Lajmet

Volumi i mallrave drejt Kosovës përmes Portit të Durrësit, rritje me 50 për qind

Kështu u tha gjatë takimit të Osmanit me drejtorin e Përgjithshëm të Doganave, Gent Gazheli.

Published

2 years ago

on

Volumi i mallrave me destinacion Kosovën përmes Portit të Durrësit u rrit me 50 % gjatë tetëmujorit të këtij viti.

Tashmë prej datës 1 tetor të vitit 2022, në doganën e Durrësit po kryhet zhdoganimi i të gjitha mallrave me destinacion Kosovën.

Janë 1 mijë e 40 biznese nga Kosova që përfitojnë aktualisht nga hapja e kësaj dege, jo vetëm kohë, por edhe kosto të reduktuar zhdoganimi.

Në kuadër të vizitës zyrtare në Shqipëri, presidentja e Kosovës, Vjosa Osmani, ndaloi dhe në Portin e Durrësit, ku u takua me drejtorin e Përgjithshëm të Doganave, Gent Gazheli, si dhe drejtorin e përgjithshëm të Autoritetit Portual Durrës, Pirro Vengu.

Gjatë këtij takimi u diskutua mbi ecurinë e shkëmbimeve tregtare me Kosovën, bashkëpunimin doganor dhe ecurinë e përpunimit të mallrave të Kosovës në import dhe eksport, përmes kompleksit portual Durrës/Porto Romano.

Osmani gjatë ndalesës në Terminalin e Trageteve vizitoi dhe zyrat e doganës së Kosovës, ku prej dhjetë muajsh realizohen të gjitha procedurat e zhdoganimit.

Presidentja Osmani shprehu mirënjohjen për të gjitha lehtësitë e ofruara nga autoritetet shqiptare, duke mundësuar ndërveprim me të madh mes dy doganave, përshpejtim të procedurave dhe rritje të bashkëpunimit tregtar përmes portit të të gjithë shqiptarëve, transmeton ATSh.

Sipas raportit të publikuar nga Instituti i Statistikave (INSTAT) mbi tregtinë e jashtme, eksportet shqiptare drejt Kosovës gjatë periudhës janar-korrik ishin mbi 237 milionë euro, nga rreth 220 milionë euro që ishin në 7-mujorin e 2022-shit.

Ndërkohë, importet për shtatëmujorin llogariten 64 milionë euro nga mbi 90 milionë euro që ishin në shtatëmujorin e 2022-shit.

Eksportet kryesore të Shqipërisë drejt Kosovës përfaqësohen nga eksporti i materialeve të ndërtimit dhe metaleve, mineraleve dhe lëndëve djegëse, ushqimeve si dhe produkteve kimike dhe plastike.

Related Topics:
Continue Reading

Lajmet

PDK në ora 17:00 mban konferencë për media

Published

35 minutes ago

on

January 14, 2026

By

Partia Demokratike e Kosovës do të mbajë sot konferencë për media sot në ora 17:00.

Nëpërmjet një komunikate për media, nuk janë bërë të ditura arsyet.

Continue Reading

Lajmet

Kurti i thotë Sorensenit se ka “legjitimitet të ri” pas zgjedhjeve, i kërkon tërheqjen e letrës së Bërnabiqit e dorëzimin e Radoiçiqit

Published

2 hours ago

on

January 14, 2026

By

Kryeministri në detyrë, Albin Kurti është takuar sot me emisarin evropian për dialog, Peter Sørensen.

Rreth këtij, takimi ka dalë me detaje edhe zyra e tij për media.

“Në takimin e parë pas zgjedhjeve të 28 dhjetorit, kryeministri Kurti theksoi se rezultati zgjedhor ka prodhuar një legjitimitet të ri demokratik, i cili garanton parashikueshmëri politike dhe stabilitet institucional, duke forcuar më tej funksionimin e rendit kushtetues të Republikës së Kosovës”.

“Ky legjitimitet i lartë, i dalë drejtpërdrejt nga vullneti i qytetarëve, siguron përfaqësim të drejtë, kredibil dhe parimor të Kosovës në dialog. Sa i përket palës tjetër në dialog, Kryeministri vlerësoi se e njëjta gjë nuk mund të thuhet për lidershipin në Serbi”, theksohet në njoftim.

Mes tjerash u bë e ditur se në takim, Kurti shprehu gatishmërinë e Kosovës për normalizim të plotë të marrëdhënieve me Serbinë dhe dialog konstruktiv në Bruksel.

Ai theksoi edhe “ rëndësinë thelbësore të tërheqjes së letrës së ish-kryeministres Bërnabiq, të deponuar në Shërbimin Evropian për Veprim të Jashtëm (EEAS), dorëzimit të kryeterroristit Millan Radoiçiq, për të cilin tashmë ka aktakuzë 160 faqëshe nga Prokuroria e Republikës së Kosovës, dhe nënshkrimit të Marrëveshjes Bazike dhe Aneksit të Zbatimit si garanci juridike dhe mirëbesim për rrugën përpara. Ai nënvizoi se me zbatimin e plotë të Marrëveshjes Bazike të Brukselit dhe Aneksit të Zbatimit të Ohrit, dialogu prodhon rezultate të qëndrueshme”.

Continue Reading

Lajmet

Rasti “Banjska”, seanca e radhës më 16 janar

Published

3 hours ago

on

January 14, 2026

By

Seanca e radhës ndaj tre të akuzuarve, Blagoje Spasojeviq, Vladimir Toliq dhe Dushan Maksimoviq, në rastin “Banjska” do të mbahet më 16 janar.

Seanca do të zhvillohet nga ora 09:30.

“Ju njoftojmë se seanca gjyqësore në çështjen penale kundër të pandehurve B.S., V.T. dhe D.M., do të mbahet sipas planifikimit, me datë 16.01.2026, në ora 09:30”, thuhet në përgjigjen e Gashit.

Ndërkohë, Spasojeviq, Toliq e Maksimoviq, përballen me akuza të rënda për përfshirje në ngjarjet e 24 shtatorit 2023 në fshatin Banjskë të komunës së Zveçanit, ku një sulm i armatosur ndaj Policisë së Kosovës çoi në vdekjen e rreshterit Afrim Bunjaku dhe plagosjen e disa pjesëtarëve të tjerë të policisë.

Continue Reading

Lajmet

Prishtina pa rrymë e në zhurmën e gjeneratorëve – Pësojnë bizneset

Published

3 hours ago

on

January 14, 2026

By

Pa kaluar shumë orë nga njoftimi, vendi u përball me reduktime të energjisë elektrike, e nga kjo po pësojnë qytetarët.

Disa biznese, u detyruan të ndezin gjeneratorët, por disa të tjera nuk i posedojnë.

Rrobaqepësi, barnatore, furra, kafiteri, janë veç disa nga bizneset në Prishtinë të cilat që nga mëngjesi nuk kanë rrymë.

Ndërkohë që mbrëmjen e së martës Operatori i Sistemit, Transmisionit dhe Tregut të energjisë elektrike të Kosovës-KOSTT ka  njoftuar se do të ketë reduktime të rrymës për sot dhe nesër në vend. Në njoftimin e KOSTT thuhet se kjo do të bëhet “për të garantuar funksionimin e sigurt të sistemit elektroenergjetik dhe për të mbrojtur integritetin e rrjetit”.

Continue Reading

Të kërkuara