Në një kohë kur të rinjtë janë në kërkim të arsimit cilësor, përgatitjes për tregun global dhe zhvillimit personal të gjithanshëm, UBT International Smart Schools po shfaqen si destinacioni ideal për fillimin e këtij rrugëtimi.

Me interesimin që po rritet çdo ditë nga nxënës të të gjitha anëve të vendit, këto shkolla kanë fituar reputacionin si ndër institucionet më moderne dhe inovative të arsimit parauniversitar në rajon.
Me një qasje unike ndaj mësimdhënies, që përfshin teknologji të avancuar, mësim interaktiv dhe zhvillim të aftësive të së ardhmes, UBT International Smart Schools po krijojnë një komunitet të ri nxënësish të përgatitur për sfidat e shekullit XXI – gjeneratat SMART që do të udhëheqin ndryshimin.

Edukim i avancuar me standarde ndërkombëtare

UBT International Smart Schools janë ndërtuar mbi një infrastrukturë bashkëkohore dhe ofrojnë kurrikula ndërkombëtare të harmonizuara me nevojat e tregut global. Mësimi zhvillohet në mënyrë interaktive, përmes metodologjive moderne dhe përdorimit të teknologjive të fundit, duke krijuar një ambient ku nxënësit mësojnë të mendojnë kritikisht, të zgjidhin probleme dhe të udhëheqin.

Zgjedhje të shumta për një të ardhme të ndritur

Nxënësit mund të zgjedhin ndërmjet drejtimeve akademike dhe profesionale, të dizajnuara për të përmbushur interesat dhe aspiratat e tyre:

Gjimnazi TIK – për të apasionuarit pas teknologjisë dhe inovacionit
Gjimnazi Natyror – për ata që duan të eksplorojnë shkencat e natyrës
Gjimnazi Gjuhësor – për të apasionuarit pas gjuhëve dhe kulturave
Asistent Dentar
Bashkëpunëtor Profesional i Infermierisë
Teknik i Farmacisë
Teknik i Laboratorit Mjekësor
Teknik i Optikës – Opticient

Këto programe jo vetëm që ofrojnë dije teorike dhe praktike, por edhe hapin rrugën për punësim të shpejtë ose vazhdim të studimeve në universitetet më të mira brenda dhe jashtë vendit.

Një hap drejt së ardhmes

UBT International Smart Schools janë dëshmi e një vizioni të ri për arsimimin në Kosovë. Me fokus në zhvillimin e gjeneratave SMART, ato tashmë janë pozicionuar si lider në arsimin parauniversitar, duke ofruar mundësi reale për një të ardhme të ndritur për çdo të ri që zgjedh të fillojë këtu rrugëtimin e tij edukativ.

Regjistrimet janë të hapura. Bëhu pjesë e një shkolle që mendon për të nesërmen – aty ku fillon suksesi yt.

E ftuar në emisionin “n’RITËM” në Campus Radio ishte Elita Hajrizi e cila bën pjesë në stafin e UBT-së. Me të mes tjerash diskutuam edhe për kampanjën për vitin e ri akademik 2025/2026.

Ajo tregoi më shumë detaje për qëllimin dhe mesazhin e kësaj fushate, që pritet të ketë impaktin e saj, duke bërë bashkë studentë nga të gjitha trojet shqiptare.

Elita më tutje ka bërë thirrje për ata që duan të jenë pjesë e UBT-së dhe inovacioneve që ky institucion ofron.

“Kampanja sapo ka filluar dhe sigurisht që më tutje na presin edhe projekte të reja, e nisim me UBT Global Fest që do të mbahet me 8 korrik e pastaj Akademitë Verore për të gjitha drejtimet që ka UBT”, u shpreh Elita.

Ajo më tutje përmendi edhe rankimet, sidomos ato të viteve të fundit duke theksuar që UBT është barazuar me zgjidhjet më inovative që janë nëpër botë e nuk ndihen  aspak inferior.

“E kemi thyer krejt këtë barrierë që arritëm të barazohemi me të gjitha vendet në botë dhe sipas meje kjo është arritja më e madhe. Gjithmonë si UBT kemi qenë të hapur për studentët e rinj nga gjithë trojet shqipe, por deri tani ndoshta nuk i kemi targetu por këtë vit vendosëm që meqenëse janë kushtet e mira dhe kualitet i lartë dhe i barabartë me institucionet tjera ndërkombëtare”, përfundoi ajo.

Përndryshe, “n’RITËM” me autore dhe moderatore Albina Zeneli vjen në frekuencën 100.7FM çdo ditë pune nga ora 13:00-15:00.

Tune In: https://www.ubt-uni.net/sq/media-dhe-evente/ubt-radio-kampusi/

/UBT News/

Rektori i UBT-së, Prof. Dr. Edmond Hajrizi, mori pjesë në Konferencën e Parë Ndërkombëtare për Digjitalizim “Smart City Prishtina 2025”, një ngjarje e rëndësishme që synon të promovojë zhvillimin e qyteteve të mençura dhe të digjitalizuara në Kosovë dhe më gjerë.

Në kuadër të kësaj ngjarje, UBT prezantoi disa nga zgjidhjet e tij inovative për ndihmën e zhvillimit të qyteteve të mençura, duke u përqendruar veçanërisht në aspektet e edukimit.

UBT, si institucion kryesor arsimor në Kosovë, po zhvillon dhe implementon projekte të avancuara që lidhen ngushtë me digjitalizimin e arsimit, si pjesë e iniciativës për të ndihmuar në ndërtimin e një “Smart City” që është i përqendruar në teknologjinë dhe inovacionin.

Rektori i UBT-së, Prof. Dr. Edmond Hajrizi, mori pjesë në pritjen solemne të organizuar nga Ambasada e Japonisë në Kosovë, për nder të Profesorit Hisashi Owada, ish-President i Gjykatës Ndërkombëtare të Drejtësisë, si dhe ish-zëvendësministër i Punëve të Jashtme të Japonisë dhe ish-ambasador në Kombet e Bashkuara.

Pritja, e organizuar nga Ambasada e Japonisë, ishte një mundësi për të nderuar kontributin e jashtëzakonshëm të Profesorit Owada në fushën e drejtësisë ndërkombëtare dhe diplomacisë, si dhe për të theksuar marrëdhëniet e ngushta dhe të frytshme mes Japonisë dhe Kosovës.

Rektori Hajrizi shprehu vlerësimin e tij për Profesorin Owada dhe ndikimin e tij të rëndësishëm në fushën e drejtësisë dhe diplomacisë ndërkombëtare. Ai nënvizoi rëndësinë e promovimit të bashkëpunimit ndërkombëtar dhe mësimdhënies së vlerave të drejtësisë dhe paqes, si pjesë e një arsimimi të avancuar që mund të ndihmojë në krijimin e mundësive për të rinjtë dhe zhvillimin e mëtejshëm të shoqërive.