Lajmet nga UBT

Vizita studimore në Turqi: Eksplorimi i trashëgimisë kulturore dhe historike nga studentët e UBT-së

Studentët e këtyre drejtimeve, të shoqëruar nga profesorët: Dr. Muhamet Ahmeti, Dr. Beni Kizolli, Bard Bajqinovci dhe Dr. Ajhan Bajmaku, patën rastin të shohin nga afër vende, objekte të trashëgimisë kulturore, monumente historike dhe institucione arsimore në Turqi.

Published

on

Stambolli dhe Edirne ishin destinacioni kryesor i vizitave studimore të studentëve të Fakulteteve Arkitekturë dhe Planifikim Hapësinor, Inxhinieri e Ndërtimit dhe Infrastrukturë dhe Dizajn i Integruar në UBT.

Studentët e këtyre drejtimeve, të shoqëruar nga profesorët: Dr. Muhamet Ahmeti, Dr. Beni Kizolli, Bard Bajqinovci dhe Dr. Ajhan Bajmaku, patën rastin të shohin nga afër vende, objekte të trashëgimisë kulturore, monumente historike dhe institucione arsimore në Turqi.

Vizita në Edirne

Studentët të shoqëruar nga profesorët vizituan objektin e projektuar nga arkitekti Mimar Sinan, si dhe u realizua një shëtitje nëpër sheshin kryesor të Edirnes, duke eksploruar objekte të ndërtuara në periudha të ndryshme historike. Vizita e Hamameve dhe e objekteve të tjera të cilat tani janë të shndërruara në tregje të mallrave të ndryshme, ishte një eksperiencë e shkëlqyeshme për studentët, të cilët u informuan më gjerësisht për trashëgiminë kulturore dhe historike të këtij qyteti.

Vizita në Stamboll

Universiteti “Mimar Sinan”, shëtitje me anije në Bosfor, “Shoping Center Venecia”, Pallati “Top Kapi”, “Ayasofya”, “Dolmabahçe”, “Gallataport”, Panair i 45-të i materialeve dhe Akuariumi “Aqua Florya”, ishin vendet më interesante të cilat u vizituan nga studentët dhe profesorët e UBT-së, duke u informuar më gjerësisht rreth infrastrukturës dhe planifikimit urban dhe krijuar një eksperiencë të re e cila do t’ju ndihmojë në aspektin profesional.

Vizita në Universitetin “Mimar Sinan” u zhvillua me mundësinë e studentëve për të ndjekur procesin mësimor në disa lëndë, teksa këta të fundit u mirëpritën nga stafi përgjegjës në këtë universitet, të cilët njëherit shprehën gatishmërinë për të thelluar bashkëpunimin me UBT.

Pastaj u vazhdua me vizitën në “Shoping Center Venecia” – një kompleks i dizajnit arkitektonik përbëhet nga njësi rezidenciale luksoze, zyra dhe tregje të ndryshme tregtare, duke e bërë atë një mjedis rezidencial vërtetë të integruar. Studentët patën mundësinë të inspirohen me këtë objekt, si nga përzgjedhje e materialeve, harmonizimi i materialeve në mes veti dhe një llojllojshmëri të interierit dhe eksterierit.

Është vizituar edhe panairi i materialëve ndërtimore i 44 me radhë që mbahet një herë në vit, si një nga panairet më të mëdha dhe më të rëndësishmit në Evropë. Gjatë kësaj vizite studentët patën mundësi të njihen me materialet e ndryshme inovative të cilat janë duke u aplikuar në projekte të ndryshme.

Aktualitet

Një model modern i arsimit fillor në UBT International Smart Schools, 40 për qind zbritje në regjistrimet e hershme

Published

on

By

Shkolla Fillore në UBT International Smart Schools po ofron 40 për qind zbritje për regjistrimet e hershme, duke u dhënë prindërve një mundësi të veçantë për të investuar në arsimimin cilësor të fëmijëve të tyre.

E vendosur në Qytetin e Mençur të UBT-së, Shkolla Fillore synon të ndërtojë një bazë të forte edukative për nxënësit, duke kombinuar mësimdhënien bashkëkohore me përkujdesje të vazhdueshme dhe zhvillim të gjithanshëm të personalitetit të fëmijës.

Programi mësimor është i ndërtuar mbi praktikat më të mira ndërkombëtare, duke përfshirë përdorimin e teknologjisë moderne në klasë, metoda inovative të të nxënit, si dhe aktivitete që nxisin kreativitetin, mendimin kritik dhe bashkëpunimin. Ambienti shkollor është i sigurt, stimulues dhe i përshtatur për nevojat zhvillimore të nxënësve të ciklit fillor.

Përveç fokusit mësimor dhe edukativ, Shkolla Fillore i kushton rëndësi të veçantë edukimit qytetar, vlerave njerëzore dhe ndërtimit të vetëbesimit te fëmijët, duke synuar formimin e gjeneratave të përgatitura për sfidat e së ardhmes.

Prindërit e interesuar mund të aplikojnë online, ndërsa për informata shtesë janë në dispozicion edhe kanalet zyrtare të komunikimit të shkollës. Vendet janë të limituara!

Lokacioni: Kampusi i UBT-së, Lipjan

Informata: +383 46 332 233

APLIKO ONLINE!

Continue Reading

Lajmet nga UBT

Rektori i UBT-së në Washington, mes liderëve botërorë në Lutjet Nacionale të Mëngjesit në SHBA

Published

on

By

Rektori i UBT-së, Prof. Dr. Edmond Hajrizi, po qëndron për vizitë zyrtare në Shtetet e Bashkuara të Amerikës, ku mori pjesë në Lutjet Nacionale të Mëngjesit në Washington, një ngjarje prestigjioze ku mori pjesë edhe Presidenti i SHBA-së, Donald Trump, si dhe liderë të lartë politikë dhe institucionalë nga e gjithë bota.

Ky manifestim tradicional, i cili organizohet që nga viti 1953, mbahet çdo të enjte të parë të muajit shkurt dhe përfaqëson një nga ngjarjet më të rëndësishme shpirtërore dhe institucionale në SHBA.

Lutjet Nacionale të Mëngjesit mbledhin anëtarë të Kongresit Amerikan, politikanë, liderë ushtarakë, si dhe mysafirë nga mbi njëqind vende të botës.

Pjesëmarrja e Prof. Dr. Edmond Hajrizi në këtë ngjarje të rëndësishme përbën një moment domethënës për përfaqësimin akademik dhe institucional të Kosovës në një platformë globale me ndikim të veçantë.

Continue Reading

Vendi

Rektori Hajrizi merr pjesë në pritjen e organizuar nga Ambasada e Kosovës në SHBA

Published

on

By

Rektori i UBT-së, Prof. Dr. Edmond Hajrizi, mori pjesë në pritjen e organizuar nga Ambasadori i Kosovës në SHBA, z. Ilir Dugolli, për delegacionin nga Kosova që po merr pjesë në Lutjet Nacionale të Mëngjesit në Washington.

Gjatë këtij takimi, Rektori Hajrizi pati mundësinë të takohet me deputetë, sipërmarrës, përfaqësues të komunitetit dhe medias, si dhe personalitete të tjera nga jeta akademike dhe institucionale, duke forcuar lidhjet ndërkombëtare dhe duke përfaqësuar Kosovën në një nivel institucional dhe akademik.

Continue Reading

Lajmet

Studentët e Fakultetit të Shkencave të Ushqimit në UBT realizojnë vizitë studimore në verarinë “Stone Castle” në Rahovec

Published

on

By

Fakulteti i Shkencave të Ushqimit në UBT ka realizuar një vizitë studimore në vreshtarinë dhe verarinë e njohur “Stone Castle” në Rahovec, në kuadër të aktiviteteve akademike dhe praktike që synojnë përgatitjen profesionale të studentëve sipas standardeve bashkëkohore të industrisë ushqimore.

Kjo vizitë kishte për qëllim njohjen nga afër me proceset teknologjike të kultivimit të rrushit, prodhimit të verës, kontrollit të cilësisë, sigurisë ushqimore dhe menaxhimit të industrisë së pijeve alkoolike, duke ofruar një përvojë të drejtpërdrejtë praktike për studentët e këtij fakulteti.

Gjatë vizitës, studentët patën mundësinë të ndjekin nga afër fazat kryesore të prodhimit të verës, duke u njohur me teknologjitë moderne që aplikohen në këtë sektor, standardet ndërkombëtare të cilësisë dhe procedurat e sigurisë ushqimore. Po ashtu, ata zhvilluan diskutime profesionale me stafin e verarisë “Stone Castle”, duke shkëmbyer përvoja konkrete nga praktika industriale.

Këto aktivitete janë pjesë përbërëse e filozofisë së Fakultetit të Shkencave të Ushqimit në UBT, i cili fokusohet në ndërlidhjen e dijes teorike me praktikën reale në industri, duke përgatitur kuadro të afta për tregun vendor dhe ndërkombëtar të punës. Përmes bashkëpunimit të vazhdueshëm me biznese dhe kompani lidere në sektorin ushqimor, UBT u ofron studentëve mundësi reale për zhvillim profesional dhe karrierë të qëndrueshme.

Vizitat studimore të tilla përforcojnë rolin e UBT-së si institucion i arsimit të lartë që promovon mësimdhënien praktike, inovacionin dhe partneritetin me industrinë, duke krijuar ura të forta ndërmjet akademisë dhe ekonomisë vendore.

Continue Reading

Të kërkuara