Sport

Vinicius nuk ka plane të largohet nga Real Madridi, synon Topin e Artë

Ylli brazilian është në sezonin e tij të katërt si lojtar i Real Madridit.

Published

3 years ago

December 10, 2021

Betim Gashi

Vinicius Junior ka insistuar që dëshiron të qëndrojë te Real Madridi, kur u pyet për ta vendosur një çmim mbi vetën për shkak të paraqitjeve tejet të mira në këtë sezon.

Ylli brazilian është në sezonin e tij të katërt si lojtar i Real Madridit, dhe ka formuar një partneritet të frytshëm me sulmuesin Karim Benzema këtë sezon, duke e ndihmuar skuadrën e tyre që të mbajë një diferencë prej tetë pikë larg vendit të dytë në La Liga.

Dyshja sulmuese renditet si e dyta me më së shumti gola në Top 5 ligat evropiane me gjithsej 22 sosh të shënuara së bashku, aq sa kanë të shënuara edhe dyshja e Bayernit Robert Lewandowski dhe Serge Gnabry.

Në fakt, Vinicius ka shënuar 10 gola në 16 ndeshje të La Ligas, duke u bërë lojtari i parë i lindur në vitin 2020 ose më vonë që arrin shifra të dyfishta në gola brenda një sezoni të ligës spanjolle.

Ish-sulmuesi i Flamengos u pyet që ta vendos një çmim në vetën e tij para derbit kundër Atletico Madridit, por refuzoi që ta bëjë këtë gjë, duke treguar dëshirën për të qëndruar me skuadrën e Carlo Ancelottit.

“Është më mirë që mos të vendos një çmim mbi vetën time. Është më mirë që të qëndroj këtu në Madrid”, tha Vinicius për “Vamos”.

Me formën e mirë që është duke e kaluar, Vinicius u pyet edhe për aspiratat e tij për ta fituar Topin e Artë, ku tregoi që beson në aftësitë e tij dhe se një ditë mund të jetë fitues i çmimit më prestigjioz individual.

“Më duhet të punojë shumë që ta arrijë atë gjë, duhet të vazhdojë të luaj këtu, të vazhdoj me paraqitje të mira, dhe të jem gjithmonë versioni më i mirë i vetës. Nëse vazhdoj të luaj kështu, sigurisht që mund ta fitojë, por gjëja kryesore për mua është ekipi dhe të fitoj sa më shumë tituj me Realin”, shtoi ylli brazilian.

Që nga debutimi i tij në shtator të vitit 2018, vetëm katër lojtarë kanë arritur të bëjnë më shumë paraqitje se Vinicius për Realin në të gjitha garat, ku ylli brazilian ka regjistruar 140 paraqitje mbi emrin e tij.

Related Topics:Real Madrid Vinicius Junior

Up Next

Mascherano i rikthehet botës së futbollit

Don't Miss

Pele flet për shëndetin e tij, merr përkrahje nga Ronaldo

Lajmet

Superliga e Kosovës: Ballkani barazon 1-1 me Feronikelin

Published

1 day ago

February 21, 2025

UBTNews

Xhiro e 21-të e Superligës së Kosovës në futboll nisi sot me një ndeshje mjaftë interesante.

Në Suharekë u zhvillua ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta, por që përfundoi me barazim 1-1.

Ishin mysafirët ata që kaluan në epërsi në minutën e 45’ me golin e Hysenit, por Ballkanin nga humbja e shpëtoi Stepanenko i cili shënoi për 1-1 në minutën e 65’.

Me këtë barazim Ballkani mbetet në vendin e dytë me 37 pikë, kurse Feronikeoi është i fundit me 11 pikë.

Kjo ndeshje u zhvillua me fillim nga ora 13:00.

Sport

Hidhet shorti i Ligës së Kampionëve, ka ballafaqime të zjarrta

Published

1 day ago

February 21, 2025

UBTnews

Në selinë e UEFA-s në Nyon të Zvicrës është hedhur shorti për fazën çerekfinale të Ligës së Kampionëve.

Në raundin e 1/8-tës do të luajnë klube si Club Brugge, Bayern Munich, Benfica, Feyenoord, Borussia Dortmund, Paris Saint-Germain, PSV Eindhoven dhe Real Madrid.

Këto skuadra iu bashkuan Liverpoolit, Barcelonës, Arsenalit, Interit, Atletico Madridit, Bayer Leverkusen, Lille dhe Aston Villa përmes fazës ‘play-off’ të kësaj gare.

Këto janë ballafaqimet:

Borussia Dortmubnd-Lille

Real Madrid-Atletico Madrid

Bayern Mynih-Bayer Leverkusen

Arsenal vs PSV Eindhoven

Inter vs Feynoord

PSG-Liverpool

Barcelona-Benfika

Club Brugge-Aston Villa

Sport

Një orë para sfidës me Ballkanin, Feronikeli 74 emëron trajnerin e ri

Published

2 days ago

February 21, 2025

UBTnews

Skuadra e Superligës së Kosovës, Feronikeli 74 ka emëruar trajneri e ri. Skuadra nga Drenasi tani do të drejtohet nga trajneri Granit Dervisholli.

“FC Feronikeli 74 ka kënaqësinë të njoftojë se trajneri Granit Dervisholli është emëruar në postin e trajnerit të ekipit të parë. Pas një periudhe të gjatë si trajner dhe ekspert i futbollit, Dervisholli do të udhëheqë skuadrën drejt objektivave ambiciozë dhe synimeve të mëdha në sezonet e ardhshme. Me eksperiencën dhe përkushtimin e tij, Dervisholli sjell një drejtim të ri dhe vizion për zhvillimin dhe rritjen e ekipit, duke siguruar që FC Feronikeli 74 të vazhdojë të luajë futboll cilësor dhe të konkurrojë për pjesën e mbetur të sezonit”, thuhet në njoftimin e Feronikelit 74.

Ndërkohë, vetëm pas një ore, pra nga ora 13:00, Feronikeli do të ballafaqohet me Ballkanin në Suharekë.

Sport

Ballkani kërkon pikë të plota ndaj Feronikelit

Published

2 days ago

February 21, 2025

UBTnews

Xhiro e 21-të e Superligës së Kosovës në futboll do të nis sot me një ndeshje mjaftë interesante.

Në Suharekë do të zhvillohet ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta.

Derisa Ballkani synon mbrojtjen e titullit kampion, Feronikeli është i zhytur thellë në krizë të rezultateve duke mbetur edhe më tutje në pozitën e fundit në tabelë me vetëm 10 pikë.

Kjo ndeshje do të zhvillohet me fillim nga ora 13:00.