Katër persona kanë pësuar lëndime si pasojë e një aksidenti të komunikacionit në Bresalc të Gjilanit.

Valon Osmani nga policia rajonale në Gjilan, ka bërë të ditur se në aksident kanë qenë të përfshira dy automjete.

“Rreth orës 16:30, kemi pranuar informacion për një aksident trafiku në fshatin Bresalc të komunës së Gjilanit. Në këtë aksident të përfshira kanë qenë dy automjete, ku përpos dëmeve material lëndime trupore kanë pësuar katër persona. Të njëjtit janë dërguar në qendrën Emergjente të Spitalit rajonal të Gjilanit ku janë duke pranuar tretman mjekësor”, ka thënë ai.

Rrethanat e aksidentit po hetohen nga Njësiti rajonal i Komunikacionit Rrugor në Gjilan.

Zëvendëskryeministri i Maqedonisë së Veriut, Izet Mexhiti, ka thënë se Gjykata Kushtetuese duhet të jetë garantuese e barazisë kushtetuese dhe mbrojtëse e marrëveshjeve politike themelore

Në seancën e posaçme për shënimin e 24 vjetorit të nënshkrimit të Marrëveshjes së Ohrit, ai tha se po punojnë për krijimin e një barazie reale.

“Qeveria që përfaqësoj është e përkushtuar në ndërtimin e një sistemi ligjor dhe institucional që garanton barazi reale, jo vetëm formale. Gjykata Kushtetuese në vendet sikur i joni duhet të jetë garantues i barazisë kushtetuese, duhet të jetë mbrojtëse e marrëveshjeve politike themelore, e mekanizmave që burojnë nga një marrëveshje paqësore. Ajo duhet t’i respektojë dhe interpretojë me qëllim ruajtjen e balancit etnik në shtet”, tha Mexhiti.

Marrëveshja e Ohrit u nënshkrua më 13 gusht 2001 në Ohër, duke i dhënë fund konfliktit të armatosur mes forcave të sigurisë dhe Ushtrisë Çlirimtare Kombëtare. Dokumenti u negociua me ndërmjetësimit e komunitetit ndërkombëtar, përfshirë përfaqësues të SHBA-së dhe BE-së.

Agjencia Kosovare e Privatizimit (AKP) ka përfunduar me sukses procesin gjithëpërfshirës dhe të strukturuar të verifikimit dhe identifikimit të aseteve të ndërmarrjeve shoqërore nën administrimin e saj.

Ky proces u zhvillua në bashkëpunim të ngushtë me Agjencinë Kadastrale të Kosovës dhe u mbështet në të dhënat zyrtare kadastrale të vitit 2024.

Verifikimi ka pasur për qëllim evidentimin dhe saktësimin e të drejtave pronësore mbi asetet e ndërmarrjeve shoqërore.

Si rezultat, janë identifikuar 461 asete të reja, me një sipërfaqe totale prej 396 hektarësh, të cilat më parë nuk figuronin në listat zyrtare të AKP-së dhe nuk administroheshin nga agjencia.

Qëllimi i këtij procesi ishte evidentimi dhe saktësimi i të drejtave pronësore mbi asetet e ndërmarrjeve shoqërore, duke garantuar menaxhim të përgjegjshëm dhe në përputhje me ligjin e AKP-së.

AKP planifikon verifikimin e të dhënave nga Agjencia Kadastrale që posedon për vitin 2000, me qëllim të identifikimit të aseteve të ndërmarrjeve shoqërore që mund të jenë tjetërsuar pa dijeninë e AKP-së, vlerësimin e ligjshmërisë së ndryshimeve pronësore të kryera pas vitit 2000, dhe marrjen e masave për kthimin e aseteve nën administrim të AKP-së, nëse konfirmohet transferimi i paligjshëm.

Sot në vend parashikohet të mbajë mot me diell dhe vranësira të pjesshme gjatë ditës.

Sipas Institutit Hidrometeorologjik të Kosovës, temperaturat minimale do të lëvizin prej 16 deri në 20 gradë Celcius, ndërsa ato maksimale prej 32 deri në 36 gradë Celcius.

Era do të fryjë me shpejtësi prej 14-36 km ka njoftuar IHMK.