Aktualitet

Vushtrri, për herë të parë mbahen garat e diturisë

Nxënësit do të garojnë në katër lëndë, përkatësisht në gjuhën shqipe, histori, biologji dhe kimi.

Published

4 years ago

April 26, 2022

UBT news

Për herë të parë në komunën e Vushtrrisë sot kanë nisur garat e diturisë në platformën online për nxënësit e klasave të nënta. Nxënësit do të garojnë në katër lëndë, përkatësisht në gjuhën shqipe, histori, biologji dhe kimi.

Kryetari i Vushtrrisë, Ferit Idrizi duke e konsideruar si fillim të mbarë mbajtjen e këtyre garave u shpreh se do t’ju qëndrojnë pranë nxënësve me qëllim të rritjes së cilësisë në arsim.

“Sot është një ditë e mbarë, është një fillim i mirë që më rikujton organizimin e garave të diturisë atëherë edhe kur isha mësimdhënës andaj po ndihem shumë mirë kur po i shoh të përgatitur nxënësit e klasave të nënta që do të garojnë pas shume garave që i kanë zhvilluar në shkollat e tyre, këto janë ekipe që kanë ardhur për të përmbyllur këtë cikël të garave. Garat e diturisë ndikojnë drejtpërdrejtë në konkurrencë dhe ngritje të cilësisë ne së bashku me mësimdhënësit dhe drejtorët e shkollave do të jemi pranë jush duke iu mbështetur që të organizojmë gara edhe në fusha të tjera”, u shpreh Idrizi.

I pari i Vushtrrisë, po ashtu shprehu përkushtimin e tij qe garat e diturisë të zhvillohen edhe në fushat e tjera e për nxënës të klasave të ndryshme.

“Ne e vlerësojmë si shumë të rëndësishme duke futur konkurrencën e dijes më qëllim të ngritjes së cilësisë se arsimit në komunë tonë, jemi shumë të përkushtuar që të organizojmë gara edhe në fushat e tjera, sivjet i kemi pilotuar me klasat e pesta, nënta dhe klasat e dymbëdhjeta ndërsa vitet e tjera planifikojmë të vazhdojmë edhe me klasat e tjera. Gjithë kjo ka për qëllim që të ndërtojë një koncept të ri të garës dhe t’i afroj nxënësit sa më afër shkollës dhe diturisë. Jemi shumë të interesuar që në këtë proces si pjesë e monitorimit t’i angazhojmë edhe prindërit e nxënësve”, theksoi ai.

Ndërsa, mësimdhënësi i gjuhës shqipe, Mentor Hajrizi, i cili është edhe anëtar i komisionit vlerësues, tha se përmes këtyre garave po kontribuojnë në rritjen të cilësisë në arsim.

Ai tha se katër grupet garuese të nxënësve të klasave të nënta do t’i nënshtrohen garës në gjithsej katër lëndë.

“Garat e diturisë që tashmë po organizohen në komunën tonë janë nismë e kryetarit që po bënë punë të zellshme dhe është duke punuar shumë që ne ta zhvillojmë arsimin në qytetin tonë. Pra, po punojmë së bashku që të kemi një arsim cilësor… duhet të na marrim model edhe qytetet e tjera pikë së pari ju si kryetar por edhe nxënësit tanë të cilët janë shumë shembullor… në këtë garë janë katër lëndë në të cilat ju do të garoni në gjuhë shqipe, histori, biologji dhe kimi”, tha ai.

Vendi

Profesorët e UBT-së publikojnë studim ndërkombëtar për cilësinë e ujërave nëntokësore në Kosovë

Published

10 minutes ago

April 24, 2026

ubtnews

Profesorët e UBT-së, Hazir S. Çadraku, Pajtim Bytyqi dhe Osman Fetoshi, në bashkëpunim me studiues nga universitete vendore dhe ndërkombëtare, kanë publikuar një artikull shkencor në revistën ndërkombëtare Limnological Review scientific journal.

Studimi, i titulluar “Assessment of Groundwater Quality in Some Regions of Kosovo Based on Physico-Chemical and Microbiological Parameters”, analizon cilësinë e ujërave nëntokësore në disa rajone të Kosovës përmes parametrave fiziko-kimikë dhe mikrobiologjikë.

Rezultatet tregojnë se, megjithëse shumica e parametrave fiziko-kimikë janë brenda kufijve të lejuar, në shumë zona është evidentuar ndotje mikrobiologjike, përfshirë praninë e bakterit Escherichia coli, duke e bërë ujin të papërshtatshëm për konsum pa trajtim.

Studimi thekson ndikimin e faktorëve si aktivitetet bujqësore dhe mungesa e trajtimit të ujërave të zeza, si dhe nënvizon nevojën për masa urgjente në menaxhimin dhe trajtimin e burimeve ujore.

Ky publikim përfaqëson një kontribut të rëndësishëm shkencor dhe dëshmon angazhimin e UBT-së në kërkime me ndikim në nivel vendor dhe ndërkombëtar.

Aktualitet

Nderohet kontributi i ish-kongresmenit Engel në shtetndërtimin e Kosovës

Published

1 hour ago

April 24, 2026

UBTNews

Udhëheqësit e institucioneve kanë shprehur vlerësim të madh për rolin dhe kontributin e ish-kongresmenit amerikan, Eliot Engel, në historinë dhe procesin e shtetndërtimit të Kosovës.

Gjatë seancës së Kuvendit të mbajtur në nder të Engel, i cili ndërroi jetë më 10 prill, ushtruesja e detyrës së presidentes, Albulena Haxhiu, u shpreh se ai ka lënë gjurmë të thella në historinë e vendit.

“Në ditët më të vështira të historisë sonë të re, bëshkë edhe me shumë kongresistë e senatorë amerikanë, ngriti zërin fuqishëm kundër shkeljes së të drejtave tona, represionit, dhe persekutimit nga regjimi serbo-jugosllav”, ka theksuar Haxhiu, në seancë që ka nisur më një minutë heshtje në nderim të Engel.

Ajo ka shtuar se gjatë gjithë karrierës së tij, Engel nuk u ndal së kërkuari drejtësi për popullin e Kosovës.

“Në vitet e errëta kur shqiptarët e Kosovës po vuanin nën regjimin e Millosheviqit dhe bota ende hezitonte të vepronte, Eliot Emgel ngriti zërin”, ka theksuar Haxhiu.

Live

Arrestohet ushtari i forcave speciale që fitoi 400 mijë dollarë duke vënë baste mbi operacionin sekret për kapjen e Maduros

Published

3 hours ago

April 24, 2026

UBTNews

Një ushtar i forcave speciale amerikane, i përfshirë në planifikimin e operacionit për kapjen e presidentit venezuelas Nicolas Maduro, është arrestuar nën akuzën se ka përdorur informacione të klasifikuara për të përfituar rreth 400,000 dollarë përmes basteve.

Rreshteri i lartë Gannon Ken Van Dyke, i stacionuar në Fort Bragg, hapi një llogari në platformën Polymarket në fund të dhjetorit dhe vuri rreth 32,000 dollarë bast se Maduro do të largohej nga pushteti deri në janar, një rezultat që konsiderohej me probabilitet të ulët nga publiku. Sipas prokurorëve, Van Dyke kishte qasje në detajet e operacionit “Absolute Resolve” dhe vendosi 13 baste të njëpasnjëshme, ku i fundit u krye vetëm pak orë para ndërhyrjes ushtarake në Caracas.

Pasi fitoi shumën e madhe, ai i transferoi paratë në një portofol kriptovalutash jashtë vendit për të ruajtur anonimitetin, por lëvizjet ranë në sy të autoriteteve.

Tashmë ai përballet me pesë akuza penale për vjedhje, mashtrim dhe keqpërdorim të informacioneve konfidenciale qeveritare. Ndërkohë, Nicolas Maduro, i cili u kap gjatë një aksioni nate në pallatin presidencial dhe u transportua në New York për akuza të trafikut të drogës, është deklaruar i pafajshëm para drejtësisë amerikane. /CBS/

Lajmet

Kuvendi mban sot seancë solemne për Eliot Engel dhe seancë të rregullt plenare

Published

3 hours ago

April 24, 2026

UBTNews

Kuvendi i Kosovës mban sot dy seanca plenare, duke nisur në orën 10:00 me një seancë solemne në nderim të ish-kongresmenit amerikan Eliot Engel, i cili vdiq më 10 prill.

Pas saj, në orën 11:00, do të vijojë seanca e rregullt me këtë rend dite:

Miratimi i procesverbalit nga seanca e mëparshme.
Deklarimet jashtë rendit të ditës.
Pyetjet parlamentare.
Shqyrtimi i Projektligjit për Ratifikimin e Amendamentit Nr. 2 të Marrëveshjes Financiare Kosovë-BE për Programin IPA 2020.
Shqyrtimi i Projektligjit për Ratifikimin e Amendamentit Nr. 1 të Marrëveshjes Financiare Kosovë-BE për programin IPA 2019 (pjesa e dytë, objektivi 1).
Zgjedhja e anëtarëve të Këshillit Gjyqësor të Kosovës.
Zgjedhja e anëtarëve të Bordit të Radiotelevizionit të Kosovës.
Zgjedhja e anëtarëve në Komisionin e Pavarur të Mediave.
Shqyrtimi i Propozim-rezolutës për avancimin e përkujdesjes institucionale ndaj komunitetit shqiptar në Preshevë, Medvegjë e Bujanoc.
Propozimi i Grupit parlamentar “Multietnik” për zëvendësimin e deputetëve në komisione parlamentare.