Lajmet

Zelandë e Re: Mbetjet njerëzore që u gjetën në valixhe ishin të dy fëmijëve

Mbetjet u gjetën në valixhe që familja në South Auckland i bleu javën e kaluar.

Published

on

Mbetjet njerëzore të gjetura në dy valixhe të blera në ankand në Zelandën e Re, ishin të dy fëmijëve, thonë detektivët. Viktimat besohet se ishin të moshës mes 5 dhe 10 vjeç kur vdiqën.

Edhe sendet e gjetura bashkë me mbetjet njerëzore po studiohen në përpjekje për të identifikuar rastin.

Mbetjet u gjetën në valixhe që familja në South Auckland i bleu javën e kaluar.

Fëmijët ishin fshehur në dy valixhe të përmasave të ngjashme, thonë detektivët.

Si njësia e magazinimit ashtu edhe prona ku u çuan valixhet janë ekzaminuar tërësisht nga ekspertët mjeko-ligjorë./UBTNews/

Lajmet

Haxhiu: Nëse s’i marr 61 vota në votim të fshehtë, tërhiqem

Published

on

By

Kandidatja e Lëvizjes Vetëvendosje për kryetare të Kuvendit, Albulena Haxhiu, ka thënë se nëse nuk i merr 61-votat e nevojshme për kryekuvendare në votim të fshehtë ajo do të tërhiqet nga kandidatura për të paren e legjislativit.

Haxhiu në konferencë për media pas aktgjykimit të Gjykatës Kushtetuese për krizën politike, ftoi partitë që deri tani ishin në opozitë të reflektojnë dhe të zgjidhin ngërçin në Kuvend.

Sipas saj, votimi i fshehtë nuk është anti-kushtetutes dhe kjo vërtetohet edhe pas aktgjykimit të kushtetueses.

Gjykata Kushtetuese e Kosovës ka publikuar aktgjykimin në rastin lidhur me vlerësimin e kushtetutshmërisë së vendimit të Kuvendit të Kosovës për refuzim të formimit të Komisionit për votim të fshehtë, të parashtruar nga Time Kadrijaj dhe dhjetë deputetë të tjerë të Kuvendit të Kosovës.

Sipas këtij vendimi, brenda një muaji duke nisur nga sot deputetët e zgjedhur kanë 30 ditë të konstituojnë Kuvendin e ri të dalë nga zgjedhjet e 9 shkurtit- zgjedhjen e kryetarit të ri dhe nënkryetarëve të rinj.

Vazhdimi i tridhjetetetë i seancës për konstituimin e legjislaturës së nëntë do të mbahet sot nga ora 11:00,

Continue Reading

Lajmet

​Tërmet në Shqipëri

Published

on

By

Dy lëkundje tërmeti kanë goditur Shqipërinë ditën e sotme (27 qershor). Sipas Institutit të Gjeoshkencave, epiqendra e tërmetit me magnitudë 3.9 dhe 4 të shkallës Rihter ka qenë Fushë-Kruja.

Thellësia e lëkundjeve ka qenë 10 kilometër, ndërsa lëkundjet janë ndjerë edhe nga qytetarët, transmeton RTSH.

Deri në këto momente nuk është raportuar për dëme. Këto lëkundje, pasojë tërmetin 4.2 të shkallës Rihter që ra tre ditë më parë në Fushë-Krujë dhe u pasua nga një sërë pasgoditjesh në Durrës, Pukë, Mal të Zi, duke shkaktuar panik te qytetarët.

Continue Reading

Lajmet

Konjufca: Gjykata Kushtetuese thekson përgjegjësinë e përbashkët për konstituimin e Kuvendit

Published

on

By

Nënkryetari i Lëvizjes Vetëvendosje, Glauk Konjufca, dhe kandidatja e kësaj partie për kryetar të Kuvendit, Albulena Haxhiu, mbajtën sot një konferencë për media, një ditë pas vendimit të Gjykatës Kushtetuese që detyron deputetët të përfundojnë seancën konstituive brenda 30 ditësh.

Konjufca theksoi se sipas interpretimit të VV-së, aktgjykimi i Gjykatës i jep të drejtë fituesit të zgjedhjeve për të propozuar kryetarin e Kuvendit. Megjithatë, kjo nuk u mirëprit nga partitë opozitare, të cilat kanë pasur një qasje bllokuese.

Ai shtoi se VV ka ndërmarrë disa hapa për të lehtësuar konstituimin e Kuvendit, përfshirë ftesën drejtuar kryetarëve të subjekteve politike për dialog.

“Gjykata Kushtetuese na dha të drejtë dhe thekson se bllokada nuk mund të ndodhë vetëm në çështjen e kryetarit të Kuvendit, por është përgjegjësi e të gjithë deputetëve që ta konstituojnë Kuvendin pa vonesa,” tha Konjufca.

Ai përfundoi duke nënvizuar se konstituimi i Kuvendit është përgjegjësi e të gjithë deputetëve, jo vetëm e grupit parlamentar që ka dalë i pari në zgjedhje.

Continue Reading

Lajmet

​Dehari: Kuvendi është përgjegjësi e të gjithëve, porosia e kushtetueses ishte të arrihet një marrëveshje

Published

on

By

Kryesuesi i seancës konstituive të Kuvendit të Kosovës, deputeti i LVV-së, Avni Dehari, ka kërkuar arritjen e një marrëveshje për zgjidhjen e krizës politike pas vendimit të Gjykatës Kushtetuese.

Ai tha se porosia e kushtetueses ishte që të arrihet një marrëveshje ndërmjet të gjitha subjekteve politike në Kuvend për konstituimin e legjislaturës së nëntë.

Sipas tij, Kuvendi është përgjegjësi e të gjithëve, ndërkaq, formimi i qeverisë së re është një tjetër veprim, ku nëse janë numrat bëhet e njëjta, kurse nëse s’ka vota për qeveri të re edhe pas dy tentimeve shkohet në zgjedhje të reja.

“Le të gjendet një marrëveshje. Kjo është porosia e Gjykatës Kushtetuese….Marrëveshje duhet të gjejnë të gjithë liderët pasi konstituimi i seancës konstituive është përgjegjësi e të gjitha grupeve parlamentare. Pastaj puna për qeveri ndryshon pasi është tjetër veprim…Nëse janë numrat krijohet nëse nuk janë kalohet te subjekti tjetër dhe nëse nuk janë shkohet në zgjedhje”, tha ai.

Këto komente Dehari i bëri në Kuvendin e Kosovës, pak para fillimit të vazhdimit të seancës konstituive të Kuvendit për herë të 38-të.

Continue Reading

Të kërkuara