Shëndeti

Vitamina çdo ditë? Çfarë duhet të dini para se t’i merrni?

Sipas ekspertëve të shëndetit, njerëzit duhet të marrin suplemente sepse ato mund të ndihmojnë në plotësimin e boshllëqeve në regjimin ushqimor.

Published

on

Shumë njerëz marrin çdo ditë suplemente për të përmirësuar shëndetin  e përgjithshëm, por a ndihmojnë ato në të vërtetë? Cilat janë anët e rrezikshme dhe cilat suplemente duhet të merrni?

AgroWeb.org bazuar në këshillat e ekspertëve, ju njeh me ato çfarë duhet të dini përpara se t’i përdorni rregullisht suplementet.

Pse duhet të merrni suplemente?

Sipas ekspertëve të shëndetit, njerëzit duhet të marrin suplemente sepse ato mund të ndihmojnë në plotësimin e boshllëqeve në regjimin ushqimor.

Shumë njerëz nuk kanë një regjim të ekuilibruar, gjë që mund të shkaktojë mangësi në vitamina dhe minerale.

Suplementet mund të ndihmojnë në sigurimin e këtyre lëndëve ushqyese, duke përmirësuar shëndetin e përgjithshëm.

Përveç kësaj, disa suplemente kanë veti anti-inflamatore, të cilat mund të mbrojnë kundër sëmundjeve kronike.

Megjithatë duhet të dini se suplementet nuk duhet të merren si zëvendësues për vaktet. Sepse kështu ju sërisht mund të humbsni shumë lëndë të rëndësishme ushqyese.

Çfarë duhet të dini përpara se të merrni suplemente

Para se të merrni një suplement shëndetësor, duhet të dini disa pika kyçe.

E para është të konsultoheni gjithmonë me mjekun tuaj përpara se t’i shtoni ato në regjimin tuaj.

Së dyti, merrni parasysh qëllimet dhe nevojat shëndetësore që keni, në mënyrë që të gjeni një produkt i cili do t’ju përshtatet më së miri.

Është gjithashtu e rëndësishme të zgjidhni një suplement që përmban përbërës natyralë.

Kështu do të korrni përfitimet shëndetësore që iu duhen dhe të shmangni çdo konservues ose shtesë, që mund të jetë i dëmshëm për shëndetin tuaj.

Kur merrni suplemente dhe vitamina, është thelbësore të dini se çfarë ndërveprimesh, pozitive dhe negative, mund të ndodhin në trupin tuaj.

Sigurohuni gjithmonë që vitaminat dhe suplementet të jenë e një cilësie të lartë.

Si të përcaktoni se cilat suplemente janë të duhurat për ju

Të kuptoni mirë nevojat shëndetsore dhe të diskutoni opsionet me mjekun tuaj, është pikënisja.

Pra, nëse trupi juaj është i ndjeshëm ndaj kafeinës ose stimuluesve të ngjashëm, atëherë do të ishte mirë të zgjidhnit diçka që përmban më shumë barishte natyrale.

Filloni të shihni dhe të vlerësoni opsionet e ndryshme që iu ofrohen dhe bëni kërkime specifike për përbërësit që ato përmbajnë, të cilët nuk do të dëmtojnë shëndetin tuaj.

Efektet dhe përfitimet e përdorimit të suplementeve

Suplementet me fruta, perime dhe zarzavate

Një përfitim befasues i përdorimit të tyre është se mund të zvogëlojë rrezikun e sëmundjeve të rënda e madje edhe të vdekje të parakohshme.

Kjo është veçanërisht e vërtetë për produktet që përmbajnë sasi të mjaftueshme të të treja kategorive.

Suplementet që luftojnë inflamacionin

Inflamacioni kronik është rrënja e të gjitha të këqijave, pasi mund të shkaktojë edhe probleme më serioze si sëmundjet e zemrës, kanceri, diabeti dhe çrregullime mendore.

Marrja e një suplementi që përmban anti-inflamatorë të fuqishëm si shafrani i Indisë ose zhenxhefili, mund të ketë efekte befasuese.

Suplementet për shëndetin e sistemit tretës

Mikrobioma e zorrëve përmban miliona neurone që ndërveprojnë me pjesë të tjera të trupit përtej traktit tretës.

Kjo do të thotë se marrja e një suplementi mund të ketë efekte befasuese në përmirësimin e shëndetit mendor dhe jo vetëm./agroweb

Shëndeti

Gjethet e lakrës si kurë kundër dhembjeve të kokës – Si t’i përdorni?

Published

on

Dhimbjet e kokës dhe migrenës janë të forta sa e drobisin njeriun në atë pikë që nuk duron dot as dritë e as tingullin më të vogël.

Përdorimi i medikamenteve ofron lehtësim të dhembjeve, por gjithsesi agonia e tyre do kohë të shuhet.

Në këtë artikull do të mësoni për kurën natyrale me gjethet e lakrës, që e mundin dhimbjen.

Shumë prej përbërësve të lakrës janë antiirritantë dhe antibiotikë të fuqishëm, ato zgjerojnë kapilarët e gjakut në zonën e trupit ku vendosen dhe rrisin qarkullimin e gjakut. Falë rritjes së qarkullimit në këtë pjesë të kokës, dhimbja lehtësohet dhe agonia shuhet.

Si t’i përdorni gjethet e lakrës kundër dhembjeve të kokës?

Merrni një lakër mesatare dhe hiqni gjethet në sipërfaqe të saj, merrni disa gjethe në brendësi të lakrës, lajini mirë e shtypini sa të formoni një pastë. Masën e formuar vendoseni në një napë të pastër, mbështilleni mirë dhe vendosenin në zonën e kokës që ju dhemb.

Shtrihuni dhe përpiquni të qetësoheni, mbajeni napën deri sa grimcat e lakrës të përthahen, kur gjethet e lakrës të jenë tharë, përgatisni një napë të re dhe vazhdojeni kurën. Gjatë kësaj kohe pini sa më shumë ujë.

Shkaktarët e migrenës:

Shpesh migrena shpërthen si pasojë e disa ushqimeve të konsumuara në 24 orëshin e fundit, shumë dhimbje te disa njerëz nxiten nga konsumi i ushqimeve të bulmetit, mishit, kafeinës, çokollatës dhe verës së kuqe. Evitoni këto ushqime nëse keni dhimbje koke të shpeshta.

Kura natyrale me Arrëmyshk 

Ekspertë të mjekësisë rekomandojnë përzierjen e arrëmyshkut pluhur apo si njihet arra moskat, me ujë dhe formimin e një paste, që mund ta vendosni në zonën e dhimbjes. Arrëmyshkun apo arrën moskat e gjeni në pikat e shitjes së erëzave a në supermarkete.

Ka aftësi të mëdha qetësuese për trurin e trupin. Masazhi me pastën e arrëmyshkut në zonën e ballit dhe anash do ju qetësojë. /UBT News/

Continue Reading

Shëndeti

A ndikon konsumimi i alkoolit në stërvitje?

Published

on

Ndoshta nuk e keni menduar, por alkooli ka ndikim të drejtëpërdrejtë negativ nëse je person që stërvitesh rregullisht dhe po bën përpjekje për të qenë në formë.

Nuk bëhet fjalë vetëm për ditën pasi ke pirë dhe nuk je në gjendjen më të mirë. Konsumi i alkoolit ka një listë efektesh negative dhe secila ka ndikimin e saj në planet ose efektet që pret nga stërvitja. Më tej do të listojmë si ndikon alkooli në trupin tënd dhe në stërvitjen që ti bën.

Dehidratimi: Alkooli largon lëngjet nga trupi. Uji luan rol të rëndësishëm në mbajtjen e balancave fizike, ndaj bëji llogaritë vetë. Efektet janë më të forta sesa duket.

Këputje muskulare: Alkooli nxit prodhimin e acidit laktik, që është fajtor për ngërçet. Ja pra ku e ke arsyen pse nuk bën dot ushtrime si zakonisht kur ke alkool në gjak.

Sheqeri në gjak rritet: Trupi përjeton inflamacion nga rritja e sheqerit në gjak dhe kjo çon në dehidratim, fryrje dhe ndjesi të sikletshme.

Probleme me tretjen: Dhimbjet e stomakut dhe pamundësia e trupit për të tretur ushqimin e bën të vështirë edhe stërvitjen. Edhe nëse të duket sikur je mirë se nuk ke pirë aq shumë, parehatia nga këto problematika nuk do të lejojë të stërvitesh si normalisht.

Nepse të pashëndetshme: Nëse po përpiqesh të humbësh ca kile, alkooli t’i prish balancat jo vetëm ditën kur pi, por edhe në ditët pasardhëse, sepse shton dëshirën për sheqerna dhe ushqime me shumë yndyrë.

Continue Reading

Shëndeti

Su merren vitaminat e tretshme në ujë dhe ato në yndyrë?

Published

on

Vitaminat ndahen në dy kategori: të tretshme në ujë dhe të tretshme në yndyrë, ato të tretshmet treten në ujë e nuk kërkojnë që ushqimi të përthithet siç duhet.

Vitaminat e tretshme në yndyrë, kërkojnë yndyrë për përthithje optimale, që do të thotë se ato duhet të merren në mënyrë ideale me një meze të lehtë ose vakt që përmban yndyrë.

Vitaminat e tretshme në ujë përfshijnë 8 vitaminat B dhe vitaminën C. Shumica e këtyre lëndëve nuk ruhen në trupin e duhet të konsumohen çdo ditë. Çdo lëndë ushqyese shtesë e tretshme në ujë që trupi nuk përdor ekskretohet përmes urinimit tuaj.

Vitamina B12 është përjashtim pasi sasitë e tepërta ruhen në mëlçinë tuaj, shkruan Health.com. Lëndët ushqyese të tretshëm në ujë mund të merren në çdo kohë të ditës, me a pa ushqim. Disa pretendojnë se vitaminat B merren më së miri në mëngjes, sepse janë “energjizuese”.

Megjithatë, marrja e vitaminave B me ushqim rekomandohet për të ulur shanset për shqetësime në stomak. Vitaminat e tretshme në ujë merren në çdo kohë, por ka përjashtime e rekomandime specifike. Vitaminat e tretshme në yndyrë përfshijnë vitaminat A, E, D dhe K.

Këto lëndë ushqyese ruhen në mëlçi, inde dhjamore e muskujt e trupit, mund t’i konsumoni më rrallë se vitaminat e tretshme në ujë. Vitaminat e tretshme në yndyrë absorbohen në zorrë me yndyrë, rekomandohet të merren me një vakt ose meze të lehtë që përmban yndyrë. /UBT News/

Continue Reading

Shëndeti

Bora na erdhi papritur! Çaj mali kundër kollës dhe gripit

Published

on

Çaj i ngrohtë mali me gjalpë, ëmbëlsuar me mjaltë e pak lëng limoni për vlera është një ndër kurat më të forta që mbrojnë organizmin.

Një traditë e trashëguar brez pas brezi, çaji i malit përzihet me lëng limoni, mjaltë dhe pak gjalpë. Ky i fundit është element që e bën shijen e çajit interesante dhe aspak të çuditshme, sidomos për ata që kanë probleme me kollën ose fytin.

Nëse ju pëlqen çaji i malit, përdoreni shpesh kështu, në mëngjes, por edhe në mbrëmje.

Përzierja e tij me gjalpin rrit forcën vepruese të vlerave ushqyese. Gjalpi është i pasur me vitamina dhe minerale.

Përbërësit:

Një grusht me çaj mali;

Një lugë çaji me mjaltë;

Dy lugë gjellë me lëng limoni.

Si fillim zjejmë ujin. Në ujin e nxehtë hedhim çajin e malit, e lëmë të zjejë 10 minuta, e hedhim në filxhan. Më pas hedhim lugën e mjaltit dhe lëngun e limonit, në fund gjalpin e freskët. Çaji pihet kur është i ngrohtë.

Çaji me fuqitë e një mali për shëndetin

Aset që natyra i ka dhuruar njeriut për t’a ndihmuar në mirëqenien e organizmit, ka efekte të fuqishme në forcimin e imunitetit. Ai ndikon për një tretje të lehtë e lufton alergjitë e astmën, dhimbjet e kokën e sinozitin.

Çaji i malit ka një fuqi të jashtëzakonshme në trajtimin e sëmundjeve të të ftohtit.

Gripi, dhimbjet e fytit, kolla apo dhimbjet e kraharorit trajtohen më së miri përmes çajit të ngrohtë të malit.

Vlerat e limonit dhe mjaltit

Jo më kot, cilësohet si fruti i jetëgjatësisë. Limoni është një pasuri vlerash të çmuara për shëndetin. Vetitë kuruese janë të fuqishme falë vitaminave C dhe P, që i bëjnë efektet shëruese të limonit të menjëhershme për organizmin e njeriut. Mjalti, është cilësuar ndër shekuj si nektari i perëndive, e vijon të jetë i tillë edhe sot. Mjalti ka një përdorim të gjërë dhe jo vetëm si ëmbëlsues.

Para shpikjes së antibiotikëve, mjalti përdorej për të trajtuar plagët apo djegiet e lëkurës, ai është përdorur edhe për të zbutur kollën ose si maskë lëkure. Që në lashtësi, mjalti konsiderohej si ushqim i rëndësishëm për atletët dhe njerëzit që kryenin aktivitete fizike. /UBT News/

Continue Reading

Të kërkuara