Sport

Vëllai i Messit i kërkon falje Barcelonës për komentet e tij

Messi kaloi afro dy dekada në “Camp Nou”.

Published

on

Vëllai i Lionel Messit ka kërkuar falje pasi që pretendoi se Barcelona u bë e famshme për shkak të superyllit argjentinas.

Messi kaloi afro dy dekada në “Camp Nou” pasiqë e filloi karrierën e tij te Barça në akademi, para se të largohej nga gjiganti i La Ligas për shkak të probleme financiare të klubit.

Sidoqoftë, vëllai i Messit, Matias, ka sugjeruar se Barcelona u bë e njohur botërisht për shkak të kontributit të Messit në klub, ku ai fitoi 10 tituj të La Ligas dhe katër tituj të Ligës së Kampionëve.

“Kush e kishte shansin për të shkuar në Barcelonë dhe për ta shikuar muzeun, ju mund ta shihni se muzeu është Messi”, tha Matias.

Më pas, ai bëri një postim në llogarinë e tij në Instagram duke kërkuar falje për komentet.

“Unë dua që të ju kërkoj falje për çka unë thash në rrjetet sociale: Isha vetëm duke bërë shaka me djalin tim dhe me shokët e mi. Si mund të mendoj unë ashtu për një klub aq të madh sa Barcelona dhe historia e tyre, i cili i ka dhënë shumë familjes sime dhe Leos?”, tha Matias.

“Për ne, Katalunia është shtëpia jonë e dytë dhe kjo dihet mirë. Kërkoj falje shumë dhe i kërkoj falje të gjithëve, veçanërisht tifozëve të Barcelonës”, shtoi më tej Matias.

Po ashtu, Matias kishte thënë se Lionel Messi nuk do të rikthehet te Barcelona derisa të largohet presidenti i klubit, Joan Laporta.

Sport

Zyrtare: Xabi Alonson, trajner i Real Madridit për tri sezonet e ardhshme

Published

on

Më në fund është zyrtare.

Djali planprishës kthehet, Real Madrid ka emëruar zyrtarisht Xabi Alonson si trajnerin e tyre të ri.

“Real Madrid CF njofton se Xabi Alonso do të jetë trajneri i Real Madridit për tre sezonet e ardhshme, nga 1 qershori 2025 deri më 30 qershor 2028,” shkroi Real Madrid në një deklaratë zyrtare.

“Xabi Alonso është një nga legjendat më të mëdha të Real Madridit dhe futbollit botëror. Ai veshi fanellën tonë në 236 ndeshje zyrtare midis viteve 2009 dhe 2014. Gjatë asaj kohe, ai fitoi gjashtë tituj: Kupën e dhjetë të Evropës në Lisbonë, një Superkupë Evrope, një titull të La Ligas, dy Kupa të Mbretit dhe një Superkupë të Spanjës.”

Continue Reading

Sport

Kosova aranzhon miqësore me një përfaqësuese të vogël

Published

on

Përfaqësuesja e Kosovës në futboll ka aranzhuar ndeshje miqësore me një përfaqësuese të vogël. 

Të premten, faqja zyrtare e Federatës së Futbollit e Kosovës njoftoi se Kosova në muajin qershor do të luajë me Përfaqësuesen e Komoreve.

“Kjo miqësore vjen si pjesë e përgatitjeve të Kombëtares sonë për ndeshjet kualifikuese të Botërorit që nisin në shtator”, ka shkruar ndër të tjera FFK-ja.

Ndeshja Kosova – Komoret luhet më 9 qershor në stadiumin “Fadil Vokrri” në Prishtinë.

Më 6 qershor po në Prishtinë, Kosova përballet me Armeninë në miqësoren tjetër.

Continue Reading

Sport

Zyrtare, Reali i jep lamtumirën Ancelottit

Published

on

By

Real Madridi e bëri zyrtar largimin e Carlo Ancelottit në faqen e tyre të internetit në prag të ndeshjes së tyre të fundit në La Liga. Trajneri italian nuk do t’i udhëheqë “blancos” në Kupën e Botës për Klube.

Deklarata e gjatë e klubit renditi trofetë e shumtë të fituar në dy periudhat e tij te Reali dhe presidenti Florentino Perez falënderoi Ancelottin për kontributin e tij të madh në familjen e Madridit. Së fundmi, njoftimi për nderime në “Bernabeu” me rastin e ndeshjes të së shtunës, më 24 maj, me Real Sociedadin. Menjëherë pas njoftimit të klubit madrilen, mbërriti postimi i trajnerit në rrjetet sociale, duke publikuar një video të gjatë të shoqëruar me një mesazh emocional.

Real Madridi ka njoftuar përfundimin e marrëveshjes me Ancelottin, i cili ndihmoi në zgjerimin e kabinetit prestigjioz të trofeve të klubit duke fituar: 3 Liga të Kampionëve, 3 Kupa të Botës për Klube, 3 Superkupa Evropiane, 2 La Liga, 2 Kupa të Mbretit dhe 2 Superkupa Spanjolle për një total prej 15 titujsh.

Florentino Perez i dërgoi një mesazh trajnerit: “Carlo Ancelotti do të jetë gjithmonë pjesë e familjes së madhe të Madridit. Ndihemi krenarë që kemi mundur të punojmë me një trajner që na ka ndihmuar të arrijmë kaq shumë dhe që ka përfaqësuar vlerat e klubit tonë në një mënyrë shembullore.”

Ndeshja e fundit me trajnerin nga Reggiolo në stol do të jetë kundër Real Sociedad në Bernabeu, ku atij do t’i bëhen nderime nga klubi, lojtarët dhe tifozët e Real Madridit.

Mesazhi i lamtumirës i Carlo Ancelottit mbërriti gjithashtu pak më vonë, duke u shfaqur në mediat sociale për t’i thënë lamtumirë asaj që kishte qenë shtëpia e tij për 6 sezone. Trajneri e nisi postimin e tij kështu:

Sot ndahemi përsëri. Sot mbaj në zemër çdo moment që kam përjetuar gjatë kësaj periudhe të dytë të mrekullueshme si trajner i Real Madridit. Kanë qenë vite të paharrueshme, një udhëtim i jashtëzakonshëm, plot emocione, tituj dhe mbi të gjitha krenari për të përfaqësuar këtë Klub. Tani fillon një aventurë e re, por lidhja ime me Real Madridin është e përjetshme. Shihemi së shpejti, Hala Madrid Y Nada Mas“, ka shkruar Ancelotti.

Continue Reading

Sport

Ten Hag i thotë po Leverkusenit

Published

on

Në një zhvillim të rëndësishëm për tregun e trajnerëve në Evropë, trajneri holandez Erik ten Hag ka pranuar të marrë drejtimin e Bayer Leverkusen në një projekt dyvjeçar.

Lajmi është bërë i ditur nga gazetari i njohur italian Fabrizio Romano, i cili raporton se tanimë vendimi përfundimtar i takon klubit gjerman.

Sipas Romano, Bayer Leverkusen ka zhvilluar bisedime me disa kandidatë për stolin e trajnerit, por Ten Hag ka shprehur gatishmërinë e tij për të marrë drejtimin e skuadrës dhe i ka dhënë përparësi ofertës së tyre.

Ndërkohë, në sfond mbetet edhe një interesim nga ish-klubi i tij Ajax, i cili është në pritje të një mundësie për ta rikthyer holandezin në Amsterdam.

Ten Hag është i njohur për punën e tij të suksesshme me Ajax, veçanërisht gjatë sezonit 2018-2019, kur arriti deri në gjysmëfinalen e Ligës së Kampionëve me një skuadër të re dhe dinamike.

Pas kësaj aventure, ai mori drejtimin e Manchester United, por periudha në Angli rezultoi me ulje dhe ngritje, çka shtyu spekulimet për një rikthim në Eredivisie ose një sfidë të re në kontinentin europian.

 

 

Continue Reading

Të kërkuara