Lajmet

Zelensky akuzon Rusinë për terror, bën thirrje për gjykatë ndërkombëtare

Lufta ka shpërthyer edhe në rrugët e Kharkiv.

Publikuar

Presidenti ukrainas, Volodymyr Zelensky, të dielën akuzoi trupat ruse për shënjestrim të civilëve, përfshirë këtu edhe fëmijë, dhe bëri thirrje për hetim ndërkombëtar të konfliktit.

“Çfarë ata po bëjnë në Kharkiv, Okhtyrka, Kiev, Odessa dhe në qytete dhe vende tjera meriton tribunal ndërkombëtar. Ne po i dokumentojmë krimet e tyre”, deklaroi mes tjerash presidenti Zelensky.

“Veprimet kriminale të Rusisë kundër Ukrainës tregojnë shenja gjenocidi. Unë fola për këtë çështje me Sekretarin e Përgjithshëm të OKB-së”, tha ai, duke argumentuar se Rusisë duhet t’i hiqet e drejta e votës në Këshillin e Sigurimit të OKB-së.

Lufta ka shpërthyer edhe në rrugët e Kharkiv, qyteti i dytë më i madh i Ukrainës, pasi forcat ruse hynë në qytet.

Ministria ruse e Mbrojtjes ka thënë më parë se kishte në shënjestër vetëm infrastrukturën ushtarake, duke thënë në një deklaratë: “Forcat e Armatosura të Federatës Ruse nuk godasin qytete dhe qyteza, ato po marrin të gjitha masat për të shpëtuar jetën e civilëve”.

Por Zelensky tha të dielën: “Ata gënjyen kur thanë se nuk do të shënjestronin popullsinë civile. Qysh nga orët e para të pushtimit, trupat ruse sulmuan infrastrukturën civile”.

“Ky është terror. Ata po luftojnë kundër çdokujt dhe çdonjërit. Po sulmojnë çerdhe, ndërtesa banimi dhe madje edhe automjetet e emergjencës. Ata përdorin artileri dhe raketa kundër blloqeve të banimit ku nuk ka pasur kurrë infrastrukturë ushtarake. Shumë qytete dhe qyteza të Ukrainës po mbijetojnë në kushtet që më parë i kishim vetëm gjatë Luftës së Dytë Botërore”, deklaroi ai./UBTNews/

Lajmet

​BE mban trendin e rënies së emetimeve të gazrave serrë

Publikuar

nga

Trendi në rënie në emetimet e gazrave serrë të BE-së vazhdoi gjatë gjithë vitit 2023 me një rënie prej pak më shumë se 5%, sipas të dhënave të Eurostat të publikuara këtë javë.

Shtetet anëtare të BE-së lëshuan më shumë se 3.4 miliardë ton ekuivalent të dyoksidit të karbonit të gazeve serrë në vitin 2023. Kjo është 5.1% më pak se në vitin 2022, kur u lëshuan rreth 3.6 miliardë ton ekuivalent të dyoksidit të karbonit.

Bullgaria emetoi 47.5 milion ton ekuivalent të dyoksidit të karbonit ose rreth 1.4% të emetimeve të gazit serrë të BE, sipas llogaritjeve të BTA bazuar në të dhënat e Eurostat.

Vendi uli emetimet e gazeve serrë me pothuajse një të pestën (-19.6%) në 2023, duke regjistruar rënien e dytë më të madhe pas Estonisë (-27%).

Në tremujorin e katërt të vitit të kaluar, Bullgaria u rendit e dyta në mesin e vendeve anëtare të BE-së me uljen më të madhe të emetimeve të gazrave serrë. Pas Estonisë (-23%), ky vend regjistroi një rënie prej afro 17% nga viti në vit.

Vazhdo të lexosh

Lajmet

Edhe Spanja do ta njohë shtetin palestinez bashkë me vendet tjera

Publikuar

nga

Kryeministri spanjoll, Pedro Sanchez njoftoi të premten se vendi i tij do ta njohë shtetin palestinez bashkë me vendet tjera.

Vazhdo të lexosh

Lajmet

IBM ka në plan të krijojë 800 vende të reja pune

Publikuar

nga

IBM-ja njoftoi se planifikon të punësojë deri në 800 persona në Irlandë për të ndërtuar një sistem softueri të avancuar sipas teknologjisë së Inteligjencës Artificiale.

Kjo shënon numrin më të madh të vendeve të punës në sektorin shumëkombësh të vendit. IBM është tashmë një nga punëdhënësit më të mëdhenj shumëkombësh në Irlandë me 3 mijë persona staf.

Përmes posteve të reja do t’u kërkohet punonjësve të krijojnë softuer të avancuar bazuar në inteligjencë artificiale gjeneruese në fushat sikurse siguria, automatizimi, etj./UBTNews/

Vazhdo të lexosh

Art

Gruaja më e pasur e Australisë kërkon që të largohet portreti i saj nga një ekspozitë

Publikuar

nga

Arti është subjektiv. Dhe përderisa shumica e artistëve dëshirojnë të ndajnë punën e tyre me botën, nuk ka garanci se publiku do ta kuptojë apo pëlqej punën e tyre artistike.

Kështu duket të jetë edhe rasti i një pikture nga artisti vendas, Vincent Namatjira, që përfshin një portret të gruas më të pasur në Australi, manjates së minierave Gina Rinehart.

Rinehart i ka kërkuar Galerisë Kombëtare të Australisë (NGA) të largojë portretin e saj, një prej 21 veprave të tij individuale që përbëjnë një pjesë të vetme në ekspozitën e Namatjiras, “Australia in Color”.

Kjo ekspozitë po shfaqet në galerinë e kryeqytetit australian, Kanberra, që nga muaji mars.

Subjekte të tjera të kësaj ekspozite janë edhe Mbretëresha Elizabetë II, muzikanti amerikan, Jimi Hendrix, aktivisti australian për të drejtat e aborigjenëve Vincent Lingiari, si dhe ish-kryeministri australian, Scott Morrison./UBTNews/

Vazhdo të lexosh

Të kërkuara