Lajmet

Vuçiq thotë se po i kërkohet të heqë dorë nga Kosova dhe të marrë një “dhuratë të vogël”

Ai deklaroi se ka presion nga vendet e perëndimit për njohjen e Kosovës.

Published

2 years ago

on

Presidenti i Serbisë Aleksandër Vuçiq ka thënë se po u kërkohet të heqin dorë nga Kosova për të marrë “një dhuratë të vogël”.

Ai në ceremoninë e shënimit të 20-vjetorit të themelimit të Agjencisë për Siguri dhe Informacion të Serbisë deklaroi se ka presion nga vendet e perëndimit për njohjen e Kosovës.

“Dhe ajo ana e drejtë e historisë ju thotë të hiqni dorë nga Kosova, sepse vetëm atëherë do të merrni një dhuratë të vogël dhe nëse nuk ju themi saktësisht se cila do të jetë ajo dhuratë e vogël, ajo do të jetë ende e vogël. Dhe nëse ju shkon ndërmend të refuzoni vetëm të anuloni, atëherë jeni në telashe. Unë po ju them vetëm këtë që të dini vetëm një gjë. Sot askush nuk më kërcënon si Aleksandar Vuçiq, për shkak të pozitës së presidentit të Serbisë, e kërcënojnë hapur gjithë vendin tonë dhe mbijetesën e tij. Dhe dua që të gjithë ta dini se, siç e shihni, është hera e parë që flas hapur kështu. Asgjë nuk mjafton, thonë se problemi i tyre janë refugjatët, unë nuk kam problem, ne do të heqim vizat, disa nga ato vende kanë një regjim pa viza që nga viti 1965, si Tunizia, për 57 vjet”, ka thënë Vuçiq.

Sipas tij nuk do të ishte e mjaftueshme që Serbia t’i vendoste sanksione Rusisë. Ai ka thënë se kjo po përdoret si shkop për të goditur Serbinë në të gjitha forumet.

“Le të vendosim sanksione, sepse ata i shqetëson që ekziston një vend që qëndron jashtë dhe dëshiron të ketë të drejtën e opinionit të lirë. Vetëm mendimi i saj, asgjë më shumë, që nuk kërcënoi askënd, që nuk sulmoi askënd, që nuk shkeli në tokën e tjetrit, ashtu siç “Kosova nuk ishin kurrë toka e dikujt tjetër”, ne nuk sulmuam asnjë vend, por ne u ndëshkuam mizorisht. Më mizorisht se Iraku dhe Afganistani, sepse atyre nuk ja ndanë Basrën nga Bagdadi dhe nuk ia ndan Kandaharin nga Kabuli, më mizorisht se Siria sepse nuk ia u ndanë as Alepon e as Damaskun, dhe nëse i lëmë të gjitha këto mënjanë, zgjedhje të vështira na presin në të ardhmen”, ka thënë Vuçiq.

Ndryshe, presidenti serb ka folur edhe për takimin e sotëm me emisarin special të BE-së për dialogun Miroslav Lajçak. Vuëiq ka thënë se nga ky takim nuk pret asgjë.

Related Topics:
Continue Reading

Bota

Trump: Nëse Elon Musk do të blejë TikTok-un e mirëpres këtë vendim pozitiv

Published

9 minutes ago

on

January 22, 2025

By

Presidenti i SHBA-së, Donald Trump, ka shprehur mbështetje për idenë që miliarderi i teknologjisë, Elon Musk, të blejë aplikacionin TikTok. Gjatë një deklarate në Shtëpinë e Bardhë, Trump tha se do të ishte i hapur ndaj një marrëveshje të tillë, duke theksuar se nëse Musk do të dëshironte ta blinte TikTok-un, ai e mirëpriste këtë vendim pozitiv.

Trump përmendi se gjatë mandatit të tij të mëparshëm ishte takuar me pronarët e TikTok-ut dhe kishte sugjeruar që aplikacioni të blihej dhe t’i jepej “gjysma” e SHBA-së. Ai argumentoi se Shtetet e Bashkuara duhet të kenë një partneritet të fuqishëm me TikTok-un dhe se kjo marrëveshje mund të ishte shumë e arsyeshme për të dyja palët.

Gjithashtu, Trump nënshkroi një urdhër ekzekutiv që shtynte ndalimin e TikTok-ut për 75 ditë, duke cituar çështje të sigurisë kombëtare dhe duke u munduar të shpëtojë aplikacionin, i cili përdoret nga rreth 170 milionë amerikanë. Ai theksoi se TikTok mund të kishte një vlerë deri në një trilion dollarë, dhe se SHBA kishte të drejtën ta shesë ose ta mbyllë aplikacionin.

Në këtë kontekst, Trump pohoi se administrata e tij po punonte për të krijuar një “sipërmarrje të përbashkët” me kompanitë që mund të ishin të interesuara për të blerë TikTok-un, me Shtetet e Bashkuara si partner. Ai theksoi se shumë investitorë dhe kompani mund të kishin interes në një marrëveshje të tillë, duke e bërë TikTok një mundësi tërheqëse për SHBA-në.

Vendimi i fundit i Gjykatës së Lartë të SHBA-së miratoi një ligj që mund të ndalonte TikTok-un nëse ByteDance, kompania kineze që e zotëron, nuk pranonte investime të tjera për aplikacionin. Pas një periudhe të shkurtër pa funksionim të shërbimeve, TikTok njoftoi se ishte duke rikthyer shërbimet për përdoruesit amerikanë pas garancive nga Trump./UBTNews/

Continue Reading

Bota

Huamarrja në Mbretërinë e Bashkuar arrin nivelin më të lartë në katër vjet

Published

25 minutes ago

on

January 22, 2025

By

Huamarrja e qeverisë në Mbretërinë e Bashkuar ka arritur nivelin më të lartë në katër vitet e fundit, duke shkuar në afro 18 miliardë paund. Sipas Zyrës për Statistikat Kombëtare, huamarrja neto e sektorit publik ka arritur në 17.8 miliardë paund për muajin dhjetor, duke shënuar nivelin e tretë më të lartë për çdo dhjetor. Kjo shifër është 10.1 miliardë paund më e lartë se në të njëjtin muaj të vitit të kaluar dhe ka tejkaluar parashikimet e shumicës së ekonomistëve, të cilët kishin pritur një huamarrje prej 14.1 miliardë paund.

Rritja e huamarrjes është shpesh e lidhur me rritjen e pagesave të interesit të borxhit, një faktor që ka shtuar barrën për financat publike. Kjo situatë ka vënë nën presion Rachel Reeves, kancelaren, e cila po përballet me kritikë për rritjen e vazhdueshme të borxhit, pavarësisht premtimit të saj gjatë fushatës zgjedhore për të stimuluar ekonominë dhe për të rregulluar situatën ekonomike të vendit. Kjo huamarrje e lartë vjen pas një periudhe të gjatë të krizave ekonomike në Mbretërinë e Bashkuar, e cila ka përjetuar një rënie të ndjeshme të zhvillimit ekonomik dhe një situatë të pasigurt financiare./UBTNews/

Continue Reading

Bota

Scholz dhe Macron takohen pas kthimit të Trump në Shtëpinë e Bardhë

Published

37 minutes ago

on

January 22, 2025

By

Kancelari gjerman Olaf Scholz do të udhëtojë në Paris më 24 janar për një takim me Presidentin francez Emmanuel Macron, vetëm dy ditë pasi Donald Trump do të marrë detyrën si president i SHBA-së. Takimi pritet të zhvillohet në Pallatin Elysee rreth mesditës, dhe në fokus të bisedimeve do të jenë pozicionimi i ardhshëm i Bashkimit Evropian ndaj Shteteve të Bashkuara, situata në Ukrainë, si dhe zhvillimet në Lindjen e Mesme.

Scholz nuk është i vetmi politikan gjerman që do të udhëtojë në Paris në këtë periudhë. Anke Rehlinger, presidente e dhomës së lartë të parlamentit gjerman, Bundesrat, ndodhet në Paris për një vizitë nga 21 deri më 24 janar, ku do të takohet me kryetarët e dy dhomave të parlamentit francez. Po ashtu, Ministri i Mbrojtjes, Boris Pistorius, do të zhvillojë një takim me homologun e tij francez, Sébastien Lecornu, më 25 janar. Takimet e këtyre liderëve kanë për qëllim forcimin e marrëdhënieve dhe koordinimin mes dy shteteve evropiane në përgjigje të sfidave globale./UBTNews/

Continue Reading

Lajmet

Haradinaj takon Serwer: Kosova të rikthehet në partneritetin strategjik me aleatë

Published

41 minutes ago

on

January 22, 2025

By

Kryetari i AAK-së, Ramush Haradinaj ka takuar profesorin e marrëdhënieve ndërkombëtare dhe të politikës së jashtme Amerikane Daniel Serwer.

Ai ka njoftuar se ka zhvilluar një bisedë e gjatë dhe përmbajtësore me profesorin e marrëdhënieve ndërkombëtare dhe të politikës së jashtme Amerikane Daniel Serwer.

“Diskutuam për proceset dhe sfidat nëpër të cilat është duke kaluar Kosova.  Angazhimi me dekada i Prof. Serwer në Kosovë dhe Ballkan dhe memoria institucionalë si ish diplomat në Ballkan janë shumë me vlerë për rrugën dhe përcaktimet e Kosovës dhe prioritetet që garantojnë paqen dhe sigurinë në Ballkan. E ftova z. Serwer që të vijë në Kosovë për të ndarë pikëpamjet dhe për të ofruar ndihmën e tij, që Kosova të rikthehet në partneritetin strategjik me aleatë, posaçërisht Shtetet e Bashkuara të Amerikës”, shkruan Haradinaj.

Continue Reading

Të kërkuara