Lajmet

Vendi me emrin më të gjatë në Evropë

Llanfairpwllgwyngyllgogerychwyrndrobwllllantysiliogogogoch është emri i fshatit me 3 mijë banorë në juglindje të ishullit.

Published

on

Ishulli Anglesey në bregun veriperëndimor të Uellsit është një vend paqësor. Shumë pak turistë e vizitojnë, pasiqë ka shumë pak atraksione.

Ky vend ka një histori domethënëse, sidoqoftë Anglesey ose siç njihet në Uells – Ynys Môn – ishte njëherë qendër e kulturës druide – dhe për disa shekuj shërbeu si vendstrehim për kryepriftërinjtë keltë.

Llanfairpwllgwyngyllgogerychwyrndrobwllllantysiliogogogoch është emri i fshatit me 3 mijë banorë në juglindje të ishullit. Përkthyer në anglisht do të thotë: Kisha e Marisë në zgavrën e Lajthisë së Bardhë pranë Vorbullës së Egër dhe Kisha e Tysilios pranë Shpellës së Kuqe.

Me 58 shkronja, është emri më i gjatë me një fjalë kudo në Evropë. Shqiptimi i drejtë i këtij emri është pothuajse i pamundur për ata që s’e flasin atë gjuhë, dhe madje edhe ata që jetojnë në atë ishull e quajnë shkurtimisht “Llanfairpwll”. Por nëse dyshonit se kjo mund të jetë trashëgimi e keltëve, e keni gabim. Emri pothuajse i pashqiptueshëm në fakt erdhi shumë vonë.

Fshati u lidh me rrjetin hekurudhor në mesin e shekullit të 19-të. Këtu u vendosën zejtarë dhe tregtarë, por biznesi funksiononte me hapa të ngadaltë. Një rrobaqepës i zgjuar shpiku rrotulluesin e gjuhës për ta bërë vendin më interesant. Strategjia e tij kreative funksionoi, dhe fshati i Uellsit u bë mëse i njohur në Britani të Madhe dhe tërhoqi një numër të madh vizitorësh.

Emri i tij i pazakontë ende tërheq njerëzit. Madje tabela e vendosur në stacionin hekurudhor është një imazh i njohur për turistët. Me këtë emër, ky fshat hyri në Librin e Rekordeve Guinness në vitin 2002: për emrin më të gjatë në domenin digjital./UBTNews/

Rajoni

Studentët e UBT-së morën pjesë në debatin e kandidatëve për Komunën e Prishtinës në RTV Dukagjini

Published

on

Studentët e Fakultetit të Medias, Fakultetit Juridik dhe atij të Studimeve të Sigurisë në UBT, patën mundësinë të marrin pjesë nga afër në debatin e zhvilluar ndërmjet kandidatëve për Komunën e Prishtinës, i transmetuar drejtpërdrejt nga RTV Dukagjini.

Ky aktivitet u organizua me qëllim që studentët të përfitojnë përvojë praktike dhe të njohin më mirë mënyrën se si zhvillohen debatet publike e politike në media, si dhe rolin e institucioneve të informimit në proceset demokratike.

Gjatë qëndrimit në ambientet e RTV Dukagjinit, studentët patën mundësi të shohin nga afër procesin profesional të organizimit dhe transmetimit të një debati televiziv, duke vëzhguar punën e gazetarëve, moderatorëve dhe stafit teknik. Përmes kësaj vizite, ata thelluan njohuritë e tyre për etikën e komunikimit publik, qasjen ligjore ndaj mediave dhe aspektet e sigurisë që lidhen me organizimin e ngjarjeve të tilla.

UBT vazhdimisht inkurajon përfshirjen e studentëve në aktivitete praktike që lidhen drejtpërdrejt me fushat e tyre të studimit, me qëllim që të përgatisë profesionistë të aftë dhe të vetëdijshëm për rëndësinë e dialogut publik në zhvillimin demokratik të vendit.

Continue Reading

Lajmet

Prokurori i Shtetit: Rreth 80 prokurorë do të angazhohen për mbrojtjen e votës së lirë më 9 nëntor

Published

on

By

Zyra e Kryeprokurorit të Shtetit ka njoftuar se në raundin e dytë të zgjedhjeve për kryetarë komunash, që do të mbahen të dielën më 9 nëntor 2025, janë bërë të gjitha përgatitjet për mbrojtjen e votës dhe ruajtjen e integritetit të procesit zgjedhor.

Sipas komunikatës për media, rreth 80 prokurorë dhe zyrtarë të sistemit prokurorial do të jenë të angazhuar në të gjithë territorin e Kosovës, me kujdestari të vazhdueshme deri në përfundim të procesit të votimit dhe numërimit.

Prokurori i Shtetit i fton qytetarët e Republikës së Kosovës, të gjitha subjektet politike, institucionet apo organizatat e ndryshme, që të denoncojnë tek prokuroritë përkatëse, çdo rast, për të cilin kanë dyshime se po keqpërdoret ose manipulohet vota në çfarëdo mënyre dhe nga kushdo qoftë”, shkruhet në komunikatë./EO

Continue Reading

Rajoni

Nga arkivat e QKK-së te kujtimet e luftës: Një vizitë studimore e studentëve të Artit dhe Medias Digjitale në UBT

Published

on

Në kuadër të programit akademik të Fakultetit të Artit dhe Medias Digjitale (AMD) në UBT, studentët e klasave Dizajn Multimedia 1 dhe Efekte Vizuale dhe Film 1, nën udhëheqjen e ligjëruesve Dardan Luta dhe Laura Ymeri, zhvilluan një vizitë studimore me dy ndalesa kryesore që pasqyrojnë rëndësinë e njohjes së praktikës profesionale dhe historisë kulturore të Kosovës.

Vizita e parë u zhvillua në Qendrën Kinematografike të Kosovës (QKK), ku studentët u takuan me drejtoreshën Blerta Zeqiri. Gjatë këtij takimi u diskutua mbi misionin dhe vizionin e QKK-së, mundësitë për aplikim të studentëve për financimin e filmave studentor në vitin 2026, si dhe rëndësia e mbështetjes së talenteve të reja në fushën e kinematografisë. Përveç kësaj, përgjegjësi arkivor Ilir Gjoci prezantoi studentët me arkivin e QKK-së dhe mënyrën e ruajtjes dhe mirëmbajtjes së materialeve filmike ekzistuese.

Vizita e dytë u realizua në Muzeun e Fëmijëve të Vrarë dhe Zhdukur gjatë Luftës, ku studentët patën mundësinë të njihen me ekspozitën “Na ishte njëherë që kurrë mos qoftë”. Ata zhvilluan një bisedë të frytshme me udhëheqësen dhe kuratoren e ekspozitës, Blerta Hocia, duke theksuar rëndësinë e ruajtjes së kujtesës historike dhe të drejtave humanitare.

Këto vizita studimore kanë një vlerë të veçantë për studentët e AMD-së, pasi ofrojnë një eksperiencë praktike që lidh dijen teorike me realitetin profesional dhe kulturor. Njohja me institucionet kulturore dhe historike ndihmon studentët të zhvillojnë aftësi kritike, të kuptojnë më mirë sfidat e industrisë së medias dhe kinematografisë, dhe të frymëzohen për projekte kreative dhe kërkimore.

UBT vazhdon të nxisë iniciativa të tilla, duke u siguruar studentëve infrastrukturën, mbështetjen dhe mundësitë për të zhvilluar aftësitë e tyre profesionale dhe për të kontribuar në zhvillimin e artit, medias dhe kulturës digjitale në Kosovë.

Continue Reading

Lajmet

Finlanda ofron mbështetje për dialogun Kosovë-Serbi

Published

on

By

Emisari i Bashkimit Evropian për dialogun Kosovë–Serbi, Peter Sorensen, ka thënë se ishte sot për vizitë pune në Helsinki të Finlandës.

Në një postim në platformën “X”, ai ka deklaruar se vizita u organizua nga Elina Valtonen, ministrja e Punëve të Jashtme të Finlandës.

Diskutuam në detaje për dialogun e lehtësuar nga BE-ja”, ka thënë Sorensen.

Në fund, ai ka pohuar se është mirënjohës për interesin dhe mbështetjen e ofruar për procesin e normalizimit të marrëdhënieve Kosovë–Serbi.

Continue Reading

Të kërkuara