Lajmet
Vullkani La Palma: Lava dhe hiri që shkatërroi ishullin, do të përdoret për ta rindërtuar atë
Ditët e fundit rreth 2,000 nga banorët e evakuuar janë lejuar të kthehen në shtëpi.
Ditët e fundit shumë banorë që ishin të evakuuar nga La Palma, janë kthyer në shtëpi, përcjell UBT News.
Për tre muaj ata ishin subjekt i “tekave” të një vullkani të zhurmshëm. Tani banorët e ishullit të vogël spanjoll po luftojnë me një dilemë tjetër: çfarë të bëjnë me gjithë lavën dhe hirin që vullkani la pas?
Vullkani ishte aktiv për 85 ditë, ku ‘lumenjët’ e lavës shkatërruan më shumë se 1000 shtëpi, autostrada dhe dëmtuan pothuajse plotësisht bujqësinë, e cila është fusha që mbanë ekonominë e ishullit.
Shpërthimi i vullkanit u shpall i përfunduar në ditën e Krishtlindjes, duke i lënë banorët të përballen me detyrën e lodhshme, atë të rindërtimit.“Zona duket sikur ata kanë ngritur Murin e Berlinit, por e bërë nga llavë e zezë”, tha Javier Moreno, një nga 80,000 banorët e La Palmas.
Ditët e fundit rreth 2,000 nga 7,000 banorët e evakuuar janë lejuar të kthehen në shtëpi.
Lava dhe hiri dolën edhe përtej ishullit. Lava që derdhej në oqean gjatë shpërthimeve krijoi dy gadishuj të rinj, me përmasa 44 dhe pesë hektarë, ndërsa pamjet nënujore shfaqën jetën detare të mbushur me hi.
Ndërsa studiuesit dhe zyrtarët përpiqen të kuptojnë se çfarë mund të bëhet me materialet e nxjerra nga vullkani, ata i janë drejtuar historisë. Në ishullin e afërt të Lanzarote, një shpërthim gjashtëvjeçar në vitin 1730 la pjesë të ishullit të mbuluara me materiale vullkanike. “Grimcat ishin poroze dhe të afta të mbanin ujin në dhe… ata e shfrytëzuan atë për të mbjellë vreshta”, tha gjeologia Galindo.
Ajo dhe ekipi i saj tani po studiojnë vetitë e hirit për të parë nëse ai mund të përdoret në një mënyrë të ngjashme, ndërsa një ekip tjetër studiuesish po hetojnë nëse toka e pasur me minerale mund të përdoret si pleh.
Zyrtarët rajonalë, ndërkohë, po eksplorojnë mundësinë e përdorimit të hirit për të ndërtuar shtëpi, rrugë dhe ura në të gjithë ishullin.
“Nuk është një ide origjinale, ne po përdorim teknikat që përdorën romakët”, tha Javier Juvera, inxhinier në departamentin e punëve publike në Ishujt Kanarie. “Romakët punuan me hirin që doli nga [Mali] Vezuv, duke e përdorur për të ndërtuar bazilikat dhe ndërtesat e tyre”.
Ekipi i tij tani po punon për të përcaktuar nëse hiri i shpërndarë nëpër ishull është i ngjashëm me hirin vullkanik të përdorur nga romakët. Nëse po, ata do të mund të krijojnë një material ndërtimi të qëndrueshëm që do të luajë rol në rindërtimin e ishullit, ku zyrtarët rajonalë kanë vlerësuar humbjen e ndërtesave dhe infrastrukturës në më shumë se 900 milionë dollarë.
Megjithatë, do të kalojnë muaj para se të ketë përgjigje përfundimtare se çfarë mund të bëhet saktësisht me lëndët e nxjerra nga vullkani.
“Sasia e materialeve është kaq e madhe – ka imazhe të shtëpive që praktikisht janë ‘varrosur’ në hi”, tha Juvera. “Por nëse nuk gjejmë një vlerë për të, ajo do të jetë humbje”./UBTNews/
Një raport i ri nga Eurostat ka zbuluar se të rinjtë në Bashkimin Evropian mbeten shumë të cenueshëm ndaj urrejtjes dhe abuzimit në internet. Sipas të dhënave të vitit 2023, gati gjysma e popullsisë të BE-së, në moshën 16 deri 29 vjeç, janë përballur me mesazhe armiqësore në internet të cilat ishin të orientuara kundër grupeve apo individëve të caktuar.
Saktësisht, 49% e të rinjve në këtë grupmoshë në Bashkimin Evropian janë ekspozuar ndaj gjuhës së urrejtjes, e cila përfshin shprehje armiqësore dhe diskriminuese në platformat online. Shtetet me normat më të larta të ekspozimit ndaj këtij fenomeni ishin Estonia (69%), Danimarka (68%), Finlanda (68%), Franca (65%) dhe Sllovakia (65%).
Nga ana tjetër, disa shtete të tjera kishin norma më të ulëta të ekspozimit, duke përfshirë Kroacinë (24%), Rumaninë (27%) dhe Bullgarinë (31%), ku më pak se një e treta e popullsisë e rinisë u përballën me urrejtje në internet.
Gjuha e urrejtjes ishte shpesh e lidhur me pikëpamjet politike dhe sociale, me një mesatare prej 35% në të gjithë BE-në. Kjo ishte kategoria më e shpeshtë e mesazheve të armiqësore, veçanërisht në Estoni (60%), Finlandë (56%) dhe Danimarkë (49%).
Në raportin gjithashtu përmendet se 32% e të rinjve të BE-së ishin të ekspozuar ndaj mesazheve që synonin komunitetin LGBTQ+, me përqindjet më të larta të regjistruara në Estonia (46%), Sllovaki dhe Portugali (44%).
Përveç kësaj, 30% e të rinjve janë përballur me mesazhe armiqësore racore, me Holandën dhe Portugalinë që ishin vendet më të prekura, secila me 45% të të rinjve të ekspozuar ndaj këtij fenomeni.
Ky raport nxjerr në pah një shqetësim të madh për sigurinë dhe mirëqenien e të rinjve në internet dhe thekson nevojën urgjente për masa mbrojtëse dhe ndërhyrje për të reduktuar kërcënimet që vijnë nga urrejtja dhe diskriminimi online./UBTNews/
Parlamenti izraelit (Knesset) miratoi sot një ligj të ri, i cili autorizon ndalimin e fëmijëve palestinezë nën 14 vjeç që akuzohen për vrasje që përfshijnë “terrorizëm ose aktivitete terroriste”. Ligji, i miratuar në leximin e dytë dhe të tretë me 55 vota pro dhe 33 kundër, e bën këtë dispozitë një ligj në fuqi.
Ky ligj është një masë e përkohshme pesëvjeçare, e cila lejon gjykatat izraelite të urdhërojnë ndalimin e fëmijëve nën 14 vjeç në ambiente të mbyllura, përfshirë burgjet, dhe ata do të vazhdojnë të vuajnë dënimin nëse mbushin 14 vjeç. Ligji gjithashtu lejon zgjerimin e periudhës së ndalimit për deri në dy vjet, nëse aprovohet nga ministrat e drejtësisë dhe mirëqenies dhe Komiteti Kushtetues i Knessetit.
Pjesë e legjislacionit është edhe një dispozitë që i lejon gjykatave të burgosin të miturit në burgje të zakonshme për periudha deri në dhjetë ditë, nëse ata konsiderohen të rrezikshëm. Ky veprim mund të zgjatet nëse gjykata vlerëson se rrethanat e justifikojnë një periudhë më të gjatë të ndalimit.
Aktualisht, më shumë se 270 të mitur palestinezë janë në paraburgimin izraelit, përkundër rezolutave të OKB-së dhe traktateve ndërkombëtare që ndalojnë burgosjen e fëmijëve. Grupi i të drejtave palestineze ka ngritur shqetësime të mëdha për këtë ligj, duke e quajtur atë një shkelje të të drejtave të fëmijëve.
Ligji është pjesë e një seri masash të reja të miratuara nga Knesseti, përfshirë një legjislacion që mundëson deportimin e anëtarëve të familjeve të palestinezëve të përfshirë në sulme kundër izraelitëve. Ky ligj është përqendruar kryesisht në qytetarët arabë të Izraelit dhe banorët palestinezë të Kudsit Lindor të pushtuar. Mediat izraelite kanë raportuar se Gaza mund të jetë një destinacion i mundshëm për ata që mund të deportohen.
Këto masa vijnë në një kohë kur tensionet në territoret palestineze janë përshkallëzuar në kontekstin e ofensivës brutale izraelite në Rripin e Gazës. Pas këtij sulmi, rreth 43,400 njerëz, kryesisht gra dhe fëmijë, kanë humbur jetën që nga tetori i vitit të kaluar, duke ngritur akuza për gjenocid ndaj Izraelit në Gjykatën Ndërkombëtare të Drejtësisë për veprimet e tij në Gaza./UBTNews/
Britania e Madhe ka shpallur një seri sanksionesh të reja kundër Rusisë, duke përfshirë Denis Sergeev, i dyshuari për helmimin e Sergei dhe Yulia Skripal në Salisbury në vitin 2018. Sanksionet gjithashtu synojnë furnizuesit që mbështesin prodhimin ushtarak të Rusisë dhe grupet mercenare të mbështetura nga Rusia që veprojnë në Afrikën Sub-Sahariane.
Zyra e Jashtme e Britanisë së Madhe ka njoftuar se rreth 56 sanksione do të targetojnë subjekte nga Kina, Turqia dhe Azia Qendrore, të përfshira në furnizimin dhe prodhimin e mallrave, përfshirë vegla makinerie, mikroelektronikë dhe komponente për dronët.
Sekretari i Jashtëm, David Lammy, theksoi se këto sanksione janë pjesë e përpjekjeve të Britanisë për të luftuar aktivitetet malinje ruse në mbarë botën. Ky njoftim vjen pak para pjesëmarrjes së Kryeministrit britanik, Keir Starmer, në Samitin e Komunitetit Politik Evropian në Budapest, ku ai pritet të diskutojë përpjekjet për të luftuar aktivitetet malinje ruse dhe të riafirmojë mbështetje të palëkundur për Ukrainën./UBTNews/
Volkswagen zbulon specifikat e furgonit të ri
Si t’i largoni buburrecat nga shtëpia?
Njihuni me fshatin e vogël italian ku askush nuk flet italisht
Raport i ri: Gati gjysma e të rinjve të BE-së janë të ekspozuar ndaj abuzimit në internet
Parlamenti izraelit miraton ligjin që lejon burgosjen e fëmijëve palestinezë nën 14 vjeç
Britania e Madhe njofton sanksione të reja kundër Rusisë
Spanja synon të ndalojë ‘vizat e arta’ nga janari, një vend tjetër po rifut skemën e tij
Izraeli nënshkruan marrëveshje për blerjen e 25 avionëve luftarakë F-15
2024-a pritet të thyejë rekordet si viti më i nxehtë në histori
-
Lajmet3 months agoMbyllet olimpiada e Parisit 2024- Kurora e sportit i përket Amerikës
-
Lajmet3 months agoZgjedh Menaxhment, Biznes dhe Ekonomi në UBT – Ferizaj dhe bëhuni liderët e së ardhmes
-
Kulturë1 month agoMarigona Ferati, profesoresha e UBT-së, zëri i artit në jurinë ndërkombëtare në festivalin e teatrove në Oman
-
Lajmet2 months agoKurti: Përdhunimi është mjeti që përdori Serbia në Kosovë në mënyrë që të lë pasoja të përhershme në familje