Shëndeti

Zakonet befasuese që dëmtojnë shëndetin e zemrës tuaj!

Njohja e faktorëve të rrezikut në lidhje me sëmundjet e zemrës është hapi i parë drejt kontrollit të shëndetit tuaj.

Published

on

Në përgjithësi sëmundjet e zemrës janë shkaku kryesor i vdekjeve në botë, si për burrat ashtu edhe për gratë.

Prandaj njohja e faktorëve të rrezikut në lidhje me sëmundjet e zemrës është hapi i parë drejt kontrollit të shëndetit tuaj.

AgroWeb.org ju njeh shkurtimisht me disa nga zakonet që vënë në rrezik shëndetin e zemrës tuaj, të cilat mund t’ju ​​befasojnë.

Shmangia e mëngjesit

Një studim i vitit 2019 ku AgroWeb.org u bazua, zbuloi se njerëzit që hanë mëngjes, kanë më shumë gjasa të kenë arterie më të pastra dhe më të shëndetshme sesa ato të cilët anashkalojnë vaktin e tyre të mëngjesit.

Shpenzoni shumë kohë para televizorit

I njëjti studim i vitit 2019 zbuloi gjithashtu se njerëzit që shikojnë më shumë se 21 orë TV në javë, janë të rrezikuar nga formimi i pllakave në arteriet e tyre.

Nëse jeni të shqetësuar për shëndetin e zemrës tuaj, ekspertët këshillojnë të lini telekomandën dhe të gjeni një hobi më aktiv.

Puna me orë jashtëzakonisht të gjata

Studiuesit paralajmërojnë se orët e gjata para ekranit të kompjuterit tuaj, jo vetëm që janë të këqija për shëndetin mendor, por gjithashtu mund të rrisin rrezikun e goditjes në tru.

Higjiena e dobët orale

Sipas një studimi të vitit 2016 ku AgroWeb.org u bazua, zbuloi se bakteret orale mund të jenë një nga shkaktarët e sëmundjeve kardiovaskulare.

Depresioni

Shëndeti juaj mendor dhe fizik janë më të lidhur nga sa mendoni. Sipas një studimi të vitit 2018, njerëzit që përjetojnë derpesion dhe ankth kanë një rrezik më të lartë  të sulmit në zemër.

Shmangia e frutave

Studiuesit thonë se ata që konsumojnë fruta të freskëta çdo ditë kanë presion më të ulët të gjakut dhe nivele të glukozës të ekuilibruara, sesa ata që nuk konsumojnë fruta.

Keni sëmundje autoimune

Sëmundjet autoimune si lupusi ose diabeti i tipit 1, sulmojnë indet e shëndetshme të trupit dhe shkaktojnë inflamacion.

Inflamacioni mund të shkaktojë formim të pllakave arteriale, gjë që mund të çojë më pas në bllokim të artereve.  Prandaj njerëzit me sëmundje autoimune janë në rrezik më të madh për zhvillimin e sëmundjeve të zemrës.

Gripi

Edhe pse me siguri jeni të fokusuar në mbrojtjen nga koronavirusi, kjo është një kujtesë për të bërë vaksinën kundër gripit çdo vit.

Sipas një studimi të botuar në “New England Journal of Medicine” ( Revistën Angleze të Mjekësisë) në 2018, gripi ju vë në rrezik të sulmeve në zemër, deri në një vit pas infektimit.

Me sa duket, i njëjti virus që shkakton gripin mund të shkaktojnë probleme me zemrën tuaj.

Apnea e gjumit

Apnea e gjumit jo vetëm që ju të lodhur në mëngjes, por prek edhe zemrën tuaj.

Kjo sepse apnea e gjumit rrit nivelet e një shënjuesi që shton rrezikun për një sulm në zemër./AgroWeb.org

Shëndeti

Bajamet ndihmojnë të humbni peshë

Published

on

Bajamet përmbajnë disa lëndë ushqyese që trupi juaj i tret. Trupi nuk i absorbon rreth 10-15% të kalorive që gjenden në bajame. Përveç kësaj, disa prova thonë se bajamet mund të nxisin metabolizmin tuaj.

Falë përbërësve që përmbajnë për ngopjen, bajamet janë një ushqim i mrekullueshëm për të humbur peshë. Këtë e mbështesin disa hulumtime.

Në një studim, një dietë me 84 gramë bajame është për 62% më efektive në krahasim me një dietë me karbohidrate.

Një studim tjetër në 100 femra mbipeshë zbuloi se ata që konsumonin bajame humbën më shumë peshë sesa ato në një dietë pa bajame.

Ata gjithashtu treguan përmirësime në perimetrin e belit dhe shënjuesit e tjerë të shëndetit.

Pavarësisht se përmbajnë shumë yndyrë, bajamet patjetër që janë një ushqim i lehtë për humbje peshe.

Continue Reading

Shëndeti

Si ndikon djathi tek niveli i sheqerit në gjak?

Published

on

Djathi është i pasur me yndyrna e kjo mund t’a bëjë të duket një ushqim të pashëndetshëm. Ka shumë variacione djathi të cilat për shumë kohë tashmë janë cilësuar si jo shumë të dobishme për trupin.

Megjithëse si një nën produkt i qumështit edhe djathi është një probiotik i shkëlqyer i pasur me shumë minerale. Këshillohet për paradiabetikët që kanë nivel të ulët yndyrnash në trup.

Ekspertët sugjerojnë se ngrënia e një sasie djathi në ditë mund të përmirësojë shëndetin kardiovaskular apo diabetin.

Gjatë studimit u vu re se enzima të djathit dhe produkteve të bulmetit ndihmonin në prodhimin e fosfolipideve, ndihmon në stabilizimin e nivelit të insulinës. Megjithëse rekomandohet konsumimi i djathrave me pak yndyrë në këtë rast nuk ka rëndësi lloji i tij.

Zgjidhni djathin që preferoni e do përfitoni vlerat minerale që ndihmojnë në stabilizimin e sheqerit, personat që konsumuan sasi të vogël djathi çdo ditë patën rrisk më të vogël përsa i’u përket sëmundjeve të zemrës.

Të dhënat për këtë studim që u morën për një periudhë 10 vjeçare treguan për rëndësinë e këtij ushqimi.

Sa duhet të konsumoni?

Ekspertët rekomandojnë rreth 40 gramë djathë në ditë, por tregohuni të kujdesshëm ta konsumoni të freskët, djathi është i pasur në probiotikë që ndihmojnë në forcimin e sistemit imunitar. Çelësi për një jetesë të shëndetshme është ngrënia e e pastër.

Edhe në rastin e kosumimit të djathit mund të zgjidhni ta hani si çdo ushqim tjetër të kombinuar me shumë perime. /UBT News/

Continue Reading

Shëndeti

5 ushqime që i hani çdo ditë, por ndikojnë në energjinë tënde

Published

on

Shpesh ushqimet që mendojmë se janë të padëmshme apo të shëndetshme, mund të na japin më tepër lodhje sesa energji. Zgjedhjet e përditshme të ushqimit ndikojnë direkt në nivelin e energjisë dhe ndjesinë e përgjithshme të mirëqenies.

Ja pesë ushqime që ndoshta i konsumon çdo ditë, por që në fakt të ulin energjinë:

Bukë e bardhë: Edhe pse mund të duket si zgjedhje e shpejtë dhe praktike, ajo është e pasur me karbohidrate të përpunuara që çojnë në rritje të menjëhershme të sheqerit në gjak, pasuar nga një rënie e shpejtë. Kjo rënie të lë të lodhur dhe pa energji gjatë ditës.

Sheqeri i fshehur në pijet e ëmbla: Lëngjet e frutave të përpunuara, pijet me gaz e çaji i ëmbëlsuar përmbajnë sasi të mëdha sheqeri të shtuar. Konsumimi shkakton rritje të përkohshme të energjisë, por ajo bie shpejt, duke lënë ndjenjën e lodhjes dhe plogështisë.

Drithërat e përpunuara: Shumë drithëra që shiten si “të shëndetshme” përmbajnë sasi të larta sheqeri e janë të varfra në fibra. Ato rrisin nivelin e sheqerit në gjak, por nuk ofrojnë ndjenjën e ngopjes apo energji të qëndrueshme, duke shkaktuar lodhje pas një kohe të shkurtër.

Kosi me fruta: Edhe pse kosi në vetvete është burim i mirë i proteinave dhe probiotikëve, versionet e gatshme me fruta të përpunuara përmbajnë sasi të mëdha sheqeri të shtuar. Kjo ndikon në energjinë gjatë ditës, duke shkaktuar rritje dhe rënie të shpejtë të energjisë.

Patatet e skuqura dhe snacks-et e kripura: Patatet e skuqura dhe snacks-et tjera të kripura që mund t’i konsumoni për një darkë të shpejtë përmbajnë yndyra të përpunuara dhe karbohidrate që ngadalësojnë tretjen dhe krijojnë ndjesinë e lodhjes pas konsumimit. Ato ofrojnë pak vlera ushqyese dhe kanë një efekt të shpejtë negativ në nivelet e energjisë. /UBT News/

Continue Reading

Shëndeti

Fibrat zvogëlojnë rrezikun nga zhvillimi i sëmundja e mishit të dhëmbëve

Published

on

Ushqimi i pasur me fibra ofron shumë dobi për organizmin. Nxit punën optimale të traktit tretës, ulë kolesterinën, ruan zemrën, redukton rrezikun nga zhvillimi i kancerit të zorrëve dhe mban nën kontroll nivelin e sheqerit.

Shkencëtarët kanë përcjellë 630 persona për 15 vite, ndërsa shëndetin e zgavrës së tyre të gojës e kanë kontrolluar çdo tre vjet.

Para çdo kontrolli, të anketuarit kanë plotësuar pyetësor me detajet për konsumimin e ushqimeve të pasura me fibra që përmbajnë më shumë se 2.5 gramë fibra për porcion (banane, mollë, portokaj, boronica, brokoli, lakër, patate, spinaq, kikirik, qull tërshëre).

Efekti më i rëndësishëm pozitiv i fibrave është vënë re te të anketuarit më të vjetër se 65 vjeç, është dëshmuar që çdo shujtë shtesë e pasur me fibra zvogëlon rrezikun nga humbja e dhëmbëve për 30 për qind.

Bananet, mollët dhe kumbullat e thata

Dobitë e fibrave për dhëmbë dhe mishin e dhëmbëve nuk janë konfirmuar te të anketuarit e rinj. Kur për së afërmi kanë analizuar ushqimet, që i kanë konsumuar të anketuarit, kanë përfunduar që në mënyrë mbrojtëse veprojnë bananet, mollët dhe kumbullat e thata.

Ekspertët nuk janë të sigurt sa fibra reduktojnë rrezikun nga sëmundja e mishit të dhëmbëve, veçanërisht të pemëve, por kanë ofruar disa mundësi: ushqimet e pasura me fibra kërkojnë shumë më shumë përtypje se ushqimi tjetër, çka mund të rrisë krijimin e pështymës dhe kështu të largojë bakteret e dëmshme nga goja.

Fibrat e mbajnë sheqerin në kontrolle dhe ulin tensionin, sheqeri i ngritur dhe tensioni i lartë janë faktorë të rrezikut për sëmundjet e mishit të dhëmbëve. Rrisni konsumimin e ushqimit të pasur me fibra, por vizitoni stomatologun e pastroni dhëmbët me furçë dy herë në ditë. /UBT News/

Continue Reading

Të kërkuara