Kulturë

Vijon gjyqi i Amber Heard dhe Johnny Depp, akuza të rënda ndaj njëri-tjetrit

Ekipi i Depp lëshoi një deklaratë në përgjigje të pretendimeve “të gabuara”.

Published

on

Gjatë fjalimit hapës, avokatja e Amber Heard ka bërë akuza të reja kundër ish-bashkëshortit të saj, Johnny Depp.

Elaine Bredehoft pretendoi se aktori e sulmoi seksualisht klienten e saj teksa ishte në gjendje të dehur. Depp ishte dukshëm skeptik derisa avokatja i bënte akuzat dhe tundte kokën për të thënë ‘JO’ pas komenteve të saj.

Ekipi i tij lëshoi një deklaratë në përgjigje të pretendimeve “të gabuara”.

“Këto pretendime fiktive nuk u hoqën asnjëherë në fillim të akuzave të Amber në vitin 2016, ndërsa janë shfaqur vite më pas pasi është akuzuar për shpifje, meqë deklaroi se ishte viktimë e ‘dhunës seksuale’. Këto fjalë janë vendimtare në rastin e shpifjes dhe të përshtatshme, ndërsa ky pretendim pasoi vetëm pas kësaj”, kanë thënë ata për The Independent.

Në deklaratë thuhet gjithashtu se ky pohim “ndjek modelin e pretendimeve të saj të hollësishme, të gabuara që kanë vazhduar të ndryshojnë dhe evoluojnë me kalimin e kohës”.

Në gjyq dëshmoi edhe motra e madhe e Depp-it dhe presidenti i kompanisë së tij të prodhimit. Ajo foli për rininë e saj dhe të Depp-it, duke kujtuar abuzimin që pësuan ajo dhe vëllai i saj.

“Ne iknim dhe fshiheshim”,
kujton ajo kur pa nënën e saj duke ushtruar dhunuë fizike ndaj babait të tyre, për të cilin tha se nuk reagonte. Christi gjithashtu shtoi, “Ajo na godiste. Ajo hidhte gjërat”.

Kur u pyet nëse Johnny u hakmor ndonjëherë kundër abuzimit, motra e tij tha jo, “Ai nuk e bëri kurrë këtë gjë”./lapsi.al

Magazinë

Tri aktorët që mbeten në garë për rolin e James Bond!

Published

on

Filmi i ri do të drejtohet nga regjisori i njohur Denis Villeneuve. Pas muajsh spekulimesh, drejtuesit e Amazon dhe MGM thuhet se e kanë ngushtuar listën për aktorin e ri që do të luajë James Bond në vetëm tre emra; Jacob Elordi, Tom Holland dhe Harris Dickinson.

Përzgjedhja fokusohet te aktorë britanikë nën moshën 30-vjeçare, megjithëse Elordi, edhe pse australian, mbetet në garë.

Filmi i ri do të drejtohet nga regjisori i njohur Denis Villeneuve, i cili e ka quajtur projektin një nder të madh dhe një përgjegjësi të shenjtë, duke nënvizuar dashurinë që ka për ekskluzivitetin që në fëmijëri. Amazon mori kontrollin krijues të ekskluzivitetit pas një marrëveshjeje me producentët e mëparshëm, Barbara Broccoli dhe Michael G. Wilson.

Tashmë, producentët e rinj, Amy Pascal dhe David Heyman, pritet të vendosin për drejtimin e ardhshëm të agjentit legjendar 007.

Xhirimet mund të zhvendosen nga Londra në Liverpool, për shkak të kufizimeve të ardhshme filmike në kryeqytet. Ekspertët mendojnë se filmi mund të dalë në fund 2026 ose në 2027. Fansat presin me padurim, ndërsa mbetet për t’u parë nëse do të ketë një qasje klasike apo moderne në kapitullin e ri të Bond-it.

Fansat e James Bond ishin të bindur se aktori i ri, Patrick Gibson, do të ishte zëvendësuesi i Daniel Craig në rolin ikonik të 007. Kjo pas prezantimit të lojës së re të miratuar zyrtarisht nga Amazon MGM Studios, “007: First Light”, ku Gibson është zëri i një James Bond 26-vjeçar, të sapo dalë nga Marina Mbretërore.

Spekulimet janë shtuar në rrjet pas zbulimit të pamjeve të para nga loja, ku Bond shfaqet në aksion klasik me makinat britanike Aston Martin, skena spiunazhi dhe humorin karakteristik, shkruan DailyMail.

Continue Reading

Magazinë

E ftuan por refuzoi! Pse Salma Hayek mungoi në dasmën e Jeff Bezos?

Published

on

Aktorja meksikano-amerikane, Salma Hayek, ishte e ftuar në dasmën e Jeff Bezos dhe Lauren Sanchez, por ajo nuk ishte e pranishme.

Megjithatë, bashkëshorti i saj, Francois-Henri Pinault, u pa në festë.

Në vend që të merrte pjesë në dasmë Hayek shijoi ‘Festivalin Glastonbury’ në Somerset përkrah Stella McCartney, Cara Delevingne, Chelsea Handler, Anya Taylor-Joy. Disa nga emrat që performuan në festival përfshijnë Neil Young, the 1975, Charli XCX, Olivia Rodrigo, Rod Stewart dhe The Prodigy.

Nga ana tjetër, bashkëshorti i Salma Hayek, Francois-Henri Pinault, u fotografua duke hipur në një taksi uji në Venecia me Kim Kardashian, Oprah Winfrey, Orlando Bloom, Tom Brady dhe Leonardo DiCaprio.

Hayek nuk është ylli i vetëm që nuk mori pjesë në dasmën e vitit. Eva mungoi sepse po xhiron serialin “Eva Longoria: Searching for Spain”.

Nga ana tjetër bashkëshorti i Longorias, Jose Baston, nuk u shfaq sepse po shërohet nga një operacion në shpatull.

Continue Reading

Magazinë

Pas Beyonces, edhe Katy Perry ngec në skenë

Published

on

Katy Perry përjetoi një moment paniku gjatë një koncerti në Australi, kur topi gjigant metalik ku ishte ngjitur nisi të anohej rrezikshëm.

Ajo u kap fort pas strukturës, ndërsa stafi ndaloi gjithçka për ta shpëtuar situatën.

Fansat u trembën, por gjithçka përfundoi pa lëndime, vetëm disa ditë pasi Beyoncé kaloi një situatë të ngjashme me makinën e saj fluturuese në Houston.

Për rastësi apo jo, rekuizitat “e varura” po bëhen makthet e artistëve në skenë.

 

Continue Reading

Magazinë

Si i shpëtoi Tom Cruise syzet “Ray-Ban”, ato ishin në prag të ndërprerjes së prodhimit në vitet ’80?

Published

on

Kur mendojnë për Tom Cruise, shumë do ta imagjinojnë aktorin duke veshur syzet e diellit ikonike të aviatorit Ray-Ban nga Top Gun, por shumë nuk e dinë se ai ishte përgjegjës për shpëtimin e markës që ishte në prag të mbylljes në vitet ’80.

Historia e Ray-Ban filloi më 1937 kur Bausch & Lomb zhvilluan syze dielli aviator për pilotët e Forcave Ajrore Amerikane. Modeli Wayfarer pasoi më 1952, duke u bërë simbol i rebelimit përmes ikonave të Hollivudit. Megjithatë, deri në fund të viteve 1970, dy stilet humbisnin terren në favor të modeleve më të reja dhe më tërheqëse.

Në vitin 1981, Ray-Ban shiti vetëm 18,000 palë syze dielli Wayfarer gjatë vitit e mendoi ta ndërpriste linjën. Marka dikur përcaktuese e stilit, e veshur nga James Dean dhe Audrey Hepburn në vitet 1950, ra në harresë ndërsa trendet e modës u larguan nga modelet e tyre klasike.

I përballur me perspektivën e falimentimit, Ray-Ban nënshkroi marrëveshje reklamimi produktesh prej 50,000 dollarësh në vit në vitin 1982. Strategjia ishte sistematike: të mbushej Hollywood-i me syze dielli Ray-Ban. Midis viteve 1982 dhe 1987, marka u shfaq në mbi 60 filma dhe shfaqje televizive në vit.

Një artikull i revistës GQ 1982 ndihmoi në rritjen e shitjeve të Wayfarer nga 18,000 në 200,000 palë, përparim i konsiderueshëm, por jo i mjaftueshëm.

Megjithatë, përparimi i vërtetë ndodhi më 1983 me Tom Cruise në “Risky Business”. Cruise mbante veshur model Ray-Ban Wayfarer gjithë filmit (megjithëse jo, ndryshe nga sa besohet gjatë skenës së famshme të vallëzimit).

Kur “Risky Business” doli në kinema, Ray-Ban shiti 360,000 palë Wayfarer, rritje 2,000 përqind. Tre vjet më vonë, Top Gun” e bëri Ray-Ban të përjetshëm.

Personazhi i Cruise, Maverick, mbante syzet klasike të diellit Aviator, duke mishëruar heroizmin amerikan dhe mashkullorësinë e rastësishme. Shitjet e Aviator u rritën me 40 përqind në shtatë muajt pas publikimit të filmit.

Efekti i Tom Cruise u përhap në të gjithë kulturën popullore. Deri në vitin 1986, syzet Ray-Ban ishin kudo: “Miami Vice”, “The Breakfast Club” dhe “Moonlighting”. Muzikantë si Michael Jackson, Madonna dhe George Michael i bënë ato aksesorët e tyre dallues të modës.

Deri në vitin 1988, Bausch & Lomb shiste 3-4 milionë syze Wayfarer në vit. Ray-Ban ishte transformuar nga një kompani syzesh në vështirësi në një institucion kulturor.

Një investim vjetor prej 50,000 dollarësh me pak reklamë nga Tom Cruise e transformoi një markë në venitje në një ikonë multi-miliardë dollarëshe.

Continue Reading

Të kërkuara