

Sport
Zbulohen detaje nga shënimi i ‘Ditës Olimpike’ që zhvillohet të premten
Published
10 months agoon
By
Betim GashiTë premten në sheshin “Zahir Pajaziti” në Prishtinë do të shënohet ‘Dita Olimpike” që shënon edhe përfundimin e shumë aktivitete sportive që u zhvilluan nëpër komunat e Kosovës në kuadër të ‘Javës Olimpike”
Numër i madh nxënësish e sportistësh kanë marrë pjesë në aktivitete të ndryshme gjatë kësaj jave, duke u bërë pjesë e këtij manifestimi të madh të organizuar nga Komiteti Olimpik i Kosovës (KOK).
Presidenti i KOK-ut, Ismet Krasniqi, tha në një konferencë për media se në 25 komunat e Kosovës me një pjesëmarrje shumë të madhe të të rinjve gjatë ‘Javës Olimpike”
“Komiteti Olimpik i Kosovës ka organizuar aktivitete në 25 komunat e Kosovës me një pjesëmarrje shumë të madhe të të rinjve. Këto aktivitete filluan në institucionet parashkollore të hënën e kaluar dhe vazhduan nëpër shkolla tjera fillore…Ky angazhim masiv nëpër të gjitha komunat e Kosovës tregon edhe njëherë përkushtimin tonë për promovimin e sportit duke i inkurajuar pjesëmarrësit e rinj që të merren sa më shumë me sport dhe të jenë aktiv në aktivitete të ndryshme fizike dhe sociale. Manifestimi kryesor është nesër me 14 qershor ne sheshin “Zahir Pajaziti” ku do të marrin pjesë qindra fëmijë nga shkolla të ndryshme të Kosovës”, tha Krasniqi.
Ndërsa, kryetari i Komisionin për organizimin e aktiviteteve të javës olimpike, Halil Sylejmani zbuloi detaje na aktivitete e “Ditës Olimpike”.
“Më 14 qershor është dita kryesore, pra ‘Dita Olimpike’ dhe bëhen aktivitetet në sheshin e Prishtinës dhe fillon në ora 10:00 ku i ftojmë të gjitha shkolla fillore që të na bashkohen që ta bëjmë sa më masive këtë ditë, pjesëmarrës janë fëmijët e klasave të gjashta. Fëmijët do ta kenë vrapimin olimpik qindra metrash”, theksoi Sylejmani.
Kurse, dekani i Fakultetit të Edukimit dhe Sporteve, Musa Selimi bëri të ditur se në këtë universitet do të ketë disa gara mes studentëve në shënim të ‘’Javës Olimpike’.
“Sot në ambientet e Fakultetit të Edukimit Fizik dhe Sportit, Federata e Sporteve Universitare në bashkëpunim me Komisionin për Organizimin e Javës Olimpike do të organizojë në disa disiplina gara ndërmjet studentëve e që do të promovojnë sportin, garën, fair play edhe shumë aspekte të tjera që lidhen me këto aktivitete sepse të gjithë e dimë që duke e rritur numrin e sportistëve promovojmë edhe shëndetin edhe miqësinë e shumë aspekte të tjera”, tha Selimi.
Jeton Borovci, sekretar i Federatës së Sporteve Shkollore, bëri të ditur se gjatë javës olimpik, në aktivitete sportive kanë marrë pjesë mbi 1600 nxënës,
“Numri i pjesëmarrësve ka arritur diku mbi 1600 nxënës dhe kryesisht 75 mësimdhënës ose prmomotorë apo sportistë të cilët kanë zhvilluar aktivitete kryesisht në lojëra, ecje, vrapime dhe lojëra profesionale duke iu mbajtur edhe orë ligjëruese se si janë vlerat olimpike dhe çka shërbejnë, që janë të mira për shëndetin e fëmiut, sportistit dhe shëndetin e mbarë promovimit të vlera të rregullta”, deklaroi Borovci. /UBTnews/
Sport
Tensionet në Kongresin e UEFA-s: Kosova përfaqësohet pa flamurin shtetëror në Beograd!
Published
12 hours agoon
April 3, 2025By
UBT NEWS
Një ngjarje e pazakontë ka ndodhur në Kongresin e UEFA-s që po mbahet në Beograd, ku përfaqësuesi i Federatës së Futbollit të Kosovës (FFK), Agim Ademi, u fotografua me flamurin e Kosovës, duke shkaktuar një reagim të menjëhershëm nga Federata Serbe të Futbollit. Si pasojë e kësaj fotoje, federata serbe ndërmori hapa të menjëhershëm për të larguar çdo simbol që përfaqësonte shtetin e Kosovës nga kongresi i UEFA-s.
Pas ngjarjes, Federata Serbe kërkoi falje publike nga serbët, ndërsa hoqi të gjitha simbolet që kishin lidhje me shtetin e Kosovës. Ky veprim nxori në pah tensionet që ekzistojnë mes dy shteteve, duke treguar se Kosova, ndonëse është një anëtare e UEFA-s, po përfaqësohet në këtë kongres vetëm me logon e FFK-së dhe jo me simbolet shtetërore, siç ndodh me shtetet e tjera të pranishme.
Një tjetër element që ka shtuar tensionet ishte vendimi i sekretarit të FFK-së, Marcus Weidner, i cili ka pranuar të ulet në tavolinë pa flamurin e Kosovës, një akt që thekson edhe më tej kompleksitetin e situatës politike dhe sportive që ka lindur pas njohjes ndërkombëtare të Kosovës dhe ndikimeve të këtij procesi në fusha të ndryshme, përfshirë futbollin.
Ky incident thekson edhe një herë vështirësitë me të cilat përballet Kosova në arenën ndërkombëtare, sidomos në fushën e sporteve, dhe rëndësinë e dialogut dhe bashkëpunimit për tejkalimin e tensioneve mes shteteve në rajon.
Sport
Nuk përmbahet Mourinho pas eliminimit, kap për hunde trajnerin kundërshtar
Published
14 hours agoon
April 3, 2025By
UBT NEWS
José Mourinho ka qenë protagonist i një episodi të pahijshëm pas eliminimit të skuadrës së tij nga Fenerbahçe në çerekfinalet e Kupës së Turqisë. Pas humbjes 2-1 ndaj Galatasaray-t, dhe ndërsa lojtarët dhe stafi teknik i Galatasaray-t po drejtoheshin drejt tifozëve të tyre, Mourinho e ka kapur për hunde trajnerin e kundërshtarëve, Okan Buruk. Ky veprim ka shkaktuar një skenë të tensionuar, ku Buruk u rrëzua në tokë dhe mbajti duar mbi fytyrë, si një lojtar pas një faulli të rëndë.
Pas ngjarjes, Buruk kërkoi të përballej me Mourinhon, i zemëruar nga sulmi, por u qetësua me ndërhyrjen e lojtarëve të tij dhe vazhdoi ecjen pa pasoja të tjera. Ky incident është një tjetër moment polemik për Mourinhon, i cili ka pasur përplasje të ngjashme edhe me trajnerë dhe figura të tjera, duke përfshirë një të famshëm me Tito Vilanovën në vitin 2011, kur i vuri gishta në sy gjatë një klasike mes Real Madridit dhe Barcelonës. Pas atij momenti, Mourinho ka kërkuar më vonë falje.
Ky veprim ka ngritur përsëri pyetje për sjelljen e trajnerit portugez, që shpesh është shoqëruar me polemika dhe situata të tensionuara.
Sport
Kosova ngritet për dy pozita në renditjen e FIFA-s
Published
14 hours agoon
April 3, 2025By
UBTNews
Pas promovimit nga Liga C në Ligën B të Ligës së Kombeve, Kombëtarja e Kosovës është ngritur për dy pozita më lartë në renditjen e re të publikuar nga FIFA.
Dardanët tashmë pozicionohen në vendin e 97, teksa Shqipëria zbret një vend duke u renditur në të 66-in pas humbjes nga Anglia dhe fitores kundër Andorrës.
Argjentina pozicionohet në vendin e parë dhe ndiqet nga Spanja, Franca, Anglia, Brazili, Holanda, Portugalia, Belgjika, Italia dhe Gjermania.
Sport
Barcelona eliminon Atleticon dhe shkon në finalen me Realin, Flick: Ëndërrojmë për tripletën!
Published
15 hours agoon
April 3, 2025By
UBT NEWS
Barcelona ka siguruar kalimin në finalen e Kupës së Mbretit, duke mposhtur Atletico Madrid në “Metropolitano”. Fitorja e Barcelonës ka qenë një rezultat i shkëlqyer për trajnerin Hansi Flick, i cili do ta drejtojë ekipin katalanas në finalen e tij të dytë.
Pas ndeshjes, Flick u shpreh shumë i kënaqur me paraqitjen e ekipit: “Ishte një ndeshje me dy pjesë të ndryshme. Në pjesën e parë dominuam, ndërsa në të dytën u mbrojtëm mirë. Të gjithë mund të jenë krenarë për këtë ekip”.
Me këtë fitore, Barcelona ka shtuar shpresat për tripletën këtë sezon. Ata janë në vendin e parë në La Liga, kanë siguruar finalen e Kupës së Mbretit dhe janë ende të pranishëm në çerekfinalet e Champions League. Sidoqoftë, Flick ka paralajmëruar se rruga drejt suksesit është ende e gjatë dhe kërkon përqendrim të vazhdueshëm. “Ëndërrimi është i lejuar, por duhet të qëndrojmë të përqendruar,” tha ai. “Do të kthehemi vonë në shtëpi dhe do të duhet të stërvitemi për ndeshjen kundër Betisit.”
Tifozët e Barcelonës janë të emocionuar nga mundësitë e tripletës, ndërsa ekipi i Flick ka treguar një nivel të lartë loje dhe angazhimi këtë sezon.

Scholz: Nuk mund ta imagjinojë Netanyahun të arrestohet në Gjermani

Çmimi i naftës bie pas tarifave të Trump

Policia gjobit shoferin që drejtoi veturën në anën e kundërt në autostradë

Zëdhënësit e Speciales: Gjykata e Hagës mban përgjegjës individët, jo grupet etnike, organizatat apo komunitetet

Rubio: SHBA do të vijojë të qëndrojë në NATO, e rëndësishme forcimi i aleancës

Pse nuk duhet t’i mbyllni perdet gjatë ditës?

Kurti pret në takim ambasadorin suedez, flasin për aktualitetin politik në vend

Po bëni gabim, ja sa shpesh duhen pastruar furçat e grimit

Billie Eilish tregon se cilët janë artistët e saj të preferuar
Të kërkuara
-
Bota2 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota2 months ago
Fluturimet e dëbimit kanë filluar, thotë Shtëpia e Bardhë
-
Bota2 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Bota3 months ago
Trump zbulon listën e zezë të Shtëpisë së Bardhë