Kuriozitete

Zbulohet fabrika më e madhe në botë e verës në Izrael

Zbulimi i kësaj fabrike erdhi pas procesit të gërmimit dyvjeçar.

Publikuar

Fabrika më e madhe në botë e verës nga periudha bizantine u zbulua nga arkeologët në qytetin izraelit Yayne. Zbulimi i kësaj fabrike erdhi pas procesit të gërmimit dyvjeçar.

Ky kompleks 1 mijë e 500-vjeçar përdorej për të prodhuar verë në sasi të mëdha, ku sipas drejtuesve të procesit të gërmimit, tregtoheshin deri në dy milionë litra verë çdo vit.

Perandoria Bizantine sundoi afërsisht midis viteve 330 dhe 1453 pas Krishtit, duke u bërë një nga qytetërimet kryesore në botë.

“Ajo që është vërtet emocionuese është shkalla. Është shkallë e madhe e prodhimit këtu”, tha arkeologu dhe bashkëdrejtuesi i gërmimeve Jon Seligman për CNN. Ai shtoi se “kompleksiteti i arkitekturës dhe i procesit industrial” ishte surprizë.

Ai tha se procesi i gërmimit, i udhëhequr nga Autoriteti i Antikiteteve të Izraelit, ishte një nga proceset më të mëdha të gërmimit në vend, me rreth 300 anëtarë të stafit që punojnë pesë ditë në javë./UBTNews

Kuriozitete

Rreth 40 vjet më parë, India kishte helikopterë në formë të elefantit

Kjo sepse elefanti konsiderohet i shenjtë në Indi.

Publikuar

nga

Disa pretendojnë se legjenda e “helikopterëve elefantë vallëzues” të Indisë filloi në 1977 kur i pari i këtij lloji doli në ajër, transmeton UBT News.

Të tjerë thonë se filloi më herët. Por megjithatë, ky lloj helikopterësh i krijuar për të shfaqur fuqinë ushtarake, industriale dhe diversitetin kulturor të vendit, ka hyrë në folklorin popullor.

Disa nga ata që e mbajnë mend herën e parë kur helikopteri i këtij lloji u ngrit në qiell, thonë se këto fotografi janë gjatë paradës vjetore të Ditës së Republikës, e cila ishte mbajtur në Nju Delhi në vitet 1970.

Sipas disa tregimeve, njësia ishte akoma e pajisur me Alouette IIIs origjinale Franceze, që nënkupton se fotografitë janë shkrepur kah fundi i viteve 1960.

I gjithë trupi i helikopterit ishte i mbuluar me tekstile të dekoruara, kështu duke mahnitur turmën qëishte mbledhur për të festuar.

Elefanti është një nga kafshët kombëtare të Indisë dhe një simbol i fuqishëm i fuqisë së saj, kjo është edhe arsyeja pse ishte përdorur në këtë rast./UBTNews/

Vazhdo të lexosh

Kuriozitete

Syzet e rralla do të dalin në ankand gjatë këtij muaji

Para shitjes, ato do të ekspozohen për herë të parë në Hong Kong dhe Londër.

Publikuar

nga

Një palë syze të rralla diamanti dhe smeraldi që besohet se fillimisht i përkisnin mbretërve në Perandorinë Mughal, e cila dikur sundonte mbi nënkontinentin indian, do të dalin në ankand në Londër gjatë këtij muaji.

Syzet do të dalin në ankand për 2 milionë-3.4 milionë dollarë secila, tha shtëpia e ankandit.

Para shitjes, ato do të ekspozohen për herë të parë në Hong Kong dhe Londër, gjatë këtij muaji. Nuk dihet se kush i vlerësoi këto size, megjithatë thuhet se i takojnë dinastisë Mughal,që sundoi nënkontinentin në shekujt 16 dhe 17, dhe njihet për arritjet e pasura artistike dhe arkitektonike.

Në deklaratën e shtëpisë së ankandit Sotheby, thuhet se për krijimin e tyre u përdor një diamant dhe një smerald./UBTNews

Vazhdo të lexosh

Kuriozitete

Pjata italiane shitet për mbi 1 milion funta në ankand

Besohej se kjo copëz arti do ta arrinte çmimin prej 80 mijë deri në 120 mijë funta.

Publikuar

nga

Një pjatë e rrallë e shekullit të 16-të nga një shtëpi në kufijtë skocezë u shit për më shumë se 1 milion funta në ankand.

Kjo copëz arti që i atribuohet Nicola da Urbino – ishte pjesë e shitjes së artikujve të shtëpisë Lowood afër Melrose.

Besohej se kjo copëz arti do ta arrinte çmimin prej 80 mijë deri në 120 mijë funta, por u shit për 1 milion e 40 mijë funta.

Gavin Strang, drejtor menaxhues, tha se ishte “privilegj” që ta realizonte këtë shitje.

Sipas tij, ishte “e papritur ” që një artikull nga një periudhë kaq e hershme e prodhimit maiolica (pjatë porcelani) të dilte në treg.

Lowood House paraqiti koleksionin që e mblodhën nga dy familje – Crum Ewings dhe Hamiltons. Pasuria e Crum Ewing u krijua nga James Ewing, i cili ishte këshilltar dhe deputet i Glasgow në fillim të shekullit të 19 -të. Ai bleu shtëpinë Strathleven në West Dunbartonshire dhe dekoroi shtëpinë e tij me piktura dhe vepra arti – shumë u mblodhën në një turne evropian në vitin 1844.

Pas vdekjes së tij, kjo shtëpi kaloi nën pronësinë e Crum Ewing dhe bashkëshortit të saj, Ian Hamilton. Ata më vonë u zhvendosën në Lowood në vitin 1947. Ata i shtuan elemente të reja koleksionit të artit i cili gjithashtu ishte pjesë e shitjes./UBTNews

Vazhdo të lexosh

Kuriozitete

Përgatiti biskotën e famshme të “Squid Game”, videoja e tij u bë virale

Bayashi arriti 58 milionë shikues pasi përfundoi me sukses sfidën e përgatitjes së biskotës ‘dalgona’.

Publikuar

nga

Videoja e një përdoruesi të Tik Tok-ut u bë virale pasi ai me sukses realizoi një nga sfidat e serialit “Squid Game”.

Bayashi arriti 58 milionë shikues pasi përfundoi me sukses sfidën e përgatitjes së biskotës ‘dalgona’. Kjo sfidë tashmë u bë e famshme në Kore të Jugut.

@bayashi.tiktok

##squidgame

♬ Might Be – Remix – Dj Luke Nasty

Lojtarët duhet të përpiqen të shkëpusin skajet rreth biskotës pa e prishur formën. Kurse në një video tjetër, në të cilën ai dështoi ta realizonte këtë sfidë, deri më tani ka arritur mbi 105.6 milionë shikime në TikTok.

Sfida e vështirë u paraqit në “Squid Game”, një seri televizive koreane shumë e njohur, e cila u shfaq premierë muajin e kaluar në Netflix./UBTNews

Vazhdo të lexosh

Të kërkuara