Aktualitet

Zemaj i kundërpërgjigjet Vitisë: T’i kam dorëzuar gjitha dosjet për procesin e vaksinave

Published

5 years ago

on

Ish ministri i shëndetësisë Armend Zemaj i cili është edhe anëtari i Komisionit për Shëndetësi i është kundërpërgjigjur ministrit aktual të Shëndetësisë, Arben Vitia në akuzën e tij se Zemaj nuk ka ofruar dosje dhe informacione për procesin e vaksinimit.

“ Të gjitha dosjet për vaksinat përfshirë procesin e negociatave dhe kërkesat në institucionet i’u kam dorëzua në pranim të detyrës dhe unë nuk kam pranuar asnjë dokumentacionin në planin qeverisës çka keni bërë me ato dosje përgjigjen mund ta gjeni tek stafi juaj unë kam qenë në Prishtinë. Po ashtu edhe stafi im është dashur vetëm një usb nëse keni dëshiruar informacione këtë të pavërtetë nuk e di pse e thoni ndoshta e thoni për të mbuluar neglizhencën. Çdo informatë e kam përcjellur tek ju. Këtë të pavërteta të mos e thuani pa asnjë arsye se kërkoni ato dokumente dhe të gjitha ua kam ofruar me shumë dashamirësi” tha ai.

Zemaj ka komentuar edhe kritikat e ministrit Vitia për mungesën e buxhetit.

“Nuk kam folur as në të kaluarën për buxhetin mangësi buxhetore kane qenë gjithmonë nuk janë të reja janë adresuar me seriozitet sipas nevojave keni fituar më datën 14 shkurt dhe mandatin e keni marr në mars si qeveri dhe ministër nëse ka mangësi mund ti adresoni dhe ka mbetur edhe si pjesë e dinamikës në rishikim të buxhetit, pjesa e parë buxhetore i plotëson të gjitha kapacitet për furnizim me barna. Mungesa e insulinës është evidente”, tha ai.

Për specializantët e punësuar në kohën e tij, Zemaj tha se “ procesi i specializimit në mungesë të pesë viteve është ndër proceset më të suksesshme që i ka bërë MSh-JA, jo Armend Zemaj. Çdo vit nga oda e mjekëve janë çregjistruar 150 mjekët të rinj qe e kanë lëshuar Kosovën me marrjen e mandatit kam kërkuar jo që kam insistuar kanë pjesë orograme gjithçka që ka qenë e evidentuar ka qenë në bazë të planit strategjik të planeve zhvillimore të te gjitha institucioneve që dërgojnë kërkesa. Për t’iu demantuar juve se është e mbingarkuar nuk e di kah i merrni këto informacione apo tendencioze”, tha ai./UBTNews

Related Topics:
Continue Reading

Vendi

ASK: Çmimet e banesave dhe shtëpive më të larta se në vitin 2025

Published

2 hours ago

on

June 4, 2026

By

Çmimet e pronave të banimit në tremujorin e parë të vitit 2026 janë rritur për 5.3 për qind krahasuar me tremujorin e parë të vitit të kaluar, sipas Indeksit të Çmimeve të Pronave të Banimit (IÇPB) të publikuar nga Agjencia e Statistikave të Kosovës (ASK).

Ndërkaq, krahasuar me tremujorin e katërt të vitit 2025 çmimet e pronave të banimit shënuan rritje prej 2.4 për qind.

Sipas ASK-së në rajonin e Prishtinës, çmimet e pronave të banimit u rritën me 1.4 për qind në tremujorin e parë të vitit 2026, krahasuar me tremujorin e parë të vitit 2025.

Ndërsa në rajonet e tjera të vendit, çmimet e pronave të banimit u rritën për 12.3 për qind në tremujorin e parë 2026, krahasuar me tremujorin e parë 2025.

Continue Reading

Vendi

Oda e Avokatëve kundërshton tarifën e Prishtinës prej 1,000 euro për zyrat e avokatisë

Published

4 hours ago

on

June 4, 2026

By

Oda e Avokatëve të Kosovës ka kundërshtuar propozimin e Komunës së Prishtinës për vendosjen e një tarife vjetore prej 1,000 euro për zyrat e avokatisë, duke kërkuar përjashtimin e plotë të profesionit të avokatit nga kjo kategori tarifimi.

Në një njoftim për media, bëhet e ditur se kryetari i Odës së Avokatëve të Kosovës, Besnik Berisha, ka marrë pjesë në dëgjimin publik të organizuar nga Komuna e Prishtinës lidhur me Draft-Rregulloren për tarifa, ngarkesa dhe gjoba komunale.

“Në emër të Odës së Avokatëve të Kosovës dhe të qindra avokatëve që ushtrojnë profesionin në kryeqytet, Kryetari Berisha kundërshtoi propozimin për vendosjen e tarifës vjetore prej 1,000 euro për zyrat e avokatisë, duke kërkuar përjashtimin e plotë të profesionit të avokatit nga kjo kategori tarifimi”, thuhet në njoftim.

Sipas OAK-së, avokatia nuk mund të trajtohet si veprimtari tregtare, pasi ajo ka rol kushtetues në garantimin e të drejtës për mbrojtje, qasje në drejtësi dhe proces të rregullt ligjor.

“Avokatia nuk është veprimtari tregtare dhe nuk mund të trajtohet njësoj me bizneset komerciale. Avokati është bartës i një funksioni të domosdoshëm për realizimin e të drejtës kushtetuese në mbrojtje, qasje në drejtësi dhe proces të rregullt ligjor”, theksohet në qëndrimin e OAK-së.

Po ashtu, gjatë diskutimit është vënë në pah se vendosja e një tarife të tillë do të krijonte precedent të gabuar për profesionet e drejtësisë.

“Vendosja e një tarife të tillë ndaj avokatëve është në kundërshtim me natyrën dhe rolin kushtetues të profesionit, ndërsa trajtimi i tyre si kategori biznesi për qëllime fiskale krijon precedent të gabuar”, ka deklaruar kryetari Berisha.

OAK vlerëson se çdo barrë financiare ndaj avokatisë reflektohet drejtpërdrejt te qytetarët, duke rritur kostot dhe duke vështirësuar qasjen në drejtësi.

Në fund, OAK ka kërkuar nga Komuna e Prishtinës që avokatia të përjashtohet nga kjo rregullore dhe ka paralajmëruar se argumentet e saj do të dorëzohen edhe me shkrim në kuadër të procesit konsultativ.

Continue Reading

Aktualitet

Izraeli dhe Libani arrijnë marrëveshje për armëpushim, bisedimet vazhdojnë në qershor

Published

8 hours ago

on

June 4, 2026

By

Izraeli dhe Libani kanë rënë dakord për zbatimin e një armëpushimi, ka njoftuar Departamenti Amerikan i Shtetit. Marrëveshja është e kushtëzuar me ndërprerjen e plotë të sulmeve nga grupi Hezbollah dhe respektimin e kushteve të tjera të dakorduara mes palëve.

Njoftimi vjen pasi përleshjet vazhduan edhe këtë javë. Sulmet izraelite në jug të Libanit vranë të paktën nëntë persona, ndërsa Hezbollahu lëshoi raketa drejt veriut të Izraelit, duke vënë në provë armëpushimin e pjesshëm të arritur më herët.

Sipas deklaratës amerikane, palët riafirmuan se e ardhmja e marrëdhënieve mes Izraelit dhe Libanit duhet të përcaktohet nga dy qeveritë sovrane, duke kundërshtuar çdo ndërhyrje nga aktorë shtetërorë apo joshtetërorë.

Marrëveshja u arrit pas rundit të katërt të bisedimeve të ndërmjetësuara nga SHBA-ja në Uashington dhe përfshin largimin e operativëve të Hezbollahut nga zona që shtrihet nga lumi Litani deri në kufirin me Izraelin. Gjithashtu, SHBA-ja do të ndihmojë në krijimin e zonave ku kontrolli do t’i kalojë ekskluzivisht Forcave të Armatosura të Libanit.

Palët pritet të takohen sërish më 22 qershor, me synimin për të arritur një marrëveshje gjithëpërfshirëse dhe më të qëndrueshme për sigurinë në rajon.

Continue Reading

Lajmet

“Nga Forma te Eksperimenti”: Prizreni mirëpret ekspozitën e artistëve të rinj të UBT-së

Published

20 hours ago

on

June 3, 2026

By

Në qytetin e bukur dhe historik të Prizrenit, në ambientet e Kampusit të UBT-së, u hap ekspozita e studentëve të vitit të parë të programit të Dizajnit, në kuadër të aktiviteteve të organizuara për Ditët e Artit dhe Dizajnit në UBT.

Ekspozita “Nga Forma te Eksperimenti” solli para vizitorëve një koleksion punimesh që pasqyrojnë kreativitetin, përkushtimin dhe zhvillimin artistik të studentëve gjatë vitit të tyre të parë të studimeve.

Përmes vizatimit, pikturës dhe eksplorimeve konceptuale, studentët prezantuan procesin e tyre krijues, duke kaluar nga studimi i formës dhe kompozimit drejt qasjeve më eksperimentale dhe interpretimeve personale. Punimet dëshmojnë jo vetëm për aftësitë teknike të fituara, por edhe për hapat e parë në ndërtimin e identitetit të tyre artistik.

Ekspozita u realizua në kuadër të lëndëve Artet e Bukura I dhe Artet e Bukura II, nën mentorimin e profesorëve Laura Ymeri dhe Vehbi Murati, të cilët kanë udhëhequr studentët në rrugëtimin e tyre drejt shprehjes artistike dhe mendimit krijues.

Continue Reading

Të kërkuara