Lajmet

Zbulohet arsyeja pse Caitlyn Jenner dhe Ellen DeGeneres prishën raportet e tyre

Caitlyn tregoi verzionin e saj në Big Brother VIP Australia.

Published

on

Grindja e Caitlyn Jenner me Ellen DeGeneres u bë aq e keqe sa që kjo e para dikur mendoi t’i kërkonte familjes së saj të famshme, familjes Kardashian, që të mos shkonte më kurrë në emisionin e prezantueses, përcjell UBT News.

“Mendova, ‘Ndoshta duhet të telefonoj Kris dhe t’i them, ‘Kris, pse nuk e ndalon ndonjë nga fëmijët të jenë në “Ellen”, por unë nuk e bëra”, zbuloi Jenner në një skenë të fshirë nga “Big Brother VIP Australia” në fillim të këtij muaji.

“Nuk dua të përfshihem në këtë. I lashë të bëjnë gjënë e tyre”, shtoi ajo.

Caitlyn u shpjegoi shokëve të shtëpisë se problemet e saj me DeGeneres, 63 vjeç, filluan për herë të parë kur ajo u shfaq si e ftuar në “The Ellen DeGeneres Show” në vitin 2015 dhe u pyet për pikëpamjet e saj të diskutueshme për martesat e homoseksualëve.

Jenner tha se ajo fillimisht donte të shkonte në show për të ndihmuar në mbledhjen e fondeve për një student trans, i cili ishte super-fans i DeGeneres dhe kishte nevojë për para për shkollën e infermierisë.

“[DeGeneres] më thotë: ‘E vetmja mënyrë që do ta bëj këtë është nëse je edhe ti në shfaqje”, pohoi Caitlyn.

Medalistja e artë tha se pranoi të shkonte në shfaqje dhe gjatë një pauze reklamuese, DeGeneres ngriti temën e martesës së homoseksualëve.

Kur u kthyen në transmetim, DeGeneres e bëri pyetjen në kamerë dhe Caitlyn pranoi se “duke shikuar prapa, unë mund të kisha trajtuar disa gjëra pak më ndryshe”.

Pas intervistës, DeGeneres shkoi në emisionin radiofonik të Howard Stern dhe tha për Caitlyn, “Ajo ende ka një gjykim për martesat e homoseksualëve”.

Caitlyn u tha shokëve të shtëpisë së saj në “Big Brother” se komentet e DeGeneres e lënduan dhe kështu ajo u hakmor duke u bërë “me të vërtetë e ashpër me të” në media.

Ajo shtoi se nuk mori kurrë kërkim falje nga komedianja dhe gjithashtu vazhdoi të ftonte vajzën e saj Kylie Jenner dhe anëtarët e tjerë të familjes në emisionin e saj, sepse “familja ime i jep asaj vlerësime të mira”./UBTNews/

Lajmet

Tre persona të arrestuar për narkotikë në 24 orët e fundit në Prishtinë dhe Podujevë

Published

on

By

Policia e Kosovës, në raportin e saj 24-orësh, ka bërë të ditur se janë arrestuar tre burra në tri raste të ndara për blerje, posedim, shpërndarje dhe shitje të paautorizuar të narkotikëve.

Në Podujevë, një burrë, shtetas i Kosovës, është arrestuar pasi është zënë në flagrancë duke shitur lëndë narkotike. Nga i dyshuari është konfiskuar një qese me marihuanë, ndërsa me vendim të prokurorit ai është dërguar në mbajtje.

Dy rastet e tjera janë regjistruar në Prishtinë. Në rastin e parë, policia ka arrestuar një burrë, shtetas i Kosovës, pasi gjatë kontrollit të tij dhe të veturës së tij janë gjetur dhe sekuestruar 15.41 gramë substancë e dyshuar narkotike e llojit marihuanë. Pas intervistimit, në konsultim me prokurorin, ai është liruar në procedurë të rregullt.

Ndërkaq, në rastin e dytë në kryeqytet, është arrestuar një burrë, shtetas i huaj, tek i cili gjatë kontrollit janë gjetur dhe sekuestruar 0.3 gramë substancë e dyshuar narkotike e llojit kokainë. Pas intervistimit, me vendim të prokurorit, i dyshuari është dërguar në mbajtje.  /E.A/

Continue Reading

Lajmet

Një person lëndohet rëndë pas sulmit nga disa persona në Prishtinë

Published

on

Një person ka pësuar lëndime trupore si pasojë e një sulmi nga disa të dyshuar, më 18 nëntor, rreth orës 19:00, në Prishtinë.

Sipas raportit të Policisë, në vendin e ngjarjes janë vërejtur njolla gjaku, ndërsa është sekuestruar edhe një thikë. Viktima është dërguar në QKUK për trajtim të mëtejshëm mjekësor.

Lidhur me rastin është intervistuar një i dyshuar, i cili me vendim të prokurorit është liruar. Ndërkaq, i dyshuari kryesor ndodhet në kërkim nga policia.

Rasti është duke u hetuar nga organet kompetente./A.K/

Continue Reading

Lajmet

Katër raste të dhunës në familje raportohen në Prishtinë, Lipjan, Fushë Kosovë dhe Gjilan

Published

on

Policia e Kosovës ka raportuar për katër raste të dhunës në familje në Prishtinë, Lipjan, Fushë Kosovë dhe Gjilan.

Në Prishtinë, një grua ka raportuar se ishte kanosur nga një burrë. I dyshuari është intervistuar më 18 nëntor dhe, me vendim të prokurorit, rasti do të trajtohet në procedurë të rregullt, ndërsa ai do të vazhdojë të hetohet në gjendje të lirë.

Në Lipjan, një grua ka njoftuar policinë se ishte sulmuar nga një grua tjetër. Pas intervistimit të palëve, me vendim të prokurorit, rasti është dërguar në procedurë të rregullt.

Ndërkaq, në Fushë Kosovë, një burrë dyshohet se ka ushtruar dhunë ndaj disa viktimave. Nuk raportohet për persona të lënduar, ndërsa rasti po trajtohet nga ekipet përkatëse policore.

Një rast tjetër është raportuar në Gjilan, ku një burrë është arrestuar më 18 nëntor, nën dyshimin se kishte kanosur një burrë tjetër. Viktima ka pranuar trajtim mjekësor, ndërsa i dyshuari, me vendim të prokurorit, është dërguar në mbajtje.

/A.K/

Continue Reading

Lajmet

Jakup Krasniqi vazhdon qëndrimin në shtëpinë e tij në Prishtinë

Published

on

Ish-kryetari i Kuvendit të Kosovës, Jakup Krasniqi, po qëndron edhe sot në shtëpinë e tij në Prishtinë, në ditën e dytë të vizitës në Kosovë, shkruan KosovaPress.

Krasniqi, i cili po gjykohet në Dhomat e Specializuara të Kosovës në Hagë, ka ardhur në Kosovë për të qëndruar pranë familjes, për shkak të gjendjes shëndetësore të bashkëshortes së tij.

Kjo është dita e dytë e qëndrimit të tij në Kosovë.

Continue Reading

Të kërkuara