Domatet kanë një përbërës i quajtur histamin, që rrit sistemin imunitar për të luftuar ‘pushtuesit e huaj’.

Studimet thonë se domatet mund të shkaktojnë reaksione alergjike sikurse skuqje, ënjtje të gjuhës, si dhe efekte të tjera të padëshirueshme.

Për ata që tashmë janë diagnostikuar si alergjikë ndaj domateve, ato simptoma mund të jenë edhe më të rënda./UBTNews

Sot më shumë se kurrë njerëzit janë dhënë pas postimit në rrjete sociale të çdo lëvizje të tyre. Dhe këtë më së shumti po e bëjnë adoleshentët. Problemi është që e gjithë kjo kohë e kaluar në teknologji po i bën ata “të mjerë”.

Sipas një studimi që ka përfshirë 1 milion adoleshentë në ShBA, për këto 25 vite është rritur tej mase kohëzgjatja e qëndrimit dhe përdorimit të teknologjisë. Duke minimizuar mundësitë për jetesë të shëndetshme, lumturi dhe aktivitete.

Thënë shkurt, sa më shumë që kalojnë adoleshentët në telefonat e tyre të mençur dhe kufizojnë kohen që kalojnë me miq, njerëz të dashur dhe aktivitete të tjera, ata bëhen për ditë e më keq në çdo sferë të jetës.

Një orë në Instagram për ditë, ju mban larg doktorit!

Jo saktësisht, por studimi ka sjellë rezultate që tregojnë se të eliminuarit tërësisht të teknologjisë nga jeta nuk është zgjidhje. Na pëlqeu ose jo, rrjetet sociale, telefonat e mençur, mundësitë që ju të jeni live 24 orë në rrjete sociale e kanë ndryshuar jetën e të gjithëve. Megjithatë të ndaluarit tërësisht adoleshentëve qasjen në to mund të dëmtoj ata dhe të krijoj situate të reja të izolimit social.

Ashtu si në shumicën e gjërave në jetë, çelësi është tek menaxhimi.

Një orë në teknologji për ditë, konsiderohet e mjaftueshme për të rritur fëmijë të shëndetshëm, dhe jo të varur nga teknologjia. Po ashtu ata do të jenë më të shoqërueshëm, do të jenë më aktiv me shoqëri, dhe do të jenë më eksplorues.

Nëse e keni të vështirë që në ditën e parë të kufizoni në një orë qëndrimin në teknologji, atëherë filloni me hapa të thjeshtë duke ulur ditë mbas ditë orën e qëndrimit në interet. Filloni me zbatimin e një rregulli pa-telefona në tryezë për darkë. Dhe kërkesa që fëmijët tuaj të jenë më aktiv në punët e familjet dhe shtëpisë. Nxitini fëmijët tuaj të kalojnë më shumë kohë jashtë me shokët e tyre, duke krijuar eksperienca të gjalla jo virtuale.

Fëmijët po humbasin rastin të jenë të lumtur nga qëndrimi i gjatë në telefona!

Ankthi është një përgjigje fizike dhe emocionale ndaj rrezikut që shpesh ndodh për shkak të gjërave të vogla, andaj është shumë e lehtë të humbasësh kontrollin për shkak të tyre.

Këto këshilla të ekspertëve mund t’ju ndihmojnë ta mposhtni atë, por gjithashtu të relaksoheni dhe të argëtoheni.

1. Ndaloni dhe qeshni – Lini gjithçka që bëni, ndaloni dhe qeshni. Hulumtimet kanë treguar se e qeshura ul nivelet e stresit dhe ju bën më pak të shqetësuar.

2. Filloni terapinë me ngjyra – Terapia me ngjyra është një mënyrë e shkëlqyeshme për të zgjidhur problemin e ankthit. Ju mund ta shpenzoni atë në rrobat tuaja, ose të pikturoni murin me një ngjyrë ose ngjyra të caktuara, të tilla si hije blu, vjollcë ose jeshile. Kjo terapi është e lehtë për t’u zbatuar kur shihni se cila ngjyrë është e këndshme për sytë tuaj.

3. Dëgjoni muzikën që doni – Dëgjimi i muzikës çdo ditë mund t’ju ndihmojë të kapërceni ankthin dhe të përmirësoni shëndetin tuaj.

Lejoni që disponimi juaj të bëjë një listë dëgjimi. Për shkak të kësaj, nuk është keq që të keni gjithmonë kufje me vete – kështu që nuk do të shqetësoni të tjerët, dhe kur të ndjeni se ankthi po rritet, thjesht ndizni muzikën dhe mos u merrni me asgjë tjetër.

4. Fikni plotësisht – Fikni të gjitha pajisjet e komunikimit, tërhiqni një karrige, ngrini këmbët mbi të dhe mos bëni asgjë. Kalojeni atë kohë me mençuri – kjo do të thotë që nuk keni nevojë të shikoni TV, mos përdorni telefonin, tabletin dhe pajisjet e tjera. Bëni një banjë relaksuese ose aromaterapi.

Meditimi dhe vitamina B

Shkencëtarët kanë zbuluar se meditimi rrit sasinë e lëndës gri në tru, gjë që e bën më të lehtë luftimin e stresit. Ata gjithashtu testuan efektet e meditimit në stres dhe ankth, dhe çdo herë rezultati ishte pozitiv.

Ju gjithashtu mund të praktikoni joga në shtëpi, e cila është një kombinim i sforcimeve fizike, meditimit dhe ushtrimeve të frymëmarrjes që zvogëlojnë ankthin.

Ankthi ndikon në mendjen dhe trupin tonë dhe për të furnizuar trupin dhe mendjen tuaj me ushqyesit e nevojshëm, duhet të hani ushqime të pasura me acide yndyrore omega-3 dhe vitamina B.

Studimet kanë treguar se vitamina B është përgjegjëse për shëndetin e mirë mendor dhe se acidet yndyrore omega-3 mund të zvogëlojnë simptomat e depresionit dhe ankthit. Përveç kësaj, marrja e sheqerit, ushqimeve të përpunuara dhe kafeinës duhet të zvogëlohet, pasi kjo do të rezultojë në një gjendje më të mirë mendore dhe një luftë më të lehtë kundër stresit.

Vitamina D është një vitaminë e tretshme që ndikon shumë në sistemet e trupit tonë nga sigurimi i furnizimit me kalcium ndaj eshtrave tona deri tek forcimi i sistemit tonë imunitar.

Ne normalisht e marrim këtë vitaminë nga ushqimet, suplementet dhe rrezet e diellit, por kur diçka shkon keq dhe ne përballemi me mungesën e vitaminës D, sistemet tona të trupit mund të dëmtohen.

Djersitja e kokës

Ka një sërë simptomash që mund të tregojnë se niveli i vitaminës D është i ulët. Literatura shkencore e përshkruan djersitjen e tepruar tek të sapolindurit si një nga shenjat e hershme të mungesës së kësaj vitamine.

Një nga simptomat më pak të dukshme të mungesës së vitaminës D tek të rriturit është djersitja e tepërt e kokës në krahasim me pjesën tjetër të trupit.

Nëse koka juaj djersitet shumë kjo mund të lidhet me mungesën e vitaminës D në trupin tuaj dhe mund t’ju duhet të konsultoheni me mjekun tuaj.

Dhimbja e kockave

Mungesa e vitaminës D mund të dëmtojë aftësinë e trupit për të futur kalciumin në indet e kockave, të cilat mund të çojnë në osteomalacia ose dobësim të eshtrave.

Një mangësi e vitaminës D mund të shoqërohet me dhimbje të ndryshme muskulo-skeletore, në veçanti me dhimbje të kockave tibiale dhe butësi.

Rekomandohet të siguroheni që po merrni përditë sasinë e nevojshme të vitaminës D për të shmangur dhimbjen e kockave, frakturat e kockave dhe sëmundjet e lidhura me të si osteoporozën.

Dhimbje muskulore

Vitamina D prek jo vetëm eshtrat tona, por edhe muskujt tanë. Mungesa e kësaj vitamine mund të shkaktojë dhimbje të forta muskulore, dobësi, masë të zvogëluar të muskujve dhe shërim të dobët të muskujve pas një aktiviteti fizik të fortë.

Nivelet e ulëta të vitaminës D gjithashtu mund të shkaktojnë dhimbje kronike të përhapura në trup, që është një nga simptomat kryesore të fibromialgjisë.

Një sistem imunitar i dobët

Vitamina D luan një rol të madh në mbështetjen e sistemit imunitar. Pa dijeni, mjekët filluan të përdorin këtë vitaminë për të trajtuar infeksionet shumë kohë më parë, para se të zbuloheshin antibiotikët.

Pacientët e tuberkulozit, për shembull, u dërguan në sanatoriume ku ata ishin të ekspozuar ndaj dritës së diellit, të cilat, siç mendonin mjekët, vriste drejtpërdrejt infeksionin.

Pra nëse vuani nga infeksione të shpeshta virale, niveli i ulët i vitaminës D mund të jetë arsyeja.

Lodhja dhe dobësia

Shpesh tentojmë t’ia atribuojmë lodhjen dhe mërzinë me një mënyrë jetese të zënë ose me mungesën e gjumit. Megjithatë, rezulton se mungesa e vitaminës D në trup mund të përfshihet gjithashtu.

Një studim që vërejti efektin e plotësimit të vitaminës D tek pacientët me lodhje, tregoi një reduktim të ndjeshëm të simptomave të lodhjes pas normalizimit të niveleve të vitaminës D.

Shërimi i ngadaltë i plagëve

Një studim ka treguar se trajtim 12 javor të plotësimit me vitaminë D rezulton në një reduktim të ndjeshëm të plagëve në mesin e pacientëve me ulcera në këmbë të personave diabetikë.

Shkencëtarët besojnë se vitamina D kishte një efekt pozitiv në stabilizimin e niveleve të glukozës në gjak dhe kolesterolit në pacientët nën hulumtim.

Nëse plagët tuaja shërohen ngadalë (sidomos nëse keni diabet), kushtojini vëmendje nivelit të kësaj vitamine në trupin tuaj.

Humbja e flokëve

Ka shumë faktorë që mund të shkaktojnë humbjen e flokëve dhe mungesa e vitaminës D është një prej tyre. Mungesa e kësaj vitamine mund të çojë në një proces të dëmtuar të ciklit të rritjes së flokëve, hollimit dhe rënies së tyre.

Vitamina D luan një pjesë integrale në procesin e rritjes së flokëve në pikën e lindjes së flokëve dhe mund të përdoret si një shtojcë që synon trajtimin e humbjes së flokëve.

Ankthi dhe depresioni

Vitamina D është një vitaminë unike që ndikon shumë pjesë të trupit tonë, duke përfshirë edhe trurin. Pasi vitamina të merret përmes ushqimit ose të sintetizohet në lëkurën tonë, ajo liron neurotransmetues si dopaminën dhe serotoninën që ndikojnë në funksionimin e trurit.

Sipas shkencëtarëve, mungesa e vitaminës D mund të çojë në ankth, depresion dhe madje mund të lidhet me sëmundjet mendore duke përfshirë skizofreninë.

Nëse keni ndonjë nga shenjat e mungesës së vitaminës D, planifikoni një vizitë tek mjeku juaj i cili do të vlerësojë nivelin e kësaj vitamine në trupin tuaj dhe do t’ju përshkruajë dozën e nevojshme të vitaminës D.