Aktualitet

Vizita e presidentit maqedonas në Greqi: Jemi një nga vendet më të përgatitura për t’u integruar në BE

Published

on

Kreu i Shtetit të Maqedonisë së Veriut, Stevo Pendarovski, nisi sot një vizitë dy ditore në Athinë, e para vizitë zyrtare e një Presidenti në Greqi.

Kryeministri Kyriakos Mitsotakis u takua në Pallatin Maximos me Presidentin e Republikës së Maqedonisë së Veriut, Stevo Pentarovski, i cili po bën një vizitë zyrtare në Greqi me ftesë të Presidentes së Republikës, Katerina Sakellaropoulou.

Kryeministri grek dhe presidenti i Maqedonisë Veriore, Stevo Pentarofski konfirmuan potencialin domethënës të formuar në marrëdhëniet dypalëshe në të gjitha fushat me interes reciprok.

Presidenti maqedonas është shprehur se Maqedonia e Veriut është në mes të përpjekjeve për të gjetur gjuhën e përbashkët me Bullgarinë.

Ne jemi aktualisht në mes të përpjekjeve për të gjetur një gjuhë të përbashkët me miqtë tanë në Bullgari. Ne nuk duam të “bllokojmë rrugën” drejt BE-së, por të përmbushim të gjitha kushtet, të gjitha procedurat e parashikuara. Dhe të trajtohemi në mënyrë të barabartë me të gjithë të tjerët.

Stevo Pentarovski shtoi se Maqedonia e Veriut është një nga vendet të përgatitura më mirë për t’u bashkuar me BE-në.

“Kemi 16.5 vite në pritje.  Ne jemi në statusin e një vendi kandidat dhe është koha për të filluar negociatat, të cilat do të zgjasin me vite. Pra, ajo që ne po kërkojmë nuk është të bëhemi anëtar brenda natës, por po kërkojmë që të na jepet mundësia për të filluar negociatat. Dhe pastaj ne dhe shumë nga miqtë tanë evropianë për të përfunduar të gjitha njësitë e pranimit, kapitujt e mëparshëm. Kështu që ne jemi gati. Ne jemi ndoshta vendi kandidat më i përgatitur në historinë e Bashkimit Evropian. Kështu që ne kemi nevojë, ne meritojmë një mundësi reale për të filluar negociatat dhe mbështetemi tek ju, në mbështetjen tuaj, si gjithmonë” është shprehur presidenti maqedonas.

Continue Reading

Aktualitet

OEK: Gjykata Supreme shqyrton padinë kundër ZRrE për tregun e lirë të energjisë

Published

on

Oda Ekonomike e Kosovës, ka njoftuar se Gjykata Supreme do ta trajtojë padinë kundër Zyrës së Rregullatorit për Energji për tregun e lirë të energjisë.

“Oda Ekonomike e Kosovës njofton se Gjykata Supreme ka vendosur që padia e ushtruar nga OEK ndaj Zyrës së Rregullatorit për Energji (ZRrE), lidhur me daljen e detyrueshme në tregun e lirë të energjisë, do të procedohet dhe do të shqyrtohet për vendim meritor. Tashmë është caktuar kolegji i gjyqtarëve i cili do ta trajtojë padinë ndaj ZRrE”, njofton OEK.

OEK thotë se kanë pritje që gjykata të vendosë brenda afatit 60 ditorë dhe ‘të anulojë aktet nënligjore të ZRRE’së”.

Përkundër që kërkesa për vendosjen e masës së përkohshme për pezullimin e vendimit nuk është aprovuar, me arsyetimin se akti “Njoftimi i ZRrE-së” nuk i plotëson kriteret e një akti nënligjor normativ, çështja do të shqyrtohet në mënyrë meritore për të gjitha aktet nënligjore të ZRrE-së, përveç këtij njoftimi, sipas afateve ligjore.

Andaj, pritjet e Odës Ekonomike të Kosovës janë që gjykata të vendosë brenda afatit 60 ditor nga dita e parashtrimit të padisë, siç e parasheh ligji dhe të anulojë të gjitha aktet nënligjore të ZRrE-së me të cilat janë përcaktuar kriteret për daljen në tregun e lirë,” thuhet në këtë njoftim.

“Pavarësisht se masa e përkohshme e sigurisë nuk është aprovuar, Oda Ekonomike e Kosovës vlerëson pozitivisht faktin se lënda do të trajtohet në themel dhe shpreh besimin se vendimi final do të jetë në të mirë të ekonomisë, bizneseve dhe qytetarëve të Kosovës”, thuhet në njoftim.

Continue Reading

Bota

Administrata Trump miraton shitjen e armëve prej 825 milionë dollarësh për Ukrainën

Published

on

Administrata Trump ka miratuar një shitje armësh me vlerë 825 milionë dollarë për Ukrainën, e cila do të përfshijë raketa me rreze të gjatë veprimi dhe pajisje të ngjashme për të rritur aftësitë e saj mbrojtëse.

Përpjekjet e ShBA-së për të ndërmjetësuar paqen midis Ukrainës dhe Rusisë duket se kanë ngecur.

Departamenti i Shtetit njoftoi të enjten se kishte njoftuar Kongresin për shitjen e raketave me municion sulmi me rreze të gjatë veprimi dhe sistemeve të navigimit për Ukrainën. Shitja do të mbulojë 3,350 raketa ERAM, 3,350 njësi GPS, së bashku me komponentë, pjesë këmbimi dhe aksesorë të tjerë, si dhe trajnim dhe mbështetje teknike, shkruan AP.

Ai tha se Ukraina do të përdorte fonde nga aleatët e NATO-s, Danimarka dhe Holanda.

Continue Reading

Aktualitet

Tiranë: Sekuestrohen mbi 26 milionë euro pasuri në pronësi të një të dënuari për vrasje

Published

on

Policia në Tiranë ka sekuestruar pasuri me vlerë prej 26 milionë e 500 mijë euro, nën pronësi të një 45-vjeçari të dënuar për vrasje dhe për pjesëmarrje në grup kriminal për trafikim të lëndëve narkotike, nga autoritetet italiane.

Sipas njoftimit të policisë, pasuritë e sekuestruara janë konkretisht: 19 prona, 2 automjete dhe 20 llogari bankare, të regjistruara në emër të 45-vjeçarit ose të familjarëve të tij, me vlerë tregu rreth 26 milionë e 500 mijë euro.

“Vijon puna për gjurmimin dhe sekuestrimin e pasurive të tjera që dyshohet se kanë burim nga veprimtaritë kriminale të këtij shtetasi. Materialet procedurale iu referuan Prokurorisë së Tiranës, për veprime të mëtejshme”, thuhet tutje në njoftim.

Continue Reading

Aktualitet

Kosova e Shqipëria forcojnë partneritetin ushtarak, trajnime të përbashkëta për operacione ujore

Published

on

Bazuar në marrëveshjen bilaterale të bashkëpunimit ndërmjet Forcës së Sigurisë së Kosovës dhe Forcave të Armatosura të Republikës së Shqipërisë (FARSH), Kompania e Kërkim-Shpëtimit e Regjimentit të Mbrojtjes Civile (RMC) realizoi trajnim të përbashkët në fushën e zhytjes.

Trajnimi i përbashkët u realizua në Qendrën e Zhytjes në Pashaliman, Vlorë, Republika e Shqipërisë.

Sipas FSK-së qëllimi i këtij trajnimi ishte ruajtja, zhvillimi dhe avancimi i njohurive dhe aftësive profesionale në fushën e zhytjes, në thellësi dhe kushte të ndryshme operative si dhe shkëmbimin e përvojës dhe praktikave më të mira ndërmjet pjesëtarëve të të dy forcave ushtarake.

FSK po ashtu thotë se ky aktivitet i përbashkët dëshmon për rëndësinë e thellimit të bashkëpunimit ndërmjet institucioneve ushtarake të Kosovës dhe Shqipërisë, si dhe përkushtimin e ndërsjellë për ngritjen dhe përmirësimin e kapaciteteve specialistike në realizimin e operacioneve ujore me standarde të larta ndërkombëtare.

Continue Reading

Të kërkuara