Kronikë e zezë

Vrasja në Pakashticë të Podujevës, dalin detaje të reja

Viktima dhe i dyshuari për vrasje ishin baxhanakë mes vete.

Published

4 years ago

January 13, 2022

Betim Gashi

Një vrasje ka ndodhur dje në fshatin Pakashticë të Komunës së Podujevës. I vrarë ka mbetur një 30-vjeçar me inicialet M.K, derisa si i dyshuar për vrasje është arrestuar një 34-vjeçar me inicialet F.B.

Siç u raportua viktima dhe i dyshuari për vrasje ishin baxhanakë mes vete dhe se vrasja dyshohet se ka ndodhur aksidentalisht, derisa burrat po bënin gjueti në male.

Rastin e ka konfirmuar zëdhënësja e Policisë së Kosovës për Rajonin e Prishtinës, Florie Ahmeti.

Ahmeti ka bërë me dije se në vendngjarje janë sekuestruar dy armë të gjuetisë.
“Sot rreth orës 16:00, kemi pranuar informatën për një rast të vrasjes që ka ndodhur në fshatin Pakashticë të Podujevës. Lidhur me këtë rast në vendngjarje, policia ka arrestuar një person të dyshuar: F.B mashkull 34 vjeç/ Në vendngjarje janë sekuestruar , dy armë e gjuetisë. Viktimë në këtë rast është M.K (mashkull), 30 vjeç, vdekjen e të cilit e ka konstatuar ekipi mjekësor në vendin e ngjarjes”, ka thënë Ahmeti.

Ahmeti ka thënë se hetuesit policor janë duke punuar në koordinim me prokurorin për të ndriçuar dhe sqaruar të gjitha rrethanat që kanë të bëjnë me rastin.

Kronikë e zezë

Dy raste të kanosjes në veri të vendit

Published

2 minutes ago

February 24, 2026

UBTNews

Dy raste të ndara të kanosjes janë raportuar në veri të Kosovës në 24 orët e fundit sipas Policisë.

Rasti i parë është regjistruar në rrugën Nemanjina në Zveçan, ku një qytetar ka raportuar se gjatë natës persona të panjohur i kanë vendosur një letër kërcënuese në gjuhën serbe brenda garazhit të tij. Lidhur me rastin është njoftuar prokurori dhe hetimet janë në zhvillim për identifikimin e të dyshuarve.

Ndërkaq, rasti i dytë ka ndodhur në rrugën “Filip Vishnjiq” në Mitrovicë e Veriut, ku një person dyshohet se, derisa ndodhej në oborrin e gjykatës, ka fyer dhe kanosur një mashkull tjetër. Me vendim të prokurorit, rasti ka shkuar në procedurë të rregullt.

Autoritetet po vazhdojnë veprimet hetimore në të dyja rastet.

Kronikë e zezë

Dyshim për dhunim në Ferizaj

Published

11 minutes ago

February 24, 2026

UBTNews

Një rast i dyshuar për dhunim është raportuar në polici nga një e mitur, e cila ka deklaruar se gjatë vitit 2025 kishte pasur marrëdhënie seksuale me një person, me të cilin ishte në lidhje dashurie në atë periudhë.

Sipas njoftimit, ngjarja dyshohet të ketë ndodhur më 7 shtator 2025, ndërsa rasti është raportuar në polici më 23 shkurt 2026.

Pas pranimit të informacionit, autoritetet kanë njoftuar prokurorin kompetent dhe kanë nisur procedurat hetimore për të sqaruar rrethanat e plota të rastit, sipas Raporti 24 orësh.

Kronikë e zezë

Arrestim për kanosje në Ferizaj

Published

1 day ago

February 23, 2026

UBTNews

Një person është arrestuar në Ferizaj, pasi dyshohet se ka kanosur dy persona pas një mosmarrëveshjeje.

Sipas Raportit një ditor të Policisë, i dyshuari, ka tentuar të sulmojë një burrë dhe një grua. Gjatë ndërhyrjes, nga i dyshuari është sekuestruar një thikë.

Me vendim të prokurorit kujdestar, i dyshuari është ndaluar dhe është dërguar në qendrën e mbajtjes.

Rasti po hetohet nga organet kompetente.

Kronikë e zezë

Aksident trafiku me fatalitet në Fushë Kosovë

Published

1 day ago

February 23, 2026

UBTNews

Një person ka humbur jetën si pasojë e një aksidenti trafiku në Fushë Kosovë, sipas Raportit 24 orësh të Policisë së Kosovës.

Sipas Policisë, një burrë, derisa po drejtonte një automjet me targa vendore, dyshohet se nga pakujdesia ka goditur një këmbësor, po ashtu burrë.

Në vendin e ngjarjes kanë dalë njësitë përkatëse policore dhe ekipi mjekësor, i cili ka konfirmuar vdekjen e viktimës.

Me vendim të prokurorit, i dyshuari është arrestuar dhe është dërguar në mbajtje, ndërsa trupi i pajetë i viktimës është dërguar në Institutin e Mjekësisë Ligjore për obduksion.

Rasti është duke u hetuar.