Kulturë

Veshja dhe kostumet tradicionale të Beratit, ndikimet nga periudhat historike

Tradita e veshjes së banorëve të qytetit të Beratit është një nga më të veçantat në Shqipëri.

Published

4 years ago

on

Kjo për shkak edhe se qyteti i Beratit ka një histori dhe kulturë shumë të lashtë, çka reflektohet edhe në elementë të veçantë sikurse janë veshjet. Historia e qytetit reflektohet më së miri sidomos tek elementët dekorativë në veshjen e grave si, jakot, xhubet, jelekët që që kanë një dallim të madh nga veshjet e qyteteve të tjera në Shqipëri. Kjo bëhet edhe më evidente në elementët dekorativë të qëndisjes.

Aty dallohen në mënyrë shumë të qartë elementët luksozë të periudhës të Bizantit si kadifja ngjyrë vjollcë apo coha e zezë të cilat ishin të përbërë nga materiale cope të importuar. Kemi gjithashtu edhe materiale të përbëra nga mëndafshi i cilësisë së lartë që përdorej më tepër për veshjet e vajzave të shtresave të mesme dhe përdoreshin në momente ceremoniale. Nuk përjashtohen as veshjet me elemente orientale të cilat me kalimin e kohës u bënë edhe më prezente.

Kurse veshjet e burrave deri para vitit 1912 kryesisht kanë qenë të përbëra nga fustanellat. Ndryshimi i veshjeve përcaktonte edhe besimin fetar. Burrat e krishterë visheshin me materiale në ngjyrë blu të errët dhe të qëndisur me gajtan mëndafshi të zi, ndërsa tek ata muslimanë përgjithësisht përdorej qëndisja me fije ari. Burrat e qytetit hoqën dorë shumë më herët nga fustanella dhe të tjerë elementë folklorikë nga burrat e fshatit duke i zëvendësuar me kostumet moderne.

Related Topics:
Continue Reading

Magazinë

E papritur! DiCaprio zbulon se u pendua për rolin e famshëm të Jack në ‘Titanic’

Published

22 minutes ago

on

August 18, 2025

By

Ylli kinematografik Leonardo DiCaprio ka zbuluar pendesën më të madhe që ka nga karriera e tij, në një rrëfim të sinqertë.

Fituesi i çmimit Oscar ka luajtur në disa nga hitet më të mëdha të Hollivudit, nga Titanic te The Wolf of Wall Street por ka rol që pendohet që e ka refuzuar.

Duke folur për Variety, Leo zbuloi se filmi nga i cili u detyrua të tërhiqej ishte Boogie Nights, i regjisorit Paul Thomas Anderson.

Leo duhej të hiqte dorë nga roli në filmin e vitit 1997, sepse tashmë kishte firmosur kontratën për të luajtur personazhin ikonik Jack Dawson në filmin historik Titanic. Në vend të tij, rolin e Eddie Adams e mori Mark Wahlberg, një rol që u nominua për tre çmime Oscar dhe u vlerësua nga Variety si një nga filmat më të mirë të të gjitha kohërave.

Ndërkohë, Titanic u nominua për 14 çmime Oscar dhe fitoi 11 prej tyre.

“Do ta them, edhe pse je këtu, pendesa ime më e madhe është që nuk luajta në Boogie Nights, ishte një film i thellë për gjeneratën time. Nuk mund ta imagjinoj askënd tjetër përveç Mark-ut në atë rol. Kur më në fund e pashë atë film, thashë me vete që ishte një kryevepër”.

Continue Reading

Magazinë

Vdes Terence Stamp, ylli i filmave “Superman”

Published

1 hour ago

on

August 18, 2025

By

Aktori britanik Terence Stamp, një figurë e shquar e kinemasë, i njohur për rolin e tij si superkeqbërësi me emrin gjenerali Zod në filmat “Superman”, ka vdekur në moshën 87 vjeç, sipas “The Independent”.

Aktori i nominuar për çmimin Oscar, i cili luajti në më shumë se 60 filma gjatë karrierës së tij, duke përfshirë “The Limey dhe The Adventures of Priscilla, Queen of the Desert” vdiq sot mëngjes, bëri të ditur familja e tij.

“Ai lë pas një vepër të jashtëzakonshme, si aktor dhe si shkrimtar, që do të vazhdojë të prekë dhe frymëzojë njerëzit për vite me radhë”, tha familja.

Stamp u lind në East End të Londrës në vitin 1938, bir i një punëtori rimorkiatorësh.

Ai i mbijetoi bombardimeve gjatë Luftës së Dytë Botërore dhe, menjëherë pas përfundimit të shkollës, ndoqi një karrierë në reklama, ku punoi për disa vite.

Continue Reading

Magazinë

Paralajmërimi i pavdekshëm i Dianas për Harryn dhe Williamin

Published

2 hours ago

on

August 18, 2025

By

Harry dhe William kanë përjetuar humbjen më të madhe në gusht 1997, me vdekjen e nënës së tyre, Princeshës Diana. Megjithatë, edhe pse marrëdhënia mes vëllezërve është ftohur ndjeshëm me kalimin e viteve, ndikimi dhe mësimet e Dianas mbeten të pranishme në jetën e tyre.

Ish-sekretari privat i Princeshës, Patrick Jephson, thekson se Diana i ka lënë djemve këshilla të vlefshme dhe paralajmërime të rëndësishme, duke u kujtuar se pushteti dhe dashuria e publikut fitohen vetëm përmes shërbimit dhe sakrificës.

Fryma e saj, shton Jephson, vazhdon t’i shoqërojë Harryn dhe Williamin çdo ditë, duke u ofruar mbështetje, udhëzim dhe frymëzim.

Ekspertët mbretërorë, theksojnë se ndarja mes vëllezërve është e thellë dhe e zgjatur, dhe pajtimi mund të ndodhë vetëm nëse Harry bën hapin e parë për të kërkuar falje. Historiania Amanda Foreman shpjegon se sfida kryesore qëndron tek fakti se secili dëshiron që pajtimi të ndodhë sipas kushteve të veta.

Megjithatë, ekziston një fushë ku Harry dhe William gjejnë gjuhë të përbashkët: prindërimi. Të dy janë të përkushtuar që fëmijëve të tyre t’u ofrojnë një fëmijëri sa më të natyrshme dhe të shëndetshme, ashtu siç kishte ëndërruar Diana.

Ky përkushtim i përbashkët shihet si një nga sukseset më të mëdha të tyre dhe një dëshmi se trashëgimia e Princeshës jeton përmes kujdesit që tregojnë ndaj familjeve të tyre.

Continue Reading

Lifestyle

Mëngjesi i shëndetshëm – hapat e parë drejt një dite produktive

Published

3 hours ago

on

August 18, 2025

By

Nisja e ditës në mënyrë të shëndetshme është një nga faktorët më të rëndësishëm për mirëqenien fizike dhe mendore. Mënyra si e kalojmë orën e parë të mëngjesit ndikon drejtpërdrejt në energjinë, përqendrimin dhe humorin tonë gjatë gjithë ditës.

Studimet kanë treguar se krijimi i një rutine të rregullt mëngjesi mund të përmirësojë performancën e njeriut, të rrisë produktivitetin dhe të reduktojë stresin.

Zgjimi i ngadaltë dhe ekspozimi ndaj dritës natyrore

Sipas hulumtimeve të botuara në Sleep Health, zgjimi natyral, pa alarme të zhurmshme dhe ekspozimi ndaj dritës së diellit brenda 30 minutave pas zgjimit ndihmon në rregullimin e ritmit cirkadian dhe përmirëson gjendjen shpirtërore.

Hidratimi menjëherë pas zgjimit

Natën, trupi humbet lëngje përmes frymëmarrjes dhe djersës. Një gotë ujë në mëngjes ndihmon në hidratimin e trupit e në nisjen e funksioneve metabolike.

Aktiviteti fizik i lehtë

Edhe 10-15 minuta aktivitet fizik në mëngjes mund të përmirësojë qarkullimin e gjakut, të rrisë energjinë dhe të çlirojë endorfinë, hormonet e mirëqenies.

Mëngjes i pasur dhe i balancuar ushqyes

Një mëngjes i shëndetshëm është çelësi për tru aktiv dhe trup të fuqishëm. Kombinimi i karbohidrateve komplekse, proteinave dhe yndyrave të shëndetshme është ideal.

Praktika mendore – meditim ose shkrim reflektiv

Praktika të tilla si meditimi, frymëmarrja e thellë apo mbajtja e një ditari ndihmojnë në menaxhimin e stresit dhe vendosjen e qëllimeve ditore.

Continue Reading

Të kërkuara