Lajmet

Veseli: Policia serbe ka keqtrajtuar njerëz në Zllash, kanë prerë njerëz në fyt me motor sharrë

Ai tha se përvec policisë serbe nuk di që dikush tjetër ka keqtrajtuar njerëz në afërsi të fshatit Zllash.

Published

4 years ago

on

Ish-pjesëtar i Ushtrisë Çlirimtare të Kosovës (UÇK), Sejdi Veseli ka thënë se Salih Mustafa nuk mund të ketë kryer krimet për të cilat është akuzuar dhe po gjykohet në Hagë. Veterani i UÇK-së, derisa është përgjigjur në pyetjet e avokatit mbrojtës të Mustafës, ka thënë se në Zllash nuk ka pasur pikë ndalimi për persona duke shtuar që maltretimi i njerëzve nuk ka qenë mision i UÇK-së.

Avokati Julius Von Bone e ka pyetur atë për prillin e vitit 1999 a është në dijeni nëse në atë kohë ka pasur ndonjë person të ndaluar në Zllash. “Nuk e di fare që ka pasur pikë ndalimi në Zllash”, është përgjigjur ai.

Ai ka shtuar që nuk ka dëgjuar as të ketë përmendur dikush diçka të tillë sa i përket pikave të ndalimit apo trajtimit mizor të personave.

“Nuk besoj që ka pasur diçka të tillë se së pari nuk ka qenë mision i UÇK-së me u maltretu njerëzit dhe nuk e besoj që një ushtar i UÇK-së me betim që e ka shkelë betimin e vet. Unë Salihun e njoh mirë edhe askush nuk mund të më bind që Salih Mustafa ka bërë diçka të tillë, një njeri që ka kushtuar jetën, në torturë nëpër burgje për të mirën e popullit të vet dhe po shkel mbi atë, nuk ma merr mendja, fare nuk ma merr mendja”, ka thënë Veseli.

Veseli ka thënë se përvec policisë serbe nuk ka dëgjuar atë kohë që dikush tjetër ka keqtrajtuar njerëz në afërsi të fshatit Zllash.

Një pjesë e seancës është zhvilluar e mbyllur për publikun ndërsa tutje Veseli është përgjigjur edhe rreth ngjarjeve që lidhen me ofensivën serbe në prill të vitit 1999.

Dëshmitari ka thënë se kanë qenë rreth 200 mijë refugjatë në zonën që ishte nën përgjegjësinë e Brigadës 153.

“Para sulmit të këmbësorisë, kur ka filluar ushtria serbe prej pesë drejtimeve me granatu krejt zonën e Brigadës 153 me kalibra jo më të vogël se 120 milimetra, bile është përdorur helikopteri i ndihmës së parë me kryq të keq dhe na ka gjuajtur me ages17 prodhim rus na ka gjuajt me bomba mitrolez dhe faktikisht nëse ka shkelë dikush normat e luftës i ka shkelë Serbia, e ka shkel së pari që ka ardhur në terren të huaj se ne nuk kemi shku me luftu ne Serbi, kanë filluar njerëzit me u tërhek një pjesë e madhe kanë përfunduar në Makovc i kanë pre me thikë”, ka thënë dëshmitari.

Veseli ka thënë se kanë parë njerëz të vrarë në prani të fëmijëve andaj sipas tij krejt këto ngjarje rrëfehen nën emocione.

“Ndoshta mundem me zgjatë ndonjëherë por nuk mundem sepse shpirti flet në këso momente. Ju jeni sigurisht shumica prind, mund të paramendoni si e kanë ndjerë fëmijët, para fëmijëve e kanë prerë me motor sharr, një herë një këmbë pastaj tjetrën, një herë një dorë pastaj në fund e kanë prerë në fyt. Është përmendorja në Makovc rreth 130 vetë që janë prerë aty, pas bombardimit kur ka filluar me lyp shpëtim populli me shku drejtë Shqipërisë ose Maqedonisë”, ka thënë Veseli.

Për Sejdi Veselin, i cili është dëshmitari i 11 në gjykimin ndaj Salih Mustafës, do të ketë edhe pyetje plotësuese në pjesë ne fundit të seancës së sotme në Dhomat e Specializuara në Hagë.

Gjykimi ndaj Mustafës ka filluar më 15 shtator 2021 dhe është i pari në Dhomat e Specializuara të Kosovës në Hagë.

Aktakuza ndaj Salih Mustafës, i cili është i arrestuari i parë nga Specialja, është konfirmuar më 12 qershor të vitit 2020 ndërsa ai u arrestua më 24 shtator të vitit të kaluar, me pretendimin për krime lufte.

Ai po qëndron në qendrën e paraburgimit në Hagë ndërsa në deklarimin e tij para trupit gjykues, Salih Mustafa është deklaruar i pafajshëm.

Related Topics:
Continue Reading

Lajmet

Gjimnazi Natyror në UBT International Smart Schools, arsim modern me diplomë të njohur ndërkombëtarisht

Published

48 seconds ago

on

June 9, 2026

By

Nëse dëshironi një arsimim modern që kombinon shkencën, teknologjinë dhe zgjidhjen e sfidave reale të botës së sotme, atëherë Gjimnazi Natyror në UBT International Smart Schools është zgjedhja ideale për ju.
Falë akreditimit nga Cambridge International Education, nxënësit përfitojnë një diplomë të njohur ndërkombëtarisht, e cila u hap dyert drejt universiteteve prestigjioze dhe mundësive të shumta akademike në mbarë botën.
Nxënësit përfitojnë nga laboratorë modernë dhe të pajisur me teknologjinë më të avancuar, ku teoria shndërrohet në praktikë përmes eksperimenteve dhe hulumtimeve shkencore. Këtu, të rinjtë nuk mësojnë vetëm konceptet shkencore, por i zbatojnë ato në situata konkrete, duke zhvilluar aftësi analitike dhe kërkimore.
Programi mësimor është i orientuar drejt zgjidhjes së problemeve reale, përmes projekteve inovative që fokusohen në teknologjinë e gjelbër, qëndrueshmërinë dhe zhvillimin e ideve kreative për të ardhmen. Nxënësit angazhohen në projekte të bazuara në realitet, të cilat i përgatisin për sfidat akademike dhe profesionale të shekullit XXI.
Një nga veçoritë kryesore të këtij programi është mësimi praktik, ku çdo njohuri teorike shoqërohet me aplikim konkret. Përmes projekteve ndërdisiplinore, nxënësit mësojnë të punojnë në ekip, të analizojnë të dhëna dhe të zhvillojnë zgjidhje inovative.
Për më tepër, ata përfitojnë mentorim nga ekspertë të fushës, profesionistë dhe akademikë që i udhëzojnë në zhvillimin e ideve, projekteve dhe karrierës së tyre të ardhshme.
Në UBT International Smart Schools, Gjimnazi Natyror nuk është vetëm një program mësimor, është një hap drejt krijimit të shkencëtarëve, inovatorëve dhe liderëve të së ardhmes.

Continue Reading

Lajmet

UBT vazhdon mbështetjen për maturantët: Mijëra nxënës ndjekin javën e dytë të programit përgatitor për Testin e Maturës 2026

Published

29 minutes ago

on

June 9, 2026

By

Nxënësit e vitit të fundit të shkollave të mesme anë e mbanë Kosovës po vazhdojnë të ndjekin me interes të lartë programin intensiv përgatitor për Testin e Maturës Shtetërore 2026, i cili po organizohet në ambientet moderne të UBT-së.

Ky program tashmë ka hyrë në javën e tij të dytë, duke bërë bashkë qindra dhe mijëra nxënës të cilët synojnë të konsolidojnë njohuritë e tyre përpara këtij rrugëtimi të rëndësishëm akademik. Për t’u siguruar që studentët e së ardhmes të jenë sa më të gatshëm, trajnimet po fokusohen me përkushtim në lëndët kryesore si Gjuhë Shqipe, Gjuhë Angleze dhe Matematikë, si dhe në lëndët kryesore zgjedhore si Teknologji e Informacionit dhe Komunikimit (TIK) dhe Biologji.

Për t’u dalë në ndihmë të gjithë nxënësve dhe për të lehtësuar qasjen e tyre, UBT e ka shtrirë këtë program përtej kryeqytetit.

Përveç në Prishtinë, trajnimet përgatitore po zhvillohen paralelisht dhe me të njëjtin intensitet edhe në qendrat e UBT-së në qytetet e tjera përfshirë Ferizajn, Prizrenin dhe Pejën. Përmes angazhimit të kuadrove profesionale dhe stafit të përzgjedhur akademik të UBT-së, maturantët po marrin njohuritë e nevojshme, strategjitë dhe teknikat e duhura për ta kaluar me sukses këtë sfidë.

Ky organizim tradicional rikonfirmon përkushtimin e vazhdueshëm të UBT-së për të ngritur cilësinë e arsimit dhe për t’i përkrahur të rinjtë në tranzicionin e tyre drejt studimeve universitare dhe karrierës profesionale.

Continue Reading

Lajmet

Pesë të arrestuar në operacionin “White Star”, sekuestrohen armë, drogë dhe pasuri e madhe

Published

2 hours ago

on

June 9, 2026

By

Pesë persona janë arrestuar gjatë një operacioni të Policisë së Kosovës dhe Prokurorisë Speciale, i zhvilluar në disa qytete të vendit nën emrin “White Star”.

Aksioni është realizuar në Prishtinë, Pejë, Prizren, Viti dhe Drenas, nën mbikëqyrjen e Prokurorisë Speciale dhe në bazë të urdhrit të Gjykatës Themelore.

Të dyshuarit janë ndaluar me vendim të prokurorit special për 48 orë, nën dyshimin për pjesëmarrje ose organizim të grupit kriminal të organizuar, si dhe për blerje, posedim, shpërndarje dhe shitje të paautorizuar të narkotikëve dhe përfshirje në pastrim parash.

Gjatë kontrolleve në lokacione të ndryshme janë sekuestruar:

  • 6 armë zjarri
  • 5 karikatorë dhe 239 fishekë
  • Lëndë narkotike (kokainë dhe fara marihuane)
  • 25 telefona mobilë
  • 7,595 euro para të gatshme
  • 10 automjete dhe 1 motoçikletë
  • 10 kompjuterë
  • 13 USB dhe 1 DVR
  • 16 ora dore

Operacioni është mbështetur nga EUROPOL-i dhe autoritetet e Belgjikës, Francës dhe Holandës, të cilat kanë qenë të pranishme dhe kanë monitoruar zhvillimin e aksionit në terren së bashku me prokurorin e rastit.

Prokuroria Speciale dhe Policia e Kosovës kanë theksuar se ky operacion paraqet goditje të rëndësishme ndaj krimit të organizuar dhe se veprimet hetimore do të vazhdojnë në drejtim të zbardhjes së plotë të rastit dhe identifikimit të të gjithë të përfshirëve. /A.K/

Continue Reading

Lajmet

Shefi i OSBE-së bën thirrje për formimin e shpejtë të institucioneve

Published

3 hours ago

on

June 9, 2026

By

Shefi i Misionit të OSBE në Kosovë, Gerard McGurk, ka përgëzuar Komisioni Qendror i Zgjedhjeve për organizimin e zgjedhjeve, si dhe liderin e Lëvizja Vetëvendosje, Albin Kurti, për rezultatin e arritur në zgjedhje e fundit.

Përmes një reagimi ne rrjetin X, McGurk theksoi se qytetarët tashmë kanë dhënë verdiktin e tyre dhe se përgjegjësia kalon te përfaqësuesit e zgjedhur.

“I përgëzoj KQZ-në për zhvillimin e një tjetër procesi të suksesshëm zgjedhor dhe Albin Kurtin për rezultatin e partisë së tij. Votuesit kanë folur, përgjegjësia tani u takon të zgjedhurve”, deklaroi ai.

Shefi i OSBE-së bëri thirrje për formimin në kohë të institucioneve të reja dhe për zgjedhjen e presidentit përmes dialogut dhe kompromisit politik.

“OSBE-ja nxit formimin në kohë të institucioneve, si dhe zgjedhjen e presidentit përmes dialogut dhe kompromisit”, thuhet në mesazhin e McGurk.

Deklarata vjen në një kohë kur vendi po pret përfundimin e të gjitha procedurave zgjedhore dhe nisjen e procesit për konstituimin e institucioneve të reja. /E.A/

Continue Reading

Të kërkuara