Lajmet

​Zeqiri: Dhjetë policë kanë dhënë dorëheqje gjatë muajit janar

Zeqiri deklaroi se ka numër të madh të dorëheqjeve të pjesëtarëve.

Publikuar

Dhjetë pjesëtarë të Policisë së Kosovës kanë dhënë dorëheqje gjatë muajit janar. Mbi 5 mijë e 600 zyrtarë policorë kanë nënshkruar peticionin e Sindikatës së Policisë së Kosovës, i cili u shqyrtua sot në mbledhjen e Komisionit për të Drejtat e Njeriut. Këshu tha kryetari i sindikatës, Imer Zeqiri, i cili shtoi se janë mbi 4 mijë e 700 raste të lëndimeve gjatë kryerjes së detyrës zyrtare dhe se të njëjtit kanë mbetur me invaliditet të përhershëm.

Teksa foli për kushtet e policëve, kryetari i Sindikatës së Policisë së Kosovës, Imer Zeqiri deklaroi se ka numër të madh të dorëheqjeve të pjesëtarëve. Ai lexoi edhe deklaratën e një polici që ka dhënë dorëheqje ditëve të fundit, ku theksoi se paga jo e dinjitetshme, shtesat policore e rrezikshmëria janë disa nga arsyet.

“Të gjithë ata që po japin dorëheqje vullnetare, po e dëmtojnë vet institucionin e sigurisë, për shkak se të gjithë janë profesionist të dëshmuar në punë. Parandalimi i vetëm për dorëheqje është plotësimi i kushteve dhe mirëqenies në Policinë e Kosovës. Për këtë vit nuk kemi një statistikë të saktë, kemi diku rreth 10 pjesëtarë deri më tani, për muajin janar. Unë vetëm sa për kureshtje se pse shumica e zyrtarëve policor japin dorëheqje, unë e kam një dorëheqje që është dorëheqje taman origjinale, deklaratë e policit që e ka dhënë para disa ditëve”, deklaroi ai.

Ai shtoi se kërkesë e tyre mbetet që të krijohet një fond për të gjithë policët që kanë mbetur me aftësi të kufizuara.

“Kemi prej atyre rasteve që mbi 4700 raste të lëndimeve gjatë kryerjes së detyrës zyrtare, kemi zyrtarë policorë që kanë mbetur me invaliditet të përhershëm, kanë mbetur në karrocë dhe nuk kanë mundur dhe nuk kemi një fond. Njëra ndër kërkesat që ka rrjedhur pas peticionit është edhe kjo, që të krijohet një fond për të gjithë ata që kanë mbetur me invaliditet të përhershëm. Ata realisht e marrin një pagë prej Policisë, aq ka mundësi buxheti i Policisë për t’i ndihmuar, përndryshe nuk kanë përkujdesje shtetërore”, theksoi ai.

Para anëtarëve të Komisionit për të Drejtat e Njeriut, ai u shpreh se mosha mesatare e pjesëtarëve të Policisë së Kosovës është 47 vjeç. Ndërkaq, anëtarja e Komisionit për të Drejtat e Njeriut, Fatmire Mulhaxha-Kollçaku tha se vet policia është dashur të bëjë presion për implementimin e Ligjit për Sigurimet Shëndetësore.

“Në këtë kuvend është miratuar shumë vite më herët Ligji për Sigurimet Shëndetësore, i cili sot e kësaj dite nuk zbatohet. Presioni i parë i cili është dashur edhe policia edhe gjithë qytetarët të bëjë karshi të gjitha qeverive të deritanishme është që sa më shpejt të zbatohet Ligji për Sigurim Shëndetësor, që i takon gjithë qytetarëve. Kemi fëmijë, kemi të rritur, kemi policë, kemi ushtarë, kemi mjekë, mësues, që kanë nevojë për shërbime shëndetësore. Mirëpo, shteti duhet ta rregullojë për gjithë qytetarët në mënyrë të barabartë dhe është dashur policia të bëjë presion të jashtëzakonshëm që sa më shpejt të krijohet fondi publik dhe të zbatohet ligji. Ky është dashur të bëhet debati publik ndër vite me qenë”, deklaroi ajo.

Më tej, ajo kërkoi nga Sindikata e Policisë së Kosovës që të mos ndikohen nga partitë politike. Për këtë reagoi edhe kryetari Imer Zeqiri, i cili tha se asnjëherë nuk ka ndodhur një gjë e tillë.

“Asnjëherë Sindikata e Policisë së Kosovës, po e them me shumë përgjegjësi, asnjëherë nuk ka qenë e ndikuar, as nuk ka krijuar simpati për asnjë subjekt politik në Republikën e Kosovës, në Kuvendin e Kosovës. Asnjëherë nuk ka marrë direktiva as prej partisë në pushtet e as prej partive opozitare, sepse jemi të vendosur që Sindikatën e Policisë së Kosovës dhe Policinë e Kosovës ta mbajmë a-politike. Sindikata e Policisë së Kosovës është a-politike. Asnjëherë në asnjë kërkesë që e kemi adresuar dhe në asnjë prononcim që e kemi bërë para mediave nuk kemi thënë se Sindikata e Policisë është kundër qeverisë. Çdo herë edhe sot po e them, Sindikata e Policisë së Kosovës, qeverinë e llogarit si partner për dialog”, u shpreh ai.

Kurse anëtarja e Komisionit për të Drejtat e Njeriut, Ariana Musliu-Shoshi kritikoi pushtetin, ku tha se që nga vera nuk janë dëgjuar kërkesat e sindikatës.

“Se sa është pushteti i gatshëm të ju takojë, mendoj që të gjithë ata që ju dëgjojnë por edhe ju e dini. Kanë kaluar plot gjashtë muaj nga dorëzimi i kësaj kërkese edhe tek sot e kanë gjetur kohën me ju taku. Kanë kaluar dy muaj kur ne e kemi caktuar kohën të ju takojmë dhe ka qenë data 3 tetor. Ne ju kemi dëgjuar, ne e dimë çka keni për të thënë. Ne e dimë me çka përballeni ju, sepse e kemi ngritur zërin në kuvend. Ne kemi ftuar seancë të jashtëzakonshme, pozita nuk ka marrë pjesë për të diskutuar për ju, në këtë komision kemi ardhur, pozita nuk kanë gjetur kohë për të ardhur. Kemi marrë iniciativë për pensionim të parakohshëm, pozita nuk e ka votuar”, kritikoi Musliu-Shoshi.

Në mbledhjen e Komisionit për të Drejtat e Njeriut u tha se shujta ditore e një polici të Kosovës është rreth tetë euro.

Lajmet

Në shënjestër të plastikës: UBT debat për mjedisin në Ditën e Tokës

Ngjarja u mbajt në kampusininovativ në Lipjan, ku pjesëmarrësit u angazhuan në njëdiskutim të pasur mbi temën “Planeti Kundër Plastikës”.

Publikuar

nga

hënën e 22 prillit, UBT organizoi një debat rëndësishëm për shënimin e Ditës Tokës. Ngjarja u mbajt kampusininovativ Lipjan, ku pjesëmarrësit u angazhuan njëdiskutim pasur mbi temënPlaneti Kundër Plastikës”.

Fakulteti i Inxhinierisë dhe Infrastrukturës bashkëpunim me Fakultetin e Agrikulturës, Arkitekturës, Planifimit Urban, Bujqësisë, Medias UBT organizimin e kësaj ngjarjejeshënoi një hap rëndësishëm drejt ndërgjegjësimit përshkatërrimin plastika i shkakton mjedisit tonë.

Ky debat u pa si një hap i rëndësishëm angazhimin e UBT-për kultivuar një kulturë mjedisore qëndrueshme. Me fokus ndërtimin e një bote pastër dhe shëndetshme përbrezat e ardhshëm, kjo ngjarje synon ndërtojë ndërgjegjësimindhe kontribuojë një planet qëndrueshëm.

Dekani i Fakultetit Ndërtimtarisë dhe Infrastrukturës, VisarKrelani, tha se prilli duhet jetë një thirrje për ndërgjegjësimine çdo inxhinieri për ndikimin e tyre tokë. Ai vuri theksin rëndësinë e bashkëpunimit mes fakulteteve për krijuar mjedis çmuar.

Muaji i ndërgjegjësimit, nëse flasim për tokën si inxhinieri e ndërtimit çdo objekt, çdo infrastrukturë e realizojmë tokëdhe këtë kuptim shpesh si fakultet shquhemi ndër dëmtuesit e tokës. Sepse na nevojitet për ndërtim dhe realitet kemi edhebashkëpunime mira me Fakultetin e Arkitekturës, Agrikulturës, Planifikimin Urban ky bashkëpunim ndërmjetinxhinjerisë ndërtimit dhe ruajtjes peizazhit jetë me vlerë”, theksoi Krelani.

Prodekani i Fakultetit Arkitekturës, Egzon Bajraktari, reflektoi mbi dëmet e ndërhyrjeve arkitektonike kohëvemoderne, duke theksuar nevojën për një kthim rrenjët e harmonisë mes ndërtesave dhe mjedisit.

Arkitektura fakt, historikun e vet shumicën e kohësedhe për aq sa ne e njohim–  arkitektura ka qenë shumë e përshtatur dhe harmoni me natyrën dhe tokën. Mirëpo prejrevolucionit industrial e këndej, zhvillimi teknologjik dhepërshpejtimi i zhvillimeve ka ndikuar harrohen pak atoparimet e qasjes harmonisë me natyrën. vitet e funditndërhyrjet arkitektonike kanë krijuar edhe dëm, atë dëm ne po e shohim viteve fundit dhe është kryetemë shumë fusha debatit shoqëror”, theksoi Bajraktari.

Nexhat Balaj, profesor universitar, duke përfshirë njëperspektivë globale, përshkroi përpjekjet e bashkësisëndërkombëtare për theksuar rëndësinë e mbrojtjes planetittonë vetëm.

Sot rreth 109 shtete botës janë gjithë bashku për shënuar këtë ditë dhe  5000 mijë organizata joqeveritare janëduke kremtuar këtë ditë, vetëm e vetëm për rriturndërgjegjësimin për mbrojtjen e planetit tokë, sepse është ivetmi planet univers ka jetë”, theksoi Balaj.  

Hazir Çadraku, profesor i ujërave, me një anali lokale ndotjes plastike, vuri theksin mbetjet plastike ngjitenpërreth nesh, duke reflektuar se edhe një nivel vogël, ne nuk po i shpëtojmë ndikimit dëmshëm plastikut.

Po shohim aspektin lokal e është një aspekt shumë me interes për ne shohim shtëpinë tonë, situata mbetet endesfiduese ose e pakëndshme, paktën kuptimin vizuel, gjithandej shohim mbetje, ku pjesa e konsiderueshme e kësajmbetje është me origjinë plastike. Nuk themi shkenca nuk kabërë shumë për vendësuar plastikën me tjera, por ende ka kërkesa. Rritja e kërkesave për ushqime, transporti e gjitha këto, nuk po arrijnë dot heqin nga skena plastikën, siefekt i mos heqjes shohim një aspekt që ne nëpër Kosovëshohim ndotje, tha Çadraku.

Si pjesë e përpjekjeve për tu kujdesur për mjedisin dhe për bërë një ndryshim pozitiv, pas forumit për Ditën e Tokës kampusin e UBT- u mbjellja e disa llojeve bimëvedekorative./UBTNews/

Dionesa Ebibi

Vazhdo të lexosh

Lajmet

PDK-ja kërkon Komision Hetimor për zhdukjen e mostrave të Deharit

Sipas Tahirit, Komision Hetimor duhet të ketë edhe në rastin e faljes së borxheve për prodhuesit e ujit të ambalazhuar.

Publikuar

nga

Shefi i deputetëve të Partisë Demokratike të Kosovës, Abelard Tahiri, ka deklaruar se nuk do të heqin dorë nga formimi i Komisionit Hetimor për zhdukjen e mostrave të Astrit Dehari.

Sipas Tahirit, Komision Hetimor duhet të ketë edhe në rastin e faljes së borxheve për prodhuesit e ujit të ambalazhuar.

“Seanca e re do të mbahet ditën e enjte prej orës 10:00. Sa i përket angazhimit tonë, ju e dini që kemi ngritur një çështje për të cilën ministrja e Drejtësisë po i ik kësaj. Ne kemi ngritur disa pyetje për humbjen e mostrave të Astrit Deharit. Propozimi jonë është për formimin e Komisionit Hetimor, për humbjen e këtyre mostrave. Ajo është në seancën e vazhdimeve dhe nëse Kuvendi do të hezitoj ne do të iniciojmë me mbledhjen e nënshkrimeve duke thirrur një seancë të jashtëzakonshme. Ky komision do të zbardh shumë çështje që kanë ndodhur gjatë kësaj periudhe. Javën e kaluar jemi njoftuar edhe me çështjen e ambalazhuesve të ujit, çështja e përllogaritjeve të ambalazhuesve të ujit. Kjo çështje duhet të trajtohet përmes Komisionit Hetimor. Qysh është e mundshme që dhjetëra milionë euro të reduktohen. Këtu kemi të bëjmë edhe me një abuzim penal”, ka thënë ai.

Vazhdo të lexosh

Lajmet

Për një javë konfiskohen 22 armë zjarri në rajonin e Prishtinës

Sipas Policisë, personat e dënuar me burgim janë dërguar për vuajtje të dënimit, ndërsa personat e dënuar me gjobë janë liruar.

Publikuar

nga

Gjatë javës së kaluar, Policia e Kosovës ka konfiskuar 22 armë zjarri në rajonin e Prishtinës. Sipas Policisë, personat e dënuar me burgim janë dërguar për vuajtje të dënimit, ndërsa personat e dënuar me gjobë janë liruar.

“Ndërkohë që aktivitete policore janë shtrirë edhe në segmente të tjera të sigurisë. Kësisoj në harkun e njëjtë kohor janë sekuestruar 22 armë zjarri, të llojeve dhe kalibrave të ndryshëm, si dhe dhjetëra municione të llojeve dhe kalibrave të ndryshëm. Ndërkaq aktivitetet policore në sferën e sigurisë në trafikun rrugor. Në po të njëjtën periudhë kohore, kanë rezultuar me shqiptimin e 3021 masave administrative me gjobë për lloje të ndryshme të kundërvajtjeve dhe shkeljeve të kodit rrugor”, thuhet në njoftim./UBTNews/

Vazhdo të lexosh

Lajmet

Nënshkruhet vendimi për themelimin e Task-Forcës së Gjelbër, synohet mbrojtja e ambientit

Aliu tha se ky veprim do të bëjë reduktimin e mbeturinave të plastikës dhe të përmirësimit të nivelit të mbrojtjes për lumenjtë.

Publikuar

nga

Me rastin e Ditës së Tokës, Ministria e Mjedisit, Planifikimit Hapësinor dhe Infrastrukturës ka nënshkruar vendimin për themelimin e Task-Forcës për të mbrojtur ambientin në vend.

Ministri i kësaj ministrie, Liburn Aliu tha se ky veprim do të bëjë reduktimin e mbeturinave të plastikës dhe të përmirësimit të nivelit të mbrojtjes për lumenjtë. Aliu shtoi se ky vendim është i rëndësishëm lidhur me mbrojtjen e mjedisit në vendin tonë.

“Kemi nënshkruar vendimin për themelimin e Task-Forcës së Gjelbër, që është veprim i rëndësishëm lidhur me mbrojtjen e mjedisit në vendit tonë. Kjo Task-Forcë po krijohet si një strukturë e veçantë dhe e përkohshme dhe do të merret me përmirësimin e nivelit të mbrojtës për lumenjtë, degradimin mjedisor, parqeve kombëtare dhe reduktimin e mbeturinave të plastikës. Presim që brenda javës të mbajmë mbledhjen që do të miratohet edhe agjenda e veprimeve konkrete”, tha Aliu.

Vazhdo të lexosh

Të kërkuara