Lajmet

Von der Leyen dënon pushtimin ‘barbar’ të Ukrainës, zotohet të gjymtojë ekonominë e Rusisë

“Ukraina do të mbizotërojë” tha ajo.

Published

4 years ago

February 24, 2022

UBT news

Bashkimi Evropian do të vendosë një sërë sanksionesh “masive dhe të synuara” ndaj Rusisë që do të bllokojnë aksesin në “teknologjitë kryesore” dhe do të gjymtojnë aftësinë e vendit për të financuar pushtimin në Ukrainë, tha presidentja e Komisionit Evropian, Ursula von der Leyen.

“Ne do të synojmë sektorët strategjikë të ekonomisë ruse duke bllokuar aksesin e tyre në teknologjitë dhe tregjet kryesore. Ne do të dobësojmë bazën ekonomike të Rusisë dhe kapacitetin e saj për t’u modernizuar. Përveç kësaj, ne do të ngrijmë asetet ruse në BE dhe do të ndalojmë aksesin e bankave ruse në tregun financiar evropian”, tha ajo.

“Ne jemi të lidhur ngushtë me partnerët dhe aleatët. Këto sanksione janë krijuar për të shkaktuar një dëmtim të rëndë mbi interesat e Kremlinit dhe në aftësinë e tyre për të financuar luftën”.

BE ka vendosur tashmë sanksione ndaj 27 individëve dhe subjekteve të afërta me presidentin rus Vladimir Putin dhe 351 ligjvënës të Dumës që votuan për të njohur provincat separatiste Donetsk dhe Luhansk si të pavarura.

Ajo ia hodhi fajin Presidentit Putin për “kthimin e luftës në Evropë”.

“Edhe një herë, në qendër të Evropës, gra, burra dhe fëmijë të pafajshëm po vdesin ose kanë frikë për jetën e tyre. Ne e dënojmë këtë sulm barbar dhe argumentet cinike të përdorura për ta justifikuar atë”, tha ajo me një ton të zymtë.

“Objektivi i Rusisë nuk është vetëm Donbasi, objektivi nuk është vetëm Ukraina, objektivi është stabiliteti në Evropë dhe i gjithë rendi ndërkombëtar i bazuar në rregulla. Për këtë, ne do t’a mbajmë Rusinë përgjegjëse”.

Von der Leyen tha gjithashtu se Putini “po përpiqej të kthente orën në kohën e perandorisë ruse” dhe “po vendosë në rrezik të ardhmen e popullit rus”.

“Ne nuk do të lejojmë që presidenti Putin të zëvendësojë sundimin e ligjit me sundimin e forcës dhe pamëshirshmërisë. Ai nuk duhet të nënvlerësojë vendosmërinë dhe forca e demokracive tona”, deklaroi ajo.

“Ukraina do të mbizotërojë”.

Udhëheqësit e BE-së do të takohen më vonë sot në Bruksel për të diskutuar sanksionet e reja dhe për të zgjidhur dallimet midis shteteve anëtare./UBTNews/

Lajmet

Vazhdon sot seanca gjyqësore ndaj ish-kryeshefit të KEK-ut, Nagip Krasniqi

Published

27 minutes ago

October 16, 2025

UBTnews

Këtë të enjte, nga ora 9:30, pritet të mbahet seanca e radhës gjyqësore ndaj ish-kryeshefit të Korporatës Energjetike të Kosovës (KEK), Nagip Krasniqi, i akuzuar për keqpërdorim të detyrës zyrtare.

Krasniqi shkoi në Gjykatën e Prishtinës për t’u përballur me akuzat e Prokurorisë Speciale të Kosovës (PSRK), që sipas saj, ai i ka shkaktuar KEK-ut dëm prej 3 milionë eurosh për shkak të tregtimit të energjisë elektrike me kompaninë sllovene “Holding Slovenske Elektrane”, e cila nuk ka qenë e licensuar në Kosovë.

Dëshmitari i paraparë nga PSRK, Skender Muqolli, i cili duhej të dëshmonte më 14 tetor, nuk u paraqit fare në gjykatë për arsye shëndetësore.

Gjyqtari Arben Hoti njoftoi se nuk ishte paraqitur asnjë provë që të mbështeste këtë pretendim, por sipas tij, zyra e tij e kishte kontaktuar Muqollin, i cili kishte pohuar pretendimin përmes telefonit.

Për shkak të mungesës së dëshmitarit, seanca u shty dhe pritet të vazhdojë sot, më 16 tetor.

Në seancën e shqyrtimit fillestar të mbajtur më 8 tetor 2025, Krasniqi nuk e kishte pranuar fajësinë për akuzën e keqpërdorimit të detyrës zyrtare./EO

Lajmet

Bastiset një shtëpi në Leposaviq, gjenden emblema dhe jelek i ushtrisë serbe

Published

29 minutes ago

October 16, 2025

UBTnews

Një person është arrestuar pasi në shtëpinë e tij janë gjetur dhe konfiskuar armë, predha, këmisha me emblema të policisë serbe dhe një jelek i ushtrisë serbe.

Sipas raportit të Policisë së Kosovës në shtëpinë e të dyshuarit janë gjetur: një AK47,55 fishekë, një bajonetë, një predhë e fishekut, dy këmisha me emblema te policisë serbe, një jelek i ushtrisë serbe.

Pas intervistimit, me vendim të prokurorit i dyshuari është liruar në procedurë të rregullt.

“Fsh.Mikinic, Leposaviq 15.10.2025-14:30. Raportohet se gjatë bastisjes në shtëpinë e të dyshuarit mashkull kosovar, janë gjet dhe konfiskuar: një AK47,55 fishekë, një bajonetë, një predhë e fishekut, dy këmisha me emblema te policisë serbe, një jelek i ushtrisë serbe. I dyshuari është arrestuar dhe pas intervistimit me vendim të prokurorit lirohet në procedurë të rregullt”, thuhet në raportin e Policisë së Kosovës./KP

Lajmet

Dogana sekuestron telefona të rinj të padeklaruar në Prishtinë

Published

31 minutes ago

October 16, 2025

UBTnews

Dogana e Kosovës ka njoftuar se gjatë kontrollit në një subjekt ekonomik në Prishtinë, në një nga bodrumet e objektit është gjetur një kasafortë e mbuluar me pako, e cila pas hapjes ka rezultuar të përmbajë një sasi të konsiderueshme telefonash të rinj të padeklaruar.

Pala nuk ka ofruar asnjë dokumentacion për origjinën e mallit, transmeton KosovaPress.

Sasia e gjetur dhe sekuestruar është si vijon:

19 copë telefona mobil të mençur SAMSUNG GALAXY A26 5G
21 copë telefona mobil të mençur SAMSUNG GALAXY A16
1 copë tablet SAMSUNG GALAXY TAB A9+ 5G

Në total janë sekuestruar 41 pajisje të reja elektronike. Sekuestrimi është kryer në përputhje me procedurat ligjore, duke u plotësuar dokumentacioni përkatës.

Dogana e Kosovës thotë se do të vazhdojë me procedurat administrative dhe hetimore lidhur me këtë rast. Kontrolli i tregtisë ilegale dhe mbrojtja e tregut të brendshëm nga mallrat e padeklaruara mbeten ndër prioritetet kryesore të institucionit./D.B/KP