Lajmet nga UBT
Vizita të ndryshme për të zgjeruar njohuritë e pjesëmarrësve në Akademinë Verore të Ndërtimtarisë dhe Infrastrukturës
Akademia Verore për Inxhinierinë Ndërtimore dhe Infrastrukturën, pjesë e Global UBT Fest 2024, filloi me aktivitete të rëndësishme që ofruan mundësi të vlefshme për zhvillim profesional dhe shkencor.
Aktiviteti u hap në Parkun Shkencor, Teknologjik dhe Inovativ të UBT-së në Lipjan, duke mbledhur së bashku studentë dhe profesionistë të fushës së ndërtimtarisë dhe infrastrukturës.
Studentët dhe stafi i UBT-së vizituan Komunën e Ferizajt, ku drejtuesit komunal prezantuan projektet e realizuara, ato aktuale dhe të planifikuara. Drejtori i Drejtorisë së Urbanizmit, Arbër Bytyqi, drejtori i Drejtorisë së Infrastrukturës, Meriton Hajdini, dhe inxhinierja Leonora Zeqiri, ndanë përvojat dhe sfidat e hasura gjatë realizimit të projekteve. Pjesëmarrësit patën mundësinë të bëjnë pyetje dhe të diskutojnë rreth projekteve me përfaqësuesit komunal.
Në Fabrikën e Drurit të menaxhuar nga OXA Group, pjesëmarrësit u njohën me vijën e prodhimit dhe proceset e ndryshme të përpunimit të drurit. Menaxheri i prodhimit, Kushtrim Shahini, prezantoi fazat e prodhimit, nga përpunimi i lëndës së parë deri te finalizimi dhe përgatitja për eksport. Diskutimet përfshinë edhe pjesëmarrjet në panaire, marketingun dhe sigurinë në punë.
Pjesëmarrësit vizituan punishën e ndërtimit të një nënkalimi për automjete dhe këmbësorë afër stacionit policor, ku drejtori i Infrastrukturës, Meriton Hajdini, inxhinieri mbikëqyrës Agim Dërguti dhe përfaqësuesi i kompanisë “Linda” prezantuan detajet e projektit. Pjesëmarrësit patën mundësinë të shohin nga afër proceset e ndërtimit dhe të diskutojnë mbi sfidat dhe teknikat e përdorura.
Në vazhdën e organizimit të eventeve në UBT, ka filluar të mbahet edhe konferenca ‘Inovacioni dhe Mbrojtja e Pronësisë Intelektuale’.
Konferenca ka filluar me një fjalim hyrës nga Rektori i UBT-së, Prof. Dr. Edmond Hajrizi.
Pjesëmarrës në këtë konferencë janë edhe Zjarrta Osmani e cila është ushtruese e detyrës së Drejtorit nga Zyra për të Drejtat e Autorit, Ligjërues Avdi Krasniqi – Zv. Drejtor i Përgjithshëm si dhe Sadie Topojani që është Udhëheqëse e Sektorit të IP në Doganë dhe Ligjëruese në UBT.
Kjo ngjarje u organizua në bashkëpunim me Zyrën për të Drejtat e Autorit dhe Doganën e Kosovës, dhe synon të ofrojë një pasqyrë të rëndësishme mbi mbrojtjen ligjore të inovacioneve, dizajneve, patentave dhe të drejtave të autorit në sektorë të ndryshëm si teknologjia, inxhinieria dhe biznesi.
- Prezantime nga përfaqësues të lartë të institucioneve relevante,
- Diskutim të hapur dhe mundësi për rrjetëzim profesional,
- Përmbyllje me përmbledhje të konkluzioneve kryesore.
/UBT News/
Ka filluar konferenca ‘Tranzicioni i Energjisë; Implementimi i Politikave të Strategjisë së Energjisë, Digjitalizimi’, e organizuar nga UBT i cili po mbahet në Parkun Shkencor, Inovativ dhe Teknologjik të UBT-së në Lipjan.
Në këtë konferencë po merr pjesë Rektori i UBT-së, Prof. Dr. Edmond Hajrizi, ministrja e Ekonomisë, Artane Rizvanolli, kryesuesja e Komunitetit Nacional CIGRE, Pranvera Dobruna-Kryeziu dhe Ymer Fejzullahu, kryetar i Bordit të ZRRE.
Të ftuar të tjerë janë po ashtu ekspertë të fushës së energjisë elektrike në vend.
UBT News do të ju sjell informacionet kryesore të kësaj konference me rëndësi.
Vlen të përmendet se edhe studentët e UBT-së po e ndjekin këtë ngjarje.
Lajmet nga UBT
Konferenca ‘Tranzicioni i Energjisë; Implementimi i Politikave të Strategjisë së Energjisë’, Armend Ymeri flet për organizimin
Emisioni n’Ritëm në Campus Radio me autore dhe moderatore Albina Zeneli pati të ftuar Prof. Ass. Dr. Armend Ymeri i cili njëherësh është dhe Dekan i Fakultetit të Inxhinierisë së Energjisë në UBT.
Me të diskutuam për konferencën ‘Tranzicioni i Energjisë; Implementimi i Politikave të Strategjisë së Energjisë, Digjitalizimi’, ngjarje kjo që do të mbahet nesër me fillim nga ora 08:30 në Kampusin Inovativ të UBT-së në Lipjan.
“Kemi ftuar ekspertë të fushës që do të ndajnë përvojat e tyre me të pranishmit, do të jenë Pranvera Dobruna, Artane Rizvanolli, përfaqësues mga KEK, KOSTT dhe KEDS”, u shpreh Z. Ymeri.
Përndryshe, Dekani ka bërë thirrje që studentët të marrin pjesë sepse sipas tij i’a vlen dhe madje thekson se kuadrot e reja të UBT-së janë me fat për mundësitë që ofrohen.
Lajmet nga UBT
Studentët e Psikologjisë dëgjojnë rrëfimin e Ramadan Nishorit – Zëri i parë i një të mbijetuari të dhunës seksuale gjatë luftës
Me rastin e Ditës Memoriale të të Mbijetuarve të Dhunës Seksuale gjatë luftës në Kosovë, studentët e vitit të parë dhe të tretë, të Fakultetit të Psikologjisë, nën mbikëqyrjen e Prof. Violeta Zefi, morën pjesë në një ngjarje të organizuar nga Qendra Kosovare për Rehabilitimin e të Mbijetuarve të Torturës.
Gjatë kësaj ngjarjeje, studentët e Fakultetit të Psikologjisë kishin mundësinë të dëgjonin historinë rrëqethëse të Ramadan Nishorit, një nga të mbijetuarit e dhunës seksuale gjatë luftës në Kosovë. Nishori, në një rrëfim në Ditën Memoriale të të Mbijetuarve të Dhunës Seksuale gjatë luftës, tha se ishte dhunuar nga policët serbë në vitin 1998, derisa po mbahej në stacionin policor në Drenas.
“Për drejtësinë. Për të vërtetën. Për shërimin tim dhe të gjithë atyre që vuajnë në heshtje.”, shprehet Ramadan Nishori, ndërsa u drejtohet me një thirrje të gjithë të mbijetuarve.
Kjo ngjarje e organizuar sot, më 14 prill, ishte një përvojë e thellë reflektimi dhe ndërgjegjësimi për studentët e UBT-së, duke theksuar rëndësinë e mbështetjes për të mbijetuarit e dhunës seksuale gjatë luftës në Kosovë.
Fjalimi i Ramadan Nishorit dhe gjithë përvoja e këtij aktiviteti ishin një mundësi për studentët që të kuptonin më thellë pasojat e dhunës seksuale dhe rëndësinë e rehabilitimit të të mbijetuarve.
UBT organizon konferencën ‘Inovacioni dhe Mbrojtja e Pronësisë Intelektuale’
Gjethet e mentes për shëndetin e trurit dhe stomakut
Arrestohet William Levy, aktori i njohur i serialeve spanjolle
Vdes futbollisti i njohur shqiptar, 28-vjeçari humb jetën në fushë
Dështimi i konstituimit të Kuvendit, ç’thotë Ligji dhe Kushtetuta për situatën e krijuar?
Fillon konferenca për tranzicionin e energjisë në UBT
Katër ushqimet që i zhbllokojnë arteriet në mënyrë natyrale
Konferenca ‘Tranzicioni i Energjisë; Implementimi i Politikave të Strategjisë së Energjisë’, Armend Ymeri flet për organizimin
Përfitimet shëndetësore të pirjes së ujit para gjumit
-
Bota3 months agoMarrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota3 months agoFluturimet e dëbimit kanë filluar, thotë Shtëpia e Bardhë
-
Bota3 months agoShtëpia e Bardhë: Armëpushimi në Liban do të zgjatet deri më 18 shkurt
-
Bota3 months agoTrump zbulon listën e zezë të Shtëpisë së Bardhë