Lajmet

Vendet e Amazonës nuk arrijnë qëllimin e rënë dakord për t’i dhënë fund shpyllëzimit

Ruajtja e Amazonës është një pjesë qendrore e përpjekjeve për të trajtuar ndryshimet klimatike.

Publikuar

9 muaj më parë

më

Tetë vendet e Amazonës nuk kanë arritur një objektiv të rënë dakord për t’i dhënë fund shpyllëzimit.

Delegatë nga këto vende po takohen në qytetin brazilian të Belem për një samit dy-ditor mbi këtë çështje, takimi i parë i tillë në 14 vjet, shkruan BBC.

Një deklaratë e përbashkët të martën krijoi një aleancë për të luftuar shpyllëzimin, por e la çdo vend të ndiqte qëllimet e veta të ruajtjes.

Ruajtja e Amazonës është një pjesë qendrore e përpjekjeve për të trajtuar ndryshimet klimatike.

Përpara samitit, presidenti brazilian Luiz Inacio Lula da Silva kishte bërë thirrje për një qëllim të përbashkët për t’i dhënë fund shpyllëzimit deri në vitin 2030, një politikë që qeveria e tij tashmë e ka miratuar.

Rreth 60% e Amazonës, pylli më i madh i shiut në botë, shtrihet në Brazil. Vendet e tjera që marrin pjesë në tubim janë Bolivia, Kolumbia, Ekuadori, Guajana, Peruja, Surinami, dhe Venezuela.

Në fjalën e tij të hapjes të martën, Lula foli për “përkeqësimin e rëndë të krizës klimatike” dhe tha se “sfidat e epokës sonë dhe mundësitë që dalin prej tyre, kërkojnë që ne të veprojmë në njëzëshmëri”.

“Nuk ka qenë kurrë kaq urgjente”, tha ai.

Shpyllëzimi në Brazil ka rënë në mënyrë dramatike që kur Lula fitoi presidencën nga paraardhësi Jair Bolsonaro, i cili favorizoi zhvillimin në vend të ruajtjes, por mijëra kilometra katrorë vazhdojnë të humbasin çdo vit.

Në deklaratën e përbashkët, e quajtur deklarata Belem, thuhet se aleanca e re do të synojë “të parandalojë që Amazona të arrijë në një pikë pa kthim”.

Deklarata përfshin gjithashtu angazhime për të rritur bashkëpunimin për çështje si menaxhimi i ujit, shëndeti, zhvillimi i qëndrueshëm dhe pozicionet e përbashkëta negociuese në samitet globale të klimës.

Etiketa
Vazhdo të lexosh

Lajmet

​BE mban trendin e rënies së emetimeve të gazrave serrë

Publikuar

2 orë më parë

më

18 Maj, 2024

nga

Trendi në rënie në emetimet e gazrave serrë të BE-së vazhdoi gjatë gjithë vitit 2023 me një rënie prej pak më shumë se 5%, sipas të dhënave të Eurostat të publikuara këtë javë.

Shtetet anëtare të BE-së lëshuan më shumë se 3.4 miliardë ton ekuivalent të dyoksidit të karbonit të gazeve serrë në vitin 2023. Kjo është 5.1% më pak se në vitin 2022, kur u lëshuan rreth 3.6 miliardë ton ekuivalent të dyoksidit të karbonit.

Bullgaria emetoi 47.5 milion ton ekuivalent të dyoksidit të karbonit ose rreth 1.4% të emetimeve të gazit serrë të BE, sipas llogaritjeve të BTA bazuar në të dhënat e Eurostat.

Vendi uli emetimet e gazeve serrë me pothuajse një të pestën (-19.6%) në 2023, duke regjistruar rënien e dytë më të madhe pas Estonisë (-27%).

Në tremujorin e katërt të vitit të kaluar, Bullgaria u rendit e dyta në mesin e vendeve anëtare të BE-së me uljen më të madhe të emetimeve të gazrave serrë. Pas Estonisë (-23%), ky vend regjistroi një rënie prej afro 17% nga viti në vit.

Vazhdo të lexosh

Lajmet

Edhe Spanja do ta njohë shtetin palestinez bashkë me vendet tjera

Publikuar

4 orë më parë

më

18 Maj, 2024

nga

Kryeministri spanjoll, Pedro Sanchez njoftoi të premten se vendi i tij do ta njohë shtetin palestinez bashkë me vendet tjera.

Në një intervistë për televizionin La Sexta, Sanchez mohoi raportimet se njohja do të ndodhë më 21 maj./UBTNews/

Vazhdo të lexosh

Lajmet

IBM ka në plan të krijojë 800 vende të reja pune

Publikuar

6 orë më parë

më

18 Maj, 2024

nga

IBM-ja njoftoi se planifikon të punësojë deri në 800 persona në Irlandë për të ndërtuar një sistem softueri të avancuar sipas teknologjisë së Inteligjencës Artificiale.

Kjo shënon numrin më të madh të vendeve të punës në sektorin shumëkombësh të vendit. IBM është tashmë një nga punëdhënësit më të mëdhenj shumëkombësh në Irlandë me 3 mijë persona staf.

Përmes posteve të reja do t’u kërkohet punonjësve të krijojnë softuer të avancuar bazuar në inteligjencë artificiale gjeneruese në fushat sikurse siguria, automatizimi, etj./UBTNews/

Vazhdo të lexosh

Art

Gruaja më e pasur e Australisë kërkon që të largohet portreti i saj nga një ekspozitë

Publikuar

8 orë më parë

më

18 Maj, 2024

nga

Arti është subjektiv. Dhe përderisa shumica e artistëve dëshirojnë të ndajnë punën e tyre me botën, nuk ka garanci se publiku do ta kuptojë apo pëlqej punën e tyre artistike.

Kështu duket të jetë edhe rasti i një pikture nga artisti vendas, Vincent Namatjira, që përfshin një portret të gruas më të pasur në Australi, manjates së minierave Gina Rinehart.

Rinehart i ka kërkuar Galerisë Kombëtare të Australisë (NGA) të largojë portretin e saj, një prej 21 veprave të tij individuale që përbëjnë një pjesë të vetme në ekspozitën e Namatjiras, “Australia in Color”.

Kjo ekspozitë po shfaqet në galerinë e kryeqytetit australian, Kanberra, që nga muaji mars.

Subjekte të tjera të kësaj ekspozite janë edhe Mbretëresha Elizabetë II, muzikanti amerikan, Jimi Hendrix, aktivisti australian për të drejtat e aborigjenëve Vincent Lingiari, si dhe ish-kryeministri australian, Scott Morrison./UBTNews/

Vazhdo të lexosh

Të kërkuara