Lajmet

Zelensky: Askush nuk mund të parashikojë kohëzgjatjen e luftës

Zelensky tha se përfundimi nuk do të varet vetëm nga populli ukrainas.

Publikuar

2 vjet më parë

më

Presidenti ukrainas, Volodymyr Zelensky, tha se përderisa ushtria e tij po bën gjithçka për të larguar forcat ruse nga territori ukrainas, “sot askush nuk mund ta parashikojë se sa do të zgjasë kjo luftë”.

Gjatë një adresimi drejtuar kombit në orët e vona të 13 majit, Zelensky tha se përfundimi nuk do të varet vetëm nga populli ukrainas, por nga “partnerët tanë, nga vendet evropiane, nga e gjithë bota e lirë”.

Forcat ruse kanë pësuar humbje të mëdha qëkur kanë nisur pushtimin e Ukrainës më 24 shkurt dhe në ofensivën që aktualisht po zhvillojnë në lindje të Ukrainës, kanë bërë pak përparime.

Por, përderisa forcat ruse dështuan në përpjekjet e tyre që shpejt të marrin kontrollin e gjithë Ukrainës dhe të rrethojnë forcat ukrainase, Kievi tani thotë se lufta po hynë në “fazën e tretë”, në të cilën, forcat ruse do të tentojnë të mbrojnë territorin që veçse kanë marrë nën kontroll.

“Kjo tregon se ata planifikojnë që ta bëjë këtë një luftë të gjatë”, tha këshilltari i Ministrisë ukrainase të Mbrojtjes, Viktor Andrusiv.

“Moska duket se po mendon se duke e zvarritur luftën në këtë mënyrë, ajo mund ta detyrojë Perëndimin që të negociojë dhe ta detyrojë Ukrainën që të dorëzohet”, tha ai gjatë një adresimi televiziv më 13 maj.

Presidenti ukrainas, Volodymyr Zelensky, tha se “negociata shumë të vështira me Moskën” po vazhdojnë për përpjekjet për të evakuuar trupat ukrainase nga qyteti-port i Mariupolit, që gjendet në juglindje të Ukrainës.

Mariupoli është shkatërruar nga ushtria ruse, e cila po tenton që të krijojë një korridor tokësor me Gadishullin e Krimesë, të cilin Moska e ka aneksuar më 2014.

Dhjetëra ushtarë rusë që janë të plagosur rëndë vazhdojnë të jenë të bllokuar brenda fabrikës së çelikut, Azovstal, në Mariupol. Ushtarët ukrainas në këtë fabrikë janë qëndresa e fundit në Mariupolin e shkatërruar nga forcat ruse./REL/

Etiketa
Vazhdo të lexosh

Lajmet

​Policia e Kosovës, EULEX-i dhe KFOR-i përfunduan stërvitjen “Shpata e Artë 2024”

Publikuar

30 sekonda më parë

më

8 Maj, 2024

nga

Policia e Kosovës, Misioni i Bashkimit Evropian për Sundimin e Ligjit në Kosovë EULEX dhe misioni i KFOR-it të udhëhequr nga NATO kanë përfunduar të martën stërvitjen “Shpata e Artë 2024”.

Sipas një komunikate të lëshuar nga KFOR-i, stërvitja demonstroi një aftësi të zgjeruar për të kryer detyra të përbashkëta në përgjigje të skenarëve të ndryshëm të sigurisë.

“Përfundimi i stërvitjes “Shpata e Artë 2024” paraqet një moment historik të rëndësishëm në bashkëpunimin afatgjatë ndërmjet këtyre tre entiteteve drejt sigurisë së qëndrueshme në mbarë Kosovën. Përkushtimi, profesionalizmi dhe fryma e bashkëpunimit e shfaqur nga të gjithë pjesëmarrësit kanë qenë shembullore. Angazhimi ynë për të kontribuar në stabilitetin rajonal është i palëkundur. Së bashku do të vazhdojmë të japim kontributin tonë drejt një të ardhmeje të sigurt dhe stabile për të gjithë njerëzit që jetojnë në Kosovë”, ka thënë komandanti i KFOR-it, gjeneralmajor Ozkan Ulutas.

Vazhdo të lexosh

Lajmet

AstraZeneca largohet nga tregu

Publikuar

28 minuta më parë

më

8 Maj, 2024

nga

AstraZeneca ka filluar tërheqjen në mbarë botën të vaksinës së saj COVID-19, për shkak të një “teprice të vaksinave të përditësuara në dispozicion” që synojnë variante të reja të virusit.

Më 7 maj, Agjencia Evropiane e Barnave, lëshoi një njoftim se vaksina nuk është më e autorizuar për përdorim.

Në një deklaratë, AstraZeneca tha se vendimi u mor sepse tani ka një shumëllojshmëri të vaksinave më të reja në dispozicion që janë përshtatur për të synuar variantet e Covid-19. Kjo kishte çuar në rënie të kërkesës për vaksinën AstraZeneca, e cila nuk po prodhohet më.

“Sipas vlerësimeve të pavarura, mbi 6.5 milionë jetë u shpëtuan vetëm në vitin e parë të përdorimit dhe mbi 3 miliardë doza u furnizuan globalisht”, thuhet në deklaratë.

“Përpjekjet tona janë njohur nga qeveritë në mbarë botën dhe konsiderohen gjerësisht si një komponent kritik i përfundimit të pandemisë globale. Tani do të punojmë me rregullatorët dhe partnerët tanë për t’u lidhur në një rrugë të qartë përpara, për të përfunduar këtë kapitull dhe kontributin e rëndësishëm në pandeminë Covid-19”, u tha ndër tjera.

Vazhdo të lexosh

Lajmet

Mbi 1.8 milion votues në listën zgjedhore, në garë janë 17 parti dhe koalicione

Publikuar

58 minuta më parë

më

8 Maj, 2024

nga

Mbi 1.8 milion persona janë në listën zgjedhore me të drejtë vote për zgjedhjet parlamentare në Maqedoninë e Veriut. Ky numër është për 1 mijë e 33 më i lartë se personat në listën zgjedhore për zgjedhjet presidenciale. Qytetarët brenda vendit do të mund të votojnë në 3 mijë e 480 vendvotime.

Qytetarët që duan të votojnë për president duhet të paraqiten në vendin e votimit me dokument të vlefshëm identifikimi ose dokument identifikimi të skaduar nga 24 korriku i vitit 2023 dhe më vonë. Kurse qytetarët që duan të votojnë për zgjedhjet parlamentare duhet të kenë dokument të vlefshëm ose të skaduar jo më herët se 8 gushti 2023. Përveç identifikimit me dokument personal, qytetarët duhet të kalojnë edhe filtrin e identifikimit të dyfishtë, me aparatet biometrike për shenjat e gishtave. Në rast se votuesi paraqitet në vendvotim dhe merr vetëm njërën nga fletëvotimet duke refuzuar të votojë në të dy zgjedhjet, nuk do të ketë të drejtë të rikthehet më vonë për të votuar përsëri për zgjedhjet që më herët ka refuzuar.

Komisioni Shtetëror i Zgjedhjeve rikujtoi se fletëvotim i vlefshëm do të jetë vetëm ai në të cilin është rrethuar numri rendor i kandidatit për të cilin zgjedhësi është përcaktuar dhe fletëvotimi të paloset përpara se të hidhet në kuti. Votimi duhet të jetë i fshehur.

Në garë për zgjedhjet parlamentare janë 17 parti dhe koalicione kurse për president garojnë dy kandidatë në rrethin e dytë. Që të zgjidhet presidenti, në votime duhet të dalin të paktën 40% e personave të regjistruar në listën zgjedhore./Alsat

Vazhdo të lexosh

Lajmet

Aksident te Fakulteti Teknik, gjashtë të lënduar

Publikuar

1 orë më parë

më

8 Maj, 2024

nga

Gjashtë persona kanë mbetur të lënduar si pasojë e një aksidenti trafiku që ka ndodhur sot rreth orës 09:00 të mëngjesit te semaforët afër konvikteve në Prishtinë.

Zëdhënësja e Policisë së Kosovës për rajonin e Prishtinës, Flora Ahmeti tha për UBTNews se në këtë aksident kanë qenë të përfshira dy automjete.

Me rastin po merret hetuesia nga njësiti i trafikut rrugor./UBTNews/

Vazhdo të lexosh

Të kërkuara