Lajmet

Xhaferi deklarohet pas pranimit të detyrës

Xhaferi u zotua se asnjëherë nuk do të mungojë funksionimi i rregullt institucional.

Published

2 years ago

January 29, 2024

Betim Gashi

Kryeministri teknik i Maqedonisë së Veriut, Talat Xhaferi deklaroi se Kushtetuta dhe ligji do të jenë baza e çdo veprimi dhe vendimi në qeveri. Pas pranimit të detyrës, ai u shpreh se puna primare e kësaj qeverie është parapërgatitja, organizimi dhe zbatimi i zgjedhjeve demokratike.

Në qeveri është bërë pranim-dorëzimi i detyrës në mes të ish-kryeministrit Dimitar Kovaçevski dhe kryetarit të qeverisë teknike, Talat Xhaferi.

Pavarësisht se sa do të zgjasë kjo qeveri, Xhaferi u zotua se asnjëherë nuk do të mungojë funksionimi i rregullt institucional.

“Shpreh kënaqësinë dhe përgjegjësinë që e mora përsipër, duke e përsëritur atë që e thash edhe dje në ekspozenë time në Kuvend, respektivisht kushtetuta dhe ligji do të jenë baza mbi të cilën do e mbështes çdo vendim dhe veprim që e ndërmarrim si qeveri. Duke qenë se jemi në koalicionin qeveritar që punonte me programin e pranuar të punës së qeverisë 2022-2024, natyrisht se edhe qeveria që do e udhëheq unë obligohet që të vazhdojë me zbatimin e plot, efikas dhe të suksesshëm të politikave të pranuara në këtë program. S’do mend se puna primare e kësaj qeverie është parapërgatitja, organizimi dhe zbatimi i zgjedhjeve të lira, fer dhe demokratike, të rregullta dhe presidenciale me 24 prill dhe 8 maj dhe zgjedhjeve të rregullta parlamentare më 8 maj 2024”, deklaroi Xhaferi.

Pas pranimit të detyrës së kryeministrit, kryeministri teknik, Talat Xhaferi shtoi se avancimi i partneritetit strategjik të Maqedonisë së Veriut me Bashkimin Evropian, NATO-n dhe Shtetet e Bashkuara të Amerikës do të mbeten prioritet primar.

“Këtë dua ta theksoj edhe më fuqishëm tani në këtë diskurs gjeo-politik, ku çdo hezitim, lëkundje apo mos-pasje e orientimit të qartë evropian, mund të shfrytëzohet nga fuqi të treta të cilat janë në kërkim të aleatëve që mund të kenë polifoni në shprehjen e qëndrimeve shtetërore dhe potencimin e qartë të vlerave dhe përcaktimeve që përfaqësojnë vlerat e mirëfillta demokratike dhe paqedashëse. Kështu që për qeverinë ruajtja dhe promovimi i partneritetit të Republikës së Maqedonisë së Veriut në kuadër të aleancës së NATO-s dhe mbetja besnik ndaj politikës së përbashkët të jashtme dhe sigurisë të Bashkimit Evropian nuk ka alternativë tjetër”, shtoi ai.

Dimitar Kovaçevski, i cili udhëhoqi qeverinë nga janari i vitit 2022, uroi Xhaferin për postin e kryetarit të qeverisë.

“Talat Xhaferit i uroj punë të suksesshme si kryetar i kësaj qeverie teknike me ministrat me zëvendësit. Besoj që qeveria do të jetë e përkushtuar fuqishëm në interesat, prioritet e qytetarëve dhe shtetit me kompetencat ligjore. Qeveria e re në periudhën që vijon, në 100 ditët e ardhshme do të organizojë zgjedhje parlamentare dhe presidenciale. Në të njëjtën kohë qeveria, shteti jonë si dhe bota është e drejtuar në sfida të mëdha. Duhet të ndahen dhe rregullohen sipas ligjit të përshtaten edhe nevojat e qytetarëve dhe detyrimeve që i kanë. Të gjitha procedurat ligjore dhe të cilat janë të përgatitura duhet të vazhdojnë për jetën e qytetarëve, bizneset, duhet të realizohen edhe më tutje”, përfundoi ai.

Kovaçevski dha dorëheqje më 25 janar ndërsa katër ditë më vonë, më 29 janar në Kuvendin e Maqedonisë së Veriut u votua për kryeministër Talat Xhaferi i cili deri atëherë e drejtonte institucionin ligjvënës. Kryeministri i parë shqiptar në Maqedoninë e Veriut është nga radhët e Bashkimit Demokratik për Integrim (BDI).

Dorëheqja e ish-kryeministrit bazohet në Ligjin për zgjedhje dhe punën e Qeverisë, me qëllim formimin e Qeverisë teknike, e cila do të funksionojë 100 ditë, apo deri në zgjedhjet parlamentare, që do të mbahen më 8 maj.

Praktika e formimit të qeverive teknike, 100 ditë para zgjedhjeve në Maqedoni të Veriut, është vendosur në vitin 2016. Bazuar në ligjin për zgjedhje, pjesë e qeverise teknike do të jetë edhe opozita maqedonase.

Related Topics:NATO maqedonia e veriut Talat Xhaferi

Up Next

Cilat vende kanë pezulluar fondet e tyre për UNRWA?

Don't Miss

AAK kërkon seancë të jashtëzakonshme në lidhje me gjendjen në shëndetësi

Lajmet

Ahmeti reagon pas bllokadës në Trafikun Urban

Published

1 hour ago

November 25, 2025

UBTnews

Ish kryetari i Prishtinës, Shpend Ahmeti ka reaguar pas bllokadës financiare që e la të bllokuar transportin publik në kryeqytet.

Ahmeti përmes një postimi në Facebook tha se transporti publik falas për shumë kategori është barrë financiare për Komunën e Prishtinës duke thënë se “nuk mundesh me liru nga pagesa në fushatë e mas tre ditëve me met pa pare”.

“Kur dikush nga komuna thotë lirimi nga pagesa nuk ka ndikim – rren. Ti mundesh me liru kategori nga pagesa por dikush duhet të paguajë. Ne kemi liru nga pagesa penzionerë, por si komunë kemi paguar për secilin penzionist që kemi liruar, sepse modeli e kërkon. Nuk mundesh me liru nga pagesa në fushatë e mas tre ditëve me met pa pare“, ka shkruar Ahmeti.

Kujtojmë se Komuna e Prishtinës dhe Qeveria në detyrë përkatësisht Ministria e Financave i kanë vënë fajin njëra-tjetrës për alokimin e buxhetit të kryeqytetit./KP

Lajmet

Rahovec: Vajza e mitur largohet nga shtëpia, raportohet e zhdukur në polici

Published

1 hour ago

November 25, 2025

UBTnews

Një qytetar nga Rahoveci ka raportuar në polici se vajza e tij e mitur është larguar nga shtëpia dhe aktualisht nuk dihet vendndodhja e saj.

Rasti është paraqitur më 20 nëntor 2025, rreth orës 13:30, në stacionin policor në rrugën “Xhelal Hajda”. Sipas ankuesit, vajza është larguar nga shtëpia dhe deri tani nuk ka informacione se ku mund të ndodhet.

“Ankuesi mashkull kosovar, ka raportuar se vajza e tij e mitur është larguar nga shtëpia dhe nuk dihet asgjë për vendndodhjen e saj“, thuhet në raportin e Policisë së Kosovës.

Lajmet

Leposaviq: Arrestohet një person pasi sulmoi babanë e tij nën ndikim të alkoolit

Published

2 hours ago

November 25, 2025

UBTnews

Një rasti i dhunës në familje ka ndodhur mbrëmjen e 23 nëntorit në Leposaviq, ku një mashkull kosovar është arrestuar nga Policia e Kosovës pasi dyshohet se ka sulmuar fizikisht babanë e tij.

Sipas njoftimit zyrtar, sulmi ka ndodhur rreth orës 23:00, në momentin kur i dyshuari ishte nën ndikim të alkoolit. Pavarësisht incidentit, viktima – babai i tij – ka refuzuar që të marrë trajtim mjekësor.

Me vendim të prokurorit, i dyshuari është dërguar në mbajtje në stacionin policor deri në këndellje.

“Është arrestuar i dyshuari mashkull kosovar, pasi që nën ndikim të alkoolit kishte sulmuar fizikisht babanë e tij viktimën. Viktima ka refuzuar tretmanin mjekësor. Me vendim të prokurorit, i dyshuari do të ndalet në stacionin policor deri në këndellje dhe pastaj të intervistohet“, thuhet në raportin e Policisë së Kosovës./KP

Lajmet

Dhjetë raste të dhunës në familje raportohen brenda një dite, viktimë gratë

Published

2 hours ago

November 25, 2025

UBTnews

Gratë vazhdojnë të përjetojnë dhunën nga bashkëshortët e tyre. Një rast i rëndë u raportua të hënën ku në fshatin Gadime të Lipjanit një grua u sulmua me sëpatë nga ish-bashkëshorti, për çka policia ka njoftuar si rasti “vrasje në tentativë”.

Mirëpo në raportin 24 orësh, policia ka njoftuar edhe për dhjetë (10) raste të dhunës në familje e ku në shumë prej nëntë prej tyre viktimë janë gratë, në një rast tjetër që raportohet në Leposaviq viktimë ishte babai.

Në tri prej rasteve, të dyshuarit janë liruar në procedurë të rregullt

Rastet e dhunës në familje të raportuara vetëm brenda një dite

· Prishtinë 24.11.2025-02:00. Është arrestuar i dyshuari mashkull kosovar, pasi që kishte sulmuar fizikisht bashkëshorten e tij. Viktima ka pranuar tretman mjekësor. Me vendim të prokurorit i dyshuari është dërguar në mbajtje.

· Prishtinë 24.11.2025-05:00. Raportohet se viktima femër kosovare, ka pësuar dhunë nga bashkëshorti i saj. Me vendim të prokurorit, pas intervistimit palët janë liruar dhe rasti shkon në procedurë të rregullt.

· Fushë Kosovë 24.11.2025-16:00. Është arrestuar i dyshuari mashkull kosovar, pasi që i njëjti ka ushtruar dhunë fizike ndaj bashkëshortes se tij. Viktima ka pranuar tretman mjekësor, ndërsa i dyshuari pas intervistimit me vendim të prokurorit lirohet në procedurë të rregullt.

· Prishtinë 23.09.2025-NN. Me 24.11.2025 ankuesi mashkull kosovar, ka raportuar se ka dhunë psikike të vazhdueshme nga ish bashkëshortja e tij edhe pse ka urdhër mbrojtës. E dyshuara është arrestuar dhe pas intervistimit me vendim të prokurorit është liruar në procedurë të rregullt.

· Podujevë 24.11.2025-20:00 . Është arrestuar i dyshuari mashkull kosovar, pasi që kishte sulmuar fizikisht bashkëshorten e tij. Viktima ka pranuar tretman mjekësor. Me vendim të prokurorit i dyshuari është dërguar në mbajtje.

DHUNË NË FAMILJE

· Gjilan 24.11.2025-09:15. Është arrestuar i dyshuari mashkull kosovar, pasi që kishte ushtruar dhunë fizike ndaj bashkëshortes së tij. Nuk raportohet për të lënduar, ndërsa me vendim të prokurorit, i dyshuari është dërguar në mbajtje.

· Gjilan 24.11.2025-14:30. Është arrestuar i dyshuari mashkull kosovar, pasi që kishte ushtruar dhunë ndaj bashkëshortes së tij. Viktima ka pranuar tretman mjekësor, ndërsa me vendim të prokurorit, i dyshuari është dërguar në mbajtje.

DHUNË NË FAMILJE

· Pejë 24.11.2025 – 07:30. Ankuesja femër kosovare, ka informuar se djali i saj i dyshuari mashkull kosovar, ka ushtruar dhunë psikike ndaj saj. Pas intervistimit me vendim të prokurorit palët janë liruar dhe rasti shkon në procedurë të rregullt.

· Pejë 24.11.2025-22:00. Është arrestuar i dyshuari mashkull kosovar, pasi që i njëjti nën ndikim të alkoolit ka kanosur bashkëshorten e tij, duke shkelur edhe urdhrin mbrojtës. Me vendim të prokurorit, i dyshuari është dërguar në mbajtje.

DHUNË NË FAMILJE

Leposaviq 23.11.2025-23:00. Është arrestuar i dyshuari mashkull kosovar, pasi që nën ndikim të alkoolit kishte sulmuar fizikisht babanë e tij viktimën. Viktima ka refuzuar tretmanin mjekësor. Me vendim të prokurorit, i dyshuari do të ndalet në stacionin policor deri në këndellje dhe pastaj të intervistohet.