Kulturë

Vijon gjyqi i Amber Heard dhe Johnny Depp, akuza të rënda ndaj njëri-tjetrit

Ekipi i Depp lëshoi një deklaratë në përgjigje të pretendimeve “të gabuara”.

Published

on

Gjatë fjalimit hapës, avokatja e Amber Heard ka bërë akuza të reja kundër ish-bashkëshortit të saj, Johnny Depp.

Elaine Bredehoft pretendoi se aktori e sulmoi seksualisht klienten e saj teksa ishte në gjendje të dehur. Depp ishte dukshëm skeptik derisa avokatja i bënte akuzat dhe tundte kokën për të thënë ‘JO’ pas komenteve të saj.

Ekipi i tij lëshoi një deklaratë në përgjigje të pretendimeve “të gabuara”.

“Këto pretendime fiktive nuk u hoqën asnjëherë në fillim të akuzave të Amber në vitin 2016, ndërsa janë shfaqur vite më pas pasi është akuzuar për shpifje, meqë deklaroi se ishte viktimë e ‘dhunës seksuale’. Këto fjalë janë vendimtare në rastin e shpifjes dhe të përshtatshme, ndërsa ky pretendim pasoi vetëm pas kësaj”, kanë thënë ata për The Independent.

Në deklaratë thuhet gjithashtu se ky pohim “ndjek modelin e pretendimeve të saj të hollësishme, të gabuara që kanë vazhduar të ndryshojnë dhe evoluojnë me kalimin e kohës”.

Në gjyq dëshmoi edhe motra e madhe e Depp-it dhe presidenti i kompanisë së tij të prodhimit. Ajo foli për rininë e saj dhe të Depp-it, duke kujtuar abuzimin që pësuan ajo dhe vëllai i saj.

“Ne iknim dhe fshiheshim”,
kujton ajo kur pa nënën e saj duke ushtruar dhunuë fizike ndaj babait të tyre, për të cilin tha se nuk reagonte. Christi gjithashtu shtoi, “Ajo na godiste. Ajo hidhte gjërat”.

Kur u pyet nëse Johnny u hakmor ndonjëherë kundër abuzimit, motra e tij tha jo, “Ai nuk e bëri kurrë këtë gjë”./lapsi.al

Kulturë

Dje u shënua Dita Ndërkombëtare e Muzeve në Muzeun Kombëtar të Kosovës

Published

on

By

Në kuadër të 18 Majit – Ditës Ndërkombëtare të Muzeve, Muzeu Kombëtar i Kosovës organizoi dje një sërë aktivitetesh me temën “Museums uniting a divided world”.

Aktiviteti përfshiu një panel diskutimi në dy sesione, ku u trajtua roli i muzeve në ndërtimin e paqes, dialogut kulturor dhe krijimin e hapësirave edukative për brezat e rinj.

Paneli u hap nga zëvendësministrja e Kulturës, Nora Arapi Krasniqi, dhe drejtoresha e Muzeut Kombëtar të Kosovës, Vjollca Aliu, të cilat theksuan rëndësinë e muzeve në ruajtjen e kujtesës dhe forcimin e bashkëpunimit kulturor.

Gjatë diskutimeve u trajtuan edhe temat që lidhen me identitetin kombëtar, sfidat kuratoriale dhe përfshirjen e komunitetit në aktivitetet muzeore.

Ky aktivitet u cilësua si një mundësi e rëndësishme për reflektim dhe shkëmbim idesh mbi rolin e muzeve në shoqëri.

Continue Reading

Kulturë

“Kontrabasi” premierë sot në Teatrin Dodona

Published

on

By

Më 19 maj 2026 do të jepet premiera e shfaqjes “Kontrabasi”, bazuar në veprën e autorit gjerman Patrick Süskind. Shfaqja vjen me regji dhe skenografi nga Ben Apolloni, ndërsa rolin kryesor e interpreton aktori Alban Goranci.

Përkthimi i veprës është realizuar nga Alba Blakaj, ndërsa kostumografia mban vulën e Dardana Goranci Iliyaz. Trajnuese të aktorit për kontrabas janë Rona Maloku dhe Olta Beqa.

Në realizimin teknik të shfaqjes kanë kontribuar edhe Skender Latifi si mjeshtër i dritave, si dhe mjeshtrit e skenës Bedri Maloku, Fadil Bekteshi dhe Albert Gashi. Formulimi muzikor është bërë po ashtu nga Ben Apolloni.

“Kontrabasi” është produksion i Teatri i Qytetit të Prishtinës Dodona dhe Alban Goranci, me mbështetje financiare nga Ministria e Kulturës, Rinisë dhe Sportit e Kosovës.

Continue Reading

Kulturë

Gjykata spanjolle i kthen Shakirës 55 milionë euro pas tetë vitesh akuza për mashtrim fiskal

Published

on

By

Një gjykatë spanjolle ka urdhëruar autoritetin tatimor të vendit t’i kthejë 55 milionë euro këngëtares Shakira, pasi vendosi se paratë ishin mbledhur në mënyrë të parregullt në një mosmarrëveshje për taksat e saj.

Gjykata e lartë kombëtare e ka shpallur të pafajshme këngëtaren kolumbiane për mashtrim fiskal dhe ka urdhëruar Thesarin t’i kthejë asaj paratë plus interesat.

Ajo tha se autoritetet tatimore kishin dështuar të vërtetonin se ajo kishte kaluar 183 ditë në Spanjë në vitin 2011 – minimumi i kërkuar që rezidentët të paguajnë tatimin mbi të ardhurat personale atje.

Shakira tha se gjykata “vendosi të vërtetën në vend” pasi ajo kishte kaluar tetë vjet “duke duruar një shënjestrim brutal publik, fushata të orkestruara për të shkatërruar reputacionin tim dhe net pa gjumë që në fund ndikuan në shëndetin tim dhe mirëqenien e familjes sime”.

Rimbursimi përfshin rreth 24 milionë euro në tatimin mbi të ardhurat dhe pothuajse 25 milionë euro gjoba për atë që autoritetet e kishin përshkruar si një shkelje “shumë të rëndë”.

Agjencia tatimore tha se do të apelonte në Gjykatën e Lartë dhe se asnjë pagesë nuk do të bëhej deri në vendimin përfundimtar.

Ylli 49-vjeçar jetoi me ish-futbollistin e Barcelonës dhe Spanjës, Gerard Pique, për më shumë serialization se një dekadë, pasi raportohet se u takuan në vitin 2010 gjatë xhirimeve të videoklipit të “Waka Waka (This Time for Africa)”, kënga zyrtare e Botërorit në Afrikën e Jugut.

Gjykata e Lartë tha se gjobat ishin të paligjshme sepse ato bazoheshin në supozimin se Spanja ishte rezidenca e saj tatimore për vitin fiskal 2011, “një fakt i cili nuk është vërtetuar”.

 

Continue Reading

Lajmet

Ka nisur Java e 17-të e Albanologjisë në Prishtinë

Published

on

Instituti Albanologjik ka hapur sot edicionin e 17-të të Javës së Albanologjisë, një nga ngjarjet më të rëndësishme shkencore në fushën e studimeve shqiptare, e cila do të zgjasë deri më 22 maj.

Përgjatë katër ditëve, studiues nga Kosova, rajoni dhe më gjerë do të prezantojnë tema që lidhen me gjuhën, letërsinë, historinë, folklorin dhe etnologjinë shqiptare, duke trajtuar edhe zhvillime bashkëkohore si inteligjenca artificiale, digjitalizimi i shqipes dhe ndikimi i komunikimit virtual në gjuhë.

Programi përfshin sesione të veçanta për letërsinë shqipe, historiografinë, trashëgiminë kulturore dhe antropologjinë e ushqimit, me fokus në identitetin kulturor dhe zhvillimet moderne të shoqërisë shqiptare.

Organizatorët theksojnë se konferenca synon të promovojë kërkimin shkencor dhe të krijojë hapësirë për shkëmbim akademik mbi gjuhën, kulturën dhe historinë shqiptare.

Continue Reading

Të kërkuara