser Shala, ushtar i hershëm i Brigadës 121
Published
1 hour agoon
April 28, 2025By
UBTNews
Pas një sëmundjeje të shkurtër, ka ndërruar jetë Naser Bislim Shala, i njohur me nofkën “Ftyra”, një nga ushtarët më të hershëm të Brigadës 121 “Ismet Jashari – Kumanova”.
Lajmin për ndarjen nga jeta të tij e ka bërë të ditur familjari i tij, Fatmir Surdhaj, përmes një postimi në rrjetet sociale. Në njoftim thuhet se Shala ishte ndër ushtarët e parë të Ushtrisë Çlirimtare të Kosovës, i organizuar së bashku me Mujë Krasniqin dhe Rexhep Selimin, dhe bashkëluftëtar i komandant Ismet Jasharit, Fatmir Limës, Haxhi Shalës, Ajet Kastratit dhe shumë të tjerëve.
Gjatë luftës, Shala kreu detyra të rëndësishme në organizimin ushtarak të njësive të UÇK-së dhe njihej për përkushtimin dhe heroizmin e tij në vijat e para të frontit. Me besnikëri dhe dashuri ndaj shokëve të armëve, ai la pas një kontribut të çmuar në luftën për liri.
“Të qoftë i lehtë dheu i Kosovës. E ke kryer detyrën ndaj atdheut me përkushtim, sipas edukimit të Nanës Qamile dhe Dajës Bislim, të cilët ranë dëshmorë më 1998”, thuhet ndër të tjera në mesazhin e ngushëllimit.
Lajmet
Fryrja e organizmit nga grumbullimi i lëngjeve, si të humbni peshën e tepërt?
Published
2 days agoon
April 26, 2025
Trupi i njeriut përbëhet nga 55 deri në 75 përqind ujë. Por akumulimi i tepërt i ujit në trup mund të shkaktojë fryrje, dhimbje dhe shtim në peshë.
Akumulimi i ujit është një nga shkaktarët e shtimit në peshë, megjithatë kontributon për shtimin në peshë me të paktën 2 deri në 5 kilogramë.
Akumulimi i ujit ndodh si pasojë e disa faktorëve.
Disa prej tyre janë konsumi i madh i kripës, mungesa e proteinave, mungesa e aktivitetit fizik dhe ndryshimet hormonale, faktorë më të lartë rreziku janë problemet me zemrën, veshkat dhe marrja e ilaçeve kundër dhimbjeve, kontraceptivëve dhe ilaçeve për zemrën.
Ju listojmë më poshtë disa nga mënyrat më të mira për të humbur peshën e shkaktuar nga akumulimi i lëngjeve në trup.
Si të humbni peshën e krijuar nga akumulimi i lëngjeve?
Aktiviteti Fizik
Mungesa e aktivitetit është një nga faktorët të akumulimit të lëngjeve, nëse kryeni aktivitet, indet e këmbëve dhe kyçeve do të lëshojnë lëngjet e mbledhura.
Kujdes me kripën
Pakësimi i sasisë së kripës është një nga mënyrat më efikase në humbjen e peshës së krijuar nga akumulimi i lëngjeve, sasia ditore e kripës nuk duhet të jetë më shumë se 2,300 miligramë, e barazvlefshme me një lugë çaji. Tregoni kujdes me konsumin e proshutave, djathrave, supave e produkteve të paketuara.
Më shumë proteinë
Proteina luan nrol kryesor në ruajtjen e ekuilibrave të lëngjeve në organizëm, sasia e rekomanduar ditore e proteinës duhet të jetë një gramë për çdo kilogramë të peshës trupore. Burime të mira të proteinës janë produktet e detit, mishi i shpendëve, mishi pa dhjamë i viçit dhe derrit, vezët dhe fasulet.
Më shumë kalium
Një mineral i përfshirë në ruajtjen e ekuilibrit të lëngjeve në trup, ai ndihmon në nxjerrjen e ujit dhe krips nga urina dhe djersa. Sasia e rekomanduar ditore e kaliumit është 4,700 miligramë. Ushqime të pasura me kalium janë barishtet, banania, patatet, avokado dhe domatet.
Më shumë magnez
Magnezi rrit prodhimin e urinës dhe uljen e sasisë së ujit të akumuluar në trup, të rriturit kanë nevojë për 310-420 miligramë magnez në ditë. Magnezi gjendet me bollëk tek barishtet si spinaqi, por edhe tek avokado, bajamet dhe fasulet e zeza.
Hidratimi
I rëndësishëm për nxjerrjen e ujit të tepërt nga organizmi, ekspertët rekomandojnë pirjen e një gote me ujë përpara çdo vakti ose ushqimi të konsumuar gjatë ditës. Përveç ujit, ju mund të konsumoni ushqime që kanë rol hidratues siç janë shalqini, selinoja, kastraveci dhe luleshtrydhet.

Trump: I zhgënjyer nga Rusia, Putin të ndalojë sulmet dhe të negociojë

Aksident me fatalitet në Gjakovë, humb jetën një person

Nis konklava për zgjedhjen e papës

Dy ndeshje të rëndësishme zhvillohen sot në Superligën e Kosovës

Kina po rrit energjinë bërthamore: Qeveria miraton ndërtimin e reaktorëve të rinj

Rubio: Java e ardhshme, vendimtare për marrëveshjen mes Rusisë dhe Ukrainës

Ndërron jetë Naser Shala, ushtar i hershëm i Brigadës 121

Koreja e Veriut mbështet Rusinë, dërgon trupa për luftën kundër Ukrainës

Lavrov dhe Rubio folën zhvillojnë bisedë telefonike, çfarë u diskutua
Të kërkuara
-
Lajmet nga UBT2 months ago
Përgatituni për të udhëhequr politikën e të ardhmes me Fakultetin e Shkencave Politike në UBT
-
Lajmet2 weeks ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT2 months ago
Profesorët Besnik Skenderi, Safet Zejnullahu, Diamanta Skenderi dhe Ferid Selimi publikojnë punimin shkencor mbi AI në arsim
-
Bota3 months ago
Trump thotë se Microsoft-i është në bisedime për blerjen e TikTok-ut