Shëndeti

Veza e shkurtëzës e pasur me vitamina e minerale

Published

on

Arsyet, pse duhet të konsumoni vezët e shkurtëzës për shëndetin.

Veza e shkurtëzës është e pasur me vitamina dhe minerale. Shkurtëza si shpend në Shqipëri njihet edhe me emrat cyrle mali ose qikëll. Konsumi i rregullt i vezëve të saj ndihmon organizmin të shmangë dhe luftojë disa sëmundje, sidomos ato të stomakut siç është ulçera.

Sipas të dhënave, veza e shkurtëzës forcon sistemin imunitar, promovon një kujtesë të mirë, rrit aktivitetin e trurit dhe stabilizon sistemin nervor. Veza e shkurtëzës është e dobishme kundër anemisë, sepse rrit nivelin e hemoglobinës në trup dhe largon toksinat apo metalet e rënda. Kinezët e përdorin vezën e shkurtëzës për të trajtuar tuberkulozin, azmën madje edhe diabetin. Nëse vuani nga mëlçia, veshkat apo gurët në tëmth, atëherë konsumoni vezën e shkurtëzës.

Më poshtë do të gjeni disa prej të dhënave shumë interesante mbi vlerat e vezës së shkurtëzës të listuara nga AgroWeb.org:
Këto vezë përmbajnë 13% proteina. Kjo është e rëndësishme, sepse organizmi ka nevojë për proteina për të mirëmbajtur muskujt dhe për të pasur energji. Proteina që gjendet tek veza e shkurtëzës është e një cilësie superiore. Por veza e shkurtëzës nuk ka vetëm proteina. Ajo është e pasur me vitaminë B1, e cila quhet ndryshe edhe tiaminë. Mungesa e tiaminës shkakton patologji nervore, rënie në peshë, luhatje humori dhe konfuzion. Tiamina është e dobishme dhe merret lehtësisht nga veza e shkurtëzës.

Veza e shkurtëzës ofron shumë hekur dhe kalium që janë të rëndësishme për njeriun. Mungesa e hekurit shkakton anemi. Hekuri është thelbësor në ndërlidhjen me proteinat dhe transmetimin e oksigjenit në gjak. Femrat përpara menopauzës dhe fëmijët janë më të predispozuar ndaj mungesës së hekurit, një fenomen që ka pikënisjen në aparatin gastrointestinal. Kur ky sistem nuk përthith dot hekur, atëherë nis anemia. Veza e shkurtëzës është e pasur me vitaminë A dhe B2. Vitamina A luan rol të rëndësishëm për zhvillimin e embrioneve, metabolizmin e kockave, shëndetin e lëkurës dhe qelizave, aktivitetin e antioksidantëve, transkriptimin e geneve, shikimin etj.

Kjo vezë është e pasur me fosfor dhe kalcium. Femrat dhe fëmijët janë ata që kanë nevojë për më shumë kalcium në dietën e tyre, sepse ky mineral është i nevojshëm për shëndetin e kockave, por edhe për qelizat dhe disa proçese të tyre. Kalciumi është një nga mineralet që gjendet me tepricë në shumë burime shtazore. Fosfori është gjithashtu i domosdoshëm për jetën e njeriut. Ai është përbërës i ADN-së dhe luan rol kryesor në formimin e membranës së qelizave. Veza e shkurtërës përmban kolesterol të mirë dhe nivelet më të larta të kompleksit të vitaminës B. Ajo bën pjesë në kategorinë së ushqimeve që nuk shkakton inflamacion. Shkurtëza konsumon kryesisht fara, barishte dhe legume, ndaj veza e saj ka një shije të këndshme. Lëvozhga e vezës është e fortë dhe rrjedhimisht bën të pamundur hyrjen e baktereve. Veza e “egër” e shkurtëzës është thjesht fantastike, ndaj duhet ta shijoni jo vetëm për bukurinë dhe shijen por edhe për vlerat shëndetësore./AgroWeb

Continue Reading

Shëndeti

Formula që ju llogarit sa orë duhet të flini

Published

on

Për shumë njerëz, koha e zgjimit është e njëjtë, por koha e fjetjes ndryshon në varësi të jetës sociale, orarit të punës ose detyrimeve familjare.

Dhe nëse e dini se keni nevojë për një sasi specifike gjumi, thjesht duhet të kuptoni se në cilën orë duhet të shkoni në shtrat.

Për sa gjumë keni nevojë?

Një i porsalindur : 14 deri në 17 orë;

Një fëmijë nga mosha 5 vjeç – 12 vjeç: 10 deri në 13 orë;

Një adoleshent: 8 deri në 10 orë;

Një i rritur: 7 deri në 9 orë;

Një i moshuar: 7 deri në 8 orë.

Kjo mund të jetë e ndryshme për çdo individ, pasi nevojat e trupit ndryshojnë nga një njeri tek tjetri.

Si të llogarisni sa orë duhet të flini?

Për të llogaritur se sa orë duhet të flini, ju duhet të bazoheni në:

– kohën tuaj të zgjimit;

– plotësimin e pesë ose gjashtë cikleve 90-minutëshe të gjumit.

Nëse synoni të flini nga 7-9 orë, ju nevojiten 5-6 cikle 90-minutëshe. P.sh, nëse duhet të zgjoheni në orën 6 të mëngjesit, për 7 orë gjumë, ju duhet të flini rreth orës 10 të mbrëmjes.

Nëse ju duhet të zgjoheni në orën 7 të mëngjesit, për 7 orë gjumë, ju duhet të flini rreth orës 11 të mbrëmjes.

Shenjat që tregojnë se nuk po flini mjaftueshëm:

– përgjumje gjatë ditës;

– jeni të irrituar;

– jeni më pak produktiv dhe i fokusuar;

– oreksi më i madh;

– gjykimi dhe vendimmarrja juaj është e dobët;

– keni rrathë të errët poshtë syve.

Këshilla për një gjumë më të mirë:

Ushtrohuni rregullisht gjatë ditës dhe jo para se të flini, sepse kjo ndërpret ciklin e gjumit, ekspozimi në diell mund të ndihmojë në ruajtjen e ritmit cirkadian të trupit tuaj, që ndikon në ciklin e gjumit dhe zgjimi.

Mundohuni të mos bëni flini pasditeve vonë.
Mundohuni të zgjoheni në të njëjtën orë çdo ditë.
Kufizoni alkoolin, kafeinën dhe nikotinën në mbrëmje.
Fikni pajisjet elektronike 30 minuta para gjumit. Drita stimulon trurin tuaj e ta bëjë më të vështirë të bini në gjumë.

Krijoni një rutinë relaksuese para gjumit, si të bëni një banjë të ngrohtë, të dëgjoni muzikë qetësuese ose të lexoni një libër.

Continue Reading

Shëndeti

Pija që shëron mbi 50 sëmundje

Published

on

Me këtë pije magjike, ju mund të shijoni shumë përfitime shëndetësore.

Mund të jetë aq e fuqishme sa të ndihmoj në trajtimin e çmendurisë e madje edhe kancerit.

Këto të dhëna janë gjetur në shumë studime.

Pija ka prejardhjen nga India.

Përbërësit:

½ e lugës së gjellës xhenxhefil

½ e lugës së gjellës kanellë

1/6 e lugës së gjellës shafran të Indisë

½ e filxhanit të çajit qumësht

Pak mjaltë.

Përgatitja

Përzieni të gjithë përbërësit së bashku dhe shtojini ½ e një litri ujë të vluar. Qumështi i nxehtë gjithashtu duhet t’i hidhet tani.

Continue Reading

Shëndeti

Qëndroni larg nga antibiotikët, këto vitamina funksionojnë njësoj

Published

on

Kur përballemi me sëmundje të ndryshme të shkaktuara nga bakteret, antibiotikët janë të parët që na rekomandohen nga mjeku.

Përdorimi i antibiotikëve nisi në vitin 1940, si një mënyrë efikase në trajtimin e infeksioneve dhe sëmundjeve. Megjithatë, me kalimin e viteve, shumë baktere po bëhen rezistente ndaj medikamenteve.

Ka shumë vitamina, të cilat jo vetëm që luftojnë bakteret me efikasitet por edhe forcojnë imunitetin. Ato parandalojnë sëmundjet dhe i bëjnë ato më kohëshkurtra. Por kjo nuk do të thotë që të veproni me kokën tuaj.

Konsultohuni me një mjek që të siguroheni se këto suplementë nuk ndërveprojnë me medikamentet me të cilat po kuroheni.

Vitamina C – Shkurton kohëzgjatjen e sëmundjes, forcon sistemin imunitar, shërben si antioksidant kundër radikaleve të lira. Radikalet e lira ushqehen me qelizat e mira dhe rrisin rrezikun e sëmundjeve të ndryshme.

Ushqimet ku mund ta gjeni: Specat e kuq, specat jeshilë, kivit, portokallet dhe agrumet, luleshtrydhet, brokoli dhe domatet.

Sa ju nevojitet:

• Meshkujt: 90 miligramë në ditë
• Femrat 75 miligramë në ditë, (përveç femrave shtatzënë dhe nënave që ushqejnë me gji, të cilat duhet të konsultohen me mjekun)
• Femrat shtatzënë: mesatarisht 85 miligramë në ditë
• Nënat që ushqejnë fëmijët me gji: 120 miligramë në ditë
• Duhanpirësit: 35 miligramë më shumë se doza e rekomanduar më lart.

Vitamina D – Ndihmon organizmin të përthithë kalçiumin më shpejt. Kjo vitaminë e fuqishme rregullon funksionimin e sistemit imunitar dhe rrit vigjilencën e tij. Sasitë e përshtatshme të vitaminës D parandalojnë rritjen dhe shpërndarjen e baktereve që ju sëmurin.

Një njeri ka nevojë për 15 mikrogramë vitaminë D në ditë.

Ushqimet ku mund ta gjeni: Vaji i mëlçisë së peshkut, vaji i peshkut, produktet e pasuruara të bulmetit, drithërat e pasuruar.

Vitamina E – Luan rolin e antioksidantëve në organizëm, shërben si antibiotik kundër radikaleve, Nëse keni nivele të ulëta të vitaminës E, sistemi imunitar është dobësuar, një shënjestër e lehtë për sëmundjet.  Doza e rekomanduar ditore e vitaminës E është 15 miligramë.

Ushqimet ku mund ta gjeni: Drithërat e pasuruar, farat e lulediellit, bajamet, gjalpi i kikirikut.

Përpiquni të merrni sa më shumë vitamina nëpërmjet ushqimeve dhe suplementëve që të kapërceni me sukses gripin. /UBT News/

 

 

Continue Reading

Shëndeti

Vitamina C ul rrezikun e prekjes nga sëmundjet e zemrës

Published

on

Limoni përmban një sasi të madhe të vitaminës C, e cila është shumë e dobishme për trupin tonë. Madje sipas ‘Healthline’ në një limon gjenden 31 mg vitaminë C.

Disa studime kanë treguar se konsumi jo vetëm i limonit, por edhe i shumë frutave që janë të pasura me vitaminën C, çojnë në zvogëlimin e rrezikut të prekjes nga sëmundjet e zemrës.

Veç vitaminës C te limoni gjejmë edhe fibra, të cilat e ndihmojnë shumë shëndetin tonë, e sidomos zemrën.

Për këtë arsye është mjaft i këshillueshëm konsumi i limonit dhe i produkteve të tjera që përmbajnë vitaminën C.

Continue Reading

Të kërkuara