Në prag të publikimit të filmit “The Devil Wears Prada 2”, aktorët Emily Blunt dhe Stanley Tucci janë nderuar me yjet e tyre në Hollywood Walk of Fame.

Ceremonia u mbajt të enjten, duke mbledhur fansa, familjarë dhe kolegë të shumtë, në një moment të rëndësishëm për karrierat e tyre. Stanley Tucci u shpreh se 45 vitet në Hollywood kanë qenë një përvojë e veçantë, ndërsa Emily Blunt e cilësoi nderimin si shumë domethënës.

Në ceremoni morën pjesë edhe figura të njohura si Robert Downey Jr., Dwayne Johnson, Matt Damon dhe Meryl Streep, të cilët vlerësuan kontributin e tyre në film.

Filmi “The Devil Wears Prada 2” ka debutuar me sukses të madh në kinematë botërore, duke arkëtuar mbi 230 milionë euro në fundjavën e parë.

Sipas të dhënave, ai është renditur i pari në Amerikën e Veriut me rreth 71 milionë euro, ndërsa në total globalisht ka arritur rreth 144 milionë euro. Në sallat e kinemasë në SHBA dhe Kanada, gratë kanë përbërë shumicën e audiencës, ndërsa pjesa dërrmuese e shikuesve kanë deklaruar se do ta rekomandonin filmin.

Vazhdimi i njohur i historisë me Anne Hathaway dhe Meryl Streep ka marrë vlerësime të përziera nga kritika, por ka tërhequr interes të madh të publikut. Në vendin e dytë në box office është renditur filmi “Michael” me rreth 50 milionë euro në fundjavën e dytë.

Edicioni i vitit 2026 i Met Gala pritet të sjellë një qasje më kreative dhe eksperimentale, me temën “Arti i Kostumit” dhe kodin e veshjes “Moda është Art”.

Ngjarja, që mbahet në Metropolitan Museum of Art, synon ta kthejë tapetin e kuq në një hapësirë artistike, duke theksuar lidhjen mes modës dhe identitetit. Bashkëkryetarë të këtij edicioni janë Lewis Hamilton, Pharrell Williams, Colman Domingo dhe A$AP Rocky, të përzgjedhur nga Anna Wintour.

Pritet që mbrëmja të sjellë paraqitje avangardë dhe krijime që sfidojnë normat, ndërsa mbetet një nga eventet më elitare në botë, me çmimin e biletës që arrin deri në 75 mijë dollarë.